ભારતે ત્રીજી વખત વર્લ્ડ કપ જીત્યા બાદ સોશિયલ મીડિયા પર એક વીડિયો વાઈરલ થયો છે, જેમાં કેપ્ટન સૂર્યકુમાર યાદવના હાથમાં ચમકતી વર્લ્ડ કપ ટ્રોફી જોઈ શકાય છે. જીતની ખુશી અને કૃતજ્ઞતા વ્યક્ત કરવા માટે આ ત્રણેય દિગ્ગજોએ હનુમાન દાદાના આશીર્વાદ લીધા હતા. દેશભરમાં જ્યારે જીતનો જશ્ન મનાવવામાં આવી રહ્યો છે, ત્યારે ટીમ ઈન્ડિયાના આ નેતૃત્વની સાદગી અને આસ્થાએ ચાહકોના દિલ જીતી લીધા છે. ભારતીય ટીમે ન્યુઝીલેન્ડને 96 રનથી કારમી હાર આપીને સતત બીજી વખત અને કુલ ત્રીજી વખત T20 વર્લ્ડ કપનું ટાઈટલ જીત્યું છે.

નાયબ મુખ્ય દંડક જગદીશ મકવાણા દ્વારા વઢવાણના મેલડી માતાજી એપ્રોચ રોડનું ખાતમુહૂર્ત થયું. બે કરોડના ખર્ચે આ રોડ બનશે, જેનાથી સ્થાનિકો અને મંદિરે આવતા શ્રદ્ધાળુઓને અવરજવરમાં સરળતા રહેશે. આ વિકાસ કાર્યથી વિસ્તારના આંતરમાળખાકીય વિકાસને વેગ મળશે. Gujarat સરકાર છેવાડાના માનવી સુધી વિકાસ પહોંચાડવા કટિબદ્ધ છે.

મુખ્યમંત્રીએ મંદિરમાં પૂજા-અર્ચના કરી ધાર્મિક કાર્યક્રમને સંબોધતા જણાવ્યું કે આહીર સમાજ ભગવાન શ્રીકૃષ્ણના વંશ સાથે જોડાયેલો છે. ડગાયચા દાદાએ વિક્રમ સંવત ૧૩૦૦માં કચ્છમાં ગામ વસાવ્યું. Charanka ખાતે એશિયાનો સૌથી મોટો SOLAR PARK શરૂ થશે. PMના વિકસિત રાષ્ટ્રના સંકલ્પમાં સહભાગી થવા અપીલ કરી.

એન.એન.મહેતા મેમોરીયલ એજયુ. ટ્રસ્ટ દ્વારા મહુવા અને તાલુકાના તેજસ્વી અને આર્થિક રીતે જરૂરિયાતમંદ 181 વિદ્યાર્થીઓને ધોરણ 12 પછીના ઉચ્ચ અભ્યાસ માટે રૂ. 38.66 લાખની સ્કોલરશીપ આપવામાં આવી. મોરારિબાપુના હસ્તે વિદ્યાર્થીઓને ચેકનું વિતરણ કરવામાં આવ્યું. ટ્રસ્ટ દ્વારા છેલ્લા નવ વર્ષમાં 2400 વિદ્યાર્થીઓને 2 કરોડ 75 લાખની સ્કોલરશીપ અપાઈ છે. આ શૈક્ષણિક પ્રવૃતિ માટે રામકથાના માધ્યમથી રૂ. 5 કરોડનું ફંડ એકત્રિત કરવામાં આવ્યું છે.

વરાછામાં પટેલ સમાજની વાડી ખાતે સંત રામપાલજી મહારાજનો સત્સંગ સમારોહ યોજાયો, જેમાં સુરત અને આસપાસના ભક્તોએ હાજરી આપી. સત્સંગમાં શાસ્ત્રો આધારિત સત્ય જ્ઞાન, સાચી ભક્તિ પદ્ધતિ અને જીવનના હેતુ વિશે સમજ અપાઈ. નશો, માંસાહાર અને દહેજ છોડી સાત્વિક જીવન જીવવા પ્રેરણા તથા જ્ઞાન ગંગા જેવી માહિતી અપાઈ.

શંકરાચાર્ય પર FIR કરનાર આશુતોષ બ્રહ્મચારી પર ટ્રેનમાં હુમલો થયો. જેમાં અજાણ્યા હુમલાખોરે છરીથી હુમલો કરી નાક કાપવાનો પ્રયાસ કર્યો. આશુતોષે ટોયલેટમાં સંતાઈને પોતાનો જીવ બચાવ્યો અને GRPને જાણ કરી. તેમણે સ્વામી અવિમુક્તેશ્વરાનંદને જવાબદાર ઠેરવ્યા. GRPએ FIR નોંધીને તપાસ શરૂ કરી. આ પહેલાં આશુતોષે શંકરાચાર્યની યાત્રા પર સવાલો ઉઠાવ્યા હતા.

યાત્રાધામ ડાકોરના રણછોડરાયજી મંદિરના વહીવટ માટે ત્રીજા ટ્રસ્ટીની નિમણૂકની પ્રક્રિયા નડિયાદમાં થઈ. કુલ 26 ઉમેદવારોએ District Judgeની કોર્ટમાં ડોક્યુમેન્ટ્સ રજૂ કર્યા. DAKOR Temple Committee પ્રમાણે, મંદિરના કાર્યભાર માટે પાંચ ટ્રસ્ટીઓની નિમણૂક થાય છે. યોગ્ય ઉમેદવારની પસંદગી થશે.

શંકરાચાર્ય સ્વામી અવિમુક્તેશ્વરાનંદ સરસ્વતીએ ગાયને રાષ્ટ્રમાતા જાહેર કરવાના મુદ્દે ‘ધર્મ યુદ્ધ’ આંદોલન શરૂ કર્યું. 11 માર્ચે લખનઉમાં “ગો પ્રતિષ્ઠા ધર્મયુદ્ધ સભા” કરશે. યાત્રામાં "જીંદા હિન્દુ લખનઉ ચલે" પોસ્ટર વહેંચાયા. CM યોગીને ગૌ માતાને રાષ્ટ્રમાતા જાહેર કરવા અપીલ કરી. ડેપ્યુટી CM કેશવ પ્રસાદ મૌર્યના નિવેદન પર પ્રતિક્રિયા આપી, ગાયના પક્ષમાં ખુલીને બોલવા હાકલ કરી.

સાળંગપુરધામમાં શ્રીકષ્ટભંજનદેવ હનુમાનજીને 07-03-2026ના રોજ દિવ્ય શણગાર કરાયો. શાસ્ત્રી સ્વામી હરિપ્રકાશદાસજીની પ્રેરણાથી ઓર્કિડ અને સેવંતીના ફૂલોથી સિંહાસન શણગારાયું. પૂજારી સ્વામી દ્વારા મંગળા આરતી અને કોઠારી વિવેકસાગરદાસજી સ્વામી દ્વારા શણગાર આરતી થઈ. મારુતિયજ્ઞનું આયોજન કરાયું, હજારો ભક્તોએ દર્શનનો લાભ લીધો. વાતાવરણ ભક્તિમય બન્યું.

સુરતના ડીંડોલી વિસ્તારમાં સ્વામિનારાયણ મંદિરના બાથરૂમમાંથી બે વિદ્યાર્થિનીની લાશ મળતા ખળભળાટ મચી ગયો છે. ઉધના Citizen College ની વિદ્યાર્થિનીઓ સવારે કોલેજ ગયા બાદ પરત ન ફરતા, પરિવારે શોધખોળ કરી. પોલીસે ઘટના સ્થળે પહોંચી તપાસ હાથ ધરી છે, અને મૃતદેહોને પોસ્ટમોર્ટમ માટે મોકલી આપ્યા છે.

ભુજમાં પ્રથમવાર ‘શ્રી હનુમંત ચરિત્ર યુવા કથા’નું આયોજન કરાયું. હરિપ્રકાશદાસજી સ્વામીએ કથાનું રસપાન કરાવ્યું. હનુમાનજીનું જીવન સંઘર્ષ સામે લડવાની પ્રેરણા આપે છે. યુવાનોમાં સાહસ, સંયમ અને સમર્પણના મૂલ્યો વિકસાવવાનો પ્રયાસ છે. 8 માર્ચે હનુમાન જન્મોત્સવ અને 10 માર્ચે ફળોત્સવ ઉજવાશે.

ધ્રાંગધ્રાના જેગડવામાં આવેલી આશરે 300 વર્ષ જૂની 'માત્રી વાવ', ઐતિહાસિક મહત્વ ધરાવે છે, જેમાં માત્રી માતાજીનું મંદિર અને સુરાપુરા દાદાનું સ્થાનક છે. જર્જરિત હાલતમાં હોવાથી પુરાતત્વ વિભાગની ઉદાસીનતા સામે લોકોમાં રોષ છે. આ વાવ ગામના વસવાટ પહેલાની હોવાનું મનાય છે અને સ્થાનિક લોકોની આસ્થા જોડાયેલી છે. આ ઐતિહાસિક વિરાસતને જાળવવા માટે રજૂઆત કરવામાં આવી છે.

હિંમતનગરના વિનાયકનગરમાં અષ્ટવિનાયક ગણપતિ મંદિરમાં સંકટચોથની ઉજવણી થઈ. ગણપતિદાદાને સંતરા, ચીકુ, દ્રાક્ષ જેવા ફળોનો શણગાર કરાયો. સવારે અભિષેક, આરતી અને ધ્વજારોહણ થયા. ભક્તોએ દિવસભર દર્શન કર્યા, સાંજે આરતી અને રાત્રે ચંદ્રદર્શન થશે. ભક્તો અષ્ટવિનાયક દાદામાં અતૂટ શ્રદ્ધા ધરાવે છે, દર્શનથી સંકટ સામે રક્ષણ મળે છે.

સોમનાથ મંદિરમાં ગંદકી અને ડ્રેનેજ સમસ્યાથી તંત્ર સામે સવાલો ઉભા થયા છે. દિગ્વિજય દ્વાર પાસે ગટર ઉભરાતા શ્રદ્ધાળુઓ ગંદા પાણીમાં ચાલવા મજબુર બન્યા છે. ગંદકીથી લોકોમાં અસંતોષ છે, કારણ કે વારંવાર ગટરની સમસ્યા રહે છે, છતાં કાયમી ઉકેલ આવતો નથી. તંત્રની બેદરકારીથી યાત્રાધામની પ્રતિષ્ઠાને નુકસાન થાય છે. તાત્કાલિક સફાઈ કરવાથી કાયમી ઉકેલ મળતો નથી.

ઉત્તરાખંડ ચારધામ યાત્રા 2026 માટે online રજીસ્ટ્રેશન 6 માર્ચથી શરૂ. registrationandtouristcare.uk.gov.in પર અથવા 'TouristCare Uttarakhand' એપ દ્વારા નોંધણી કરાવો. આધાર કાર્ડ અને ઈમેલ આઈડી જરૂરી. 17 એપ્રિલથી ઋષિકેશ, હરિદ્વાર, વિકાસનગરમાં offline કાઉન્ટર ખુલશે. યાત્રા 19 એપ્રિલથી શરૂ થશે, કેદારનાથ 22 એપ્રિલે અને બદ્રીનાથ 23 એપ્રિલે ખુલશે. દરેક યાત્રી માટે રજીસ્ટ્રેશન ફરજિયાત.

અરવલ્લીના મોડાસાના સાકરિયા ગામે વર્ષોથી ધુળેટીની પરંપરાગત ઉજવણી થઈ. ઢોલ-નગારા સાથે લાકડીઓ વીંઝી લઠમાર દાંડીયા રમાયા, લક્ષ્મીનારાયણ મંદિર ચોકમાં 500 કિલો ગુલાલ ઉડાડતા રંગબેરંગી માહોલ છવાયો. આ પરંપરા ગ્રામ્ય એકતા અને સાંસ્કૃતિક વારસાની અભિવ્યક્તિ છે. લોકો આકર્ષિત થયા.

પાટણમાં દેસાઈ સમાજ દ્વારા ગોપાલક હાઈસ્કૂલ ખાતે 215 દીકરીઓને નિઃશુલ્ક Cervical કેન્સર વિરોધી રસી અપાઈ. 9થી 45 વર્ષની દીકરીઓ હાજર રહી. દાતાઓએ સહયોગ આપ્યો. રણછોડભાઈ દેસાઈએ રોગો અંગે ચિંતા વ્યક્ત કરી, સમાજની સેવાની પ્રશંસા કરી અને રસીના ડોઝ લેવા અપીલ કરી.

નડિયાદના મંજીપુરા રોડ પર બળિયાદેવ મંદિર પાસે ગેરકાયદે દબાણોથી ભક્તોની લાગણી દુભાઈ છે. મંદિર નજીક કાચા-પાકા દબાણો, માંસ-ચિકનની લારીઓથી ધાર્મિક સ્થળ દબાણોથી ઘેરાયું છે. તંત્ર માત્ર નોટિસો આપે છે, પણ દબાણો દૂર કરતું નથી, સ્થાનિકોમાં રોષ.

અરવલ્લીના સાકરિયા ગામે ધુળેટી પર્વની પરંપરાગત ઉજવણી થઈ, જેમાં ગામ લોકો મોટી સંખ્યામાં એકત્ર થયા હતા. લક્ષ્મીનારાયણ મંદિરના ચોકમાં 10 ઢોલ સાથે લઠમાર દાંડીયા રમાયા, જેમાં 500 કિલો ગુલાલ ઉડાડવામાં આવ્યો. આ પરંપરા જોવા અન્ય જિલ્લાઓમાંથી પણ લોકો આવ્યા, જે ગ્રામ્ય એકતાનું પ્રતિક છે.

સુરેન્દ્રનગરમાં ઓમ સિદ્ધિ યોગ ક્લાસિસ દ્વારા યોગ અને ધુળેટીની ઉજવણી કરવામાં આવી. Jignaben Shahએ કુદરતી રંગોથી હોળી રમવાની સલાહ આપી અને સૂર્યનમસ્કાર અને પ્રાણાયામનું મહત્વ સમજાવ્યું. ત્વચાની સુરક્ષા માટે પણ માર્ગદર્શન આપવામાં આવ્યું હતું.

વલસાડમાં રાજસ્થાની પરિવારોએ ધુળેટી પર્વની ઉજવણી કરી. દર વર્ષની જેમ આ વર્ષે પણ 'રાસ' (ગેર નૃત્ય) અને સાંસ્કૃતિક કાર્યક્રમનું આયોજન કરાયું, જેમાં ભાઈ-બહેનોએ પરંપરાગત પોશાકમાં સજ્જ થઈ પોતાની સંસ્કૃતિને જીવંત કરી. કલાકારોએ લાકડીઓથી લોકનૃત્ય રજૂ કર્યું. આ કાર્યક્રમનો હેતુ સંસ્કૃતિને જાળવી રાખવાનો છે, જેથી નવી પેઢીને પણ વારસા વિશે જાણકારી મળે.

માધવપુર ઘેડમાં ભગવાન માધવરાયજી અને રુકમણીજીના વિવાહનો ઉત્સવ શરૂ થયો. "માધવપુરનો માંડવો અને જાદવકુળની જાન" સાથે ભવ્ય લગ્નોત્સવનું આયોજન છે. રુકમણી મંદિરના મહંતે કાર્યક્રમની માહિતી આપી. મંદિરેથી ભગવાન ચોરી મંડપે પધારે છે, જ્યાં ફુલડોલ ઉત્સવ થાય છે, ૨૫ વાનાના લગ્ન લખવામાં આવે છે. ચૈત્ર સુદ નોમથી મેળાનો પ્રારંભ થાય છે. લગ્ન વિધિમાં રુકમણીજીને મંડપમાં લવાય છે, અને શાસ્ત્રોક્ત વિધિ મુજબ સપ્તપદીના ફેરા ફરે છે.

ભરૂચની જામા મસ્જિદમાં મહિલાઓએ ફૂલ અને શ્રીફળથી પૂજા કરી, જેનો વિડીયો વાયરલ થતા વિરોધ થયો. પોલીસની હાજરીમાં પૂજા થઈ હોવાનો આક્ષેપ છે. આ જગ્યા જૈન મંદિર હોવાનો દાવો છે, અને અગાઉ આંદોલન થયું હતું. હાલમાં, આ મસ્જિદ પુરાતત્વ વિભાગ હસ્તક છે. સંતોએ પણ આ માટે ઉપવાસ આંદોલન કર્યું હતું.

બખરલા ગામે હોળી પછી મહેર સમાજ દ્વારા દાયકાઓથી મણિયારો રાસની પરંપરા જળવાઈ છે. "પડવા"ની ઉજવણીમાં સંસ્કૃતિ જતન, એકતા, ગૌમાતા લાભાર્થે કાર્યક્રમો થાય છે. જેમાં દેશ-વિદેશથી મહેમાનો આવે છે અને મહિલાઓ લાખોના ઘરેણાં પહેરી રાસ રમે છે. આ મનોરંજન, સંસ્કૃતિ અને સમાજની એકતાનું પ્રતિક છે.

આજે દેશભરમાં ધુળેટીની હર્ષોલ્લાસથી ઉજવણી, જેમાં મહાકાલ મંદિરમાં વિશેષ ભસ્મ આરતી થઈ. રાજસ્થાનમાં ઉત્સાહ અને જયપુરમાં વિદેશી મહેમાનોએ DJ સાથે ધુળેટી મનાવી. ભરતપુરમાં 200 વર્ષ જૂની પરંપરા જળવાઈ. અખિલેશ યાદવે મનોજ તિવારીને વીડિયોથી શુભકામનાઓ પાઠવી અને દિલ્હીમાં સુરક્ષા વ્યવસ્થા ગોઠવાઈ. ITBPના જવાનોએ પેંગોંગ લેક પર ધુળેટીની ઉજવણી કરી.

ઉત્તર પ્રદેશમાં હોળી માત્ર રંગોનો તહેવાર નથી, પરંપરા, ભક્તિ અને આસ્થાનો સંગમ છે. મથુરાથી કાશી સુધી UP ફાગણના ગીતો અને અબીર-ગુલાલથી રંગાયું છે. કાશીમાં રંગભરી એકાદશી પર ભક્તો શિવ સાથે હોળી રમશે, શાહજહાંપુરમાં 'લાટ સાહેબ'ની યાત્રા નીકળશે. Ayodhyaમાં ભક્તિ અને આનંદ છવાયો.

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચો. 04 માર્ચના BREAKING NEWS વાંચવા માટે આ પેજ પર બનેલા રહો અને રિફ્રેશ કરતા રહો. Categories: મારું ગુજરાત, દેશ, દુનિયા, Crime, ધર્મ.

સુરેન્દ્રનગરમાં ચંદ્રગ્રહણને લઈ મંદિરોમાં મિશ્ર પ્રતિસાદ જોવા મળ્યો. માઈ મંદિર મંગળા આરતી બાદ દર્શન માટે બંધ રહ્યા, જ્યારે હાટકેશ્વર મહાદેવ સહિતના મંદિરોમાં ભક્તોની ભીડ જોવા મળી. સૌરાષ્ટ્રમાં ગ્રહણની અસર નહિવત રહેતા મોટાભાગના મંદિરો દર્શનાર્થીઓ માટે ખુલ્લા રહ્યા હતા.

અંબાજી નજીક ગીરીમાળામાં 2.27 કિમી લાંબી ટનલ ખોદાઈ, 60% કામગીરી પૂર્ણ. 115 કિમીની નવી રેલ્વે લાઇનથી આબુ જવું સરળ બનશે, 20 કિમીનું અંતર ઘટશે. Taranga Hill-Ambaji-Abu Road railway line 2027 સુધીમાં પૂર્ણ થશે. ટ્રેનની સ્પીડ 110 કિમી પ્રતિ કલાક રહેશે અને Gujarat-Rajasthanને નવી રેલ કનેક્ટિવિટી મળશે.

માયા ભદૌરિયા સામાન્ય રીતે ધુળેટી એટલે પાણીના ફુવારા, કેમિકલવાળા રંગો અને ઘોંઘાટિયા મ્યુઝિક વચ્ચેની મસ્તી, પણ રંગોનો આ ઉત્સવ માનસિક શાંતિ, જીવનનો સ્વીકાર અને આત્મવિશ્વાસનું માધ્યમ બની પણ બની શકે એ ખબર છે? ભારતના નકશા પર એવીય જગ્યાઓ છે જ્યાં ધુળેટી માત્ર તહેવાર નથી, પણ જીવન જીવવાની ફિલોસોફી છે. આ સ્થાનો પર રમાતી ધુળેટી આપણને શીખવે છે કે જો દૃષ્ટિકોણ બદલાય, તો સૌથી મોટો ડર પણ ઉત્સવ બની શકે છે. દુનિયામાં બીજે ક્યાંય મૃત્યુને ઉત્સવ તરીકે ઊજવવામાં આવતું નથી, પણ મોક્ષ નગરી ગણાતી કાશીમાં એવું માનવામાં આવે છે કે જેની ચિતાની ભસ્મ સાથે મહાદેવ હોળી રમે છે, તે જીવ જન્મ-મરણના ફેરામાંથી મુક્ત થઈ જાય છે. અહીં ‘શવ’ માં પણ ‘શિવ’ જોવાની દૃષ્ટિ મળે છે. રાખ એ અગ્નિથી શુદ્ધ થયેલું તત્ત્વ છે. ભસ્મથી રમવું એ મનની નકારાત્મકતાને બાળીને શુદ્ધ થવાનું પ્રતીક છે. મસાણે કી હોલીઃ મૃત્યુના ડર પર વિજય કાશીની ‘મસાણે કી હોલી’ એટલે કે મસાણની હોળી એ માત્ર એક ઉત્સવ નથી, પરંતુ જીવન અને મૃત્યુ પ્રત્યેના ભારતીય દૃષ્ટિકોણની એક અદભુત અભિવ્યક્તિ છે. જ્યાં આખી દુનિયા રંગો અને ગુલાલથી હોળી રમે છે, ત્યાં કાશીના મણિકર્ણિકા ઘાટ પર ભભૂતિ અને ચિતાની ભસ્મથી હોળી રમવામાં આવે છે. આ ઉત્સવનો સૌથી ઊંડો સંદેશ મૃત્યુનો સ્વીકાર છે. સામાન્ય રીતે સ્મશાન એ ડર અને શોકનું પ્રતીક મનાય છે, પણ કાશીમાં તે ઉત્સવનું સ્થાન છે. અહીં જીવન અને મૃત્યુ વચ્ચેનો ભેદ મટી જાય છે. અહીં મૃત્યુ એ અંત નથી, પણ મુક્તિનો માર્ગ છે. પૌરાણિક માન્યતા માન્યતા છે કે રંગભરી એકાદશીના દિવસે ભગવાન શિવ માતા પાર્વતીનું ગૌણું (વિદાય) કરાવીને કાશી લાવ્યા હતા. ત્યારે તેમણે પોતાના ભક્તો સાથે ગુલાલથી હોળી રમી હતી. પરંતુ સ્મશાનમાં વસતાં ભૂત, પ્રેત, પિશાચ અને અઘોરીઓ આ મિલનના સાક્ષી બની શક્યાં નહોતાં. તેથી, બીજા દિવસે મહાદેવ પોતે મણિકર્ણિકા ઘાટ પર આવીને આ અતૃપ્ત આત્માઓ અને સાધકો સાથે ચિતાની ભસ્મથી હોળી રમે છે. ડમરુના નાદે અઘોરીઓનું નૃત્ય આ હોળી માત્ર રાખ ઉડાડવા પૂરતી મર્યાદિત નથી. આ દિવસે ઘાટ પર સેંકડો ડમરુઓ એકસાથે ગુંજી ઊઠે છે જે તાંડવની અનુભૂતિ કરાવે છે. ‘હોરી ખેલે મસાને મેં...’ જેવાં પારંપરિક ભજનો અને ફાગણના ગીતો ગાવામાં આવે છે, જે વાતાવરણને ભક્તિમય બનાવી દે છે. આ દિવસે હજારોની સંખ્યામાં સાધુઓ, અઘોરીઓ અને સ્થાનિક લોકો મણિકર્ણિકા ઘાટ પર એકઠા થાય છે. ‘હર હર મહાદેવ’ ના નાદ સાથે આકાશમાં ચિતાની રાખ ઉડે છે. આ દૃશ્ય ભયાનક લાગી શકે, પરંતુ તેમાં એક ગૂઢ આધ્યાત્મિક શાંતિ અને શિવ પ્રત્યેનો અનન્ય પ્રેમ છુપાયેલો હોય છે. સામાજિક સમાનતાનો સંદેશ સ્મશાનમાં દરેક વ્યક્તિ સમાન છે- ન કોઈ અમીર, ન કોઈ ગરીબ, ન કોઈ જ્ઞાતિ કે જાતિ. જ્યારે ભસ્મ હવામાં ઉડે છે અને દરેકનાં શરીર પર લાગે છે, ત્યારે બધાં એકસરખાં જ દેખાય છે. આ હોળી સામાજિક ભેદભાવ ભૂલીને અંતિમ સત્યને સ્વીકારવાનો સંદેશ આપે છે વિદેશી પર્યટકોનું આકર્ષણ છેલ્લાં કેટલાંક વર્ષોમાં આ ઉત્સવ વૈશ્વિક સ્તરે જાણીતો બન્યો છે. વિશ્વભરના ફોટોગ્રાફર્સ અને સંશોધકો આ અદભુત દૃશ્યને કેમેરામાં કેદ કરવા કાશી આવે છે. તે ભારતીય સંસ્કૃતિની એ શક્તિ દર્શાવે છે જે મૃત્યુ જેવા ગંભીર વિષયને પણ આધ્યાત્મિક ઉત્સવમાં બદલી શકે છે. જો કાશી આપણને અંતિમ સત્યનો સ્વીકાર કરતા શીખવે છે, તો શાંતિનિકેતન આપણને જીવનને સૌમ્યતાથી જીવવાની કળા શીખવે છે. શાંતિનિકેતનનો બસંતોત્સવ પ્રકૃતિ સાથે સંવાદ શાંતિનિકેતનનો બસંતોત્સવ એ માત્ર રંગોનો તહેવાર નથી, પરંતુ પ્રકૃતિના પરિવર્તનને ઉત્સવમાં બદલવાની એક અનોખી કળા છે. વિશ્વકવિ રવીન્દ્રનાથ ટાગોરે જ્યારે આ પરંપરાની શરૂઆત કરી, ત્યારે તેમનો મુખ્ય હેતુ ‘ઋતુરાજ વસંત’ના આગમનને ગીત, નૃત્ય અને સાહિત્ય દ્વારા વધાવવાનો હતો. અહીંની હોળીમાં કોઈ દેકારો કે જબરદસ્તી નથી, પરંતુ સૌમ્યતા અને સંસ્કારિતાનો સમન્વય જોવા મળે છે. આ ઉત્સવમાં વસંતના પ્રતીક સમાન પીળાં વસ્ત્રો પહેરેલા વિદ્યાર્થીઓ રવીન્દ્ર સંગીતના તાલે નૃત્ય કરે છે. અહીં ભીના રંગોને બદલે માત્ર સૂકા ગુલાલનો ઉપયોગ થાય છે, જેને બંગાળી સંસ્કૃતિમાં ‘અબીર’ કહેવામાં આવે છે. આ ઉત્સવમાં કેસૂડાના ફૂલોનું વિશેષ મહત્ત્વ છે. આયુર્વેદિક દૃષ્ટિએ કેસૂડો શીતળતા આપે છે. આજની ભાગદોડ અને પરીક્ષાના તણાવ વચ્ચે જીવતા વિદ્યાર્થીઓ માટે શાંતિનિકેતનનો આ ઉત્સવ એક ‘કલ્ચરલ ડિટોક્સ’ સમાન છે.