માત્ર 24 વર્ષની વયે દેશની સૌથી યુવા IAS બની નેહા બ્યાડવાલ. IAS નેહા બ્યાડવાલને પ્રોબેશનમાં ભરૂચમાં આસિસ્ટન્ટ કલેકટર તરીકે નિયુક્ત કરવામા આવ્યા છે. નેહા બ્યાડવાલનો જન્મ રાજસ્થાનના જયપુરમાં થયો હતો, જ્યારે ઉછેર છત્તીસગઢમાં થયો છે. IAS નેહાએ UPSCની પરીક્ષામાં કુલ 960 ગુણ મેળવ્યા, જેમાં ઇન્ટરવ્યુમાં 151 ગુણનો સમાવેશ થાય છે.

દાહોદની Shri Kendriya Vidyalayaના વિદ્યાર્થીઓ પરેલ વિસ્તારના ગેટથી શાળાએ આવે છે. બાલ વાટિકાથી ધોરણ 12 સુધીના 600થી વધુ વિદ્યાર્થીઓ અભ્યાસ કરે છે, જે પૈકી કેટલાક પગપાળા, સાયકલ પર, ટુ વ્હીલર, ફોર વ્હીલરમાં અથવા સ્કૂલ વાન/રિક્ષામાં આવે છે. શાળા તરફ જવાનો રસ્તો સાંકડો અને ખખડધજ છે, જેના લીધે વાહનોને પસાર થવામાં તકલીફ પડે છે અને અકસ્માત થવાનો ડર રહે છે. રિક્ષાચાલકો વિદ્યાર્થીઓને આગળ બેસાડે છે અને બેગ લટકાવે છે, જેનાથી વાલીઓને પણ અકસ્માતનો ભય રહે છે. રસ્તા ખરાબ હોવાથી વાહનોને નુકસાન થાય છે, જે આર્થિક નુકસાનનું કારણ બને છે.

ગાંધીનગર જિલ્લાની પુન્દ્રાસણ પ્રાથમિક શાળામાં કન્યા કેળવણી મહોત્સવ અને શાળા પ્રવેશોત્સવ-2025ના બીજા દિવસે મુખ્યમંત્રી ભૂપેન્દ્ર પટેલે આંગણવાડી, બાલવાટિકા, ધોરણ-1 અને ધોરણ-9માં બાળકોનું નામાંકન કર્યું. તેમણે શૈક્ષણિક કિટ આપી બાળકોને શાળામાં આવકાર્યા અને તેજસ્વી વિદ્યાર્થીઓનું સન્માન કર્યું. બે વિદ્યાર્થીઓએ શિક્ષણના મહત્વ વિશે પ્રેરણાદાયી વક્તવ્ય આપ્યું. મુખ્યમંત્રીએ શિક્ષકોને બાળકોને મુક્ત રીતે રમવા દેવાની સલાહ આપી અને માતા-પિતાને આર્થિક મુશ્કેલીઓમાં પણ શિક્ષણ ન અટકાવવા વિનંતી કરી. MLA અલ્પેશ ઠાકોર અને કલેક્ટર મેહુલ દવે સહિત અન્ય અધિકારીઓ હાજર રહ્યા. મુખ્યમંત્રીએ શિક્ષણની ગુણવત્તામાં સુધારો થયો હોવાનું જણાવ્યું અને સરકાર શિક્ષણ સંબંધિત મુશ્કેલીઓ નિવારવા કટિબદ્ધ હોવાનું જણાવ્યું.

સુરેન્દ્રનગર જિલ્લામાં શાળા પ્રવેશોત્સવ અને કન્યા કેળવણી મહોત્સવ-2025ની શરૂઆત થઈ. જીલ્લા કલેકટર રાજેન્દ્રકુમાર પટેલે કાર્યક્રમનું ઉદ્ઘાટન કર્યું. આંગણવાડી, બાલવાટિકા અને ધોરણ-1માં નવા વિદ્યાર્થીઓને પ્રવેશ અપાયો. વિદ્યાર્થીઓએ કન્યા કેળવણી પર વિચારો રજૂ કર્યા અને ખેલ મહાકુંભ, કલા મહાકુંભ તથા યોગા જેવી સ્પર્ધાઓમાં ઉત્કૃષ્ટ વિદ્યાર્થીઓનું સન્માન થયું. જિલ્લાની 101 શાળાઓના 6,126 વિદ્યાર્થીઓ શાળા પરિવહન યોજનાનો લાભ લઈ રહ્યા છે. નવી શિક્ષણ નીતિ-2020 અંતર્ગત વર્ષ 2030 સુધીમાં 100% નામાંકન અને ગુણવત્તાલક્ષી શિક્ષણનું ધ્યેય છે. મુખ્યમંત્રી ભૂપેન્દ્ર પટેલના માર્ગદર્શન હેઠળ શાળાઓમાં ભૌતિક સુવિધાઓ વધારાશે. શાળા પરિવહન યોજનાથી ડ્રોપ આઉટ રેશિયો ઘટ્યો છે.

લાડોલની શ્રી ડી.એમ. પટેલ હાઈસ્કૂલમાં 27 જૂન, 2025ના રોજ શાળા પ્રવેશોત્સવની ઉજવણી થઈ. લાડોલ પોલીસ સ્ટેશનના PI સોલંકી અને CRC સંજયભાઈ મુખ્ય મહેમાન હતા. કાર્યક્રમમાં લાડોલ ગ્રામ સુધારણા મંડળના પ્રમુખ ભીખાભાઈ એસ. પટેલ, ગ્રામજનો અને વાલીઓ ઉપસ્થિત રહ્યા હતા. લાડોલ સહકારી મંડળીના પ્રમુખ અને ડિરેક્ટર્સે પણ હાજરી આપી હતી. શાળા પરિવારે મહેમાનોનું સ્વાગત કર્યું અને તેજસ્વી વિદ્યાર્થીઓનું સન્માન કર્યું. આચાર્ય અશોકભાઈ પટેલે શૈક્ષણિક સહાય અને યોજનાઓ વિશે માહિતી આપી. અંતમાં, મહેમાનો દ્વારા વૃક્ષારોપણ કરવામાં આવ્યું.

આજે (બુધવાર 25 જૂન) જેઠ મહિનાની હલહારિણી અમાવસ્યા છે, જેને વરસાદની ઋતુની શરૂઆત માનવામાં આવે છે. ખેડૂતો માટે આ દિવસ અત્યંત મહત્વપૂર્ણ છે, કારણકે તેઓ તેમના હળ અને કૃષિ સાધનોની પૂજા કરે છે અને નવા પાકની તૈયારીઓ શરૂ કરે છે. આ દિવસે હળથી ખેતરમાં ખેતી કરવાની અને બીજ વાવવાની પરંપરાને અનુસરવામાં આવે છે, કેમકે આ સમય બીજ વાવવામાં શ્રેષ્ઠ ગણાય છે. ઉજ્જૈનના જ્યોતિષી મનીષ શર્મા અનુસાર,આ દિવસે પિતૃ પૂજા અને જળ અર્પણના કાર્યો ખાસ ફળદાયી હોય છે. આ તહેવારે છાંયદાર વૃક્ષો વાવવાની અને સંભાળ રાખવાની પ્રતિજ્ઞા લેવામાં આવે છે. તેમજ સાંજે તુલસી ક્યારે દીવો પ્રગટાવવામાં આવે છે.

પાટણની લોર્ડ ક્રિષ્ના સ્કૂલ ઓફ સાયન્સ અને ક્રિષ્ના ઇન્ટરનેશનલ પબ્લિક સ્કૂલ ખાતે વિશ્વ યોગ દિવસની ભવ્ય ઉજવણી કરવામાં આવી, જેમાં વિદ્યાર્થીઓએ યોગ, પ્રાણાયામ, ધ્યાન અને ગ્રામ્ય શીતલી પ્રાણાયામ નો ઉત્સાહથી અનુસરણ કર્યુ. કાર્યક્રમમાં સંગીત ધ્યાન, વજ્રાસન, વૃક્ષાસન તથા લાફિંગ સેશન પણ આયોજિત થયું જેથી જીવનમાં હાસ્યનું મહત્ત્વ સમજાવાયું. યોગાચાર્ય કિશોરભાઈ રામી અને અન્ય શિક્ષકોનું માર્ગદર્શન મળ્યું. શાળાના મેનેજિંગ ટ્રસ્ટી અમિતભાઈ પટેલ, પ્રમુખ દીનાબેન પટેલ અને સમગ્ર સ્ટાફે ભાગ લઈને આ યોગોત્સવને સફળ બનાવ્યો. સમાપન શાંતિ મંત્રથી થયું.

વડોદરાની લાલ બહાદુર શાસ્ત્રી પ્રાથમિક શાળામાં બપોરે વિશ્વ યોગ દિવસની ઉજવણી કરવામાં આવી. શાળાના શિક્ષકો અને વિદ્યાર્થીઓએ સામુહિક યોગ અભ્યાસ કરી યોગના મહત્ત્વને સમજ્યુ. આચાર્ય સંદીપભાઈ પંડ્યાએ વિદ્યાર્થીઓને યોગ અને પ્રાણાયામ અંગે માર્ગદર્શન આપ્યું. એક વિદ્યાર્થિનીએ વિશ્વ યોગ દિવસ વિશે વક્તવ્ય આપ્યું. વિદ્યાર્થીઓએ યોગ નિયમિત કરવાની પ્રતિજ્ઞા કરી. યોગથી સ્વસ્થતા અને તંદુરસ્તી આવે છે. કાર્યક્રમ દરમિયાન ચહેરા પર આનંદ જોવા મળ્યો, અને વિદ્યાર્થીઓ યોગના ફાયદા જાણીને ઉત્સાહીત થયા.

ઓમ મુરુગા ઇંગ્લિશ સ્કૂલએ 21 જૂન, 2025ના રોજ વૃક્ષારોપણ દિનની ઉજવણી કરી, જ્યાં વિદ્યાર્થીઓ, શિક્ષકો અને સ્ટાફએ સામૂહિક રીતે વૃક્ષારોપણ કર્યું. પ્રિન્સિપાલ વિજેન્દ્ર જૈન અને ટ્રસ્ટી જગન્નાથના માર્ગદર્શન હેઠળ "એક વિદ્યાર્થી – એક વૃક્ષ" અભિયાન શરૂ કર્યું. વિદ્યાર્થીઓએ પીપળ, લીમડો, ગુલમોહર અને કાછનાર જેવા વૃક્ષોનું રોપણ કરીને પર્યાવરણનું સંરક્ષણ કર્યું. પર્યાવરણ સમિતિ દ્વારા આયોજન સફળ બન્યું. ટ્રસ્ટીએ કુદરત જોડાણ અને પર્યાવરણનું મહત્વ સમજાવ્યું અને પ્રિન્સિપાલે વૃક્ષોની સંભાળ માટે પ્રેરણા આપી. ભવિષ્યમાં આવા પર્યાવરણલક્ષી કાર્યક્રમો ચાલુ રહેશે.

બોપલ કેળવણી મંડળ સંચાલિત B.K.M. પ્રાથમિક શાળા અને B.K.M. English School માં 21 જૂન વિશ્વ યોગ દિવસની ઉજવણી કરવામાં આવી. આ પ્રસંગે શાળાના આચાર્ય શૈલેષભાઈ પટેલે વિદ્યાર્થીઓને યોગનું જીવનમાં મહત્વ સમજાવ્યું. યોગ શિક્ષકે વિદ્યાર્થીઓને વિવિધ યોગાસનોની પ્રેક્ટિકલ તાલીમ આપી અને ફાયદાઓ સમજાવ્યા. શાળાના શિક્ષકોએ અને B.K.M. બાલ વિભાગના વિદ્યાર્થીઓએ પણ ઉત્સાહભેર ભાગ લીધો. આ કાર્યક્રમ દ્વારા સમગ્ર શાળા પરિવારે યોગના મહત્વને સમજતા વિશ્વ યોગ દિવસની ઉજવણી સફળતા પૂર્વક કરી.

બોપલમાં આવેલ શાંતિ એશિયાટિક સ્કૂલમાં આંતરરાષ્ટ્રીય યોગ દિવસ અને વિશ્વ સંગીત દિવસની ભવ્ય ઉજવણી યોજાઈ. કાર્યક્રમની શરૂઆત યોગ પ્રાર્થના સાથે થઈ અને વિદ્યાર્થીઓએ યોગ પ્રતિજ્ઞા લીધી. આદિ યોગી થીમ પર આધારિત યોગ રચનાઓ રજૂ કરી શક્તિ અને સંતુલનનું પ્રદર્શન કર્યું. શિક્ષકોએ યુગ પ્રદર્શન કરીને પ્રેરણા આપી. વાલીઓએ પણ ભાગ લીઘ આ મહત્ત્વ અંગે પોતાના અનુભવો શેર કર્યા. સંગીત દિવસની ઉજવણીમાં વિવિધ સાંસ્કૃતિક કાર્યક્રમો થયા. આ રીતે યોગ અને સંગીત દિવસની ઉજવણી યાદગાર બની.

21 જૂન, 2025 નાં રોજ જહાંગીરાબાદની શ્રી રવિશંકર મહારાજ પ્રાથમિક શાળામાં આંતરરાષ્ટ્રીય યોગ દિવસની ઉજવણી કરવામાં આવી. આ કાર્યક્રમમાં ધોરણ 6 થી 8 ના 181 વિદ્યાર્થીઓ, શિક્ષકો અને વાલીઓએ ભાગ લીધો. શિક્ષિકા ભૂમિકાબેન પંડ્યા અને રમાબેનના માર્ગદર્શન હેઠળ તાડાસન, વૃક્ષાસન, પાદહસ્તાસન, અર્ધચક્રાસન, ત્રિકોણાસન, અનુલોમ-વિલોમ પ્રાણાયામ, ભ્રામરી પ્રાણાયામ અને વિતરાગ મુદ્રા જેવા યોગાસનો કરાવાયા. વર્ષાબેન પટેલે યોગ દિવસનું મહત્વ સમજાવ્યું અને સહભાગીઓએ વિશ્વ એકતા, મનનું સંતુલન અને સામૂહિક સ્વાસ્થ્ય માટે સંકલ્પ કર્યા.

બાપોદ સ્થિત બાળાસાહેબ મધુકાર દત્તાત્રેય દેવરસ પ્રાથમિક શાળામાં આંતરરાષ્ટ્રીય યોગ દિવસ 2025 ની પૂર્વ ઉજવણી કરવામાં આવી. યોગ શિક્ષિકા કિરણબેન શાહે બાલવાટિકાથી ધોરણ 8ના વિદ્યાર્થીઓને યોગના મહત્વ વિશે માર્ગદર્શન આપ્યું. વિદ્યાર્થીઓએ વિવિધ યોગાસનોનો અભ્યાસ કર્યો અને યોગ પ્રત્યે જાગૃતિ લાવવાની કોશિશ થઈ. આ કાર્યક્રમથી વિદ્યાર્થીઓમાં શારીરિક અને માનસિક સ્વાસ્થ્યનો વિકાસ કરવામાં આવ્યો. યોગના લાભોને સમજાવવાનો આ પ્રયાસ સફળ રહ્યો.

શનિવારે વિશ્વભરમાં 11મો International Yoga Day ઉજવાયો. PM મોદીએ વિશાખાપટનમમાં 3 લાખ લોકો અને 40 દેશોના રાજદ્વારીઓ સાથે યોગ કર્યો. તેમણે જણાવ્યું કે યોગનો અર્થ છે જોડાવું અને યોગ દ્વારા આખી દુનિયા એકસાથે આવી શકે છે. 21 જૂન Yoga Day એ વિશ્વભરમાં એકતા અને શાંતિનુ પ્રતિક છે. આ વર્ષની થીમ છે ‘One Earth, One Health’. આ કાર્યક્રમ 1 લાખથી વધુ સ્થળોએ યોજાયો અને 2 કરોડથી વધુ લોકોએ ભાગ લીધો. PMએ યોગના વિજ્ઞાન, લોકપ્રિયતા અને વૈશ્વિક સપોર્ટ અંગે વિશેષ પ્રકાશ પાડ્યો. ગુજરાતના અનેક શહેરોમા પણ યોગ કાર્યક્રમો આયોજિત થયા.

ગુજરાત રાજ્ય પોલીસ ભરતી બોર્ડ દ્વારા લોક રક્ષક દળની 12,000 જગ્યાઓ માટે આજે રાજ્યના 7 મહત્વપૂર્ણ જિલ્લાઓમાં પરીક્ષા આયોજિત કરવામાં આવી હતી. જેમાં અમદાવાદ, વડોદરા, સુરત, રાજકોટ, ગાંધીનગર, આણંદ અને ભાવનગર જિલ્લાનો સમાવેશ થાય છે. આ પરીક્ષા માટે રાજ્યભરમાં કુલ 825 કેન્દ્રો – શાળાઓમાં આયોજન કરવામાં આવ્યું હતું. LRDની લેખિત પરીક્ષા સફળતાપૂર્વક પૂર્ણ થયાની માહિતી ગૃહ રાજ્ય મંત્રીએ X પોસ્ટથી આપી છે. ગૃહ રાજ્ય મંત્રીએ જણાવ્યું કે આશરે 2.5 લાખ ઉમેદવારોએ પરીક્ષા આપી છે. રાજ્યના 7 જિલ્લાઓમાં પરીક્ષાનું આયોજન કરવામાં આવ્યું હતું. 825 કેન્દ્રો અને 8261 વર્ગખંડોમાં પરીક્ષા સંપૂણ થઈ છે. પરીક્ષાને લઈને પોલીસ વિભાગ દ્વારા તૈયારીઓ કરવામાં આવી હતી. આ પરીક્ષા ત્રણ કલાકની હતી. તમામ પરીક્ષા કેન્દ્ર ખાતે CCTV હેઠળ દેખરેખ રાખવામાં આવી છે. ઉમેદવારોનું બાયોમેટ્રીક/ફોટોગ્રાફ વેરિફિકેશન કરવાનું હોવાથી ઉમેદવારોને વહેલા પરીક્ષા કેન્દ્ર ખાતે પહોંચવા જણાવવામાં આવ્યું છે.

અમદાવાદના બજરંગવાડી વિસ્તારમાં આવેલી શ્રેયાંસ સ્કૂલમાં ફાધર્સ ડેની ભવ્ય ઉજવણી કરવામાં આવી. આ વિશેષ કાર્યક્રમમાં વિદ્યાર્થીઓએ ભારતીય સંસ્કૃતિની પરંપરા અનુસાર તેમના માતા-પિતાનું પૂજન કર્યું. કાર્યક્રમનો મુખ્ય ઉદ્દેશ વિદ્યાર્થીઓને તેમના જીવનમાં પિતાના મહત્વ વિશે સમજણ આપવાનો હતો. વિદ્યાર્થીઓએ આ અવસર પર વિવિધ સાંસ્કૃતિક કૃતિઓની રજૂઆત કરી હતી. સમગ્ર કાર્યક્રમને સફળ બનાવવા માટે શાળાના ટ્રસ્ટીઓ ઉપરાંત આચાર્ય કેયુરભાઈ ડોડીયા અને વંશીતાબેન હિરાણીએ માર્ગદર્શન અને પ્રોત્સાહન પૂરું પાડ્યું હતું. તેમના નેતૃત્વમાં કાર્યક્રમનું સફળ આયોજન થયું હતું.

રાજસ્થાન સેવા સમિતિ સંચાલિત રાજસ્થાન સ્કૂલ્સમાં વિશ્વ રક્તદાતા દિવસ નિમિત્તે વિશેષ રક્તદાન કેમ્પનું આયોજન કરવામાં આવ્યું. આ કાર્યક્રમમાં દરિયાપુરના ધારાસભ્ય કૌશિકભાઈ જૈન, શાહિબાગના કોર્પોરેટર ભરતભાઈ પટેલ અને DOP ગુજરાત રાજ્યના ડાયરેક્ટર એ.આર.પટેલ વિશેષ મહેમાન તરીકે ઉપસ્થિત રહ્યા. દીપચંદજી બાફના અને અશોકજી બાફનાના માર્ગદર્શન હેઠળ પ્રથમા બ્લડ બેંકની ટીમે રક્તદાન કેમ્પનું સંચાલન કર્યું. વિદ્યાલયના શિક્ષકોએ રક્તદાન કરીને સમાજને પ્રેરણા આપી. વિદ્યાર્થીઓ, વાલીઓ અને સ્થાનિક નાગરિકોએ પણ કેમ્પમાં ઉત્સાહભેર ભાગ લીધો. કાર્યક્રમ દરમિયાન અમદાવાદની વિમાન દુર્ઘટનામાં મૃત્યુ પામેલા મેડિકલ વિદ્યાર્થીઓ અને નાગરિકોને શ્રદ્ધાંજલિ અર્પણ કરવામાં આવી. એક મિનિટનું મૌન પાળી તેમને ભાવપૂર્ણ શ્રદ્ધાંજલિ આપવામાં આવી. વિદ્યાલયના પ્રિન્સિપાલ અને ટ્રસ્ટી મંડળના સહયોગથી આ માનવતાલક્ષી કાર્યક્રમ સફળતાપૂર્વક સંપૂણ થયો.

અમદાવાદના નારોલ વિસ્તારમાં આવેલી રાહે પબ્લિક સ્કૂલના વિદ્યાર્થીઓએ તાજેતરમાં અમદાવાદમાં થયેલી વિમાન દુર્ઘટનામાં મૃત્યુ પામેલા લોકોને શ્રદ્ધાંજલિ અર્પણ કરી હતી. શાળાના વિદ્યાર્થીઓએ દુર્ઘટનામાં ઘાયલ થયેલા લોકો જલદીથી સાજા થાય તે માટે પ્રાર્થના કરી હતી. આ કાર્યક્રમમાં શાળાના શિક્ષકો અને વિદ્યાર્થીઓએ મૌન પાળી દુર્ઘટનાગ્રસ્તોને શ્રદ્ધાંજલિ આપી હતી. વિદ્યાર્થીઓએ આ દુર્ઘટનામાં અસરગ્રસ્ત પરિવારો પ્રત્યે સંવેદના વ્યક્ત કરી હતી.

વઢિયાર પરગણા વણકર સમાજે સમી ખાતે છાત્ર ભુવનમાં લાઇબ્રેરી અને કોચિંગ ક્લાસિસની નવી શરૂઆત કરી છે. કાર્યક્રમની શરૂઆતમાં અમદાવાદ વિમાન દુર્ઘટનામાં મૃત્યુ પામેલા લોકો માટે બે મિનિટનું મૌન પાળવામાં આવ્યું. સમાજની દીકરીઓએ રિબન કાપીને અને સમાજના પ્રતિનિધિઓએ બાબા સાહેબ આંબેડકરના ફોટાને ફૂલહાર કરીને ઉદ્ઘાટન કર્યું. આ પ્રસંગે રોકડ અને વસ્તુ સ્વરૂપે યોગદાન આપનારા દાતાઓનું સન્માન કરવામાં આવ્યું. કાર્યક્રમમાં સમાજના વડીલો અને સ્નેહીજનોએ વિદ્યાર્થીઓને ઉજ્જવળ ભવિષ્ય માટે માર્ગદર્શન આપ્યું. સમાજના પ્રતિનિધિઓએ વિદ્યાર્થીઓને તમામ શૈક્ષણિક સુવિધાઓ પૂરી પાડવાનું આશ્વાસન આપ્યું. આ પ્રસંગે વઢિયાર પરગણા વણકર સમાજના 61 ગામના લોકોએ મોટી સંખ્યામાં હાજરી આપી હતી. આ નવી પહેલથી સમાજના વિદ્યાર્થીઓને અભ્યાસમાં મદદ મળશે.

ડાંગ જિલ્લામાં આગામી 23 જૂનથી 1 જુલાઈ 2025 દરમિયાન ધોરણ 10 અને 12 ની પૂરક પરીક્ષાઓ યોજાશે. આ પરીક્ષાઓના સુચારુ આયોજન માટે જિલ્લા નિવાસી અધિક કલેક્ટર વિ.કે.જોષી ના અધ્યક્ષસ્થાને 13 જૂને બેઠક યોજાઈ હતી. જિલ્લા શિક્ષણાધિકારી જિગ્નેશ ત્રીવેદીએ જણાવ્યા મુજબ, ધોરણ 10ની પરીક્ષા દીપ દર્શન માધ્યમિક શાળા આહવા ખાતે યોજાશે. અહીં 450 વિદ્યાર્થી 15 બ્લોકમાં પરીક્ષા આપશે. ધોરણ 12 સામાન્ય પ્રવાહની પરીક્ષા એકલવ્ય મોડેલ રેસિડેન્શિયલ સ્કૂલ આહવા ખાતે યોજાશે. જ્યાં 58 વિદ્યાર્થીઓ બે બ્લોકમાં પરીક્ષા આપશે. ધોરણ 12 વિજ્ઞાન પ્રવાહની પરીક્ષા સરકારી માધ્યમિક અને ઉચ્ચતર માધ્યમિક શાળા આહવા ખાતે યોજાશે. અહીં 60 વિદ્યાર્થી બે બ્લોકમાં પરીક્ષા આપશે. અધિક કલેક્ટર જોષીએ ત્રણેય પરીક્ષા કેન્દ્રો પર સીસીટીવી, પીવાનું પાણી, આરોગ્ય સુવિધાઓ અને વિદ્યાર્થીઓ માટે પરિવહનની વ્યવસ્થા સુનિશ્ચિત કરવા સૂચના આપી છે. તેમણે પરીક્ષા સાથે સંકળાયેલા તમામ વિભાગોને સંકલનમાં રહી વ્યવસ્થા ગોઠવવા જણાવ્યું છે.

નેશનલ એલિજિબિલિટી કમ એન્ટ્રન્સ ટેસ્ટ (NEET) નું પરિણામ જાહેર થયું છે. આ વર્ષે ગુજરાતના 9 વિદ્યાર્થીઓએ દેશના ટોપ 100 માં સ્થાન મેળવ્યું છે. જેમાં બે વિદ્યાર્થીઓ દેશના ટોપ 10 માં સામેલ છે. દર્શન સાયન્સ સ્કૂલના વિદ્યાર્થી હિમાંક હિરેનભાઈ થાનકીએ 700 માંથી 557 ગુણ મેળવ્યા છે. તેમણે 99.57 પર્સેન્ટાઇલ સાથે ગીર સોમનાથ જિલ્લામાં પ્રથમ ક્રમ હાંસલ કર્યો છે. હિમાંકના માતા-પિતા વેરાવળ ના જાણીતા આંખના સર્જન છે. તેમણે દૈનિક 10-12 કલાકની મહેનત કરી છે. હિમાંક સરકારી મેડિકલ કોલેજમાં પ્રવેશ મેળવી ડોક્ટર બનવા માંગે છે. બીજા ક્રમે ઓઝા સુદર્શન રાજકિશોરભાઈએ 508 ગુણ અને 98.01 પર્સેન્ટાઇલ મેળવ્યા છે. સુદર્શનના પિતા AEPS સ્કૂલમાં શિક્ષક છે અને માતા ગૃહિણી છે. તેમણે પણ રોજના 10-12 કલાક અભ્યાસ કર્યો છે. સુદર્શન MBBS કરી પી જી ક્લીયર કરશે અને ત્યાર બાદ સુપર સ્પેશિયાલિસ્ટ ડોક્ટર બનવાની મહત્વાકાંક્ષા ધરાવે છે. દર્શન સ્કૂલના પ્રમુખ ભુપેન્દ્રભાઈ વિઠ્ઠલાણી અને સમગ્ર સ્ટાફે સફળ વિદ્યાર્થીઓને અભિનંદન આપ્યા છે. તેમણે વિદ્યાર્થીઓના ઉજ્જવળ ભવિષ્ય માટે શુભેચ્છાઓ પાઠવી છે.

મહેસાણા જિલ્લા પોલીસ વિભાગે સુરક્ષા સેતુ સોસાયટી અંતર્ગત SBC યોજના હેઠળ વાર્ષિક સમર કેમ્પનું આયોજન કર્યું છે. આ કેમ્પ 8 થી 13 જૂન દરમિયાન ખેરાલુની આર્ટ્સ એન્ડ કોમર્સ કોલેજમાં યોજાયો હતો. છ દિવસના આ કેમ્પમાં બાળકો ને પરેડ અને યોગા જેવી વિવિધ પ્રવૃત્તિઓ કરાવવામાં આવી હતી. બાળકોનું શારીરિક અને માનસિક ઘડતર થાય તે આ કેમ્પનો મુખ્ય હેતુ હતો. સાયબર ક્રાઈમ વિભાગના અધિકારીઓ એ બાળકો ને ઓનલાઈન સુરક્ષા અંગે માહિતી આપી હતી. મહિલા અને બાળ વિકાસ વિભાગના અધિકારીઓએ બાળકો અને મહિલાઓને લગતા કાયદાઓની જાણકારી આપી હતી. બાળકોને ટ્રાફિક નિયમો ની સમજ આપવામાં આવી હતી. યોગા દ્વારા જીવનમાં સકારાત્મક નિર્ણયો લેવાની ટેકનિક શીખવવામાં આવી હતી. જિલ્લા BDDS (બોમ્બ ડિટેક્શન એન્ડ ડિસ્પોઝલ સ્ક્વોડ) ટીમે બાળકોને બોમ્બ શોધવાની અને તેને નિષ્ક્રિય કરવાની પદ્ધતિઓ વિશે માહિતગાર કર્યા હતા.કેમ્પમાં પોલીસ ઇન્સ્પેક્ટર, પોલીસ સબ-ઇન્સ્પેક્ટર, કોન્સ્ટેબલ અને શાળાના શિક્ષકો હાજર રહ્યા હતા. જિલ્લા સુરક્ષા સેતુ સોસાયટીના કર્મચારીઓએ પણ તેમના માર્ગદર્શન દ્વારા કેમ્પને સફળ બનાવ્યો હતો.

ભાવનગર જિલ્લામાં આજે રવિવારે લોકરક્ષક ભરતી માટેની લેખિત પરીક્ષા યોજાઈ રહી છે. જિલ્લાના 38 પરીક્ષા કેન્દ્રોના 395 બ્લોકમાં 11,850 ઉમેદવારો પરીક્ષા આપશે. પરીક્ષા સવારે 9:30 થી 12:30 દરમિયાન લેવામાં આવશે. હાલ પરીક્ષા શરૂ થઈ ગઈ છે. પરીક્ષા કેન્દ્રો પર ચુસ્ત સુરક્ષા વ્યવસ્થા ગોઠવવામાં આવી હતી. તમામ કેન્દ્રો પર 3 ડેપ્યુટી અધિકારી, 44 પોલીસ ઇન્સ્પેક્ટર અને સબ ઇન્સ્પેક્ટર તેમજ 190 કોન્સ્ટેબલ અને ટ્રાફિક જવાનોનો બંદોબસ્ત રાખવામાં આવ્યો છે. પરીક્ષા કેન્દ્રોની 100 મીટરની ત્રિજ્યામાં જાહેરનામું લાગુ કરવામાં આવ્યું હતું. તમામ ઉમેદવારોને બાયોમેટ્રિક વેરિફિકેશન બાદ જ પ્રવેશ આપવામાં આવ્યો હતો. ઉમેદવારોની સુવિધા માટે એસટી વિભાગે વિશેષ વ્યવસ્થા કરી હતી. ભાવનગર એસટી ડેપો દ્વારા 14 અને 15 જૂને 20 એક્સ્ટ્રા બસનું સંચાલન કરવામાં આવશે. ભાવનગર એસપી ડો. હર્ષદ પટેલે જણાવ્યું કે, પરીક્ષા સમયસર શરૂ થાય અને પૂર્ણ થાય તે માટે ભરતી બોર્ડ અને જિલ્લા પોલીસે સંપૂર્ણ વ્યવસ્થા કરી છે.

કોઈ સંત, ગુરુ કે વડીલ દ્વારા મળેલી ભેટ માત્ર વસ્તુ નથી — તે આશીર્વાદ, શ્રદ્ધા અને ભાવનાનું પ્રતીક છે. તેના અપમાનથી મળેલી હાનિ ગહન હોય શકે છે. ઇન્દ્રનું ઐશ્વર્ય અને પદે તેણે પોતાની ક્ષમતાનો અભિમાન કરાવ્યો. ઘમંડ એ ધ્યાન, વિવેક અને નમ્રતાને છીનવી લે છે — જેના પરિણામે તેના જેવી મહાન પદવી ધરાવનાર પણ પતન પામે છે. નમ્રતા રાખવી જરૂરી છે. નમ્રતા એ સંસ્કાર અને આત્મિક ઊંચાઈનું ચિહ્ન છે. જ્યાં નમ્રતા હોય છે ત્યાં જ કૃપા અને સફળતા રહે છે. ઇન્દ્રનો દંભ અને દુર્વાસાનું અપમાન અંતે સમગ્ર સ્વર્ગલોક માટે દુઃખદાયક સાબિત થયું. જીવનમાં સાચા માર્ગદર્શકનું સન્માન અને તેમનું માર્ગદર્શન માન્ય રાખવું જરૂરી છે. તેમનો તજવીજભર્યો શબ્દ અથવા ભેટ જીવનમાં ફેરફાર લાવી શકે છે. બળ, પદ, માનસિકતા અને નમ્રતા વચ્ચે સંતુલન જાળવી શકાય ત્યારે જ સફળતા ટકી શકે છે. અન્યથા દેવતાઓને પણ પરાજયનો સામનો કરવો પડે. ઇન્દ્રનું ક્ષણિક પ્રતિસાદ છેલ્લે તેના દુઃખનું કારણ બન્યું. દરેક ક્રિયામાં જવાબદારી અને વિવેક જરૂરી છે. જીવનમાં જે કંઈ મળે છે તેવા દરેક પળે કૃજ્ઞતા અને નમ્રતા રાખવી જોઈએ. જો આપણે સંસ્કારભૂત થવા માંગતા હોઈએ તો આપણે ઘમંડ નહીં, પણ વિવેક, આદર અને નમ્રતાને જીવનમૂલ્ય તરીકે અપનાવવું જોઈએ.

આજે (15 જૂન) મિથુન સંક્રાંતિ છે. સૂર્યએ મિથુન રાશિમાં પ્રવેશ કર્યો છે. જ્યોતિષશાસ્ત્રમાં, સૂર્યના રાશિ પરિવર્તનને સંક્રાંતિ કહેવામાં આવે છે. સંક્રાંતિ પર સૂર્ય પૂજાની સાથે, પિંડદાન, ધૂપ અને ધ્યાન કરવાની પરંપરા પણ છે. ઉજ્જૈનના જ્યોતિષ પંડિત મનીષ શર્માના મતે, મિથુન સંક્રાંતિ પર સૂર્યને જળ અર્પણ કરીને દિવસની શરૂઆત કરો. આ માટે, તાંબાના વાસણમાં પાણી ભરો. પાણીમાં ચોખા, લાલ ફૂલો નાખો અને સૂર્યને અર્ઘ્ય અર્પણ કરો. પાણી અર્પણ કરતી વખતે 'ૐ સૂર્યાય નમઃ' મંત્રનો જાપ કરો. સૂર્ય મંત્ર સ્તુતિનો પાઠ કરો. શક્તિ, બુદ્ધિ, સ્વાસ્થ્ય અને સન્માનની કામના સાથે આ મંત્રનો જાપ કરો. नमामि देवदेवशं भूतभावनमव्ययम्। दिवाकरं रविं भानुं मार्तण्डं भास्करं भगम्।। इन्द्रं विष्णुं हरिं हंसमर्कं लोकगुरुं विभुम्। त्रिनेत्रं त्र्यक्षरं त्र्यङ्गं त्रिमूर्तिं त्रिगतिं शुभम्।। આ રીતે સૂર્યની પૂજા કરો. તમે તમારા ઘરના મંદિરમાં સૂર્ય ભગવાનની મૂર્તિ કે ફોટાની પણ પૂજા કરી શકો છો. સંક્રાંતિ પર, સૂર્યને લગતી વસ્તુઓ જેમ કે તાંબાના વાસણો, પીળા કે લાલ કપડાં, ઘઉં, ગોળ, લાલ ચંદન વગેરેનું દાન કરવું જોઈએ.

ગુજરાત પોલીસ ભરતી બોર્ડ, ગાંધીનગર દ્વારા રાજ્યના સાત જિલ્લાઓમાં લોકરક્ષક દળ (LRD)ની લેખિત પરીક્ષાનું આયોજન કરવામાં આવ્યું છે. રાજ્યભરમાં કુલ 825 કેન્દ્રો પર આ પરીક્ષા યોજાઈ રહી છે. આણંદ જિલ્લામાં 36 બિલ્ડીંગોમાં 413 બ્લોક બનાવવામાં આવ્યા છે. અહીં 12,390 ઉમેદવારો માટે પરીક્ષા આપવાની વ્યવસ્થા કરવામાં આવી છે. દરેક ઉમેદવારનું બાયોમેટ્રિક વેરિફિકેશન કર્યા બાદ જ તેમને પરીક્ષા કેન્દ્રમાં પ્રવેશ આપવામાં આવ્યો છે. પરીક્ષાર્થીઓ નિર્ભયતાથી પરીક્ષા આપી શકે તે માટે વિશેષ વ્યવસ્થા કરવામાં આવી છે. પરીક્ષા કેન્દ્રોની બહાર પોલીસ બંદોબસ્ત ગોઠવવામાં આવ્યો છે. કાયદો અને વ્યવસ્થા જળવાઈ રહે તે માટે પરીક્ષા કેન્દ્રની 100 મીટરની ત્રિજ્યામાં વિશેષ નિયમો લાગુ કરવામાં આવ્યા છે.

ગુજરાતમાં આજે લોક રક્ષક દળની ભરતી માટે કુલ 2,47,803 ઉમેદવારો લેખિત પરીક્ષા આપશે. 12 હજાર જગ્યાઓ માટે લેખિત પરીક્ષાનું આયોજન કરવામાં આવ્યું છે, 825 શાળાઓમાં પરીક્ષાનું આયોજન કરાયું છે, 8 હજાર પોલીસ અધિકારી-કર્મચારીઓનો સ્ટાફ તૈનાત રહેશે જેમાં શિક્ષણ વિભાગના 18 હજાર કર્મચારીને કામગીરી સોંપાઇ છે. આ સમગ્ર પરીક્ષામાં CCTV કેમેરાથી ભરતી બોર્ડ કંટ્રોલ રુમથી નજર રખાશે અને સવારે 9.30 કલાકથી પરીક્ષા શરૂ થશે. ઉમેદવારોને બાયો મેટ્રિક્સ વેરિફિકેશનના આધારે આ પરીક્ષામાં પ્રવેશ અપાશે. જયારે અમદાવાદ શહેર અને ગ્રામ્યના કુલ 73523 ઉમેદવારો આ પરીક્ષા આપશે. આ પરીક્ષાનો પ્રારંભ સવારે 9.30થી 12.30નો રહેશે. ગુજરાત રાજ્ય માર્ગ વાહન વ્યવહાર નિગમ દ્વારા ઉમેદવારોને પોતાના વતનના નજીકના ડેપો ખાતેથી પરીક્ષા કેન્દ્રના નજીકના ડેપો સુધી જવા-આવવા માટે જરૂરિયાત મુજબ તા.14 જૂન 2025 અને 15 જૂન 2025 દરમિયાન એક્સ્ટ્રા બસોનું સંચાલન કરવામાં આવ્યુ છે. ઉમેદવારોની સંખ્યાને ધ્યાને લઈને નિગમ દ્વારા એડવાન્સમાં એક્સ્ટ્રા બસ સેવા તથા ઓનલાઈન ટિકિટ બુકિંગની સુવિધા પણ ઉપલબ્ધ કરાવવામાં આવશે.

ભાવનગરની શૈક્ષણિક સંસ્થા સરદાર પટેલ એજ્યુકેશનલ ઇન્સ્ટિટ્યૂટના વિદ્યાર્થીઓએ નીટ પરીક્ષામાં શ્રેષ્ઠ પરિણામો પ્રાપ્ત કરી સંસ્થાનું નામ રોશન કર્યું છે. સંસ્થાના કુલ 3 વિદ્યાર્થીઓ નીટની પરીક્ષામાં 500થી વધુ ગુણ મેળવ્યા છે. ડોડીયા રોમિતકુમાર વિજયભાઈ 720માંથી 567 ગુણ મેળવ્યા છે અને AIRCR 2525 રેન્ક સાથે ઉતીર્ણ થયા છે. ગોહિલ ક્રિપાલસિંહ ગંભીરસિંહએ 720માંથી 526 ગુણ મેળવીને AIRCR 3122 રેન્ક મેળવ્યો છે. જ્યારે લાઠીયા દિપ રાજેશભાઈએ 720માંથી 506 ગુણ મેળવીને AIRCR 5604 રેન્ક સાથે ઉત્તીર્ણ થયા છે તેમ સંસ્થાના સેક્રેટરી જે. પી . મૈયાણીએ જણાવ્યું હતુ.

ભાવનગરના આહિર કન્યા વિદ્યાલયમાં રહીને અભ્યાસ કરતા ખુશાલી બાલુભાઇ બલદાણીયાએ નીટની પરીક્ષામાં 558 માર્ક મેળવ્યા છે. ખુશાલીબેને ગ્રામ્ય વિસ્તારમાં પ્રાથમિક અભ્યાસ કરેલો અને તેઓના પિતા ખેડૂત હતા. માત્ર 11 વર્ષની ઉંમરે પિતાની છત્ર છાયા ગુમાવનાર ધોકડવા ગામની દીકરી સાબિત કરે છે કે જીવનની કોઈપણ પરિસ્થિતિમાં તમે સફળ થઈ શકો છો. દ્રઢ મનોબળથી નીટમાં ફિઝિક્સ જેવા અઘરા પેપરમાં 99.88 પર્સન્ટાઈલ મેળવ્યા છે. આ અગાઉ ધોરણ 12 સાયન્સમાં 98.95 પર્સન્ટાઈલ અને ગુજકેટમાં 120 માંથી 114 માર્ક મેળવ્યા છે. ખુશાલીબેનને ડોક્ટર બનવાની ઈચ્છા છે.

નેશનલ ટેસ્ટિંગ એજન્સીએ 4 મેના રોજ યોજાયેલી દેશની સૌથી મોટી મેડિકલ પ્રવેશ પરીક્ષા NEET UG 2025 નું પરિણામ જાહેર કર્યું છે. રાજકોટ સહિત દેશભરના લાખો મેડિકલના ઉમેદવારો માટે રાહત અને ઉત્સાહનો સમય છે. કેટલાક વિદ્યાર્થીની આંખોમાં ચમક છે, તો કેટલાકના ચહેરા પર મહેનતની જીતનું સ્મિત છે. NEET પરીક્ષાના પરિણામની સાથે, NEET ઓવરઓલ ટોપર લિસ્ટ પણ જાહેર કરાયું છે. રાજકોટનો વિદ્યાર્થી નમ્ય પાનેલિયા ઓલ ઇન્ડિયા રેન્ક 55 સાથે સૌરાષ્ટ્રમાં ટોપર રહ્યો છે જ્યારે AIR 57 સાથે રુદ્ર બાવીસી સૌરાષ્ટ્રમાં બીજા ક્રમે રહ્યો છે. નમ્ય પાનેલિયાએ કહ્યું કે, મારે NEET UGમાં ઓલ ઇન્ડિયા રેન્ક 55 આવ્યો છે. રાજકોટની એલન ઇન્સ્ટિટ્યૂટમાં છેલ્લા ત્રણ વર્ષથી તાલીમ લીધી છે. સૌરાષ્ટ્ર ફર્સ્ટ આવ્યો અને 720માંથી 655 માર્ક્સ આવ્યાં છે. પરિવારમાં ઘણા સભ્યો તબીબી ક્ષેત્રમાં હોવાથી આ ક્ષેત્રમાં જવાનું પસંદ કર્યું. MBBS બાદ કઈ બ્રાંચમાં જવું તે હજુ નક્કી નથી. રુદ્ર બાવીસીએ જણાવ્યું હતું કે, 720માંથી 654 માર્ક્સ આવ્યા છે. પિતા બિઝનેસમેન અને માતા શિક્ષક છે. પ્રીમિયર સ્કૂલના વિદ્યાર્થી સિદ્ધ વોરાએ NEET UGની પરીક્ષામાં 646 માર્ક્સ મેળવ્યા છે. જેમનો ઓલ ઇન્ડિયા રેન્ક 93 અને જનરલ કેટેગરી રેન્ક 65 છે.