નવરાત્રિના પ્રારંભ અને દિવાળીના આગમન સાથે, અમદાવાદ અને સુરત જેવા શહેરોમાંથી ઉત્તર ભારતના રાજ્યો જેવા કે ઉત્તર પ્રદેશ, બિહાર, રાજસ્થાન અને મધ્ય પ્રદેશ તરફ જતી ટ્રેનોમાં વેઇટિંગ લિસ્ટ નોંધપાત્ર રીતે વધી ગયું છે. અમદાવાદથી ગોરખપુર, વારાણસી, લખનઉ અને દિલ્હી કટરા જેવી જગ્યાઓ માટે સ્લીપર ક્લાસમાં 100 થી 250 સુધીનું વેઇટિંગ જોવા મળી રહ્યું છે. આ ઉપરાંત, તહેવારો દરમિયાન હવાઈ ભાડામાં પણ ભારે વધારો થયો છે, જેમાં અમદાવાદથી વારાણસીનું ભાડું 19,000 રૂપિયાથી વધુ અને અમદાવાદથી પટનાનું ભાડું 20,000 રૂપિયાથી વધુ થઈ ગયું છે, જેના કારણે મુસાફરોની મુશ્કેલીમાં વધારો થયો છે.