બ્રિટિશ શાસન દરમિયાન મોંઘા વિદેશી વોટરપ્રૂફ કપડાં સામે ભારતને આત્મનિર્ભર બનાવવા સ્વાતંત્ર્ય સેનાની અને વૈજ્ઞાનિક સુરેન્દ્ર મોહન બોઝે ‘ડકબેક’ (Duckback) બ્રાન્ડની સ્થાપના કરી હતી. જેલવાસ દરમિયાન ભારતીય સૈનિકોની તકલીફો જોઈને તેમણે દેશમાં જ સસ્તા અને મજબૂત રેઈનકોટ બનાવવાનું નક્કી કર્યું. બતકના પીંછા પરથી પાણી સરકી જવાની કુદરતી પ્રક્રિયામાંથી પ્રેરણા લઈ ખાસ વલ્કેનાઈઝેશન ટેકનિક દ્વારા વર્ષ ૧૯૨૦માં આ રેઈનવેર લોન્ચ કરાયા હતા. આ સાહસ પાછળથી ‘બંગાળ વોટરપ્રૂફ લિમિટેડ’ બન્યું, જેણે સામાન્ય નાગરિકોથી લઈને ભારતીય સેના માટે વિવિધ રબર પ્રોડક્ટ્સ બનાવી દેશભક્તિ અને આત્મનિર્ભરતાનું ઉત્કૃષ્ટ ઉદાહરણ પૂરું પાડ્યું છે.