અમેરિકાની ફાર્મા કંપનીને ટેકઓવર કરવાની લાલચ આપી વડોદરાના ઇલીજીયમ ફાર્માસ્યુટિકલ કંપનીના માલિક સાથે ત્રણ NRI સહિત ચાર ભેજાબાજોએ મળીને રૂપિયા 16 કરોડની છેતરપિંડી આચરી હતી. ફરિયાદી યશવંતભાઈ ચુનીભાઈ પટેલે નોંધાવેલી ફરિયાદ મુજબ, ડો. હેમંત કનુભાઈ પટેલ, કિશન હેમંતભાઈ પટેલ, નિલેશ એમ. પટેલ અને હર્ષ દીપકભાઈ ડોલીયાએ ઈન્વાટેક કંપનીના 51% શેર ટ્રાન્સફર કરવાના બદલામાં અને લોન આપવાના નાણાં તરીકે કુલ 16 કરોડ રૂપિયાના શેર મેળવી લીધા હતા. જોકે, બાદમાં શેર ટ્રાન્સફર કરવામાં આવ્યા નહોતા, લોન પણ આપવામાં આવી નહોતી અને ટેકઓવર પણ થયું નહોતું.