વેરાવળ પાટણ સંયુક્ત નગરપાલિકા દ્વારા આગામી ચોમાસાની સિઝન પૂર્વે જાનહાનિ અટકાવવા 82 જર્જરિત ઈમારતોને નોટિસ ફટકારાઈ હતી. આ પૈકી 21 ઈમારતો ઉતારી લેવાઈ, 5 ની મરામત કરાઈ. 16 અતિ જર્જરિત પૈકી 6 પાલિકા દ્વારા ઉતારાઈ. જે માલિકો કાર્યવાહી નથી કરતા તેવી 4 ઈમારતોના વીજ કનેક્શન PGVCL ની મદદથી કાપવામાં આવ્યા, જેમાં રિદ્ધિ સીધી એપાર્ટમેન્ટ, મીરા હોટલ કોમ્પ્લેક્સ, રામદેવ મોબાઈલ કોમ્પ્લેક્સ, અને પ્રકાશ કોમ્પ્લેક્સનો સમાવેશ થાય છે. પ્રથમ તબક્કામાં 12 મિલ્કતો સામે કાર્યવાહી થશે. ગત વર્ષે ખારવાવાડમાં જર્જરિત ઈમારત ધરાશાયી થતાં 3 લોકોના મૃત્યુ થયા હતા.