કતરથી LPG ગેસ લઈને શિવાલિક નામનું જહાજ મુદ્રા પોર્ટ પહોંચ્યું. બીજું જહાજ નંદાદેવી જહાજ આવતીકાલે પહોંચશે. આ શિવાલિક જહાજમાં અંદાજિત 46 હજાર મેટ્રિક ટન LPG છે. જે અંદાજિત 32.4 લાખ ઘરેલું LPG સિલિન્ડર ભરી શકાય છે. હોર્મુઝ સ્ટ્રેટમાં હજુ પણ 22 ભારતીય જહાજો ફસાયેલા છે. તેમાં 611 ભારતીય ખલાસીઓ છે.

મોરબી, વાંકાનેર, હળવદમાં ત્રણ અપમૃત્યુની ઘટનાઓ બની છે; જેમાં એક બાળકનું વીજ શોકથી, એક યુવાનનું ઝેરી દવા પીવાથી અને એક મહિલાનું બીમારીથી સારવાર દરમિયાન મોત થયું. પોલીસે આ ઘટનાઓની નોંધ કરી કાયદેસરની કાર્યવાહી હાથ ધરી છે. વધુ તપાસ ચાલી રહી છે.

જમ્મુ-કાશ્મીરમાં અચાનક હિમવર્ષા થતાં કુદરતી નજારો સર્જાયો છે. સામાન્ય રીતે વસંત ઋતુની શરૂઆત થતી હોય છે, પરંતુ હવામાનમાં બદલાવથી સ્થાનિક લોકો આશ્ચર્યચકિત થયા છે. આ હિમવર્ષાથી તાપમાનમાં ઘટાડો થયો છે અને વાતાવરણમાં ઠંડક પ્રસરી ગઈ છે.

ગુજરાતની ઉમરેઠ વિધાનસભા બેઠક પર પેટાચૂંટણી જાહેર થઈ છે, ભાજપના ધારાસભ્યના નિધનથી બેઠક ખાલી પડી. NCP સાથે ગઠબંધન તૂટતા કોંગ્રેસ અને AAP ઉમેદવારો ઊભા રાખશે. 23 એપ્રિલે મતદાન થશે અને 4 મે એ પરિણામ જાહેર થશે. 30 માર્ચથી 6 એપ્રિલ સુધી ઉમેદવારીપત્રો ભરી શકાશે.

અમદાવાદના હાટકેશ્વર ઓવરબ્રિજને તોડવામાં વિલંબ થતા વેપારીઓએ દુકાનો બંધ રાખી વિરોધ કર્યો છે. ટ્રાફિક જામ, ઉડતી ધૂળથી લોકો પરેશાન છે. યોગ્ય બેરિકેડ કે આડશો મુક્યા વિના અને રસ્તાઓ પર પાણીના ટેન્કરો દ્વારા કોઈ છંટકાવ ન કરાતા સ્વાસ્થ્ય સાથે ચેડાં થતા શરદી ઉધરસના દુકાનદારો તેમજ ઓવરબ્રિજની બન્ને બાજુ આવેલ રહેણાંક મકાનોમાં રહેતા નાગરિકોઓ ભોગ બનતા તંત્રને જગાડવા આજે શોપ બંધનું એલાન આપ્યું છે.

આજે 10 રાજ્યોની 37 રાજ્યસભા બેઠકોના પરિણામો જાહેર થશે, જેમાં 26 ઉમેદવારો બિનહરીફ ચૂંટાયા છે. હરિયાણા, બિહાર અને ઓડિશામાં 11 બેઠકો માટે મતદાન ચાલુ છે, જેમાં NDAને 8 બેઠકોનો ફાયદો થઈ શકે છે. નીતિશ કુમાર પ્રથમવાર રાજ્યસભાના સાંસદ બનશે.

હરીશ રાણાને કોર્ટની મંજૂરીથી ઇચ્છામૃત્યુ આપવામાં આવી રહ્યું છે; Supreme Court ની મંજૂરી બાદ AIIMS માં શિફ્ટ કરાયા. માહિતી મુજબ વીડિયોમાં દેખાતી મહિલા બ્રહ્મા કુમારી સંસ્થા સાથે જોડાયેલી એક વરિષ્ઠ સાધિકા છે, જેમને લોકો “બહેન” તરીકે ઓળખે છે. તેઓ મોહન નાગર સ્થિત બ્રહ્માકુમારી સેન્ટર ‘પ્રભુ મિલન ભવન’ સાથે જોડાયેલા છે અને લાંબા સમયથી આધ્યાત્મિક સેવાકાર્યમાં સક્રિય છે.

ફોર્બ્સની ૨૦૨૬ની અબજોપતિઓની યાદી મુજબ વિશ્વમાં મહિલા અબજોપતિઓની સંખ્યા વધીને ૪૮૧ (૧૪%) થઈ છે. અમેરિકાની એલિસ વોલ્ટન $૧૩૪ બિલિયનની સંપત્તિ સાથે વિશ્વની સૌથી ધનિક મહિલા બની છે, જ્યારે ભારતનાં સાવિત્રી જિંદાલ ₹૩.૬૨ લાખ કરોડની નેટવર્થ સાથે ભારતના સૌથી ધનિક મહિલા અને વિશ્વમાં સાતમા ક્રમે છે. આ યાદીમાં લક્ષ્મી મિત્તલની સંપત્તિમાં વિક્રમી ઉછાળો જોવા મળ્યો છે, જ્યારે 'ફિઝિક્સવાલા'ના ફાઉન્ડર્સ અને પેટીએમના વિજય શેખર શર્માની પણ એન્ટ્રી થઈ છે.

બિહાર, હરિયાણા અને ઓડિશાની 11 Rajya Sabha બેઠકો માટે મતદાન છે. ઉમેદવારો વધુ હોવાથી ટક્કર રસપ્રદ છે. બિહારમાં પાંચમી બેઠક માટે જંગ છે, જ્યાં ઓવૈસીની પાર્ટીથી NDA ચિંતિત છે. હરિયાણા અને ઓડિશામાં કોંગ્રેસને ધારાસભ્યો તૂટવાનો ભય છે.

ઓડિશાની હોસ્પિટલમાં આગ લાગવાથી ICUમાં દાખલ 10 દર્દીઓનાં કરૂણ મોત થયા. મોડી રાત્રે ટ્રૉમા કેર યુનિટમાં આગ લાગી. ફાયરબ્રિગેડ અને હોસ્પિટલ સ્ટાફે બચાવ કામગીરી કરી, પણ ઘણા દર્દીઓ ફસાયા. મુખ્યમંત્રીએ ઘટનાસ્થળની મુલાકાત લીધી અને મૃતકોના પરિવારને 25 લાખ રૂપિયાની સહાયની જાહેરાત કરી. ACમાં શોર્ટ સર્કિટથી આગ લાગી હોવાની શક્યતા, તપાસના આદેશ અપાયા.

દેશમાં વરસાદ, કરા અને વાવાઝોડાનો દોર શરૂ; હવામાન વિભાગે અરુણાચલ પ્રદેશ, આસામ અને મેઘાલયમાં ભારે વરસાદનું એલર્ટ આપ્યું છે. બિહાર, યુપી સહિત 18 રાજ્યોમાં વાવાઝોડાની સંભાવના છે. સિક્કિમમાં વાવાઝોડાથી એક મહિલાનું મોત થયું, જ્યારે ઓડિશામાં વાવાઝોડાથી બે લોકોના મોત અને 70 ઘરોને નુકસાન થયું છે.

એર ઈન્ડિયાના 4000 કર્મચારીઓએ ELT પોલિસીનો દુરુપયોગ કરી, પરિવારજનોના નામે ફ્રી ટિકિટો મેળવી ઊંચા ભાવે વેચીને કંપનીને આર્થિક નુકસાન પહોંચાડ્યું. આ કૌભાંડ બહાર આવતા, એર ઈન્ડિયાએ દોષિત કર્મચારીઓ પાસેથી રિફંડ મેળવવાનું અને દંડ ફટકારવાનું શરૂ કર્યું. તપાસમાં મોટા પાયે ગેરરીતિઓ જોવા મળી.

કર્ણાટકમાં રાજ્યસભા ચૂંટણી પહેલાં ડેપ્યુટી CM ડીકે શિવકુમારે કોંગ્રેસના ધારાસભ્યોને ક્રોસ-વોટિંગ માટે ₹5 કરોડની ઓફરનો આરોપ લગાવ્યો. પોલીસે બે લોકોની ધરપકડ કરી છે. શિવકુમારના જણાવ્યા અનુસાર, ઓડિશાના ચાર લોકો બેંગલુરુના એક રિસોર્ટમાં ધારાસભ્યોને મળ્યા અને રાજ્યસભા ચૂંટણીમાં ક્રોસ-વોટિંગ માટે પૈસાની ઓફર કરી હતી. કોંગ્રેસના ધારાસભ્યોએ આ ઓફર ઠુકરાવી દીધી હતી.

કેરળના જોબિન સેબાસ્ટિયન પોતાના પાલતુ શ્વાન 'કુંજી' સાથે સાયકલ પર ભારત ભ્રમણ કરી રહ્યા છે. સાઉદી અરેબિયામાં ૧૪ વર્ષ નોકરી કર્યા બાદ, દેશની સંસ્કૃતિને નજીકથી જાણવા નીકળેલા જોબિન ૨૨,૦૦૦ કિમી કાપીને હાલ કચ્છ પહોંચ્યા છે. દોઢ વર્ષથી ચાલી રહેલી આ યાત્રામાં તેઓ નારાયણ સરોવર અને ધોળાવીરા જેવા સ્થળોની મુલાકાત લેશે. દરરોજ ૪૦-૫૦ કિમી સાયકલ ચલાવતા જોબિન હજુ આગામી પાંચ વર્ષ સુધી પોતાની આ યાત્રા ચાલુ રાખવાના છે.

રિટાયર્ડ વિંગ કમાન્ડર જયદેવ દેસાઈ ભારતમાં પહેલી હેલિકોપ્ટર ટ્રેનિંગ સ્કૂલ ખોલશે. સામાન્ય હેલિકોપ્ટરથી સસ્તા જાયરોકોપ્ટરની ટેક્નોલોજી અલગ છે, તે સુરક્ષિત અને સરળ છે. આ જાયરોકોપ્ટર સર્વેલન્સ, સિક્યોરિટી, ટુરિઝમ જેવા ઉપયોગ માટે સારું છે, અને ગુજરાત સરકાર સાથે વાત ચાલી રહી છે. આની કિંમત હેલિકોપ્ટર કરતા ઓછી છે અને ગુજરાતની ઇન્ડસ્ટ્રીઝને પણ ફાયદો થશે.

પશ્ચિમી વિક્ષેપને કારણે ઉત્તર ભારતમાં વરસાદ થયો. મેઘાલયમાં તોફાની પવન સાથે વરસાદ અને કરાં પડ્યાથી મકાનો, વાહનો તથા ખેતરમાં પાકને નુકસાન થયું. નવી દિલ્હીમાં છેલ્લાં 24 કલાકમાં હળવો વરસાદ પડતા લોકોને ગરમીથી આંશિક રાહત મળી. હવામાન વિભાગે આગાહી કરી છે.

કૈલાસ માન સરોવરની યાત્રા મેથી સપ્ટેમ્બર સુધી, જેમાં અધિક માસ અને તિબેટિયન હોર્સ યરનો સમન્વય છે. ચીન સરકારની મંજૂરીથી યાત્રા શરૂ થશે. નેપાળના ટુર ઓપરેટરો આયોજન કરશે. વડોદરા અને રાજકોટના કથાકારોની કથા થશે. 15,000 થી 18,600 ફૂટની ઊંચાઈ પર 12-15 દિવસનો પ્રવાસ. ચીન સરકાર $1600-$1900 ફી લે છે, ખર્ચ ₹75,000-₹1.25 લાખ. હેલિકોપ્ટરથી તબિયત બગડી શકે છે. તિબેટિયન હોર્સ યર 14 વર્ષે આવે છે, પરિક્રમાનું 13 ગણું ફળ.

પશ્ચિમ બંગાળમાં વિધાનસભા ચૂંટણીના કાર્યક્રમની જાહેરાત સાથે આચારસંહિતા લાગુ થાય તે પૂર્વે જ મુખ્યમંત્રી મમતા બેનરજીએ મોટી લોકપ્રિય જાહેરાતો કરી છે. રાજ્યના કર્મચારીઓ અને પેન્શનધારકો માટે મોંઘવારી ભથ્થા (DA) માં વધારાની સાથે સાથે મંદિરના પૂજારીઓ અને મસ્જિદના 'બાંગી' (મુઅજ્જિન) ના ભથ્થામાં પણ વધારો કરવામાં આવ્યો છે. આ નિર્ણયનો લાભ શિક્ષકો, બિન-શૈક્ષણિક સ્ટાફ અને ગ્રાન્ટેડ સંસ્થાઓના કર્મચારીઓને પણ મળશે.

ઇરાને દુબઈ, કુવૈતના એરપોર્ટ પર હુમલા કર્યા, યુએઇનું ઓઇલ ટર્મિનલ ખાખ થયું. ખામેનેઇની હત્યાનો બદલો લઇશું, નેતન્યાહુને ઠાર કરીશું: ઇરાની સૈન્ય રોષે ભરાયું. અમેરિકાએ યુએઇના સૈન્ય મથકેથી હુમલા કર્યા, વળતા જવાબમાં ઇરાને મિસાઇલો છોડી. હોર્મુઝની ખાડીને મુક્ત કરાવવા ટ્રમ્પની માગણી કરી.

LPG સિલિન્ડરની તંગીથી પુણેમાં કોલસાની માંગમાં 80%નો ઉછાળો આવ્યો છે. રેસ્ટોરાં માલિકો અને ગૃહિણીઓ વૈકલ્પિક ઇંધણ તરીકે કોલસાનો ઉપયોગ કરે છે, જેના ભાવ વધ્યા છે અને કાળા બજાર થઈ રહ્યા હોવાની ફરિયાદો છે. સપ્લાયરો સંગ્રહખોરી કરે છે.

તમિલનાડુમાં 23 એપ્રિલે અને બંગાળમાં 23 અને 29 એપ્રિલે મતદાન તો આસામ, કેરલમ અને પુડુચેરીમાં 9 એપ્રિલે એક જ તબક્કામાં મતદાન થશે. બધા રાજ્યોના પરિણામો 4 મેના રોજ જાહેર કરવામાં આવશે. પશ્ચિમ બંગાળમાં માત્ર બે જ ચરણમાં મતદાન હોવાથી ભારી માત્રામાં ફોર્સ ઉતારવામાં આવશે. ગુજરાતમાં ઉમરેઠ બેઠક પર ધારાસભ્ય ગોવિંદભાઇ પરમારનું નિધન થતાં બેઠક ખાલી પડી છે. જેના પર 23 એપ્રિલના રોજ પેટા ચૂંટણી માટે મતદાન યોજાશે. 4 મેના રોજ પરિણામ જાહેર થશે. જાહેરાત પહેલા જ વડાપ્રધાન નરેન્દ્ર મોદી પણ પશ્ચિમ બંગાળના કલકત્તામાં રેલી ગજવીને આવ્યા છે.

હાઈકોર્ટના જજની હાજરીમાં વર્ષોથી પેન્ડિંગ કેસોનો નિકાલ થયો. લોક અદાલતનું ઉદ્ઘાટન એ. વાય. કોગજે અને એ. પી. માયીએ કર્યું. MACP કેસોમાં સફળતા મળી. રૂ. 53,00,000, રૂ. 21,00,000 અને રૂ. 21,00,000ના વળતર ચેક અપાયા, 7,766 કેસોનો નિકાલ થયો. આથી સમય અને ખર્ચની બચત થઈ.

કાશ્મીરના બારામુલામાં ઓપરેશન DIGGI-2માં એક પાકિસ્તાની આતંકવાદી માર્યો ગયો. LoC પાસે હલચલ દેખાતા કાર્યવાહી થઈ. બુછારમાં ઘૂસણખોરી વખતે આતંકવાદીએ ફાયરિંગ કરતા તે માર્યો ગયો, હથિયારો જપ્ત. પૂંછમાં ઓપરેશન શેરીકલાં દરમિયાન JCO શહીદ; સુબેદાર સંદીપ કુમાર ઢાકા ફરજ પર લપસી પડતાં શહીદ થયા.

આંધ્રપ્રદેશમાં વર્લ્ડ કન્ઝ્યુમર રાઇટ ડે કાર્યક્રમનું આયોજન Bureau of Indian Standards (BIS) દ્વારા કરવામાં આવ્યું હતું. આ ઉજવણીનો મુખ્ય ઉદ્દેશ ગ્રાહકોના અધિકારો અને હિતોનું રક્ષણ કરવાનો છે. આ કાર્યક્રમમાં ગ્રાહક સુરક્ષા સંબંધિત વિવિધ મુદ્દાઓ પર ચર્ચા કરવામાં આવી હતી અને જાગૃતિ ફેલાવવામાં આવી હતી. BIS દ્વારા આયોજિત આ કાર્યક્રમ ગ્રાહકો માટે ખૂબ જ મહત્વપૂર્ણ સાબિત થયો હતો.

સુરતમાં ગેસની અછતને લીધે શ્રમિકોને જીવન મુશ્કેલ બન્યું છે. ગેસ સિલિન્ડરની અછતને કારણે રસોઈ બનાવવી પણ મુશ્કેલ બની ગઈ છે. ઘણા શ્રમિકો વતન પાછા ફર્યા છે, કારણ કે તેઓ કાળા બજારના ભાવ ચૂકવી શકે તેમ નથી. આનાથી TEXTILE ઉદ્યોગમાં કારીગરોની અછત થવાની શક્યતા છે, કારણ કે સુરત પરપ્રાંતિયો પર આધારિત છે.

ઓડિશામાં ૧૬ માર્ચે યોજાનારી રાજ્યસભાની ૪ બેઠકોની ચૂંટણી પહેલાં રાજકીય ગરમાવો તેજ થયો છે. ભાજપે પોતાના ૮૨ ધારાસભ્યોને તાલીમ અને રણનીતિના ભાગરૂપે પારાદીપ મોકલી દીધા છે, જ્યારે કોંગ્રેસે તેના ધારાસભ્યોને બેંગલુરુના રિસોર્ટમાં રાખ્યા છે. પૂર્વ મુખ્યમંત્રી નવીન પટનાયકે ભાજપ પર 'હોર્સ ટ્રેડિંગ'નો આરોપ લગાવ્યો છે. ૧૬ માર્ચે જ મતદાન અને ગણતરી હાથ ધરાશે, જેમાં ભાજપ ૩ બેઠકો જીતવાનો વિશ્વાસ વ્યક્ત કરી રહ્યો છે.

જો તમારી પાસે PNG કનેક્શન છે તો LPG સિલિન્ડર સરન્ડર કરવું પડશે. પેટ્રોલિયમ મંત્રાલયે સપ્લાય નિયમો બદલ્યા છે. PNG યુઝર્સને નવું LPG કનેક્શન નહીં મળે અને જુનો સિલિન્ડર રિફિલ નહીં થાય. ગેસ સપ્લાયના નિયમો બદલાયા છે, સિલિન્ડર બુકિંગ નિયમો પણ બદલાયા છે. કનેક્શન સરન્ડર ન કરવા પર કાર્યવાહી થશે. હોર્મુઝથી બે જહાજ 92,000 ટન ગેસ લઈને ભારત આવી રહ્યા છે. કોમર્શિયલ LPG સિલિન્ડરનો પુરવઠો શરૂ થયો અને ઈરાન ભારતીય જહાજોને રોકશે નહીં.

મધ્ય પૂર્વ સંઘર્ષથી વૈશ્વિક વેપાર પ્રભાવિત થયો છે. હોર્મુઝમાં જહાજો પર હુમલા વધ્યા. ક્ષતિગ્રસ્ત જહાજો અલંગ રિસાયક્લિંગ યાર્ડમાં નવી તકો લાવી શકે છે, જ્યાં મંદી પછી સ્ટીલના ભાવ વધ્યા છે. અલંગ વિશ્વસનીય કેન્દ્ર ગણાય છે. યુદ્ધથી અલંગ ઉદ્યોગને ગતિ મળી શકે છે.

લદ્દાખના જાણીતા પર્યાવરણવાદી અને આંદોલનકારી સોનમ વાંગચુકને જોધપુર જેલમાંથી મુક્ત કરવાનો કેન્દ્ર સરકારે નિર્ણય લીધો છે. ૨૬ સપ્ટેમ્બર ૨૦૨૫ના રોજ NSA હેઠળ તેમની ધરપકડ કરવામાં આવી હતી અને આ મામલો સુપ્રીમ કોર્ટમાં પેન્ડિંગ હતો. ગૃહમંત્રાલયે લદ્દાખમાં શાંતિ અને સ્થિરતાના નામે તેમને મુક્ત કર્યા છે, જોકે નિષ્ણાતો માને છે કે સુપ્રીમ કોર્ટનો સંભવિત ચુકાદો વાંગચુકની તરફેણમાં હોવાની શક્યતાને જોતા સરકારે પોતાની છબી બચાવવા આ કદમ ઉઠાવ્યું છે.

યુદ્ધને લીધે ભારતના સ્ટીલ ઉદ્યોગને બમણો માર પડવાની ચિંતા છે, કાચા માલની કિંમતમાં વધારા સાથે સસ્તા સ્ટીલનું ડમ્પિંગ થવાની શક્યતા છે. જાપાન, ચીનનું સસ્તુ સ્ટીલ ભારતમાં ઠલવાવાની સ્થાનિક ઉદ્યોગને ચિંતા યુદ્ધને લીધે સતાવી રહી છે. કાચા માલના ભાવમાં પણ વધારો થયો છે.