રાજકોટમાં ગોંડલ ચોકડી નજીક ફ્લેટમાંથી 'આપ' કાર્યકર નંદની બોસમીયાની ગળાફાંસો ખાધેલી હાલતમાં લાશ મળી. તેણે પ્રેમીના ત્રાસથી કંટાળીને આત્મહત્યા કર્યાનો મેસેજ લખ્યો હતો, પરંતુ પરિવારે તેને હત્યા ગણાવી, આયોજનબદ્ધ રીતે આત્મહત્યાનું રૂપ આપવાનો પ્રયાસ થયો હોવાનો ગંભીર આક્ષેપ કર્યો છે. મૃતકના પિતાએ જણાવ્યું કે, મૃતદેહ મળ્યો ત્યારે ફ્લેટનો દરવાજો ખુલ્લો હતો અને પાછળનો બાલ્કનીનો દરવાજો પણ ખુલ્લો હતો, જે હત્યા તરફ ઈશારો કરે છે. પોલીસે ફોરેન્સિક પોસ્ટમોર્ટમ અને તપાસ હાથ ધરી છે.

અમદાવાદમાં ફાયર સેફ્ટી અંગે મ્યુનિસિપલ ફાયર વિભાગે વિવિધ વિસ્તારોની 18 શિક્ષણ સંસ્થાઓમાં ચકાસણી હાથ ધરી હતી. ફાયર સેફ્ટી સર્ટિફિકેટની મુદત પૂર્ણ થઈ જતાં નવકાર ડિજિટલ ઇન્સ્ટિટ્યૂટને સીલ કરવામાં આવ્યું છે. ઉપરાંત ફાયર એક્સટિંગ્વિશર, ઇમરજન્સી એક્ઝિટ, વિદ્યુત સુરક્ષા અને અવરજવર માર્ગોની ખામીઓ બદલ 17 ટ્યુશન ક્લાસ અને શિક્ષણ સંસ્થાઓને નોટિસ ફટકારવામાં આવી છે. તંત્રએ ચેતવણી આપી છે કે નિયત સમયમર્યાદામાં ખામીઓ દૂર નહીં કરવામાં આવે તો સંસ્થાઓ સામે સીલિંગ સહિતની કડક કાર્યવાહી કરવામાં આવશે.

મુંબઈમાં 13 દિવસના વિલંબ બાદ દક્ષિણ પશ્ચિમ ચોમાસાની ધમાકેદાર એન્ટ્રી થઈ છે. ભારે પવન સાથે વરસાદને કારણે મુંબઈવાસીઓને આકરી ગરમીથી રાહત મળી છે. હવામાન વિભાગ (IMD) મુજબ, ચોમાસું હવે મહારાષ્ટ્ર, ઓડિશા, છત્તીસગઢ, ઝારખંડ અને બિહારમાં આગળ વધ્યું છે. દિલ્હી અને ઉત્તર પ્રદેશ માટે ભારે વરસાદ અને વાવાઝોડાની ચેતવણી જાહેર કરાઈ છે. ગુજરાતમાં પણ એક સપ્તાહમાં ચોમાસાની સંભાવના છે. રાજસ્થાન, મધ્યપ્રદેશ, કેરળ, ઉત્તરાખંડ, હિમાચલ પ્રદેશ અને જમ્મુ-કાશ્મીરમાં પણ ભારે વરસાદ અને પવનની ચેતવણી આપવામાં આવી છે.

મુંબઈ ઝવેરી બજારમાં આજે સોના-ચાંદીના ભાવમાં ઉછાળા ઉભરા જેવા નિવડતાં ભાવ ફરી તૂટયા હતા. નવા વેપાર ધીમા હતા. વિશ્વ બજાર ગબડતાં ઘરઆંગણે ઈમ્પોર્ટ કોસ્ટ નીચી ઉતરતાં બજાર ભાવ દબાણ હેઠળ જોવા મળ્યા હતા.  વિશ્વ બજારમાં ડોલર ઈન્ડેક્સ ઉંચકાતાં વૈશ્વિક સોનામાં ફંડોનું સેલીંગ૯ વધ્યાના સમાચાર હતા.  અમદાવાદ ઝવેરી બજારમાં આજે સોનાના ભાવ ૧૦ ગ્રામના રૂ.૨૦૦૦ તૂટયા હતા. જ્યારે અમદાવાદ ચાંદીના ભાવ કિલોના રૂ.૫૦૦૦ તૂટયા હતા.

રિઝર્વ બેંક ઓફ ઇન્ડિયાના ડેટા અનુસાર, એપ્રિલ ૨૦૨૬માં ભારતમાં ચોખ્ખું વિદેશી પ્રત્યક્ષ રોકાણ (FDI) ગયા વર્ષના સમાન સમયગાળાની તુલનામાં ચાર ગણું વધ્યું છે કારણ કે ઇક્વિટી પ્રવાહમાં વધારો અને વિદેશી રોકાણકારો દ્વારા ઓછો આઉટફ્લો રહ્યો હતો. એપ્રિલ ૨૦૨૫માં ચોખ્ખું એફડીઆઈ ૧.૫૯ બિલિયન ડોલર હતું અને માર્ચ ૨૦૨૬માં ૯૧૭ મિલિયન ડોલર હતું.એપ્રિલમાં કુલ એફડીઆઈ પ્રવાહ વાર્ષિક ધોરણે ૬૫ ટકા વધીને ૧૫.૨૯ બિલિયન ડોલર થયો, જે એક વર્ષ અગાઉ ૯.૨૫ બિલિયન ડોલર અને માર્ચમાં ૬.૬૩ બિલિયન ડોલર હતો.

ઈરાન યુદ્ધના કારણે ફુગાવાને કારણે એરલાઈન્સ પણ પ્રભાવિત થઈ હતી. હવે સ્થિતિ સુધરી રહી છે અને હવાઈ મુસાફરોને રાહત મળવાની આશા છે. ભારતીય એરલાઈન્સ માર્ચમાં લાદવામાં આવેલ ફ્યુઅલ સરચાર્જ પાછો ખેંચવાનો વિચાર કરી રહી છે. ક્રૂડ ઓઇલ અને એવિએશન ટર્બાઇન ફ્યુઅલ (ATF) ના ભાવમાં ઘટાડો થતાં આ નિર્ણય લેવાઈ શકે છે. બીજા ક્વાર્ટરના અંત અથવા ત્રીજા ક્વાર્ટરની શરૂઆતમાં નિર્ણય આવી શકે છે. આ સરચાર્જ હટાવવાથી હવાઈ ટિકિટના ભાવમાં ઘટાડો થઈ શકે છે.

ડેટિંગ એપ્સ પર યુવતીઓ દ્વારા યુવાનોને ફસાવીને કેફે અને રેસ્ટોરન્ટમાં મોંઘા બિલ પકડાવી દેવાની ઘટનાઓ વધી રહી છે. રાઘવેન્દ્ર શુક્લ જેવા અનેક યુવાનોને ટિન્ડર જેવી એપ્સ પર પરિચય બાદ લાલચ આપીને ૧૩ હજાર રૂપિયા સુધીના બિલ ચૂકવવા મજબૂર કરવામાં આવ્યા છે. આવા કિસ્સાઓમાં ઊંચા ભાવના મેનુ, કર્મચારીઓ દ્વારા ધમકી અને મારપીટ તથા ખંડણી જેવી ઘટનાઓ સામે આવી રહી છે. પોલીસ સાયબર એક્સપર્ટ્સ લોકોને આવી જાળમાં ન ફસાવા ચેતવણી આપી રહ્યા છે, પરંતુ પુરુષો સરળતાથી આકર્ષક યુવતીઓના ચક્રવ્યૂહમાં ફસાઈ રહ્યા છે.

આધુનિક 'ફૂડ સિક્યોરિટી'ના યુગમાં, હિમાલયના જૌંસાર-બાવર વિસ્તારમાં સદીઓથી અનાજ સંગ્રહ માટે વપરાતા 'કોઠાર' નામની પરંપરાગત પદ્ધતિ ભુલાઈ રહી છે. આ લાકડાંના વિશિષ્ટ માળખાં, જે જમીનથી ઊંચા પથ્થરના થાંભલા પર બનાવવામાં આવતા, તે અનાજને ભેજ, જીવાતો અને આકરી હવામાન પરિસ્થિતિઓથી સુરક્ષિત રાખતા. આ 'કોઠાર' માત્ર અનાજ ભંડાર નહોતા, પરંતુ ટકાઉપણું, કુદરતી તાપમાન નિયંત્રણ અને આપત્તિ વ્યવસ્થાપનનું અદ્ભુત ઉદાહરણ હતા. ક્લાઈમેટ ચેન્જ અને વધતી કુદરતી આફતોના સમયમાં, આ વિસરાતી વારસો ભવિષ્ય માટે અનિવાર્ય બની શકે છે.

ભારતીય કૃષિ, પશુપાલન અને સમાજજીવન વરસાદ પર નિર્ભર છે. જ્યારે મેઘરાજા મોડા પડે અથવા ઓછો વરસાદ થાય, ત્યારે લોકો ચિંતિત થાય છે. જૂની પેઢી દેશી આગાહીઓ અને ધાર્મિક વિધિઓ દ્વારા વરસાદની રાહ જોતી હતી. ‘તું તો વરસીને ભર રે તળાવ, મેવલિયા’ જેવા લોકગીતો બનાસકાંઠા અને સાબરકાંઠામાં બાળકીઓ દ્વારા મેઘરાજાને મનાવવા ગવાતા હતા. આ લોકપરંપરા વરસાદના આગમન માટેની શ્રદ્ધા દર્શાવે છે, જ્યાં વીજળી અને દેડકા જેવી બાબતોને પણ વરસાદ સાથે જોડવામાં આવતી.

મુંબઈમાં INOX કંપની સાથે 10 કરોડ રૂપિયાનો ડિજિટલ ફ્રોડ થયો છે, જ્યાં એક વોટ્સએપ મેસેજ દ્વારા ડેપ્યુટી જનરલ મેનેજરને ઠગવામાં આવ્યા. સાયબર ગઠિયાઓએ કંપનીના એક્ઝિક્યુટિવ ડિરેક્ટર તરીકે ઓળખ આપી, બોસનો ફોટો DPમાં મૂકી, અને ઈમરજન્સી બતાવી તાત્કાલિક ફંડ ટ્રાન્સફર કરાવ્યું. આને ‘વ્હેલિંગ’ અથવા ‘ઇમ્પર્સનેશન ફ્રોડ’ કહેવાય છે. ઠગ ડર, ઉતાવળ અને ગોપનીય માહિતીનો લાભ ઉઠાવે છે. આવા ફ્રોડથી બચવા, પૈસાની માગણી કરતા મેસેજ પર શંકા કરો, બોસને તેમના જૂના નંબર પર ફોન કરી ખાતરી કરો, અને યોગ્ય પ્રક્રિયા સિવાય પેમેન્ટ ન કરો. સાયબર સુરક્ષા તમારા મગજમાં છે.

પાટણના હારીજ તાલુકાના અરીઠા ગામમાં દારૂના અડ્ડાઓથી ગ્રામજનો પરેશાન છે. અગાઉ રજૂઆત કરવા છતાં કોઈ કાર્યવાહી ન થતાં ફરીથી દારૂના અડ્ડાઓ શરૂ થયા છે. ગામના કેટલાક લોકો દારૂના નશામાં હોવાથી અન્ય લોકો મુશ્કેલીમાં છે. આ અંગે અરીઠા ગામના લોકોએ હારીજ પોલીસને લેખિતમાં રજૂઆત કરી છે અને દારૂની બદી બંધ કરાવવાની માંગ કરી છે. આ મામલે ઝડપી કાર્યવાહીની અપેક્ષા રાખવામાં આવી રહી છે.

વિવિધ એનજીઓ સાથે સંકળાયેલ ફોરેન કન્ટ્રીબ્યુશન રેગ્યુલેશન કાયદા હેઠળ થતા દંડની રકમમાં મોટા ફેરફારો કરવામાં આવ્યા છે. એટલુ જ નહીં હવેથી વિદેશી ફંડ મેળવનારા એનજીઓના સોશિયલ મીડિયા એકાઉન્ટ સહિતની પ્રક્રિયા પર સરકાર નજર રાખશે. સરકાર દ્વારા એક ગેઝેટ બહાર પાડીને નિયમોમાં ફેરફાર કર્યા છે. જેનો ભંગ કરવા બદલ આશરે એક લાખથી પાંચ લાખ રૂપિયા સુધીનો દંડ કરવામાં આવી શકે છે.

અંબર ચોકડી નજીક ફ્લાયઓવર નીચે દબાણ હટાવવાની કામગીરી અટકાવીમરચાં પાવડરનો સ્પ્રે અને પથ્થરમારામાં મનપા ના ચાર હંગામી કર્મચારીઓ ઇજાગ્રસ્ત, હુમલાખોર આરોપીને પકડવા પોલીસે સમગ્ર વિસ્તાર કોર્ડન કર્યોજામનગર: જામનગરના જુના રેલવે સ્ટેશન નજીક આવેલા નવા ફ્લાયઓવર નીચે થયેલા દબાણો દૂર કરવા માટે ગયેલી જામનગર મહાનગરપાલિકાની એસ્ટેટ શાખા તથા દબાણ હટાવ શાખાની ટીમ પર ઝૂપડાવાસીઓના કેટલાક તત્વોએ હુમલો કરતાં ભારે અફરાતફરીનો માહોલ સર્જાયો હતો. ઘટનામાં મનપાના ચાર હંગામી કર્મચારીઓ ઇજાગ્રસ્ત બન્યા હતા, જેમને સારવાર માટે સરકારી જી.જી. હોસ્પિટલમાં ખસેડવામાં આવ્યા છે.

વડોદરા શહેર પોલીસે ગુનાનો ભોગ બનનાર નાગરિકોને આર્થિક અને માનસિક રીતે રાહત આપવા 'તેરા તુજકો અર્પણ' અભિયાન હેઠળ એક વિશેષ કાર્યક્રમ યોજ્યો હતો. આ કાર્યક્રમમાં સાયબર ફ્રોડ, વાહન ચોરી, સ્નેચિંગ અને ઘરફોડ ચોરી જેવા વિવિધ ગુનાઓમાં ચોરાયેલો તથા ગુમ થયેલો કુલ રૂ.2.30 કરોડનો મુદ્દામાલ તેના 419 મૂળ માલિકોને પરત સોંપવામાં આવ્યો. આ અભિયાનનો મુખ્ય ઉદ્દેશ નાગરિકોને ન્યાય અપાવવાનો અને પોલીસ પ્રત્યે વિશ્વાસ વધારવાનો છે.

જસદણમાં એક હૃદયદ્રાવક ઘટના બની છે, જ્યાં ફીયાજ આરીફભાઈ પરીયાણી નામના વ્યક્તિએ પોતાની અઢી વર્ષની પુત્રી સાથે આત્મહત્યા કરી લીધી. તેમની પત્ની ફિરદોષ પોતાના પ્રેમી સાથે નાસી ગઈ હતી. પ્રેમીએ તેમની પુત્રી, જેને તે 'ફાતેમા અમારા પ્રેમની નિશાની' ગણાવતો હતો, તેને પોતાના કબજામાં માંગતા ફીયાજ ભારે દુઃખી થઈ ગયા હતા. આ ઘટનાથી સમગ્ર વિસ્તારમાં અરેરાટી વ્યાપી ગઈ છે.

ગીરગઢડા તાલુકાના જામવાળાની સીમમાં ગતરાત્રીના વાડીએ ભોજન પાર્ટીમાં ડખ્ખો થતા પાંચ મિત્રોએ એક મિત્રને પથ્થરના ઘા મારી મોતને ઘાટ ઉતાર્યો હતો અને નાસી ગયા હતા. સવારે ખેતરમાંથી આ યુવાનની લાશ મળી આવી હતી. આ અંગે ફરિયાદ થતા ગીરગઢડા પોલીસે ગુનો દાખલ કર્યો હતો. આ બનાવ બાદ મૃતકના પરિવારે મૃતદેહ સ્વીકારવા ઇન્કાર કર્યો હતો પરંતુ પોલીસની સમજાવટથી મામલો થાળે પડયો હતો.

જામનગરમાં એક એરફોર્સ કર્મચારીને સોલાર પ્લાન્ટ અને જેસીબી-લોડરનાં ધંધામાં નફાની લાલચ આપી કરોડોની નજીકની રકમ રોકાણ કરાવી ૮૧.૭૧ લાખની ઠગાઈ આચરવામાં આવી હોવાની ત્રણ શખ્સો સામે ફરિયાદ નોંધાવી છે. જામનગર એરફોર્સના કર્મચારી ધનંજય ચંદ્રીકા પ્રસાદ મિશ્રા છેલ્લા પાંચ વર્ષથી જામનગરમાં ફરજ બજાવે છે. તેમણે નોંધાવેલી ફરિયાદ મુજબ આશરે ત્રણ વર્ષ પહેલાં તેમની ઓળખ ધર્મેન્દ્રસિંહ માનભા જાડેજા સાથે થઈ હતી. ધર્મેન્દ્રસિંહે તેમને ખાનગી કંપનીના સોલાર પ્લાન્ટમાં રોકાણ કરવાથી સારો નફો મળશે તેવી વાત કરી હતી. ત્યારબાદ પોતાના સાળા અર્જુનભાઈ મારફતે પણ રોકાણ માટે પ્રોત્સાહિત કર્યા હતા.

પોરબંદર પોલીસમાં ફરજ બજાવતી એક મહિલાનો પતિ મૃત્યુ પામ્યો હોય તેવો વીડિયો તેની સાસુએ ફોનમાં મોકલતા આઘાત લાગતા આ મહિલા પોલીસ કર્મચારીએ ઉંદર મારવાની દવા પી લેતા સારવાર માટે હોસ્પિટલે ખસેડાયા હતા. પોરબંદર પોલીસમાં ફરજ બજાવતા અને ઉદ્યોગનગર આશાપુરા ચોક ખાતે રહેતા નીલમબેન રમણીકભાઇ પ્રજાપતિએ ઉંદર મારવાની ઝેરી દવા પી લેતાં બેભાન હાલતમાં સરકારી ભાવસિંહજી હોસ્પિટલ ખાતે ખસેડવામાં આવ્યા હતા. જ્યાં સારવાર દરમ્યાન ભાનમાં આવતા નાયબ મામલતદાર સમક્ષ એવું નિવેદન આપ્યું હતું.

ગાંધીનગર નજીક દહેગામ નરોડા હાઇવે ઉપર રાયપુર પાસે મોપેડ સવાર મહિલાનું ટ્રકની અડફેટે મોત નીપજ્યું હતું. જે અંગે ગાંધીનગર બીજા એડિશનલ ચીફ જ્યુડિશિયલ મેજિસ્ટ્રેટની કોર્ટમાં કેસ ચાલી જતા સરકારી વકીલની દલીલોને ગ્રાહ્ય રાખીને કોર્ટ દ્વારા આરોપી ટ્રક ચાલકને એક વર્ષની કેદની સજા અને ૨૫ હજાર રૃપિયા વળતર પેટે ચૂકવવા હુકમ કર્યો છે.

ભારતમાં 7 દિવસ બાદ ટેલિગ્રામ એપ ફરી કાર્યરત થઈ છે. NEET પરીક્ષાના પેપર લીક થવાના વિવાદ બાદ કેન્દ્ર સરકારે 22 જૂન સુધી એપ પર પ્રતિબંધ મૂક્યો હતો. 21 જૂનની NEET રી-એક્ઝામ બાદ પ્રતિબંધ સમાપ્ત થયો, છતાં પ્લે સ્ટોર પર ડાઉનલોડ અને સાઇન-અપ સમસ્યા રહી. દિલ્હી હાઈકોર્ટે પણ સરકારના પ્રતિબંધને યોગ્ય ઠેરવ્યો. જોકે, 30 જૂન સુધી 'મેસેજ-એડિટિંગ' ફીચર બંધ રાખવાનો આદેશ અપાયો છે, જેથી યુઝર્સ મોકલેલા મેસેજમાં ફેરફાર કરી શકશે નહીં.

પેટ્રોલિયમ મંત્રાલયે ઈથેનોલ ફ્યુઅલ અંગેના સોશિયલ મીડિયા પરના વીડિયોને ફગાવી દીધો છે. મંત્રાલયે જણાવ્યું કે ઇંધણ ગ્રેડ ઈથેનોલમાં કોઈ ખાંડ નથી, તેથી કીડીઓ ભેગી થવાની વાત અફવા છે. E20 પેટ્રોલ (20% ઇથેનોલ) ના ઉપયોગથી એન્જિન ખરાબ થવાનો કે વાહન વીમા પર અસર થવાનો કોઈ રિપોર્ટ નથી. અમેરિકા, બ્રાઝિલ જેવા દેશોમાં સફળતાપૂર્વક ઉપયોગ થઈ રહ્યો છે. ઈથેનોલ, જે શેરડી જેવા સ્ત્રોતમાંથી બને છે, તે પર્યાવરણને અનુકૂળ છે. E85 ફ્યુઅલ પણ લોન્ચ થયું છે, જે વધુ ઇથેનોલ ધરાવે છે.

પોલીસ ફરિયાદમાં સમાધાન કરી લેવા માટે ધમકી આપવામાં આવતા વડોદરા પાણીગેટ પોલીસે ગુનો દાખલ કર્યો છે. વાડી ખાનગા મહોલ્લો માસૂમ એપાર્ટમેન્ટમાં રહેતા ૨૦ વર્ષના ફેઝલ ફિરોજભાઇ મકરાણીએ પાણીગેટ પોલીસ સ્ટેશનમાં ફરિયાદ નોેંધાવી જણાવ્યું છે કે, ગઇકાલે રાત્રે હું તથા મારો મિત્ર આફતાબ પાણીગેટ જી.ઇ.બી. ઓફિસના ઢાળ પર ઊભા હતા. તે દરમિયાન જૂના ઝઘડાની અદાવત રાખી ફેસલ પઠાણ તથા અકવીરે મારી સાથે ઝઘડો કરી માર માર્યો હતો.

વડોદરાના નંદેસરી વિસ્તારમાં યુવકના ઘરમાં ઘૂસી મારક હથિયારો વડે ઘાતકી હુમલો કરવાના ચકચારી બનાવમાં પોલીસે બે હુમલાખોરને ઝડપી પાડયા છે. જ્યારે,સૂત્રધાર સહિતના હુમલાખોરો ફરાર છે. નંદેસરીના શિવાજી નગરમાં રહેતા રાજવીરસિંહ નામના યુવકની પત્ની પિયરમાં ચાલી જતાં કોર્ટમાં કેસ ચાલે છે. જે કેસની ગઇ તા.૧૭મી જૂને મુદત હોવાથી રાજવીર હાજરી આપવા ગયો હતો. આ વખતે ત્યાં  પૂર્વ ધારાસભ્ય મંગળસિંહ ગોહિલનો પુત્ર અને વડોદરા તાલુકા પંચાયતનો પૂર્વ ઉપ પ્રમુખ રાજેન્દ્ર ઉર્ફે લાલો પણ હાજર હોવાથી બંને વચ્ચે બોલાચાલી થઇ હતી.

વડોદરામાં પ્રેમ લગ્ન કરનાર એક યુવતી તેના પતિના પ્રેમના અતિરેક થી કંટાળીને હવે છૂટી થવા માટે અભયમની મદદ માગી છે. શહેરના પશ્ચિમ વિસ્તારમાં રહેતી એક યુવતી ખાનગી ઓફિસમાં નોકરી કરે છે. બે વર્ષ પહેલાં જ તેણે પરિવારની મરજી વિરૃધ્ધ એક યુવક સાથે લવમેરેજ કર્યા હતા. પરંતુ હવે વ્યસન કરતા પતિની હરકતોથી પ્રેમનો નશો ઓસરી રહ્યો છે. યુવતીએ અભયમની મદદ માગતા કહ્યું હતું કે, મારો પતિ મારી પાછળ ઓફિસ સુધી આવી જાય છે અને કહે છે કે, તું જ્યાં જઇશ ત્યાં હું આવીશ.

છોટાઉદેપુર વતનમાં ગયેલા પરિવારના ઘરમાંથી ચોર ટોળકી ૧.૮૦ લાખના સોના - ચાંદીના દાગીના લઇ ગઇ  હતી. જે અંગે બાપોદ  પોલીસે કાયદેસરની કાર્યવાહી હાથ ધરી છે. વાઘોડિયારોડ રંગ વાટિકા પાછળ ઇન્દ્રપુરી સોસાયટીમાં રહેતા જગનભાઇ ગુજલાભાઇ રાઠવા મૂળ છોટાઉદેપુરના છે. વડોદરામાં તેઓ પત્ની અને બે ભાણેજ સાથે રહે છે. જમાઇનું અવસાન થતા ગત ૨૫ મી એપ્રિલે તેઓ મકાન બંધ કરીને  છોટાઉદેપુર ગયા હતા.

વડોદરા શહેરમાં જુગાર પ્રવૃત્તિ ડામવા પોલીસે કડક કાર્યવાહી હાથ ધરી છે. માંજલપુર અલવાનાકા શાક માર્કેટ પાસે ખુલ્લા ગ્રાઉન્ડમાં જુગાર રમતા પાંચ જુગારીઓને માંજલપુર પોલીસે ઝડપી પાડ્યા છે. તેમની પાસેથી રોકડા ૩,૧૨૦ રૃપિયા કબજે કરવામાં આવ્યા છે. આ ઉપરાંત, આજવારોડ એકતાનગરમાં પણ બાપોદ પોલીસે છ જુગારીઓને ઝડપી ૨,૮૦૦ રૃપિયાની મતા જપ્ત કરી છે. પોલીસે કુલ ૧૧ જુગારીઓ પાસેથી ૫,૯૨૦ રૃપિયા કબજે કર્યા છે.

ગુજરાતમાં ૧૦ કિલો ચરસ સપ્લાય કરવાના ગુનામાં સજા થયા બાદ પેરોલ પર છૂટી ૧૭ વર્ષ પહેલાં ફરાર થઇ ગયેલા કાશ્મીરના ડ્રગ્સ પેડલરને ઝડપી પાડવા માટે વડોદરા ક્રાઇમ બ્રાન્ચે ૧૬૦૦ થી વધુ કિમી દૂર કાશ્મીરના અંતરિયાળ ગામમાં ઓપરેશન પાર પાડયું છે. આણંદ ખાતે વર્ષ-૨૦૦૩માં પોલીસે મહંમદ અસરફ ગુલાબમહંમદ લોન(ચીકીમણી વિસુ ગામ, તા. કોલગાંવજી, અનંતનાગ, જમ્મુ કાશ્મીર)ને એક સાગરીત સાથે ૧૦ કિલો ચરસના જથ્થા સાથે ઝડપી પાડયો હતો. જે કેસમાં સસન્સ કોર્ટે આરોપીને ૧૦વર્ષની સખ્ત કેદ અને રૂ. એક લાખનો દંડ ફટકારી વડોદરા જેલમાં મોકલવાનો હુકમ કર્યો હતો.

તા.23 વડોદરા નજીક આજોડ ગામે એક મકાનમાં ત્રાટકેલી ધાડપાડુ ટોળકીએ હુમલો કરી ધાડ પાડવાના બનાવમાં સંડોવાયેલા મોહનીયા ગેંગના સાગરીતને જિલ્લા પોલીસે ૧૦ વર્ષ બાદ ઝડપી પાડયો છે.પ્રાપ્ત માહિતી મુજબ આજોડ ગામમાં વર્ષ-૨૦૧૬માં મારક હથિયારો સાથે ધાડપાડુ ટોળકી ત્રાટકી હતી તેમજ એક જ પરિવારના પાંચ સભ્યો પર હુમલો કરી તેમને ઇજા પહોંચાડી ત્રણ તિજોરી તોડીને અંદરથી સોના-ચાદીના દાગીના, રોકડ અને ત્રણ મોબાઇલ મળી કુલ રૃા.૩૪૫૦૦ની ધાડ પાડી ટોળકી ભાગી ગઇ હતી. આ અંગે તે સમયે તાલુકા પોલીસ સ્ટેશનમાં ગુનો દાખલ થયો હતો.

મહારાષ્ટ્રના પૂણે જિલ્લામાં મુલશી ખીણની હરિયાળી ટેકરીઓ અને વરસ્ગાંવ ડેમ પાસે આવેલું લવાસા, ભારતનું પ્રથમ આયોજિત હિલસ્ટેશન છે. ઇટાલીના `પોર્ટોફિનો' શહેરથી પ્રેરિત, તેના રંગબેરંગી મકાનો, પથ્થર જડેલા રસ્તાઓ અને લેકફ્રન્ટ પ્રોમેનેડ સાથે, લવાસા ભારતમાં વિદેશી અનુભવ પ્રદાન કરે છે. આધુનિક ટાઉનશિપ, પશ્ચિમ ઘાટની સાત ટેકરીઓ પર 25,000 એકરમાં ફેલાયેલું, કુદરતી સૌંદર્ય અને આકર્ષક સ્થાપત્યનો સંગમ છે, જે યુરોપિયન શૈલીની યાદ અપાવે છે.

મહંમદ તુઘલકના દોલતાબાદથી દિલ્હીના સ્થળાંતર અને પુનઃસ્થાનાંતરણની જેમ, સ્વીડન હવે તેની શિક્ષણ પ્રણાલીમાં 'બેક-ટુ-બેઝિક્સ' અપનાવી રહ્યું છે. ડિજિટલ-ફર્સ્ટ અભિગમ અપનાવ્યા પછી, વાંચન કૌશલ્યમાં ઘટાડો, ટેસ્ટના ઓછા સ્કોર્સ અને સ્ક્રીન પર વધતા સમયના કારણે આંખો પર થાક જેવી સમસ્યાઓ જોવા મળી. આથી, સ્વીડન હવે ભૌતિક પુસ્તકો, હસ્તલેખન અને પરંપરાગત શિક્ષણ પદ્ધતિઓ પર ફરીથી ધ્યાન કેન્દ્રિત કરવા 100 મિલિયન યુરોથી વધુનું રોકાણ કરી રહ્યું છે, જે એક મોટો યુ-ટર્ન દર્શાવે છે.