મુંબઈમાં એક મહિલાએ તેની પુત્રીના જન્મ પ્રમાણપત્રમાં ભૂતપૂર્વ પતિના બદલે જન્મદાતા પિતાનું નામ દાખલ કરવા માટે બોમ્બે હાઈકોર્ટમાં અરજી કરી હતી. કોર્ટે DNA રિપોર્ટ અને સોગંદનામાને ધ્યાનમાં લઈને આ મંજૂરી આપી છે. કોર્ટે BMC (બૃહન્મુંબઈ મ્યુનિસિપલ કોર્પોરેશન) ને નિર્દેશ આપ્યો છે કે તે બાળકીને નવું જન્મ પ્રમાણપત્ર આપે, જેમાં પિતાના કોલમમાંથી ભૂતપૂર્વ પતિનું નામ કાઢી જન્મદાતા પિતાનું નામ ઉમેરવામાં આવે. મહિલાએ છૂટાછેડા પહેલાં તેના બોયફ્રેન્ડ દ્વારા ગર્ભવતી બન્યા બાદ લગ્ન કરી લીધા હતા.

દેશના ઘણા ભાગોમાં ચોમાસું સક્રિય છે. બંગાળની ખાડીમાં સર્જાયેલા સાયક્લોનિક સર્ક્યુલેશન અને મોન્સૂન ટ્રફના કારણે ઉત્તર પ્રદેશ, બિહાર, ઉત્તર-પૂર્વ અને પૂર્વીય રાજ્યોમાં ભારે વરસાદની સંભાવના છે. ઉત્તર ગુજરાત અને દક્ષિણ-પશ્ચિમ રાજસ્થાનની આસપાસ પણ એક સાયક્લોનિક સર્ક્યુલેશન બન્યું છે. ઉત્તર-પૂર્વ ભારત, પશ્ચિમ બંગાળ, ઓડિશા, સિક્કિમ, બિહાર, ઝારખંડ, છત્તીસગઢ, પૂર્વ ઉત્તર પ્રદેશમાં હળવાથી મધ્યમ વરસાદ સાથે કેટલીક જગ્યાએ ભારે વરસાદ થઈ શકે છે. ગુજરાતના દક્ષિણ ભાગ અને કચ્છમાં યલો એલર્ટ જાહેર કરાયું છે.

ભારત અને યુકે વચ્ચેનો વ્યાપક ઈકોનોમિક એન્ડ ટ્રેડ એગ્રીમેન્ટ (CETA) 15 જુલાઈથી અમલમાં આવી રહ્યો છે. કરાર હેઠળ 99% ભારતીય માલ પર આયાત ડ્યુટી નાબૂદ થતાં કાપડ, ચામડું, ઓટો પાર્ટ્સ અને ફાર્મા ક્ષેત્રને મોટો લાભ મળશે. IT, ફાઇનાન્સ અને ટેલિકોમ સહિત 12 સેવા ક્ષેત્રોમાં નવી તકો સર્જાશે. બંને દેશો 2030 સુધી વેપાર બમણો કરવા માગે છે. બીજી તરફ બ્રિટિશ ઉત્પાદનો સસ્તા થશે, જ્યારે દૂધ અને અનાજ જેવા સંવેદનશીલ ક્ષેત્રો કરારમાંથી બાકાત રહેશે.

ભારત અને યુકે વચ્ચેનો ફ્રી ટ્રેડ એગ્રીમેન્ટ (FTA) આજથી લાગુ થયો છે. આ કરાર હેઠળ, યુકેથી આયાત થતી કાર, વ્હિસ્કી, કપડાં અને ફૂટવેર જેવી વસ્તુઓ સસ્તી બનશે, કારણ કે આયાત ટેરિફમાં નોંધપાત્ર ઘટાડો કરવામાં આવશે. બીજી તરફ, ભારતના 99% ઉત્પાદનોને યુકેમાં ઝીરો ટેરિફ પર નિકાસ કરવાની તક મળશે. આ કરારથી બંને દેશો વચ્ચે દ્વિપક્ષીય વેપાર 2030 સુધીમાં $120 બિલિયન સુધી પહોંચવાની અપેક્ષા છે. આ ઐતિહાસિક કરાર દ્વારા અનેક ક્ષેત્રોને ફાયદો થશે અને અર્થતંત્રને વેગ મળશે.

કેન્દ્ર સરકારે ફરી સ્પષ્ટતા કરી છે કે પાસપોર્ટ નાગરિકતાનો પુરાવો નથી, પરંતુ માત્ર વિદેશ યાત્રા માટે જારી કરાતો દસ્તાવેજ છે. વિદેશ મંત્રાલયના જણાવ્યા અનુસાર, પાસપોર્ટ અધિનિયમ, 1967 હેઠળ સંપૂર્ણ ચકાસણી બાદ જ તેને બહાર પાડવામાં આવે છે. દેશના 8% થી પણ ઓછા નાગરિકો પાસે પાસપોર્ટ છે. આ નિવેદન ચૂંટણી પંચની SIR પ્રક્રિયામાં પાસપોર્ટના ઉપયોગ અંગેના પ્રશ્નોના જવાબમાં આવ્યું છે. મંત્રાલયે સ્પષ્ટ કર્યું કે પાસપોર્ટ કાયદા હેઠળ તેને નાગરિકતાનો અંતિમ પુરાવો માનવામાં આવતો નથી.

રાષ્ટ્રીય પક્ષી મોર અત્યંત વિષમ પરિસ્થિતિમાં પણ પોતાને ઢાળી લેવાની અણમોલ ક્ષમતા ધરાવે છે. શહેરોમાં ઊંચા વૃક્ષોના અભાવે, મોરે હવે સોલાર પેનલનો આશરો લેવાનું શરૂ કર્યું છે. પ્રજનન ઋતુ દરમિયાન, વરસાદથી બચવા વૃક્ષો પર જતા નર મોરનાં પીંછાં ભીનાં થઈ જાય છે, જે માદાને રીઝવવાના નૃત્યમાં અવરોધ ઊભો કરે છે. સોલાર પેનલ રાત્રે ગરમી જાળવી રાખે છે, જે ભીનાં પીંછાંને ઝડપથી સૂકવવામાં મદદ કરે છે. આ ઝડપી સુકવણીને કારણે મોર માદાને રીઝવવા માટે ફરીથી નૃત્ય કરી શકે છે, જે તેના અસ્તિત્વ માટે મહત્વપૂર્ણ છે. આ મોરનું સ્માર્ટ અનુકૂલન વૈશ્વિક બદલાવો વચ્ચે વન્યજીવોની અનુકૂલન ક્ષમતા દર્શાવે છે.

ગુજરાતી પત્રકારત્વના ભીષ્મપિતામહ સમા કાન્તિ ભટ્ટ, જેમણે 95 વર્ષની વયે વિદાય લીધી, તેઓ આજે પણ તેમના શબ્દો થકી વાચકોનાં હૃદયમાં જીવંત છે. તેમણે ‘નેવાનાં પાણી મોઢે ચડાવવાં’ જેવું પત્રકારત્વ કર્યું, જ્યાં અંગ્રેજી અખબારોમાંથી ઉતારા થતા ત્યારે તેઓ સમાચારો જાતે શોધીને લાવતા. અમિતાભ બચ્ચનના 'કુલી' ફિલ્મના શૂટિંગ દરમિયાન ઈજા અને દાઉદ ઇબ્રાહીમ સંબંધિત હાઇ-પ્રોફાઇલ સ્ટોરીઝ સહિત અનેક બ્રેકિંગ ન્યૂઝ તેમણે આપ્યા. અનેક ઉપનામો હેઠળ લખતા, તેમણે 'ચિત્રલેખા'નો આખો અંક પણ લખ્યો હતો.

આવતીકાલે 'વિશ્વ સાપ દિવસ'ની ઉજવણી થશે. વિશ્વમાં 3,500 થી વધુ સાપની પ્રજાતિઓ છે, જેમાંથી માત્ર 600 જ ઝેરી છે. મોટાભાગના સાપ બિન-ઝેરી છે અને માનવજાત માટે હાનિકારક નથી. ભારત, 300 થી વધુ સાપ પ્રજાતિઓ સાથે, વિવિધતાનો ખજાનો છે. ગુજરાતના 'બિગ ફોર' - નાગ, કાળોતરો, ખડચિતડો, અને ફુરસો - સૌથી ઝેરી ગણાય છે. સાપ ઉંદર જેવા જીવાતોને નિયંત્રિત કરીને ખેડૂતોના પાકનું રક્ષણ કરે છે, આમ પર્યાવરણનું સંતુલન જાળવે છે. સાપ કરડવાના કિસ્સામાં, શાંત રહેવું, હલનચલન બંધ કરવું અને તાત્કાલિક એન્ટી-વેનમ માટે હોસ્પિટલ જવું જરૂરી છે.

ભૂદાન યજ્ઞના પ્રણેતા રાષ્ટ્રીય ઋષિ વિનોબા ભાવે બાળકો અને યુવાનોની શક્તિમાં અડગ વિશ્વાસ રાખતા હતા. તેમણે સત્ય, પ્રેમ અને પરમેશ્વર પર શ્રદ્ધા રાખી ઊંચું ધ્યેય મેળવવાની પ્રેરણા આપી. ‘ઘસાઈને ઊજળા થઈએ’ અને ‘જય જગત’ જેવા સૂત્રો દ્વારા તેમણે દૃઢતા અને માનવતાનો સંદેશ આપ્યો. વિનોબાજીએ નમ્રતાને જીવનની શક્તિ ગણાવી તેમજ આળસ, અજ્ઞાન અને અશ્રદ્ધા જેવા ‘મહારિપુઓ’થી દૂર રહી પોતાની પ્રતિભા ઓળખવા અને ક્યારેય નબળા ન વિચારવાની શીખ આપી.

આજકાલ ઘણા માતા-પિતા પોતાના બાળકોના ફોટો અને વીડિયો Social Media પર શેર કરે છે, જેને 'શેરન્ટિંગ' કહેવાય છે. આ ટેવ ઘણીવાર બાળકની Privacy અને Safety માટે જોખમી બની શકે છે. 2021ના સર્વે મુજબ, 75% થી વધુ માતા-પિતા બાળકોની માહિતી શેર કરે છે, જેમાંથી ઘણા પોતાના Followers ને ઓળખતા પણ નથી. A.I. અને Digital Fraud ના આ યુગમાં, આવી પોસ્ટ્સ બાળકોના ચહેરા, પસંદગીઓ અને અન્ય સંવેદનશીલ માહિતીને ઉજાગર કરી શકે છે, જે Cyberbullying, ઓળખની ચોરી અને ડેટાના દુરુપયોગનું કારણ બની શકે છે. Parents એ 'Sharenting' કરતી વખતે બાળકની Privacy અને ભવિષ્યનું ધ્યાન રાખવું ખૂબ જ જરૂરી છે.

અરુણા આસફ અલી, એક અગ્રણી ભારતીય સ્વાતંત્ર્ય સેનાની અને રાજકીય કાર્યકર્તા, જેમણે 'કરો યા મરો'ના મંત્રને જીવી બતાવ્યો. 1942ના 'ભારત છોડો' આંદોલન દરમિયાન, ટોચના નેતાઓની ધરપકડ બાદ, તેમણે મુંબઈના ગોવાલિયા ટેંક મેદાન ખાતે હિંમતપૂર્વક ભારતીય ત્રિરંગો ફરકાવી આંદોલનની આગેવાની લીધી, જેના કારણે તેમને 'ગ્રાન્ડ ઓલ્ડ લેડી' તરીકે ઓળખ મળી. ધરપકડથી બચવા ભૂગર્ભમાં રહી તેમણે 'ઇન્કિલાબ' મેગેઝિનનું સંપાદન કર્યું. સ્વતંત્રતા પછી દિલ્હીના પ્રથમ મેયર બન્યા અને પત્રકારત્વ ક્ષેત્રે પણ યોગદાન આપ્યું.

1995 થી 2015 વચ્ચે જન્મેલી ‘Gen Z’ પેઢી મોબાઇલ અને સોશિયલ મીડિયામાં મોટી થઈ છે. તેમની વાતચીતની રીત, શબ્દોની પસંદગી અને ભાષા પ્રત્યેનો અભિગમ પરંપરાગત વ્યાકરણથી અલગ છે. Gen Z ની વાતચીતની શૈલી ભાષા કેવી રીતે બદલાઈ રહી છે તેનું પ્રતિબિંબ પાડે છે. આ પરિવર્તન તેમના મૂલ્યો, ઓળખ અને અભિવ્યક્તિને કેવી રીતે રજૂ કરે છે તે રસપ્રદ છે. નવી અંગ્રેજી શૈલીઓ જેવી કે ‘Rizz’, ‘No cap’, ‘Slay’, ‘Ate’, ‘Ick’, ‘Delulu’, ‘Be so forreal’ વગેરે Gen Z ની ભાષાનો એક ભાગ બની ગઈ છે.

તેલંગણાના ખમ્મમ જિલ્લામાં એક અજીબોગરીબ હત્યાનો કેસ સામે આવ્યો છે. શેખ જમાલ સાહેબની પત્ની ઈમામ બી, મોહન રાવ નામના યુવકના પ્રેમમાં પડી. બંનેએ મળીને જમાલ સાહેબને રસ્તામાંથી હટાવવાનું કાવતરું ઘડ્યું. મોહન રાવે ડૉક્ટર મિત્ર પાસેથી ઝેરી ઈન્જેક્શન મેળવી લીધું. એક દિવસ, જમાલ સાહેબ જ્યારે પોતાની દીકરીને મળવા જઈ રહ્યા હતા, ત્યારે મોહન રાવે લિફ્ટના બહાને તેમની બાઈક પર ચડીને ઝેરી ઈન્જેક્શન મારી દીધું. આ ઘટનાના પુરાવા પોલીસને ઘટનાસ્થળેથી મળ્યા, જેના આધારે તપાસ કરીને ઈમામ બી અને મોહન રાવ સહિત છ લોકોને જેલ ભેગા કરવામાં આવ્યા.

નેલ્સન મંડેલા ડે નિમિત્તે, બાળકોના સિનેમા ક્ષેત્રે યોગદાન બદલ પ્રતિષ્ઠિત ‘નેલ્સન મંડેલા લાઇફટાઇમ અચીવમેન્ટ એવોર્ડ’ મેળવનાર પ્રથમ ભારતીય ફિલ્મ સર્જક વિનોદ ગણાત્રાની અનોખી સિદ્ધિ નોંધનીય છે. તેમણે અમેરિકાનો ‘લિવ ઉલમન પીસ પ્રાઇઝ’ પણ મેળવ્યો છે. 40થી વધુ પુરસ્કારો મેળવી ચૂકેલા ગણાત્રા, 111થી વધુ ફિલ્મ મહોત્સવોમાં જ્યુરી સભ્ય તરીકે સેવા આપનાર એકમાત્ર ભારતીય ફિલ્મ સર્જક છે. તેમની ગુજરાતી ફિલ્મો ‘હેડા-હોડા’ અને ‘હારુન–અરૂણ’એ આંતરરાષ્ટ્રીય સ્તરે પ્રશંસા મેળવી છે.

રાજકોટ શહેરમાં 19 વર્ષની પરંપરા જાળવીને, ભગવાન જગન્નાથ, ભાઈ બલભદ્ર અને બહેન સુભદ્રા સાથે 26 કિમી લાંબી ભવ્ય રથયાત્રાએ નીકળશે. આવતીકાલે, 16મી જુલાઈના રોજ સવારે 8 વાગ્યે મંદિરેથી પ્રારંભ થનાર આ યાત્રામાં વૃંદાવનની રાસમંડળી અને અઘોરી મંડળી મુખ્ય આકર્ષણ રહેશે. 1800થી વધુ પોલીસ જવાનો સુરક્ષા માટે તૈનાત રહેશે, જ્યારે વિવિધ સંસ્થાઓ દ્વારા પ્રસાદ અને સ્વાગતની તૈયારીઓ કરવામાં આવી છે. આ ઐતિહાસિક રથયાત્રા શહેરના અનેક વિસ્તારોમાંથી પસાર થશે.

સુરતના નાસીરનગર ડિમોલિશન કેસમાં સસ્પેન્ડ કરાયેલા એક્ઝિક્યુટિવ એન્જિનિયર સુજલ પ્રજાપતિએ મ્યુનિસિપલ કમિશનર એમ. નાગરાજન પર ગેરકાયદે ડિમોલિશનના સીધા આદેશ આપ્યાનો આરોપ મૂક્યો છે. હાઈકોર્ટમાં ફાઈલ કરેલા એફિડેવિટમાં, પ્રજાપતિએ 21 મેના રોજ થયેલી વાતચીત અને 'Complete this ASAP' જેવા મેસેજ રજૂ કર્યા છે. કમિશનર દ્વારા સુજલને મોકલાયેલો ફોરવર્ડેડ મેસેજ કોણે મોકલ્યો તે મુખ્ય પ્રશ્ન છે. આ ચેટ દર્શાવે છે કે કમિશનર સતત સંપર્કમાં હતા અને કામગીરી પર નજર રાખી રહ્યા હતા.

ઇંગ્લેન્ડના લોર્ડ્સ ક્રિકેટ ગ્રાઉન્ડ પર રમાયેલી ઐતિહાસિક મહિલા ટેસ્ટ મેચમાં ભારતીય ખેલાડી યાસ્તિકા ભાટિયાએ ૧૪૨ વર્ષના ઇતિહાસમાં પ્રથમ સદી ફટકારી પોતાની આગવી ઓળખ બનાવી છે. બરોડિયન ગર્લ યાસ્તિકાએ ૧૫૮ બોલમાં ૧૧૩ રનની અણનમ ઇનિંગ રમી હતી. મેચ બાદ પરિવારે જણાવ્યું કે, સદી ફટકારતી વખતે યાસ્તિકાને તેના પરિવારજનો, જેમાં માતા, પિતા, બહેન અને દાદાનો સમાવેશ થાય છે, તેઓ નજર આવી રહ્યા હતા અને દાદા જાણે આશીર્વાદ આપી રહ્યા હોય તેવું લાગી રહ્યું હતું. આ સિદ્ધિ તેની મહેનત અને દ્રઢ નિશ્ચયનું પરિણામ છે.

ગુજરાતમાં ચાંદીપુરા વાયરસ ફરી હાહાકાર મચાવી રહ્યો છે. આ વાયરસના કારણે અત્યાર સુધીમાં 12 બાળકોના મોત થયા છે, જે ચિંતાનો વિષય છે. આ ખતરનાક વાયરસ શરીરમાં સેન્ડ ફ્લાય (ભૂરા રંગની જીણી માખી) દ્વારા પ્રવેશે છે. શું આ માખી માત્ર ગામડાઓમાં જ જોવા મળે છે કે શહેરોમાં પણ તેનો ફેલાવો થઈ શકે છે? આ અંગે ચાર નિષ્ણાતોના મત અલગ-અલગ છે, જે ચર્ચાનો મુખ્ય મુદ્દો બન્યો છે.

પોરબંદરની કંચન ગુમ થયા બાદ પાડોશી ત્રિકમ પણ ગાયબ હતો. બાદમાં ત્રિકમ ચોટીલામાં ગળું કપાયેલી હાલતમાં મળ્યો. પોલીસ ત્રિકમના ઘરે પહોંચી તો ત્યાં ગળું કપાયેલી હાલતમાં કંચનની લાશ મળી. CCTVમાં ત્રિકમ લોહીથી ખરડાયેલી છરી સાફ કરતો દેખાયો, જેના પરથી પોલીસને કંચનની હત્યાનો ખુલાસો થયો. ત્રિકમે આયોજનપૂર્વક કંચનને મોતને ઘાટ ઉતારી પોતાના પરિવારને બોટાદ મોકલી દીધો હતો. કંચન ગર્ભવતી હોવાનું નાટક કરતી હતી. ત્રિકમની પત્નીના જણાવ્યા મુજબ, ત્રિકમ અને કંચન પ્રેમમાં હતા. ત્રિકમે હત્યા બાદ આત્મહત્યા કરી હતી.

અમદાવાદમાં શિક્ષણ વહીવટને વધુ સુવ્યવસ્થિત બનાવવા માટે જિલ્લા શિક્ષણાધિકારી કચેરી (DEO)નું પૂર્વ અને પશ્ચિમ એમ બે ભાગમાં વિભાજન કરાયું છે. સાબરમતી નદીને આધારે શાળાઓની ફાળવણી કરાઈ છે, જેમાં પૂર્વ વિસ્તારમાં 1,484 અને પશ્ચિમમાં 831 શાળાઓ આવશે. આ નવા વિભાજનથી શાળાઓને મંજૂરી, નિરીક્ષણ, માન્યતા અને અન્ય વહીવટી પ્રશ્નો ઝડપી બનશે. AMC હદ બહારની શાળાઓ ગ્રામ્ય DEO હેઠળ રહેશે.

ભારત અને યુનાઇટેડ કિંગડમ (UK) વચ્ચે ઐતિહાસિક કોમ્પ્રિહેન્સિવ ઇકોનોમિક એન્ડ ટ્રેડ એગ્રીમેન્ટ (CETA) અમલમાં આવતાં સૌરાષ્ટ્રના નિકાસ ક્ષેત્રે નવો અધ્યાય શરૂ થયો છે. આ કરાર હેઠળ, રાજકોટ સ્થિત અન્નપૂર્ણા યુનિવર્સલ ફૂડ્સ પ્રા. લિ. દ્વારા રૂ. 25 લાખના ડ્રાય સ્નેક્સનું 40 ટનનું પ્રથમ કન્ટેનર યુકે જવા રવાના થયું છે. ડીજીએફટી (DGFT)ના સંયુક્ત નિયામક રોહિત સોનીએ આ પ્રસંગે લીલી ઝંડી આપી કન્ટેનરને પ્રસ્થાન કરાવ્યું. આ CETA કરાર હેઠળ યુકેમાં ભારતમાંથી નિકાસ થતી 99 ટકા પ્રોડક્ટ્સ પર આયાત જકાત નાબૂદ કરવામાં આવી છે.

ભરૂચમાં આયોજન અધિકારી તરીકે પ્રમોશન મેળવી આવેલાં પિયુશકુમાર ઉકાણીએ તેમના ભાડાના મકાનમાં ગળેફાંસો ખાઈ આત્મહત્યા કરી લીધી. આંત્યેતિ3 ચિઠ્ઠી મુજબ, ક્રેડિટ કાર્ડની લોનના હપ્તાના ટેન્શનમાં તેમણે આ પગલું ભર્યું હોવાનું અનુમાન છે. વિશ્વસનિય સુત્રો અનુસાર, પિયુશકુમાર ઉકાણી છોટાઉદેપુરમાં ફરજ પર હતાં ત્યારે પણ લોનના હપ્તાઓને લઈને ચિંતિત રહેતાં હતાં. તેમની આર્થિક સંકડામણ સિવાય અન્ય કોઈ કારણ છે કે કેમ તે અંગે પોલીસ તપાસ કરી રહી છે.

ભરૂચમાં ૧૬મી જુલાઈએ યોજાનારી ભગવાન જગન્નાથજીની ઐતિહાસિક રથયાત્રા શાંતિપૂર્ણ રીતે સંપન્ન થાય તે માટે જિલ્લા પોલીસ તંત્ર દ્વારા તૈયારીઓ શરૂ કરવામાં આવી છે. આ સંદર્ભે જિલ્લા પોલીસવડા અક્ષયરાજ મકવાણાની અધ્યક્ષતામાં શાંતિ સમિતિની બેઠક યોજાઈ હતી, જેમાં બંને સમાજના આગેવાનો અને સંસ્થાઓના પ્રતિનિધિઓ હાજર રહ્યા હતા. રથયાત્રાના રૂટ, ટ્રાફિક, સુરક્ષા અને કોમી એકતા જેવા મુદ્દાઓ પર વિસ્તૃત ચર્ચા થઈ. મુસ્લિમ સમાજ દ્વારા રથયાત્રાનું સ્વાગત કરાશે. સુરક્ષા માટે વિશેષ ટીમો તૈનાત રહેશે અને ફ્લેગ માર્ચ યોજાશે.

ડભોઇ શહેરમાં 16 તારીખે કે બદ્રીનારાયણ મંદિરેથી ભગવાન જગન્નાથજીની ભવ્ય શોભાયાત્રા નીકળશે. આ યાત્રા સૌહાર્દપૂર્ણ વાતાવરણમાં યોજાય તે માટે ડભોઇ તાલુકા સેવા સદન ખાતે શાંતિ સમિતિની એક મહત્વપૂર્ણ બેઠક યોજાઇ હતી. જેમાં ધારાસભ્ય અધ્યક્ષ સ્થાને હતા. બેઠકમાં DySp, PI, ચીફ ઓફ્સર, નગરપાલિકા પ્રમુખ, વિવિધ ધર્મોના આગેવાનો અને મંદિરના ટ્રસ્ટીઓ ઉપસ્થિત રહ્યા હતા.

આગામી 9 ઓગસ્ટ અને વિશ્વ આદિવાસી દિવસની ઉજવણીના ભાગરૂપે ટીસી કાપડિયા કોલેજ ખાતે આદિવાસી આગેવાનોની બેઠ3 યોજાઇ હતી. જેમાં ઉજવણીને ભવ્ય અને સફ્ળ બનાવવા માટે વિવિધ મુદ્દા પર વિસ્તૃત ચર્ચા કરાઇ હતી. જેના આયોજન માટે સોસાયટીવાઇઝ ફળો એકત્રિત કરવાની, ગત વર્ષનો ખર્ચ વધેલ ફળો તેમજ આ વર્ષનું આયોજન કરાયું હતું. આદિવાસી સમાજના વિવિધ આગેવાનો કાર્યકરો તેમજ યુવાનોને કાર્યક્રમ સંબંધિત જવાબદારી સોંપાઇ હતી.

કરજણ શહેરમાં ભગવાન જગન્નાથજીની રથયાત્રા શાંતિપૂર્ણ અને સુરક્ષિત રીતે સંપન્ન થાય તે માટે કરજણ પોલીસ દ્વારા નગરના મુખ્ય માર્ગો પર સઘન ફૂટ પેટ્રોલિંગ હાથ ધરવામાં આવ્યું. PI બી. એમ. પટેલના નેતૃત્વ હેઠળ પોલીસ ટીમે વિવિધ વિસ્તારોમાં પેટ્રોલિંગ કરીને સુરક્ષા વ્યવસ્થાની સમીક્ષા કરી. પોલીસે વેપારીઓ અને નાગરિકો સાથે સંવાદ સાધી કાયદો-વ્યવસ્થા જાળવવા અને શંકાસ્પદ પ્રવૃત્તિ અંગે તાત્કાલિક જાણ કરવા અપીલ કરી. સમગ્ર યાત્રામાર્ગ પર પોલીસ બંદોબસ્ત જાળવવામાં આવશે.

બોડેલી ખાતે સફયર પબ્લિક સ્કૂલમાં 13માં ઈન્ડિયન ટેલેન્ટ ઓલિમ્પિયાડના વિજેતા વિદ્યાર્થીઓનું સન્માન સમારોહ યોજાયો હતો. પ્રાયમરી સેકશનની વિદ્યાર્થિની પ્રગ્યા રણાએ સ્ટેટ લેવલ 3માં સ્ટેટ ટોપર સ્કોર કરી ઉત્કૃષ્ટ સિદ્ધિ હાંસલ કરી હતી. તેને એકસેલેન્ટ એવોર્ડ, સ્કોલરશીપ, ચેક અને પ્રમાણપત્ર આપી સન્માનિત કરાઈ. શાળાના ટ્રસ્ટી રાહુલ ઈસરાની, હેડ મિનિસ્ટ્રેસ સ્મિતા સેન અને જજ ધાસુરા સાહેબે પુરસ્કાર અર્પણ કર્યા. છોટાઉદેપુર જિલ્લા રાજપૂત સમાજ દ્વારા પણ પ્રગ્યાને અભિનંદન પાઠવાયા.

છોટાઉદેપુરના નસવાડી તાલુકાના કડવાં ગામ પાસે કેનાલના માર્ગ પર રાત્રિના સમયે એક વિશાળ મગર દેખાતાં વાહનચાલકો અને રાહદારીઓમાં ભયનો માહોલ સર્જાયો હતો. પોલીસ પેટ્રોલિંગ દરમિયાન આ ઘટના બની હતી, જેનો વીડિયો પોલીસે જનસુરક્ષાના ભાગરૂપે સોશિયલ મીડિયામાં વાઇરલ કર્યો હતો. મગર થોડીવારમાં કેનાલ તરફ જતો રહ્યો હતો. ચોમાસામાં જળાશયોમાં પાણી વધતાં મગરો બહાર નીકળે છે. પોલીસે રાત્રિના સમયે આ માર્ગ પરથી પસાર થતા લોકોને સાવચેતી રાખવા અને મગર દેખાય તો વન વિભાગને જાણ કરવા અપીલ કરી છે.

અરવલ્લી જિલ્લામાં વાહન ચોરીના ગુનાઓ પર અંકુશ લાવવા LCB દ્વારા કરાયેલ કાર્યવાહીમાં એક મોટી સફળતા મળી છે. પોલીસે કાલબેલિયા ગેંગના એક સાગરિત અને કાયદાના સંઘર્ષમાં આવેલા એક કિશોરને ઝડપી પાડ્યો છે. તેમની પાસેથી કુલ 9 બાઇક રિકવર કરવામાં આવ્યા છે, જેની અંદાજે કિંમત 3.55 લાખ રૂપિયા છે. આ ગુનાઓમાં મોડાસા, ભિલોડા, સાબરકાંઠાના ગાંભોઈ, મેઘરજ, અમદાવાદના નાના ચિલોડા અને હિંમતનગર જેવા વિસ્તારોમાંથી ચોરી કરવામાં આવી હતી. આ કાર્યવાહીથી મિલકત સંબંધી ગુનાઓ અટકાવવામાં પોલીસને મોટી સફળતા મળી છે.

છોટાઉદેપુર નગરપાલિકા પ્રમુખ મંજુલાબેન કોલીનો જાતિનો દાખલો રદ કરવાના હુકમ પર પુનઃવિચારણા કરી તેને પરત ખેંચવા કલેક્ટરને આવેદનપત્ર અપાયું છે. કોલી, ઢેબરીયા કોલી, રાઠવા કોળી, બારીયા કોલી જાતિઓને બક્ષીપંચની યાદીમાંથી દૂર કરવાની પણ માંગ કરાઈ છે. આ મુદ્દે સમાજમાં ચર્ચા છે, કારણ કે છોટાઉદેપુર જિલ્લામાં 90 ટકા આદિવાસી વસતી છે. આવેદનપત્રમાં 1950 પહેલાંના ગાયકવાડી સરકારના રેકોર્ડ અને 1901-1920ના વહીવટી અહેવાલોનો ઉલ્લેખ કરી કોળી જાતિને આદિવાસી તરીકે ઓળખવામાં આવી હોવાના પુરાવા રજૂ કરાયા છે.