પશ્ચિમ બંગાળના નવા મુખ્યમંત્રી તરીકે સુવેન્દુ અધિકારને જાહેર કરવામાં આવ્યા. મહાભારતમાં દ્રૌપદીનો રોલ ભજવનાર રૂપા ગાંગુલી પશ્ચિમ બંગાળના નાયબ મુખ્યમંત્રી બન્યા. બીજા નાયબ મુખ્યમંત્રી ઉત્તર પશ્ચિમ બંગાળમાંથી પસંદ કરવામાં આવશે. આવતીકાલે માત્ર 3 વ્યક્તિઓ જ શપથ લેશે. મુખ્યમંત્રી સુવેન્દુ અધિકારી પાસે ગૃહ વિભાગ અને પોલીસ વિભાગ રહેશે. ગઈકાલે જ સુવેન્દુ અધિકારીએ નિવેદન આપ્યું હતું કે, શપથ લીધા પછી પશ્ચિમ બંગાળમાં સફાઈ અભિયાન ચાલુ થશે.

ચીને પહેલીવાર સત્તાવાર રીતે સ્વીકાર્યું છે કે ગયા વર્ષે ભારત અને પાકિસ્તાન વચ્ચે થયેલા યુદ્ધ દરમિયાન તેણે પાકિસ્તાની વાયુસેનાને ઓન-સાઇટ ટેકનિકલ સહાય પૂરી પાડી હતી. ચીની સરકારી બ્રોડકાસ્ટર CCTV પર પ્રસારિત એક ઇન્ટરવ્યુમાં, એવિએશન ઇન્ડસ્ટ્રી કોર્પોરેશન ઓફ ચાઇનાના એન્જિનિયરોએ ખુલાસો કર્યો કે તેઓ યુદ્ધ દરમિયાન પાકિસ્તાનમાં હાજર હતા. અહેવાલ મુજબ, આ સંઘર્ષ દરમિયાન ચીની બનાવટના J-10CE ફાઈટર જેટે ભારતના ફ્રેન્ચ બનાવટના રાફેલ ફાઈટર જેટને તોડી પાડ્યું હતું. આ પ્રથમ ઘટના છે જ્યારે ચીની બનાવટના આ વિમાને કોઈ દુશ્મન વિમાનને તોડી પાડ્યું હોય.

પશ્ચિમ બંગાળમાં ચૂંટણી હાર બાદ TMCમાં આંતરિક વિખવાદ વકર્યો છે. રાજ ચક્રવર્તીએ રાજકારણ છોડ્યું, જયારે અનેક દિગ્ગજોએ નેતૃત્વ સામે બળવો પોકાર્યો. સંગઠનાત્મક અહંકાર અને જમીની સ્તરથી કપાયેલા હોવા જેવા કારણો અપાઈ રહ્યા છે. I-PAC અને બિન-બંગાળી સલાહકારોના પ્રભાવ પર પણ સવાલ ઉઠી રહ્યા છે. ભ્રષ્ટાચાર અને ફંડ માટે દબાણના ગંભીર આરોપો સાથે રાજીનામાનો દોર શરૂ થયો છે.

ભારતીય T20 ટીમમાં સૂર્યકુમાર યાદવના કેપ્ટન પદ પર ખતરો મંડરાઈ રહ્યો છે. BCCI સૂર્યાના બદલે શ્રેયસ અય્યરને નવો કેપ્ટન બનાવવાની યોજના બનાવી રહી છે. શ્રેયસના IPL 2026માં શાનદાર પ્રદર્શન અને નેતૃત્વને કારણે આ ચર્ચા થઈ રહી છે, જ્યારે સૂર્યાનું ખરાબ ફોર્મ પણ ચિંતાનો વિષય બન્યું છે. આગામી સમયમાં ભારતીય ટીમ આયર્લેન્ડ અને ઈંગ્લેન્ડના પ્રવાસે જવાની છે, જ્યાં BCCI યુવા ખેલાડીઓને વધુ તક આપવા માંગે છે. શ્રેયસ અય્યર આ રેસમાં સૌથી આગળ હોવા છતાં એક પાસું એ પણ છે કે તેણે ડિસેમ્બર 2023 પછી કોઈ આંતરરાષ્ટ્રીય ટી20 મેચ રમી નથી.

તમિલનાડુમાં નવી સરકાર રચવા મથામણ ચાલી રહી છે, જ્યાં કોઈ પક્ષને સ્પષ્ટ બહુમતી નથી. થલાપતિ વિજયની TVK અને DMK વચ્ચે સ્પર્ધા છે. AIADMK ભાજપથી અલગ થવાની તૈયારીમાં છે, જે વિજય માટે શુભ સંકેત છે. TVKને કોંગ્રેસનું સમર્થન મળ્યું છે, પણ બહુમતી માટે હજુ 5 બેઠકો ખૂટે છે. AIADMK ભાજપ સાથેનું ગઠબંધન તોડી TVK કે DMK સાથે જોડાશે તે અંગે અટકળો તેજ બની છે.

પશ્ચિમ બંગાળમાં નવી સરકારની રચનાની પ્રક્રિયા શરૂ થઈ છે. ગૃહમંત્રી અમિત શાહ કેન્દ્રીય નિરીક્ષક બન્યા છે. આજે બપોરે 2 વાગ્યે BJP ધારાસભ્ય દળની બેઠકમાં મુખ્યમંત્રીના નામની જાહેરાત થઈ શકે છે. નવા મુખ્યમંત્રીનો શપથ ગ્રહણ સમારોહ 9 મેના રોજ કોલકાતામાં યોજાશે. સુવેન્દુ અધિકારી મુખ્યમંત્રી બનવાની રેસમાં સૌથી આગળ છે.

બંગાળમાં BJPની ઐતિહાસિક જીત બાદ મુખ્યમંત્રીના ચહેરા પર સૌની નજર છે. 8 મેના રોજ કોલકાતામાં યોજાનારી BJP વિધાયક દળની બેઠકમાં નવા CMના નામની જાહેરાત થઈ શકે છે. કેન્દ્રીય ગૃહમંત્રી અમિત શાહ નિરીક્ષક તરીકે હાજર રહેશે. શુભેંદુ અધિકારી, દિલીપ ઘોષ, સમિક ભટ્ટાચાર્ય અને અગ્નિમિત્રા પોલ જેવા નામોની ચર્ચા મુખ્યમંત્રી પદ માટે થઈ રહી છે.

કેન્દ્રીય નાણામંત્રી નિર્મલા સીતારમણે દાદરા અને નગર હવેલી તથા દમણની મુલાકાત લીધી. તેમણે સેલવાસમાં વિવિધ વિકાસલક્ષી પ્રોજેક્ટ્સ, સ્પોર્ટ્સ અને મનોરંજન ઝોન, અને NAMO મેડિકલ ઇન્સ્ટિટ્યૂટની મુલાકાત લીધી. પ્રદેશના આધુનિક માળખાકીય વિકાસ, શ્રેષ્ઠ રસ્તાઓ, મેડિકલ સુવિધાઓ, અને યુનિવર્સિટીઓની પ્રશંસા કરી. 'વિકસિત ભારત @2047' લક્ષ્યમાં પ્રદેશ અગ્રેસર રહેશે તેવો વિશ્વાસ વ્યક્ત કર્યો.

પશ્ચિમ એશિયામાં તણાવ છતાં, ભારતમાં પેટ્રોલ અને ડીઝલના ભાવ સ્થિર છે. ઓઇલ માર્કેટિંગ કંપનીઓ (OMCs) દરરોજ સવારે 6:00 વાગ્યે ભાવ સુધારે છે, જે વૈશ્વિક ક્રૂડ ઓઇલના દરો અને ચલણ વિનિમય દરોમાં વધઘટ સાથે સંરેખિત થાય છે. આજે, 8 મે, 2026 ના રોજ, ગુજરાતના મુખ્ય શહેરોમાં ભાવ નીચે મુજબ છે: અમદાવાદ, રાજકોટ, સુરત, વડોદરા, ગાંધીનગર અને ભાવનગર. OMCs હાલમાં પેટ્રોલ પર ₹20-25 અને ડીઝલ પર ₹100-105 પ્રતિ લિટરનું નુકસાન સહન કરી રહી છે.

૨૫ દિવસથી ફરાર નિદા ખાનને નારેગાંવમાંથી ધરપકડ કરાઈ. તે ચાર સંબંધીઓ સાથે ફ્લેટમાં છુપાયેલી હતી. પોલીસને બદલતા ઠેકાણાની માહિતી મળી રહી હતી. નાસિક ક્રાઇમ બ્રાન્ચ અને છત્રપતિ સંભાજીનગર પોલીસના સંયુક્ત ઓપરેશનમાં ડિટેન કરાઈ. મેડિકલ બાદ નાસિક લઈ જવાશે. કોર્ટે આગોતરા જામીન અરજી ફગાવી હતી. Digital પુરાવા અને મલેશિયા કનેક્શનની તપાસ ચાલુ છે.

દાહોદના આંકલી ગામે 18.08 વર્ષના વરરાજા સામે બાળ લગ્નનો ગુનો દાખલ થયો છે, જે કાયદાકીય વિસંગતતા દર્શાવે છે. વર 18 વર્ષે મત આપી શકે છે, પરંતુ લગ્ન માટે કાયદાકીય રીતે ‘બાળક' ગણાય છે. કન્યા પુખ્ત વયની હોવા છતાં, યુવકની 21 વર્ષની મર્યાદાને કારણે લગ્નને બાળ લગ્ન ગણવામાં આવ્યું છે. આ કિસ્સો મતાધિકાર અને લગ્નની વયમર્યાદા વચ્ચેના તફાવત પર પ્રકાશ પાડે છે, જે સામાજિક સુરક્ષા અને યુવાનોના ભવિષ્યને ધ્યાનમાં રાખીને કરાયો છે.

અખાતી દેશોમાં રહેતા બિનનિવાસી ભારતીયો હવે પ્રોપર્ટીને બદલે દેશમાં ઇક્વિટી, મ્યુચ્યુઅલ ફંડ્સ અને લાંબા ગાળાના નાણાકીય સાધનોમાં રોકાણ કરવાનું પસંદ કરી રહ્યા છે. પશ્ચિમ એશિયામાં તંગદિલી બાદ આ ટ્રેન્ડ બદલાયો છે. ઇક્વિરિઅસ વેલ્થના સર્વે મુજબ, ૮૦૦૦થી વધુ ભારતીયોના રેમિટેન્સિસ તથા સંપતિ નિર્માણની પદ્ધતિમાં પરિવર્તન જોવા મળ્યું છે.

સુપ્રીમ કોર્ટ દ્વારા ન્યાય પ્રણાલીને વધુ વ્યાપક, સરળ અને લોકાભિમુખ બનાવવા સમાધાન સમારો-૨૦૨૬ (વિશેષ લોક અદાલત)નું આયોજન કરાયું છે. જેની શરૃઆત ૨૧ એપ્રિલથી થઈ છે અને સમાપન તા.૨૧-૮થી તા.૨૩-૮ સુધી સુપ્રીમ કોર્ટના પરિસરમાં યોજાનારી વિશેષ લોક અદાલત સાથે થશે. કાર્યક્રમનો મુખ્ય હેતુ પક્ષકારો વચ્ચે સહમતી દ્વારા લાંબા સમયથી ચાલતા વિવાદોનો ઝડપી અંત લાવી ન્યાય સરળતાથી ઉપલબ્ધ કરાવવાનો છે.

એપ્રિલમાં પેટ્રોલ માંગ ૬.૩૬% વધી, જ્યારે LPG વપરાશ ૧૬.૧૬% ઘટ્યો. પશ્ચિમ એશિયા સંઘર્ષને કારણે વિક્ષેપના સંકેત. ડીઝલ માંગ લગભગ સ્થિર રહી, જે ઇંધણ વપરાશના વલણોમાં નોંધપાત્ર ફેરફાર દર્શાવે છે.

તામિલનાડુ ચૂંટણીમાં સૌથી વધુ બેઠકો વિજયના ટીવીકે પક્ષને મળી, પણ કોંગ્રેસના ટેકા છતાં જરૂરી ૧૧૮ ધારાસભ્યોના હસ્તાક્ષર કરાવી શક્યો નહીં. રાજ્યપાલે પૂરતા ધારાસભ્યો ન હોવાનું કહી વિજયને બીજી વખત પરત મોકલ્યા. ટીવીકે પાસે ૧૦૮, કોંગ્રેસ સાથે ૧૧૩ ધારાસભ્યો છે. હવે ઘટતા ૬ ધારાસભ્યોનું શું થશે તે જોવાનું રહ્યું.

પશ્ચિમ બંગાળમાં ભાજપ નેતા સુવેન્દુ અધિકારીના PA ચંદ્રનાથ રથની ગોળી મારીને હત્યા. ભાજપ ધારાસભ્ય શંકર ઘોષે દાવો કર્યો કે હત્યા સમયે તેઓ ચંદ્રનાથ સાથે ફોન પર વાત કરી રહ્યા હતા. તેમણે ગોળીઓ અને કણસવાનો અવાજ સાંભળ્યો. ચંદ્રનાથ કોલકાતાથી મધ્યમગ્રામ જઈ રહ્યા હતા ત્યારે હુમલો થયો. આ ઘટનામાં આધુનિક હથિયારનો ઉપયોગ થયો હોવાનું મનાય છે.

તાજેતરમાં થયેલી વિધાનસભા ચૂંટણીઓમાં, રાજકીય પક્ષોએ મતદારોને આકર્ષવા માટે મફત યોજનાઓ અને વચનોની લહાણી કરી. આ વચનો પૂરા કરવાના બોજ હેઠળ સરકારી તિજોરી પર રૂ. 1.70 લાખ કરોડથી વધુનો બોજ પડશે. તામિલનાડુ, પશ્ચિમ બંગાળ અને કેરલ જેવા રાજ્યોમાં મહિલાઓ, ખેડૂતો અને બેરોજગારો માટે અનેક લોભામણાં વચનો આપવામાં આવ્યા હતા, જેના કારણે ભવિષ્યમાં આર્થિક તંગીનો સામનો કરવો પડી શકે છે.

સુરેન્દ્રનગર મહાનગરપાલીકાની ચૂંટણીમાં આમ આદમી પાર્ટી (AAP) ના 35 માંથી 34 ઉમેદવારો, શહેર પ્રમુખ સહિત, પોતાની ડિપોઝીટ ગુમાવી બેઠા છે. આ નવા નવા બનેલા મહાનગરપાલીકાની પ્રથમ ચૂંટણીમાં કુલ 60 ઉમેદવારોની ડિપોઝીટ જપ્ત થઈ છે.

પેટ્રોલ-ડીઝલ મોંઘા થતાં એશિયા, લેટિન અમેરિકા, આફ્રિકામાં EV માંગ 79% વધી. કોસ્ટા રિકામાં 18% EV વેચાણ, અમેરિકા કરતાં ત્રણ ગણું. ઇથોપિયા, ઉરુગ્વે તેલ નિર્ભરતા ઘટાડવા EV અપનાવી રહ્યા છે. ચીનમાં 1.1 કરોડ EV વેચાયા. ભારતમાં ટુ-થ્રી વ્હીલરમાં 15-25% વૃદ્ધિ. ચીનના સસ્તા EVsનો વ્યાપ વધ્યો.

ધાણોધરડા ગામે મહિલા સરપંચ અને મહિલા તલાટી વચ્ચે વહીવટી કામકાજ અને ખર્ચાઓને લઈને થયેલા તણાવ બાદ મામલો પોલીસ સ્ટેશન સુધી પહોંચ્યો છે. સરપંચના પતિ પર તલાટીને જાતિ વિષયક અપશબ્દો બોલવા અને માર મારવાનો આક્ષેપ છે, જેના પગલે એટ્રોસિટી એક્ટ હેઠળ ફરિયાદ નોંધાઈ છે.

રાજકીય પીઠબળ ઇચ્છતા પરિવારના ત્રણ કુટુંબીઓ ચૂંટાયા. 2019માં ગૃહમંત્રાલયે માર્ટિન ગ્રુપ પર કૌભાંડોના આરોપો લગાવ્યા હતા, ગ્રુપની 409 કરોડની સંપત્તિ જપ્ત કરાઇ હતી- સેન્ટિયાગો માટનના (ડાબેથી) જમાઇ આધવ અર્જુન, પત્ની લીમારોઝ  અને પુત્ર  જોશ ચાર્લ્સ  જેમને ભારતના 'લોટરી કિંગ'ની ઉપમા આપવામાં આવી છે, તે સેન્ટિયાગો માટન એક સમયે ઈલેક્ટોરલ બોન્ડ દ્વારા રાજકીય પક્ષો પર પ્રભાવ ઊભો કરતા હતા. એમની કંપની 'માટન ગ્રુપ'ની ઓફિસો કોઈમ્બતુર અને તમિલનાડુમાં આવેલી છે.

તમિલનાડુમાં અભિનેતામાંથી રાજનેતા બનેલા વિજયે ફરી એક વખત રાજ્યપાલની મુલાકાત કરી હતી અને સરકાર રચવાનો દાવો કર્યો હતો. જોકે રાજ્યપાલ બીજી વખત પણ સંમત નહોતા થયા. જેને પગલે હવે તમિલનાડુના રાજભવન બહાર વિજયના પક્ષ ટીવીકેના કાર્યકર્તાઓ અને સમર્થકો દ્વારા ઉગ્ર વિરોધ પ્રદર્શનો શરૂ કરી દેવાયા છે અને રાજ્યપાલ પર ભાજપ માટે કામ કરવાનો આરોપ લગાવ્યો છે. સાથે જ દાવો કર્યો છે કે બહુમત સાબિત કરવાનું સ્થળ રાજભવન નહીં પણ વિધાનસભા હોય છે.

પશ્ચિમ બંગાળના રાજકારણમાં આજનો દિવસ (7 મે 2026) ઈતિહાસના પાના પર નોંધાઈ ગયો છે. રાજ્યપાલ આર.એન. રવિએ એક મોટો અને અણધાર્યો નિર્ણય લેતા પશ્ચિમ બંગાળ વિધાનસભાને ભંગ કરવાનો સત્તાવાર આદેશ આપી દીધો છે. કોલકાતા ગેઝેટમાં પ્રકાશિત આ નોટિફિકેશન સાથે જ મમતા બેનર્જીની સરકાર બંધારણીય રીતે બરખાસ્ત થઈ ગઈ છે અને તેઓ હવે મુખ્યમંત્રી રહ્યા નથી. આ સાથે જ મમતા બેનર્જીની 15 વર્ષ જૂની સરકારનો અંત આવ્યો છે.

TRAI હવે એવી હાઈ-ટેક સિસ્ટમ લાવી રહ્યું છે કે જેનાથી પબ્લિક Wi-Fi વાપરનારાઓને ફરી ફરી OTP અને Login કરવાની ઝંઝટમાંથી મુક્તિ મળશે. દેશમાં ચાર લાખથી વધુ Wi-Fi હોટસ્પોટ માટે માત્ર એક જ પાસવર્ડ કે OTP નાખીને કનેક્ટ થઈ શકાશે. આ નવી સિસ્ટમ PM-WANI ની ખામીઓ દૂર કરશે અને WPA3 જેવા સિક્યોરિટી સ્ટાન્ડર્ડથી UPI અને બેંકિંગ ટ્રાન્ઝેક્શન સુરક્ષિત બનશે. ઓપરેટરો માટે પણ કમાણીના નવા રસ્તા ખુલશે.

થોમસ કપમાં બ્રોન્ઝ મેડલ જીતનાર સાત્વિકસાઈરાજ રેન્કીરેડ્ડીએ જણાવ્યું કે, ઇન્સ્ટાગ્રામ મોડલ્સને અમારા કરતા વધુ મહત્વ મળે છે. સ્વદેશ પરત ફર્યા બાદ કોઈ સ્વાગત ન મળ્યું, સરકાર કે બેડમિન્ટન એસોસિએશનના પ્રતિનિધિઓ પણ હાજર નહોતા. હૈદરાબાદમાં ડિનર માટે ટેબલ ન મળ્યું, જ્યારે ઇન્સ્ટાગ્રામ ફેમસ વ્યક્તિ આવે તો તરત સ્વાગત થાય છે. તેમણે હતાશામાં બેડમિન્ટન છોડીને ઇન્સ્ટાગ્રામ કન્ટેન્ટ ક્રિએટર બનવાની ઈચ્છા વ્યક્ત કરી.

સમાજવાદી પાર્ટીના રાષ્ટ્રીય અધ્યક્ષ અને ઉત્તર પ્રદેશના પૂર્વ મુખ્યમંત્રી અખિલેશ યાદવે આજે (7 મે) કોલકાતામાં પશ્ચિમ બંગાળના મુખ્યમંત્રી મમતા બેનર્જી સાથે મુલાકાત કરી હતી. આ મુલાકાત દરમિયાન સપા પ્રમુખ અખિલેશ યાદવે મમતા બેનર્જીને સાંત્વના આપતા કહ્યું હતું કે, ‘દીદી, તમે હાર્યા નથી.’ આ દરમિયાન ટીએમસી સાંસદ અભિષેક બેનર્જી પણ હાજર હતા અને તેમણે અખિલેશ યાદવનું ગળે મળીને ઉષ્માભર્યું સ્વાગત કર્યું હતું.

પશ્ચિમ બંગાળ ચૂંટણી બાદ બાંગ્લાદેશના નિવેદન પર ભારતે સ્પષ્ટ કર્યું કે મુખ્ય મુદ્દો ભારતમાં ગેરકાયદે વસતા બાંગ્લાદેશીઓને પરત મોકલવાનો છે. બાંગ્લાદેશ પાસે રાષ્ટ્રીયતા ચકાસણીના 2,860થી વધુ કેસ પેન્ડિંગ છે, જેમાં ઘણા 5 વર્ષથી જૂના છે. ભારતે આશા વ્યક્ત કરી કે બાંગ્લાદેશ આ પ્રક્રિયા ઝડપી બનાવશે, જેથી ગેરકાયદે ઇમિગ્રન્ટ્સને પાછા મોકલવાનું સરળ બને. પશ્ચિમ બંગાળની ચૂંટણીમાં ભાજપની જીત બાદ બાંગ્લાદેશના વિદેશ મંત્રીએ આપેલા નિવેદન પર ભારત સરકારે આકરું વલણ અપનાવ્યું છે.

રાજ્યમાં સ્થાનિક ચૂંટણીમાં સુપડા સાફ થતાં કોંગ્રેસે શિસ્તભંગનું હથિયાર ઉગામ્યું છે. જેમાં પક્ષ વિરોધી પ્રવૃત્તિ બદલ 20 કાર્યકરોને 6 વર્ષ માટે સસ્પેન્ડ કરવાના આદેશ ગાંધીનગર જિલ્લા કોંગ્રેસ સમિતિ દ્વારા કરવામાં આવ્યા છે. આ પત્રમાં આરોપ લગાવવામાં આવ્યો છે કે, આ સભ્યોએ પક્ષ વિરોધી પ્રવૃત્તિ કરી છે અને કોંગ્રેસના માન્ય ઉમેદવારોને નુકસાન પહોંચાડ્યું છે. સસ્પેન્ડ થયેલા સભ્યોમાં દહેગામ, માણસા અને કલોલ વિસ્તારના અગ્રણીઓનો સમાવેશ થાય છે. એકસાથે 20 સભ્યોને દૂર કરવાથી આગામી 2027ની વિધાનસભા ચૂંટણી પહેલા કોંગ્રેસનું માળખું વધુ નબળું પડી શકે છે.

તમિલનાડુ વિધાનસભા ચૂંટણીના પરિણામો બાદ સરકાર રચવા અંગેનું સસ્પેન્સ વધુ ઘેરું બન્યું છે. 108 બેઠકો સાથે સૌથી મોટા પક્ષ તરીકે ઉભરેલી વિજયની પાર્ટી TVK બહુમતી સાબિત કરવા મથામણ કરી રહી છે, ત્યારે બીજી તરફ AIADMK એ તેના તમામ 47 ધારાસભ્યોને પુડુચેરીના રિસોર્ટમાં શિફ્ટ કરી દીધા છે. રાજકીય વર્તુળોમાં ચર્ચા છે કે, વિરોધી છાવણી દ્વારા AIADMK ના ધારાસભ્યોને તોડવાના આક્રમક પ્રયાસો થઈ રહ્યા છે. પક્ષમાં ભંગાણ ન પડે તે હેતુથી તમામ ધારાસભ્યોને કડક સુરક્ષા વચ્ચે પુડુચેરી ખસેડાયા છે. અહીં પણ તેઓ પર સતત નજર રાખવામાં આવી રહી છે.

પશ્ચિમ બંગાળમાં TMC ચૂંટણી હારી ગઈ હોવા છતાં મમતા બેનરજી રાજીનામું આપી રહ્યા નથી, જેના કારણે બંધારણીય સંકટ ઊભું થયું છે. 7 મેના રોજ જૂની વિધાનસભા આપોઆપ ભંગ થઈ જશે અને 9 મેના રોજ નવી સરકાર શપથ લેશે. આ બે દિવસ દરમિયાન રાજ્યનો કારભાર કોણ સંભાળશે તે એક મોટો પ્રશ્ન છે. રાજ્યપાલ પાસે વચગાળાની વ્યવસ્થા કરવાનો અધિકાર છે.