જુનાગઢ મનપાની સાધારણ સભા માત્ર કાગળ પરની કાર્યવાહી બની રહી, જ્યાં મેયરની અધ્યક્ષતામાં ભાજપ શાસિત બોર્ડે મનસ્વી નિર્ણયો લીધા. રસ્તા, પાણી, રખડતા ઢોર જેવા પ્રજાના પ્રશ્નો પર ચર્ચાને બદલે માત્ર નામકરણ અને કાગળ પરની યોજનાઓ મંજૂર કરાઈ. ગૌશાળાઓ અને હેલ્થ સેન્ટરોના નામ બદલી શાસકો પ્રસિદ્ધિ મેળવવામાં વ્યસ્ત રહ્યા. પૂરવણી એજન્ડાના 12 મહત્વના મુદ્દાઓ પર દરખાસ્ત કરનાર સભ્યોની ગેરહાજરીથી કામો દફતરે થયા. હાઉસટેક્સના વળતરની મુદત અને ફાયર વિભાગના નિયમોમાં ફેરફાર કરાયા, પરંતુ કરોડો રૂપિયાના ટેક્સમાંથી ચાલતા આ બોર્ડમાં જનતાની સમસ્યાઓનો કોઈ ઉકેલ આવ્યો નથી.