ટેક્નોલોજી ક્ષેત્રે ગુજરાત ગૌરવવંતુ સીમાચિહ્ન સર કરવા આગળ વધી રહ્યું છે. ગુજરાતની સ્ટાર્ટઅપ IndieSemiC એ અમેરિકી સેમિકન્ડક્ટર કંપની Semtech Corporation સાથે મહત્વપૂર્ણ સહયોગ સાધ્યો છે. આ ભાગીદારી હેઠળ, અદ્યતન ઇન્ટરનેટ ઓફ થિંગ્સ (IoT) એપ્લિકેશન્સ માટે ખાસ ‘સાબરમતી-1’ પ્રોસેસર વિકસાવવામાં આવશે, જે દેશના ડિજિટલ ઇનોવેશન ક્ષેત્રે નવો અધ્યાય ઉમેરશે. જ્યારે સેમિકન્ડક્ટર ઉત્પાદન અને ડિઝાઇનિંગમાં રોકાણ વધી રહ્યું છે, ત્યારે સ્વદેશી ડીપ-ટેક સ્ટાર્ટઅપ્સ ગુજરાતને વૈશ્વિક સ્તરે અગ્રણી બનાવવામાં મુખ્ય ભૂમિકા ભજવી રહ્યા છે.