ખાડી દેશોમાં યુદ્ધની સ્થિતિને કારણે ઈંધણની અછત, ગેસની અછતથી રોજગારને અસર થઈ છે. અમદાવાદ, રાજકોટ, વડોદરામાં પેટ્રોલ અને ડીઝલની અછત સર્જાઈ છે. IOC અને NAYARA ના પંપો બંધ, HP અને BPCL પર લાંબી લાઈનો છે. વડોદરામાં શોર્ટ સપ્લાયથી વાહનચાલકોને મુશ્કેલી પડી રહી છે.

ઈરાન અને અમેરિકા-ઈઝરાયલના સંઘર્ષની અસર ભારતીય શેરબજાર પર પડી. સપ્તાહના પહેલા દિવસે જ SENSEX અને NIFTY બંને લાલ નિશાન સાથે ખુલ્યા. રોકાણકારોમાં ફફડાટ જોવા મળ્યો. સેન્સેક્સમાં મોટું ધોવાણ થયું અને 73,000ના સ્તરની નજીક પહોંચી ગયો. વૈશ્વિક ભૌગોલિક-રાજકીય તણાવની અસર પણ જોવા મળી.

Silver અને Gold Price Crash News: વૈશ્વિક બજારની અસરથી ભારતીય કોમોડિટી માર્કેટમાં સોના અને ચાંદીના ભાવમાં મોટો ઘટાડો થયો છે. MCX માર્કેટ મુજબ સોનામાં 5% સુધીનો ઘટાડો નોંધાયો છે. મિડલ ઈસ્ટના તણાવ વચ્ચે આર્થિક અનિશ્ચિતતાને કારણે કિંમતોમાં આ મોટો ફેરફાર જોવા મળી રહ્યો છે, જેના કારણે રોકાણકારોને મોટું નુકસાન થયું છે.

પશ્ચિમ એશિયા યુદ્ધ અને હોર્મુઝ સ્ટ્રેટના તણાવથી ભારતમાં LPG સંકટ વધશે. ઓઇલ કંપનીઓ 14.2 કિલોના સિલિન્ડરમાં 10 કિલો ગેસ ભરવાનું વિચારી રહી છે, જેથી વધુ પરિવારોને ગેસ મળી રહે. 60% LPG આયાત થાય છે, જેનો 90% પુરવઠો ગલ્ફ દેશોમાંથી આવે છે. હોર્મુઝ સ્ટ્રેટમાં જહાજો ફસાયા છે, પુરવઠો ઘટતા સંકટ વધી શકે છે.

GJEPC દ્વારા સુરત ડાયમંડ બુર્સ ખાતે ૨૩ માર્ચથી રફ હીરાનું પ્રથમ વ્યુઇંગ શરૂ થશે. દુબઈની અસ્થિરતાને લીધે 'સ્ટાર જેમ્સ' દ્વારા રફ ડાયમંડનું પ્રી-ઓક્શન વ્યુઇંગ ૨૭ માર્ચ સુધી ચાલશે. એપ્રિલમાં અન્ય વિદેશી કંપનીઓ પણ ઓક્શન યોજશે. બાયર્સને હીરાની ગુણવત્તાનું નિરીક્ષણ કરવાની તક મળશે અને ઓનલાઈન ટેન્ડરિંગથી ઓક્શન થશે. આયોજનો સુરતને વૈશ્વિક હીરા ટ્રેડિંગ હબ બનાવશે. આ માટે કોમર્સ મિનિસ્ટ્રીમાંથી મંજૂરી મળી છે.

1 એપ્રિલ 2026થી ટેક્સ, બેન્કિંગ અને જીવનને સ્પર્શતા ફેરફારો થશે. પગારદાર કર્મચારીઓ અને taxpayersના ખિસ્સા પર અસર થશે. Income Taxના જૂના કાયદાની જગ્યાએ નવો આવકવેરા અધિનિયમ 2025 લાગુ થશે, જેનો હેતુ ટેક્સ સિસ્ટમને સરળ બનાવવાનો છે. જો તમે વાર્ષિક 1 લાખ રૂપિયાથી વધુ ભાડું ચૂકવતા હોવ, તો મકાનમાલિકનો PAN નંબર આપવો ફરજિયાત છે. એટલું જ નહીં, નવા 'ફોર્મ 124' મુજબ તમારે એ પણ સ્પષ્ટ કરવું પડશે કે મકાનમાલિક તમારા પરિવારના સભ્ય છે કે નહીં.

મુખ્યમંત્રીના માર્ગદર્શનમાં, રાજ્ય સરકાર દ્વારા ખરીદી માટેનું આયોજન પૂર્ણ કરાયું છે. કૃષિ મંત્રી જીતુભાઈ વાઘાણીએ જણાવ્યું કે, ખેડૂતો માટે પૂરતા ખરીદ કેન્દ્રો કાર્યરત છે. નોંધણી, વાવેતર વિસ્તાર અને ઉત્પાદનને ધ્યાને લઈ ચણા માટે 165 અને રાયડા માટે 60 ખરીદ કેન્દ્રો કાર્યરત થશે. આ વર્ષે પુષ્કળ ખેડૂતોએ ચણા અને રાયડાના વેચાણ માટે નોંધણી કરાવી છે. ખરીદ કેન્દ્રો SMS દ્વારા ખેડૂતોને અગાઉથી જાણ કરશે. આધાર ઇનેબલ્ડ બાયોમેટ્રીક અથવા ફેસ ઓથેન્ટીકેશન પ્રક્રિયા અમલમાં મુકાશે.

ધ્રાંગધ્રામાં લાલ મરચાના ભાવમાં કિલોએ રૂ. 50 નો વધારો થયો છે, જેનું કારણ મિડલ ઈસ્ટના દેશોમાં યુદ્ધની પરિસ્થિતિ છે. ગત વર્ષે ભાવ 280 રૂપિયા પ્રતિ કિલો હતો, જે વધીને 400 રૂપિયા સુધી પહોંચ્યો છે. આ ભાવ વધારાથી ગૃહિણીઓના બજેટ પર અસર થઇ છે. હાલમાં ધ્રાંગધ્રામાં બારેમાસ માટે મરચું ભરવાની સિઝન ચાલી રહી છે.

ગણદેવી તાલુકાના વિખ્યાત અમલસાડી ચીકુની સિઝન શરૂ થઈ છે. અમલસાડ મંડળી દ્વારા તહેવારોમાં પરિવહનની સમસ્યા નિવારવા 35,000 બોક્સ ભરેલી ચીકુની ટ્રેન દિલ્હી રવાના કરાઈ છે. રોડ માર્ગે ટ્રકની અછતને લીધે રેલવેનો સહારો લેવાયો છે. આ ટ્રેન દ્વારા અંદાજિત 80,000 મણ ચીકુ 35 કલાકમાં દિલ્હી પહોંચશે. અમલસાડી ચીકુ તેની મીઠાશ માટે દિલ્હી, રાજસ્થાન, પંજાબ અને હરિયાણામાં જાણીતો છે.

ભારત સરકારે ડોમેસ્ટિક હવાઈ મુસાફરી પરની ભાડાની મર્યાદા દૂર કરી, જે 23 માર્ચ, 2026થી લાગુ થશે. હવે Airlines માંગ પ્રમાણે ટિકિટના ભાવ નક્કી કરી શકશે. અગાઉ, Indigoની કટોકટીને લીધે ભાવ વધારાથી બચાવવા માટે મર્યાદા લગાવી હતી. સરકારે Airlinesને મનસ્વી ભાવ વસૂલવા સામે ચેતવણી આપી છે અને ભાવોનું Monitoring કરશે. ઓફ-સીઝનમાં સસ્તી ટિકિટો મળી શકે છે પણ ડિમાન્ડ વધતા ભાવ વધવાની શક્યતા છે.

રાજકોટ મનપા માટે વેરા વસુલાત પડકારજનક, 2025-26 પૂર્ણ થવામાં ગણતરીના દિવસો બાકી. 455 કરોડના TARGET સામે 410 કરોડની વસૂલાત થઈ, 45 કરોડ બાકી. 4,44,297 કરદાતાઓએ મિલકતવેરો ભર્યો. સરકારી કચેરીઓનો 80 કરોડ વેરો બાકી, જેમાં સૌરાષ્ટ્ર યુનિવર્સિટી, BSNL, પોલીસ વિભાગનો સમાવેશ થાય છે. વ્યાજમાફી યોજનાથી મનપાને 44 કરોડની આવક થઈ, રજાઓમાં પણ વેરા વસુલાત ચાલુ.

કેન્દ્રીય મંત્રીના જણાવ્યા અનુસાર, સરકાર એરફેર પર નજર રાખી રહી છે, મુસાફરોને ગભરાવાની જરૂર નથી. દર વર્ષે 1 એપ્રિલથી નવા નાણાકીય વર્ષમાં ભાવ બદલાય છે, એવિએશન ક્ષેત્રમાં પણ ફેરફાર થાય છે. Airline કંપનીઓનો ખર્ચ વધે તો ભાડા વધવાની શક્યતા છે, ATFના ભાવની પણ અસર થાય છે.

ઈરાન-ઈઝરાયલ યુદ્ધના કારણે ઘરેલુ અને હોટલની ગુજરાતી થાળી મોંઘી થઈ. LPGની અછતને કારણે ગુજરાતી થાળી પર અંદાજિત 20%નો વધારો થયો છે. ગુજરાતીઓમાં તહેવારોમાં હોટલમાં જઈને ગુજરાતી થાળી આરોગવાની રસમ છે, પરંતુ વધતા ભાવથી થાળીનો ખર્ચ વધ્યો છે. ઘણી હોટલો અને રેસ્ટોરન્ટોએ ભાવ વધારો લાગુ કર્યો છે.

મિડલ ઈસ્ટ યુદ્ધ વચ્ચે ભારત સહિત અનેક દેશોમાં ઓઈલ અને ગેસની ચિંતા વધી, સ્ટ્રેટ ઓફ હોર્મુઝ બંધ થતા ગેસ અછતનું જોખમ ઊભું થયું છે. ત્યારે અમેરિકાના ટેક્સાસથી નીકળેલું 'પાઇક્સિસ પાયનિયર' જહાજ 16,714 ટન LPG જથ્થા સાથે મેંગલોર બંદર પર પહોંચ્યું. કુલ 72 હજાર ટન રસોઈ ગેસ પોર્ટ પર પહોંચવાનો છે.

Britainના રિયાલિટી શોના સ્ટાર સેમ ગોલેન્ડે Dubaiમાં વિલા ખરીદ્યો, પણ America અને Iran વચ્ચે યુદ્ધ થતા ખરીદદારો નથી મળી રહ્યા. Luxury propertyના ભાવ 25% સુધી ઘટ્યા, માર્ચમાં property dealsમાં 51%નો ઘટાડો થયો. Dubaiને ટેક્સ-ફ્રી અર્થતંત્ર માનવામાં આવતું હતું, પણ હુમલાના સમાચારથી લોકોમાં ડર બેસી ગયો. Property માલિકો કિંમતો ઘટાડી રહ્યા છે છતાં ખરીદદારો નથી મળી રહ્યા.

સુરત-શારજાહ ફ્લાઈટ Summer શિડ્યૂલમાં બંધ થતા સુરતીઓમાં નારાજગી છે. આ ફ્લાઈટ સુરતનું પ્રથમ International કનેક્શન હતું. ગલ્ફ દેશોમાં વસતા સુરતીઓ માટે આ રૂટ મહત્વપૂર્ણ હતો. ફ્લાઈટ બંધ થવાથી વેપાર, પ્રવાસન અને પારિવારિક સંબંધો પર અસર થશે. આ ફ્લાઈટ ફરી શરૂ કરવા માટે રજૂઆત કરવામાં આવશે. સુરતીઓની લાગણીને ન્યાય મળે તે માટે પ્રયત્નો ચાલુ રહેશે.

હવે એરલાઇન કંપનીઓ ડોમેસ્ટિક ફ્લાઇટ્સનું ભાડું સીટોની માંગ મુજબ વધારી શકશે, કારણ કે સિવિલ એવિએશન મંત્રાલયે ભાડા પરનો પ્રતિબંધ હટાવી દીધો છે. ગયા વર્ષે ઇન્ડિગોની ફ્લાઇટ્સમાં અડચણો પછી ભાડાની મર્યાદા લાગુ કરવામાં આવી હતી, જેમાં સરકારે મહત્તમ ભાડું ₹18000 નક્કી કર્યું હતું. મંત્રાલયે કહ્યું કે ફ્લાઇટ્સની ક્ષમતા પુનઃસ્થાપિત થઈ ગઈ છે અને ભાડા પર નજર રાખી રહ્યા છીએ.

રૂપિયાના તળિયે જવાને કારણે વિદેશ પ્રવાસ 25-30% મોંઘો થયો. US, UK, યુરોપ જેવા દેશોમાં પ્રવાસ કરવો સ્વપ્ન સમાન બન્યો છે. લોકો વિયેતનામ, મલેશિયા, ઇન્ડોનેશિયા જેવા દેશો તરફ વળ્યા છે. મજબૂત અર્થતંત્રની વાતો વચ્ચે આ વરવી વાસ્તવિકતા છે.

ભૌગોલિક-રાજકીય તણાવ વચ્ચે પણ અમેરિકામાં ભારતીય ઉદ્યોગસાહસિકોનો વેપાર પૂરજોશમાં છે. યુદ્ધથી માનવતાને નુકસાન થાય છે, તેથી શાંતિના પક્ષધર ભારતીયો અમેરિકાના અર્થતંત્રમાં યોગદાન આપી રહ્યા છે. મોંઘવારીની ખાસ અસર નથી, જીવન સામાન્ય છે, અને ભારતીય બિઝનેસ માટે નિકાસ વધવાની તકો છે. 'મેડ ઈન ઈન્ડિયા' બ્રાન્ડનો ક્રેઝ વધ્યો છે, અને મંદી માત્ર અફવા છે. H1B વિઝા અને વિદ્યાર્થીઓની સ્થિતિ સારી છે.

અમેરિકા, ઇઝરાયલ અને ઈરાન વચ્ચેના સંઘર્ષની અસરથી ગુજરાતનો માછીમારી ઉદ્યોગ ચિંતામાં છે. યુદ્ધથી ડીઝલના ભાવ વધશે અને નિકાસ ઘટશે, જેથી હજારો શ્રમિકોની આજીવિકા જોખમમાં આવશે. શિપમેન્ટમાં મુશ્કેલીને કારણે કંપનીઓએ અન્ય માર્ગો અપનાવવા પડે છે, જે ટ્રાન્સપોર્ટેશન ખર્ચમાં વધારો કરે છે. નિકાસ ઘટવાથી માછીમારો પાયમાલ થશે.

અમદાવામાં ઈરાન યુદ્ધને કારણે LPGની અછતથી શહેરો અને ફેક્ટરીઓમાં અસર વર્તાય છે, જે લોકોના જીવન અને આજીવિકા પર અસર કરે છે. આ કટોકટીને કારણે ગામડાંથી શહેરોમાં આવેલા લોકો પાછા ફરવા મજબૂર થયા છે. Iran war અગાઉ જનજીવન રાબેતા મુજબ હતું, પરંતુ LPG shortage થી બધું બદલાઈ ગયું છે. કંપનીઓ કામદારોને જાળવી રાખવા પ્રયાસો કરી રહી છે.

મસાલાની સિઝનમાં જ ઈરાન યુદ્ધના કારણે ભારતથી અમેરિકામાં નિકાસ ઘટવાની શક્યતા છે. એપ્રિલ-મે મહિનામાં મસાલાની સિઝન હોય છે, ત્યારે નવા મસાલા બજારમાં આવે છે. USના નિકાસકારોએ ભારતીય નિકાસકારો સાથેનો સંપર્ક હાલ પૂરતો મોકૂફ રાખ્યો છે. અમેરિકામાં ભારતની વાર્ષિક મસાલાની નિકાસ આશરે 50 કરોડ ડોલર જેટલી છે.

ઈરાન યુદ્ધને પરિણામે યુએઈમાં કાર્યરત ડેટા સેન્ટર ઓપરેટરો ભારતમાં ઊભરી રહેલા ડેટા સેન્ટર બજારમાં INVESTMENT કરવાની તક જોઈ રહ્યા છે. CLOUD SERVICE પૂરી પાડતી મોટી કંપનીઓ પોતાની ડેટા કો-લોકેશન કામગીરીના વિસ્તરણ માટે ભારત તરફ નજર દોડાવી શકે છે. ડેટા INFRASTRUCTURE વ્યૂહાત્મક માળખા બની ગયા છે.

મુંબઈ બુલીયન બજાર આજે શનિવારના કારણે બંધ રહ્યું હતું. વિશ્વ બજાર પાછળ સોના-ચાંદીના ભાવો વધુ તૂટતા જોવા મળ્યા. ડોલરનો વૈશ્વીક ઇન્ડેક્ષ વધતા વૈશ્વિક સોનામાં ફંડોનું સેલીંગ વધતા તથા ભાવ વધુ ગબડતાં અમદાવાદ ઝવેરી બજારમાં આજે સોનાના ભાવ ૧૦ ગ્રામના રૂા.3500 તૂટયા હતા અને ક્રૂડ 113 ડોલરને પાર થયું.

આણંદના મોગરી ગામના વેપારીને ડ્રાયફ્રુટ્સ અને અનાજના વ્યવસાયમાં ઊંચા વળતરની લાલચ આપીને રૂપિયા 1.53 કરોડની છેતરપિંડી કરવામાં આવી. મુખ્ય આરોપી અને તેના સાથીદારોએ પૂર્વ આયોજિત કાવતરું રચી, વેપારી અને તેમના પરિવારના સભ્યો પાસેથી અલગ અલગ બેંક ખાતાઓ અને રોકડ સ્વરૂપે રોકાણ કરાવીને વિશ્વાસ કેળવ્યો અને પછી છેતરપિંડી આચરી. વિદ્યાનગર પોલીસ મથકમાં ત્રણ વ્યકિત સામે ફરિયાદ નોંધાઇ છે.

અમેરિકાએ ફસાયેલા ઈરાની તેલ પર પ્રતિબંધો હળવા કર્યા, જે 19 એપ્રિલ સુધી વેચાણને મંજૂરી આપશે. પશ્ચિમ એશિયાના સંઘર્ષ વચ્ચે US દ્વારા ઉર્જાના ભાવ ઘટાડવાના આ પગલાથી આશરે 140 million બેરલ તેલ મુક્ત થઈ શકે છે. બ્રેન્ટ ક્રૂડનો ભાવ પ્રતિ બેરલ $112 થી ઉપર પહોંચી જતા ટૂંકા ગાળા માટે રાહત મળી શકે છે.

સરકારના આદેશ મુજબ એરલાઇન્સે 60% સીટો ફ્રી આપવાની છે, જેનાથી સીટ પસંદગીનો ચાર્જ નહીં લઈ શકાય. Airline આ આદેશથી ગુસ્સે છે અને ચેતવણી આપી છે કે ટિકિટો મોંઘી થશે. FIAએ MoCAને પત્ર લખી વિરોધ કર્યો છે, કારણ કે તેમને કિંમતો નક્કી કરવાનો કાનૂની અધિકાર નથી. તેમના મતે, આનાથી બજેટ ટ્રાવેલર્સને અસર થશે અને આખરે મુસાફરોએ વધુ કિંમત ચૂકવવી પડશે.

ગયા અઠવાડિયે સોનાના ભાવમાં મોટો ઘટાડો થયો, જેનું કારણ મજબૂત યુએસ ડોલર અને ક્રૂડ ઓઇલના ભાવમાં વધારો હતો. યુએસ-ઈરાન યુદ્ધમાં MCX સોનાનો ભાવ ₹144,825 પ્રતિ 10 ગ્રામ પર બંધ થયો. ચાંદીનો ભાવ આશરે ₹2,54,900 પ્રતિ કિલો છે. ક્રૂડ ઓઇલ વધારાથી ફુગાવો વધવાની શક્યતા છે, જેના લીધે વ્યાજ દરો વધવાની સંભાવના છે.

કેન્દ્ર સરકારે AIRLINES માટે નિયમો જાહેર કર્યા: 60% સીટ પર EXTRA CHARGE નહીં લઈ શકાય. INDIGO, AIR INDIA, અને SPICE JET જેવી કંપનીઓએ વિરોધ કર્યો. આ નિર્ણયથી મુસાફરોના ખિસ્સા પર અસર થશે. AIRLINES ભાડું વધારી શકે છે.

મધ્ય પૂર્વ યુદ્ધ વચ્ચે, Hormuz Strait બંધ થવાથી LPG અને ક્રૂડ ઓઇલ સંકટ હતું. ઈરાનના હુમલાની ધમકીથી જહાજો ફસાયા હતા. પરંતુ, ભારત માટે ખુશીના સમાચાર છે, ભારતના બે LPG ટેન્કરોને હોર્મુઝ સ્ટ્રેટ પાર કરવાની પરવાનગી મળી, જે વૈશ્વિક LNG પુરવઠા માટે મહત્વપૂર્ણ છે, અને જહાજોની અવરજવર શરૂ થઈ.