વડાપ્રધાન નરેન્દ્ર મોદીની ૧૫ મેના રોજ ખાડી રાષ્ટ્રની મુલાકાત દરમિયાન ભારત અને UAE, LPG અને વ્યૂહાત્મક પેટ્રોલિયમ અનામતના ક્ષેત્રોમાં સહયોગ વધારવા માટે બે મહત્વપૂર્ણ કરારો કરે તેવી અપેક્ષા છે, એમ સત્તાવાર સૂત્રોએ બુધવારે જણાવ્યું હતું. તેમણે જણાવ્યું હતું કે મોદીના UAE પ્રવાસનો મુખ્ય ઉદ્દેશ્ય ભારતની ઉર્જા સુરક્ષાને વધારવાનો રહેશે. યુરોપના પાંચ દિવસના ચાર દેશોના પ્રવાસ પર નીકળતા પહેલા વડાપ્રધાન લગભગ ચાર કલાક માટે ગલ્ફ રાષ્ટ્રમાં રહેશે. UAEએ વિશ્વના ટોચના તેલ નિકાસકારોના મુખ્ય જૂથ, ઓર્ગેનાઇઝેશન ઓફ ધ પેટ્રોલિયમ એક્સપોર્ટિંગ કન્ટ્રીઝ(OPEC) છોડવાની જાહેરાત કર્યાના થોડા દિવસો પછી આ મુલાકાત આવી છે.

ભારત સરકાર મધ્ય પૂર્વમાંથી ગેસ પુરવઠો જાળવવા બે મોટા પ્રોજેક્ટ પર કામ કરી રહી છે. ભારત હવે ઓમાનથી સીધી દરિયાઈ પાઈપલાઈન બિછાવવાની તૈયારી કરી રહ્યું છે, જેને મિડલ ઈસ્ટ-ઈન્ડિયા ડીપ-વોટર પાઈપલાઈન નામ આપવામાં આવ્યું છે. અંદાજે 40,000 કરોડ રૂપિયાના ખર્ચે તૈયાર થનારો આ પ્રોજેક્ટ અરબ સાગરના તળિયે 2,000 કિલોમીટર લાંબો હશે. આ પાઈપલાઈન સમુદ્રમાં 3450 મીટરની ઊંડાઈએ સ્થાપિત કરવામાં આવશે. આ વિશ્વની સૌથી ઊંડી દરિયાઈ પાઈપલાઈન પૈકીની એક હશે. આ માધ્યમથી દરરોજ 31 મિલિયન સ્ટાન્ડર્ડ ક્યુબિક મીટર કુદરતી ગેસની સપ્લાય થઈ શકશે.

ઓઈલના ધંધામાં ડખો થતાં ભાગીદારને ફસાવવા તેની કારમાં એમ.ડી.ડ્રગ્સ મૂકનાર ચિરાગ ગોટીના બે સાગરીતોની પોલીસે ધરપકડ કરી એક દિવસના રિમાન્ડ મેળવ્યા. પોલીસે ડ્રગ્સ ક્યાંથી અપાવ્યું અને કોણે પ્લાન્ટ કર્યું તેની કડી મેળવી લીધી. મુખ્ય સૂત્રધાર ચિરાગ ગોટી નેપાળથી પરત આવી શરણે થયો હતો.

ફ્લોરિડાના દરિયાકિનારે એક બીકક્રાફ્ટ 300 કિંગ એર ટર્બોપ્રોપ વિમાન ક્રેશ થયું. એન્જિન ફેઇલ થતાં પાયલોટે Water Landing (Ditching) કરાવ્યું. 11 મુસાફરોએ 5 કલાક સુધી 3 થી 5 ફૂટ ઊંચા મોજાં અને તોફાની હવામાન વચ્ચે સંઘર્ષ કર્યો. યુએસ કોસ્ટ ગાર્ડ અને એરફોર્સની ટીમે ચમત્કારિક રીતે તમામને બચાવી લીધા. હાલ તમામ મુસાફરોની હાલત સ્થિર છે.

વિશ્વના રાજકારણ અને અર્થતંત્રને બદલી શકે તેવી બેઇજિંગમાં ટ્રમ્પ અને શી જિનપિંગ વચ્ચેની હાઈ-વોલ્ટેજ મીટિંગ પર દુનિયાની નજર છે. બંને નેતાઓએ મૈત્રી અને મક્કમતા સાથે વાર્તાલાપ કર્યો, પરસ્પર સફળતા અને મજબૂત સંબંધોની આશા વ્યક્ત કરી. વેપાર, ભૂ-રાજકીય તણાવ અને તકનીકી સ્પર્ધા જેવા વિવાદાસ્પદ મુદ્દાઓ ચર્ચામાં રહેશે.

ભાવનગર નારી ચોકડી વિસ્તારમાં તસ્કરોએ એકસાથે ત્રણ મકાનોના તાળા તોડી ₹3.12 લાખની ચોરી કરી. વીજ પુરવઠો ખોરવાતા પરિવાર અગાશી પર સૂતો હતો, જેનો લાભ ઉઠાવી તસ્કરો ઘરમાં ઘુસ્યા. પોલીસે અજાણ્યા શખ્સો વિરુદ્ધ ગુનો નોંધી તપાસ શરૂ કરી છે.

વૈશ્વિક નાણાકીય બજારમાં ચીનની સોનાની ખરીદી ચર્ચામાં છે. 'પીપલ્સ બેંક ઓફ ચાઇના' (PBOC) એ સતત 18 મહિના સુધી સોનાનો ભંડાર વધારી, આશ્ચર્યચકિત કર્યું છે. એપ્રિલ 2026 ના આંકડા મુજબ, ચીન વૈશ્વિક બજારને પ્રભાવિત કરનાર શક્તિ બન્યું છે. એપ્રિલ 2026 માં 8 ટન સોનાની ખરીદી સાથે, ચીનનો ભંડાર 72.8 મિલિયન ટ્રોય ઔંસ સુધી પહોંચ્યો, જેનું મૂલ્ય $342.6 બિલિયન છે. આ આક્રમક વલણ, ડોલર સામે રક્ષણાત્મક કવચ અને 'યુઆન' ને વૈશ્વિક સ્તરે મજબૂત બનાવવાની વ્યૂહરચના દર્શાવે છે.

બાંગ્લાદેશે પદ્મા (ગંગા) નદી પર વિશાળ ડેમ પ્રોજેક્ટને મંજૂરી આપી. આ પ્રોજેક્ટનો હેતુ ભારતના ફરક્કા બેરેજની અસરો ઘટાડવાનો છે. PM તારિક રહેમાનની અધ્યક્ષતા હેઠળ ECNEC એ પ્રથમ તબક્કાને મંજૂરી આપી. આ પ્રોજેક્ટ સંપૂર્ણપણે બાંગ્લાદેશ સરકારના ભંડોળથી નિર્મિત થશે, જે 34,497.25 કરોડ ટકાનો છે.

સુરતમાં 'પટલ ડેરી'ના માલિકને ઘીમાં ભેળસેળ કરવા બદલ સુરત કોર્ટે એક વર્ષની સખત કેદ અને 10,000 રૂપિયાનો દંડ ફટકાર્યો છે. 2011માં ફૂડ ઇન્સ્પેક્ટરના દરોડામાં અખાદ્ય ઘી મળ્યું હતું. આ ચુકાદો ભેળસેળિયા વેપારીઓ માટે એક ચેતવણી છે.

કેન્દ્ર સરકાર દ્વારા દેશમાં ખાંડના ભાવ પર નિયંત્રણ મેળવવા અને સ્થાનિક પુરવઠો જાળવી રાખવા માટે ખાંડના નિકાસ પર પ્રતિબંધ મૂકવાનો મોટો નિર્ણય લેવામાં આવ્યો છે. ભારત સરકાર દ્વારા બુધવારે ખાંડના નિકાસ અંગે એક મહત્ત્વની જાહેરાત કરવામાં આવી છે. દેશમાં ખાંડના વધતા ભાવને અંકુશમાં લેવા અને સ્થાનિક બજારમાં પર્યાપ્ત માત્રામાં ખાંડ ઉપલબ્ધ રહે તે હેતુથી સરકારે ખાંડની નિકાસ પર તાત્કાલિક અસરથી પ્રતિબંધ મૂકી દીધો છે.

NEET પેપર લીક થતાં NSUI એ ભુજમાં કલેક્ટરને આવેદન આપ્યું. નિષ્પક્ષ તપાસ અને દોષિતો પર કડક પગલાંની માંગ કરી. મહેનતુ વિદ્યાર્થીઓના ભવિષ્ય સાથે ચેડાં થતાં શિક્ષણ પ્રણાલી પરથી વિશ્વાસ ઉઠી જશે. પરીક્ષા પ્રક્રિયા મજબૂત બનાવવાની પણ અપીલ.

ભુજ સાયબર ક્રાઇમે ડિજિટલ અરેસ્ટના બહાને વૃદ્ધા પાસેથી પડાવેલા ₹83.44 લાખમાંથી ₹46.95 લાખ સફળતાપૂર્વક ફ્રીઝ કરાવી પરત અપાવ્યા. ઠગોએ ખોટી ઓળખ આપી, નકલી વોરંટ બતાવી, મની લોન્ડરિંગના ગુનાનું કહી ડરાવી પૈસા પડાવ્યા હતા. સાયબર પોલીસ જનતાને 'ડિજિટલ અરેસ્ટ' જેવી કોઈ કાયદાકીય જોગવાઈ ન હોવાનું જણાવી સાવચેત રહેવા અપીલ કરે છે.

અમેરિકામાં OPT વિઝા કાર્યક્રમ હેઠળ 10,000 વિદેશી વિદ્યાર્થીઓ, જેમાં ભારતીયોનો પણ સમાવેશ થાય છે, શેલ કંપનીઓ દ્વારા મોટાપાયે છેતરપિંડીના આરોપસર તપાસ હેઠળ છે. અનેક વિદ્યાર્થીઓ એવી કંપનીઓ સાથે જોડાયેલા મળ્યા છે જ્યાં કોઈ કામગીરી ચાલતી નથી. કેટલીક કંપનીઓનું મેનેજમેન્ટ ભારતમાંથી થતું હોવાનું પણ સામે આવ્યું છે.

વડોદરાના વાઘોડિયા રોડ સ્થિત પ્રધાનમંત્રી આવાસ યોજનામાં રહેતી 35 વર્ષીય પરિણીતા ભૂમિકાબહેન પાટીલે 5મા માળેથી કૂદીને જીવન ટૂંકાવ્યું. છેલ્લા ચાર દિવસથી બીમાર અને કોઈની સાથે ઝઘડો કરતી, તેમણે પુત્રને પાર્કિંગમાં મોકલી ઘરનો દરવાજો અંદરથી બંધ કરી આત્મહત્યા કરી. ઘટનાસ્થળે લોહીલુહાણ હાલતમાં મળી આવતા સયાજી હોસ્પિટલ ખસેડાયા. પોલીસે વધુ તપાસ હાથ ધરી.

ભાવનગરના તળાજાના નવી દેવલી ગામે ઝાડ નીચે બકરાં બેસાડવા મુદ્દે શખ્સે મહિલાને લોખંડનો પાઈપ મારી ઈજા પહોંચાડયા અંગેની પોલીસ ફરિયાદ તળાજા પોલીસ મથકમાં નોંધાઈ છે. તળાજાના નવી દેવલી ગામે રહેતા મોંઘીબેન બહાદુરભાઈ વાઘેલાએ તેમના ગામના ઘનશ્યામભાઈ પુણાશંકરભાઈ સામે ફરિયાદ નોંધાવી હતી.

ભિલોડાના બોલુન્દ્રા ગામમાં પ્રેમસંબંધની અદાવતમાં 20 વર્ષીય યુવકની છરીના ઘા ઝીંકી હત્યા કરવામાં આવી. ભિલોડા પોલીસે તાત્કાલિક કાર્યવાહી કરી મુખ્ય આરોપી ધીરજકુમાર રમેશભાઈ પરમાર, રમેશભાઈ મગનભાઈ પરમાર અને મેહુલભાઈ રમેશભાઈ પરમારને ઝડપી પાડ્યા. BNS 2023 અને જી.પી. એક્ટ હેઠળ ગુનો નોંધી આગળની કાર્યવાહી હાથ ધરી.

હિંમતનગરની એક મહિલાએ લુટેરી દુલ્હન કેસમાં LCBની અસરકારક કામગીરી બાદ પોલીસવડા સહિત અધિકારીઓનું સન્માન કર્યું. આ કૌભાંડમાં અનેક પરિવારો સાથે લાખોની છેતરપિંડી થઈ હતી, જેમાં પોલીસે ઝડપી કાર્યવાહી કરી પાંચ જણા વિરૂધ્ધ ગુનો દાખલ કરી ચારની ધરપકડ કરી હતી.

સાબરકાંઠાના ઈડર તાલુકાના પોશીના ગામમાં જૈન દેરાસરમાં અજાણ્યા શખ્સોએ રૂ.1.52 લાખની પંચધાતુની 4 મૂર્તિઓની ચોરી કરી. આ ઘટનાથી જૈન સમાજમાં રોષ વ્યાપ્યો છે. તસ્કરો CCTVમાં કેદ થયા છે. પોલીસે ફરિયાદ નોંધી વધુ તપાસ હાથ ધરી છે.

હિંમતનગરના ધાણધા રેલવે ટ્રેક પર ખેડવા ગ્રામ પંચાયતના તલાટી સહિત ત્રણ લોકો કાર લઈને પહોંચ્યા. ગમે તે કારણસર તલાટીએ રેલવેના નિયમોનો ભંગ કરી કારને ટ્રેક પર હંકારવાનું શરૂ કર્યું. કાર સ્લીપરને લીધે ફસાઈને બંધ થઈ ગઈ. સ્થાનિકોની મદદથી કાર દુર કરાઈ અને રેલવે પોલીસને જાણ કરાઈ. રેલવે પોલીસે તલાટી સહિત બે વિરુદ્ધ રેલવે એકટ હેઠળ ગુનો નોંધી કાર્યવાહી હાથ ધરી.

લખતરમાં ગૌવંશ ઉપર છેલ્લાં કેટલાક સમયથી જવલનશીલ પદાર્થ તેમજ તિક્ષ્ણ હથિયાર વડે હુમલા કરવાના બનાવો દિવસેને દિવસે વધી રહ્યા છે ત્યારે શહેરમાં વધુ એકવાર ગૌવંશ ઉપર જવલનશીલ પદાર્થ અજાણ્યા શખ્સો દ્વારા નાંખતા ધણખુંટને ભારે ઇજા પહોંચી હતી. ગૌવંશને ઇજા પહોંચી હોવાની જાણ લખતરમાં આવેલ ઠાકરધણી ગૌ સેવાના કિશનભાઇ ભરવાડ તેમજ તેમના યુવાનોને જાણ થતા તાત્કાલિક ગૌવંશ પાસે પહોંચીને તેને રેસ્ક્યુ કરી લખતર સરકારી હોસ્પિટલ ખાતે આવેલ ગૌશાળામાં લાવી ઈલાજ કરવામાં આવ્યો હતો.

સુરેન્દ્રનગર જિલ્લાના લીંબડી તાલુકાના ધલવાણા, પાટડીના ઈન્દીરાનગર અને રતનપરના ગાંડાવાડી વિસ્તારમાં પોલીસે જુગારની બાતમીના આધારે દરોડા કર્યા હતા. જેમાં 14 જુગારીયાઓ રોકડ, મોબાઈલ, બાઈક સહિત રૂપીયા 84,110ની મત્તા સાથે પકડાયા છે. લીંબડી તાલુકાના ધલવાણા ગામની સીમમાં બાવળની આડમાં જુગારની બાતમી મળતા પાણશીણા પોલીસના જયંતીભાઈ મેણીયા સહિતનાઓએ રેડ કરી હતી.

સાયલાના શાપરની સીમમાં કિંમતી સિલીકાના ગેરકાયદે ખોદકામ પર પોલીસ અને ખનીજ વિભાગે સંયુક્ત રીતે દરોડો પાડ્યો. રણછોડ રબારી અને સામત રબારી દ્વારા થતા આ ગેરકાયદે ખનનમાં 1 એક્સ્વેટર મશીન સહિત 50 લાખથી વધુનો મુદ્દામાલ જપ્ત કરાયો. આ કાર્યવાહીથી ખનીજ માફિયાઓમાં ફફડાટ ફેલાયો છે.

સુરેન્દ્રનગરના ચૂડા તાલુકાના ખાંડીયા ગામે ગટરનું પાણી કાઢવા બાબતે પાંચ શખ્સોએ એક મહિલા અને તેના પુત્ર પર ધારીયા અને લાકડા વડે હુમલો કર્યો. એક આરોપીએ મહિલાના કપડા ફાડી આબરૂ લેવાનો પ્રયાસ કર્યો. ગ્રામજનોએ બચાવ કર્યો.

વિરમગામમાં ગૌવંશની હત્યા કરી માંસ લઈ જવાના ગુનામાં બે યુવાનો અમદાવાદથી ઝડપાયા છે. પોલીસ તપાસમાં સામે આવ્યું છે કે, ફિરોઝખાન ઉર્ફે અલ્લો બલોચ અને આશીફ્ ઉર્ફે લેમ્પા ભિસ્તી બંને અમદાવાદના જુહાપુરાના રહેવાસી છે. તેમની પાસેથી પાંચ લાખ કિંમતનું વાહન પણ કબજે લેવાયું છે. પ્રાથમિક પૂછપરછમાં માંસ પ્રસાદ માટે લઈ ગયાનું જાણવા મળ્યું છે. બંને યુવાનો વિરુદ્ધમાં અગાઉ પણ ગુના નોંધાયેલા છે.

સારંગપુરથી વલસાડ જતી બસમાં આધેડ મુસાફરે સગીર બાળકીની છેડતી કરી. વડોદરા ડેપો પર અભયમ ટીમે આધેડને પકડ્યા. પૂછપરછમાં આધેડે ઊંઘમાં હાથ અડી ગયો હોવાનું બહાનું કાઢ્યું, પણ મુસાફરોએ સત્ય જણાવ્યું. વેકેશન હોવાથી પરિવારે કાયદેસરની કાર્યવાહી ટાળી, પરંતુ આધેડે માફી માગી.

ચીન AI અને ઓટોમેશનના કારણે લાખો નોકરીઓ ગુમાવવાનો ખતરો અનુભવી રહ્યું છે. કિંગદાઓ જેવા શહેરોમાં રોબોટેક્સી અને ડ્રોન ડિલિવરીનો દબદબો વધ્યો છે, જેનાથી 2.2 કરોડ ડ્રાઇવરોની રોજગારી છીનવાઈ રહી છે. ચીનની સરકારે બેરોજગારી રોકવા માટે AIના ઉપયોગ પર નિયંત્રણો મૂક્યા છે અને ડ્રાઇવરોને નવી ભૂમિકાઓ માટે તાલીમ આપી રહી છે.

ભાવનગર પેરોલફર્લો સ્કવોડે બાતમીના આધારે સીદસર ચોકડી પાસે ટ્રાવેલ્સ બસ રોકી તપાસ કરતા પાછળની ડીકીમાંથી પ્લાસ્ટિકમાં વીંટાળેલા ૮ પાર્સલમાંથી ઇંગ્લિશ દારૂનો જથ્થો મળી આવ્યો હતો.પોલીસે રૂપિયા ૬૩ હજારથી વધુનો મુદ્દામાલ કબ્જે લઈ બસના બે ડ્રાઈવર અને ક્લીનરની પૂછપરછ હાથ ધરી હતી.

અમેરિકન પ્રમુખ ડોનાલ્ડ ટ્રમ્પે મંગળવારે પોતાના સોશિયલ મીડિયા પ્લેટફોર્મ ટ્રુથ સોશ્યલ પર વેનેઝુએલાનો એક નકશો પોસ્ટ કર્યો. તેમા ગ્રાફિકની મદદથી વેનેઝુએલાની અંદર અમેરિકન ઝંડો બનાવાયો હતો. તેના પર ૫૧મું રાજ્ય લખ્યું હતું. આ પોસ્ટ એવા સમયે કરવામાં આવી છે જ્યારે ટ્રમ્પ ચીનની મુલાકાતે જઈ રહ્યા હતા.ટ્રમ્પે આ પોસ્ટ વેનેઝુએલાના વચગાળાના પ્રમુખ ડેલ્સી રોડ્રિગ્ઝના નિવેદન પછી કરી છે.

સાબરકાંઠા SOGએ હિંમતનગર-શામળાજી હાઇવે પરથી ₹6,55,350નો પોષડોડા પાવડર અને ₹55,000નું અફીણ ઝડપી લીધું. કુલ ₹17,18,350નો મુદ્દામાલ, જેમાં આઈશર ગાડી અને mobile નો સમાવેશ થાય છે, તે જપ્ત કરાયો. એક વ્યકિતની ધરપકડ, અને અન્ય બે વિરુદ્ધ ગુનો નોંધી તપાસ ચાલુ છે.

અમેરિકાના 'ગોલ્ડન ડોમ ફોર અમેરિકા' મિસાઈલ સુરક્ષા પ્રોજેક્ટનો ખર્ચ ૧.૨ ટ્રિલિયન ડોલર સુધી પહોંચવાનો અંદાજ છે, જે ટ્રમ્પના ૧૭૫ અબજ ડોલરના અગાઉના અંદાજ કરતાં ઘણો વધારે છે. આઇરન ડોમથી પ્રેરિત આ પ્રોજેક્ટ આધુનિક મિસાઈલો સામે રક્ષણ આપશે. CBO નો અંદાજ એક સંભવિત મોડલ પર આધારિત છે.