અમેરિકા અને ઈરાન વચ્ચેના યુદ્ધવિરામ પર ફરી સંકટના વાદળો ઘેરાયા છે. ઈરાનની પરમાણુ એજન્સીના પ્રમુખ મોહમ્મદ ઈસ્લામીએ સ્પષ્ટ કર્યું છે કે તે કોઈપણ સંજોગોમાં પોતાના પરમાણુ કાર્યક્રમ અને યુરેનિયમ સંવર્ધનના અધિકારમાં બાંધછોડ કરશે નહીં. બીજી તરફ, પાકિસ્તાનમાં યોજાનારી મંત્રણા અંગેની પોસ્ટ ઈરાની રાજદૂતે હટાવી લેતા મડાગાંઠ સર્જાઈ છે, જેના કારણે હાલના યુદ્ધવિરામની સ્થિરતા અને પાકિસ્તાનની મધ્યસ્થીની ભૂમિકા સામે અનેક પ્રશ્નાર્થો ઊભા થયા છે.

રાજ્યમાં સ્થાનિક સ્વરાજ્યની ચૂંટણીને લઈને ભાજપ દ્વારા ઉમેદવારોની જાહેર કરવાનું શરૂ કર્યું છે. જેમાં સુરેન્દ્રનગર, અરવલ્લી, વાવ-થરાદ જિલ્લા પંચાયત, નગરપાલિકા અને તાલુકા પંચાયતના ઉમેદવારોના નામની જાહેરાત કરવામાં આવી છે. પૂર્વ IPS મનોજ નીનામા અરવલ્લી જિલ્લાના ઓડ જિલ્લા પંચાયતની ચૂંટણી પરથી ભાજપના ઉમેદવાર જાહેર કરવામાં આવ્યા છે. આ IPS ને ભાજપમાં જોડાયા 3 કલાકમાં જ જિલ્લા પંચાયતની ટિકિટ મળી.

ગુજરાતમાં આગામી સમયમાં યોજાનારી સ્થાનિક સ્વરાજની ચૂંટણીઓ પર કાયદાકીય ગ્રહણ લાગ્યું હોય તેમ જણાય છે. પાટીદાર અગ્રણી દિનેશ બાંભણિયા દ્વારા કરવામાં આવેલી જાહેર હિતની અરજી (PIL) પર આવતીકાલે, 10 એપ્રિલ 2026 ના રોજ સુપ્રીમ કોર્ટની ચીફ જસ્ટિસની બેન્ચ સમક્ષ મહત્વની સુનાવણી હાથ ધરવામાં આવશે. આ અરજીમાં રાજ્ય સરકારની 27% OBC અનામત નીતિને પડકારીને ચૂંટણી પ્રક્રિયા રોકવાની માંગ કરવામાં આવી છે.

ગુજરાતની રાજનીતિમાં મોટો ઉલટફેર સામે આવ્યો છે. AAPમાં વિસાવદરના ધારાસભ્ય ગોપાલ ઈટાલિયા સામે થયેલા વિવાદ બાદ રાજુ કરપડાએ પાર્ટીમાંથી રાજીનામું આપ્યું હતું. ત્યાર બાદ રાજુ કરપડાએ તુલસીશ્યામથી વિસાવદર સુધી કિસાન યાત્રા કરી હતી. હવે રાજુ કરપડા કેસરિયા કરવા જઈ રહ્યાં છે. આજે તેઓ વિધિવત રીતે ભાજપમાં જોડાશે. તેઓ સુરેન્દ્રનગર જિલ્લા પંચાયતમાં મુળી બેઠક પરથી ચૂંટણી લડશે. 200થી 250 ગાડીઓના કાફલા સાથે રાજુ કરપડા ગાંધીનગરના ભાજપના કમલમ્ ખાતે પહોંચી રહ્યા છે.

અમદાવાદ શહેર કોંગ્રેસમાં 20 વર્ષથી ચાલતી ભીતરની રમત સામે આવી. BJPને હરાવવાને બદલે ગુપ્ત સમજૂતીથી 'ઈલુ-ઈલુ' રમતા નેતાઓની પોલ ખુલી. મહાનગરપાલિકાની ચૂંટણીમાં પોતાના માનીતા ઉમેદવારોને ટિકિટ અપાવી 2027ની વિધાનસભા ચૂંટણી માટે ભંડોળ એકઠું કરતા હોવાના આક્ષેપો થયા છે. ફોર્મ ભરવામાં વિલંબ એ 'વોકઓવર' આપવાનું કાવતરું હોવાનું જણાય છે. નેતાઓ 20 વર્ષથી સંગઠન પર કબજો જમાવી બેઠા છે.

રાજકોટ ખાણ-ખનીજ વિભાગે વંથલીમાં Ozat નદીમાં દરોડો પાડી આશરે રૂ. 1.26 કરોડની રેતી ચોરી ઝડપી પાડી. જેમાં 8 બાજ, 4 હોડી, 2 ટ્રક અને આશરે 2,000 મેટ્રિક ટન રેતી જપ્ત કરવામાં આવી. ભૂમાફિયાઓ ડ્રેજિંગ મશીનોથી રેતી ચોરી કરતા હતા, જેને રોકવા માટે આ કાર્યવાહી કરવામાં આવી હતી.

વડોદરા જિલ્લામાં ચૂંટણી પહેલા નેતાઓના પક્ષાંતરથી રાજકારણ ગરમાયું છે. સોખડાના સભ્ય કિરણસિંહ રાઠોડે 24 કલાકમાં પક્ષ બદલતા ચર્ચા જાગી છે. ગઈકાલે ભાજપને 'ઝીરો' કહેનાર નેતાએ આજે ભાજપનો ખેસ ધારણ કર્યો. ચૂંટણી સમયે નેતાઓ કાચિંડાની જેમ રંગ બદલી રહ્યા છે, Social Mediaમાં ટ્રોલિંગ થઈ રહ્યું છે. 24 કલાકમાં ભાજપ 'શૂન્ય' માંથી 'ટ્રિપલ એન્જિન' થઈ ગયું?

ગુજરાતમાં રાજ્યસભાની ચાર બેઠકો 21 જૂને ખાલી થશે, જેમાં BJP પાસે ત્રણ અને કોંગ્રેસ પાસે એક બેઠક છે. આગામી મે મહિનામાં ચૂંટણી યોજાઈ શકે છે. કોંગ્રેસ પાસે સભ્યો ઓછા હોવાથી BJP ચારેય બેઠકો બિનહરીફ જીતી શકે છે. શક્તિસિંહ ગોહિલ કોંગ્રેસના સાંસદ છે, જ્યારે નરહરિ અમીન, રમીલાબેન બારા અને રામભાઈ મોકરિયા BJPના સાંસદ છે. હવે BJPના ઉમેદવાર બિનહરીફ ચૂંટાઈ શકે છે.

રાજકોટમાં નશાના કાળા કારોબારનો ચોંકાવનારો કિસ્સો સામે આવ્યો છે. SOG ટીમના દરોડામાં સગીરા ગાંજાની હેરાફેરી કરતા ઝડપાઈ. વામ્બે આવાસમાંથી 19 કિલો ગાંજો, કિંમત આશરે 9.53 લાખ મળી આવ્યો. પિતાના અવસાન અને માતાના બીજા લગ્ન બાદ નિરાધાર સગીરાનો ફાયદો જંગલેશ્વરના દંપતીએ ઉઠાવ્યો. પોલીસે આરોપી દંપતીને પકડવા ટીમો બનાવી. Child Welfare Officerને સગીરાને સોંપવાની તજવીજ.

અમદાવાદના દેત્રોજ તાલુકાના રાજપુરા ગામમાં ધાર્મિક પ્રસંગ બાદ 50થી વધુ લોકોને FOOD POISONING થયું. સેવ-ખમણી ખાધા બાદ ઉલટી અને ઉબકા થતા હોસ્પિટલમાં ખસેડાયા. આરોગ્ય તંત્રએ સેમ્પલ લીધા, FOOD POISONINGની તપાસ ચાલુ. વધુ અસરગ્રસ્તોને કડીની ભાગ્યોદય હોસ્પિટલમાં દાખલ કરવામાં આવ્યા છે.

ગીર સોમનાથના વેરાવળના ડાભોરમાં જૂની અદાવતમાં બે જૂથ વચ્ચે પથ્થરમારો અને મારામારી થઈ. જેમાં મહિલા સહિત 5 વ્યક્તિઓ ઈજાગ્રસ્ત થયા. બંને પક્ષો વચ્ચે જૂનું મનદુઃખ હતું. પોલીસ ઘટનાસ્થળે પહોંચીને પરિસ્થિતિને કાબૂમાં લીધી. ઇજાગ્રસ્તોને તાત્કાલિક સારવાર માટે હોસ્પિટલ ખસેડવામાં આવ્યા છે. પોલીસ ફરિયાદ નોંધીને વધુ તપાસ હાથ ધરી છે.

મોરબીના સોઓરડી પંથકમાં PGVCLની બેદરકારીથી વીજળી ગુલ થતા લોકોમાં રોષ ફેલાયો છે. રહીશોએ 50% DISCOUNT મળે તો અંધારપટ સહન કરવાની તૈયારી દર્શાવી છે. ભડિયાદ ફીડરમાં વારંવાર ફોલ્ટ થવાથી બાળકો અને વૃદ્ધોની હાલત કફોડી બની છે. અધિકારીઓના વાયદા છતાં કલાકો બાદ લાઈટ આવતા લોકો પરેશાન થયા છે અને PGVCLના ઉદાસીન વલણ સામે સવાલો ઉઠાવ્યા છે.

માર્ચથી શરૂ થયેલા વેસ્ટર્ન ડિસ્ટર્બન્સથી જન આરોગ્ય પર અસર, બેવડી ઋતુથી સ્વાસ્થ્ય બાનમાં આવ્યું. વાતાવરણમાં પલટાને લીધે સીઝનલ ફ્લૂ, શરદી અને વાયરલ કેસોમાં વધારો થયો. સિઝનલ ફ્લૂ (ARI)ના 1021 કેસ, શરદી-ઉધરસના 765 કેસ, ઝાડા-ઉલટીના 676 કેસ નોંધાયા. કમોસમી વરસાદ અને ગરમીથી વાયરસ ફેલાયો. મચ્છરનો ઉપદ્રવ વધ્યો હોવા છતાં મેલેરિયાના કેસ નિલ, ડેન્ગ્યુનો માત્ર 1 કેસ નોંધાયો. પાલિકા દ્વારા ફોગિંગ અને દવા છંટકાવની કામગીરી ચાલુ.

મોરબીમાં મુસ્કાન વેલફેર સોસાયટી દ્વારા મહિલાઓ માટે 'મ્યુઝિકલ તંબોલા'નું આયોજન કરાયું. રોજિંદા કામથી દૂર મહિલાઓ આનંદ માણે તે માટે આ ઇવેન્ટ યોજાઈ હતી. મહિલાઓએ ઉત્સાહથી તંબોલાની રમત રમી અને ફિલ્મી ગીતો પર ડાન્સ કર્યો. સોસાયટીએ એકતા વધારવાનો પ્રયાસ કર્યો. શ્રેષ્ઠ કામગીરી કરનાર બહેનોને ગિફ્ટ્સ આપવામાં આવી. મહિલાઓએ તણાવમુક્ત વાતાવરણનો અનુભવ કર્યો.

સુરેન્દ્રનગરમાં રખડતા પશુઓના ત્રાસથી રાહત માટે મનપા દ્વારા ઢોર પકડવાનું અભિયાન શરૂ કરાયું. આ અભિયાન હેઠળ દાળમીલ રોડ, જોરાવરનગર અને 80 ફૂટ રોડ પરથી 30થી વધુ પશુઓને પકડવામાં આવ્યા અને કૃષ્ણનગર પાણીની ટાંકી પાસે રાખવામાં આવ્યા. અત્યાર સુધીમાં 2258 પશુ પકડાયા છે, જેમાંથી 737 પાંજરાપોળમાં મૂકાયા, જ્યારે 604નો મનપા નિભાવ કરી રહી છે.

સુરેન્દ્રનગરમાં આર્ટ્સ એન્ડ સાયન્સ કોલેજ પાસે SBI પાસે પાર્કિંગના અભાવે ટ્રાફિક સમસ્યા સર્જાય છે. ગ્રાહકો રોડ પર વાહનો પાર્ક કરવા મજબુર છે, જેના કારણે ટ્રાફિક જામ થાય છે અને પોલીસ દંડ કરે છે. બેંકના પાર્કિંગ આગળ આડસો મૂકેલી હોવાથી ગ્રાહકોને હાલાકી ભોગવવી પડે છે. ગ્રાહકોમાં એવી રાવ છે કે આ પાર્કિંગ બેંક કર્મચારીઓ માટે જ છે.

સુરેન્દ્રનગર જિલ્લામાં કમોસમી વરસાદ અને શિયાળુ વાવેતર મોડું થતા, ખેડૂતોએ માર્ચના મધ્ય સુધીમાં 8008 હેક્ટરમાં વાવેતર કર્યું હતું. એપ્રિલના પ્રથમ સપ્તાહ સુધીમાં વાવેતર 38568 હેક્ટર થયું, એટલે કે 30 દિવસમાં 30560 હેક્ટરમાં વધારો થયો. તલ, શાકભાજી, બાજરી, મગ જેવા પાકોનું વાવેતર વધ્યું છે. નર્મદાનું પાણી મળતા અને યાંત્રીક ખેતીને લીધે ખેડૂતો એક પાક પછી તરત જ બીજો પાક લેતા થયા છે.

મુન્દ્રાનું પ્રાઇવેટ એરપોર્ટ જાહેર જનતા માટે ખુલશે, ફ્લાઈટ્સ શરૂ થશે. મુસાફરો માટે નવા ટર્મિનલનું નિર્માણ કાર્ય ચાલી રહ્યું છે, જેમાં બેસવાની વ્યવસ્થા અને સુરક્ષા તપાસ સિસ્ટમ હશે. સ્ટાર એર દ્વારા મુંબઈ, સુરત, દિલ્હી, ગોવા રૂટ પર 78 સીટર વિમાનો ઉડશે, જેનું ભાડું આશરે 5 હજાર રહેશે. 25 એપ્રિલથી સેવાનો આરંભ થશે.

ભુજમાં આયોજિત રક્તદાન શિબિરમાં ૨૧૩ યુનિટ રક્ત એકત્રિત થયું. આ શિબિર વાગડ રઘુવંશી પરિવાર, ભુજ તાલુકો અને નીરવ માણેક ચેરીટેબલ ટ્રસ્ટ દ્વારા આયોજિત હતો. BAPS સ્વામિનારાયણ મંદિરના સંતો, મહાજન પ્રમુખો અને RSSના સભ્યો હાજર રહ્યા. વક્તાઓએ રક્તદાનના મહત્વ અને શ્રેષ્ઠ ગુપ્ત દાન વિષે વાત કરી. Akhil Kutch Lohana Mahajanના સભ્યોએ રક્તદાતાઓને બિરદાવ્યા. જનરલ હોસ્પિટલ અને જીવન જ્યોત બ્લડ બેંકના સ્ટાફે સેવા આપી.

જૂનાગઢ ખાતે પોસ્ટલ એમ્પ્લોયઝ એસોસિએશનની કોન્ફરન્સમાં કચ્છ ડિવિઝનમાં સ્ટાફની 66% અછતનો મુદ્દો ઉઠાવવામાં આવ્યો. કર્મચારીઓએ સ્ટાફની અછતને કારણે પડતા ભારણ અને રજાઓ ન મળવાની સમસ્યાઓ રજૂ કરી. પ્રમોશન અને MACPની ટેકનિકલ ખામીઓથી થતા આર્થિક નુકસાનની પણ ચર્ચા થઈ. યુનિયન પ્રતિનિધિઓએ આ પ્રશ્નોના તાત્કાલિક નિરાકરણ માટે દિલ્હીના પ્રતિનિધિઓ પર ભાર મૂક્યો.

અમદાવાદના રાણીપ વોર્ડમાં આગામી ચૂંટણી પહેલાં સ્થાનિકોની સમસ્યાઓ યથાવત છે. 30 વર્ષથી વિકાસ ન થયો હોવાનો તેમનો આક્ષેપ છે. વરસાદમાં 5 ફૂટ સુધી પાણી ભરાઈ જવાની સમસ્યા છે, 108 પણ આવી શકતી નથી. ગટર ઉભરાવવાની સમસ્યા અને ટ્રાફિકથી લોકો પરેશાન છે. કોર્પોરેટરો ચૂંટણી સમયે જ દેખાય છે. ભ્રષ્ટાચારના આક્ષેપો સાથે સ્થાનિકો સત્તા પરિવર્તન ઇચ્છે છે. જોકે, ગત કોર્પોરેટર વિકાસના કામોનો દાવો કરે છે, પરંતુ કેટલાક કાર્યો હજુ પાઇપલાઇનમાં છે.

ભાવનગરના પાળિયાદમાં રહેતા કિન્નર પર સુરતના કિન્નરોએ હુમલો કર્યો. સુરતથી પાળિયાદ રહેવા આવી જતાં અન્ય કિન્નરોને પસંદ ન આવ્યું. પાંચ કિન્નરો અને એક driver કારમાં આવ્યા અને પાઇપ તેમજ ઢીંકા પાટુંથી માર માર્યો. સોના ચાંદીના ઘરેણાં અને રોકડ રકમની લૂંટ ચલાવી, ધમકી આપી કારમાંથી ફેંકી દીધા. પાળિયાદ police station માં ગુનો નોંધાયો.

સરપટ ગેટ પાસે રોંગ સાઈડમાં આવતા GJ 12 FD 8724 નંબરના ટ્રેક્ટરે સાયકલ સવાર 45 વર્ષીય અબ્દુલરઉફ મેમણને ટક્કર મારતા તેમનું ઘટનાસ્થળે જ મોત નીપજ્યું. તેઓ કુરિયર કંપનીમાં કામ કરતા હતા. B Division પોલીસે કાર્યવાહી હાથ ધરી છે. આ ઘટનાથી અરેરાટી ફેલાઈ ગઈ છે.

ટ્રાફિક નિયમોનું પાલન જરૂરી છે, ભંગ બદલ RTO દ્વારા ચલણ ઈસ્યુ થાય છે. કચ્છ જિલ્લામાં RTOએ રૂ. 16.53 કરોડના 26,441 ચલણ ઇસ્યુ કર્યા, જેમાંથી રૂ. 4.58 કરોડની વસૂલાત થઇ. Manual ચલણમાં વસૂલાત વધુ છે. Digital deviceથી ઈસ્યુ થયેલા ચલણમાં રૂ. 11.89 કરોડની વસૂલાત બાકી છે. પેન્ડિંગ ચલણ ભરવા RTOની અપીલ.

પશ્ચિમ કચ્છ પોલીસે ટ્રાફિક નિયમોના અમલ માટે અભિયાન ચલાવી 24,488 કેસ કર્યા અને રૂ. 71 લાખનો દંડ ફટકાર્યો. હેલ્મેટ, સીટ બેલ્ટ અને મોબાઈલ ફોનનો ઉપયોગ કરનારા સામે કાર્યવાહી. નંબર પ્લેટ વગરના વાહનો, નશામાં ગાડી ચલાવનારા અને LED લાઇટવાળા સામે પણ કેસ નોંધાયા. જનજાગૃતિ માટે 62 programs યોજાયા અને વન નેશન વન ચલણના 3,149 કેસ નોંધાયા.

SIRની કામગીરીથી ભુજ શહેરમાં મતદારયાદી શુદ્ધિકરણ દરમિયાન કચ્છ જિલ્લામાં અંદાજે એકાદ લાખ જેટલા નામો કમી થયા છે. ભુજ નગરપાલિકાના 11 વોર્ડમાં વર્ષ 2021 થી 2026 સુધીમાં કુલ 5,493 મતદારો ઘટ્યા. કોંગ્રેસ શાસિત વોર્ડ નંબર 1 અને 2 માં કોઈ મોટો ખાસ ફેરફાર થયો નથી. 2021-2026ના વોર્ડ પ્રમાણે મતદાર આંકડા.

ભુજ નગરપાલિકાના વોર્ડ નં. 3માં વિકાસકામો થયા, પણ ગટર અને સફાઈના પ્રશ્નો યથાવત છે. 25,000 વસ્તી અને 12,000થી વધુ મતદારોવાળા આ વોર્ડમાં રામનગરી, GIDC સહિત અનેક વિસ્તારોનો સમાવેશ થાય છે. 20 કરોડથી વધુના વિકાસકાર્યો છતાં ડ્રેનેજ અને સફાઈમાં સુધારાની જરૂર છે. ગટર વ્યવસ્થા યોગ્ય થાય તો શહેરની ગટર સમસ્યાનો નિકાલ થઈ શકે.

કોંગ્રેસ અધ્યક્ષ Khargeના ગુજરાતીઓ વિરુદ્ધના નિવેદન સામે ભાજપનો વિરોધ. MLA યોગેશ પટેલે સવાલ કર્યો કે રાહુલ-પ્રિયંકાના દાદા Feroze Gandhi ગુજરાતી તો શું તેઓ મૂર્ખ હતા? ભાજપ પ્રમુખે કોંગ્રેસ પર ગુજરાતની ઉપેક્ષા કરવાનો આરોપ લગાવ્યો, નર્મદા યોજનામાં અન્યાય કર્યો. ગુજરાતીઓને 'અભણ' ગણાવવા બદલ કોંગ્રેસની માનસિકતા દર્શાવે છે. જનતા જવાબ આપશે.

રાજ્યની સ્થાનિક સ્વરાજ્ય ચૂંટણીમાં વાપીના વોર્ડ નં. 8ના વેપારીઓ પ્રાથમિક સુવિધાઓથી વંચિત છે. 'સ્વચ્છ ભારત'ના નારા વચ્ચે ગંદકી, ગટરની સમસ્યાથી તેઓ પરેશાન છે. પાણીની અનિયમિતતા, ડ્રેનેજ સિસ્ટમની ખામી, સ્ટ્રીટ લાઈટનો અભાવ, કચરાના નિકાલની વ્યવસ્થાના અભાવથી વેપારીઓ ત્રાહિમામ પોકારી ઉઠ્યા છે. તેઓએ પાલિકા કચેરીએ જઈ આંદોલન કરવાની ચીમકી ઉચ્ચારી અને TAX ભરવાનું બંધ કરવાની પણ વાત કરી છે.

નડિયાદના ગંજ બજારમાં ગંદકીથી વેપારીઓ અને રહીશો ત્રાહિમામ પોકારી ઉઠ્યા છે. વારંવાર રજૂઆતો કરવા છતાં તંત્ર દ્વારા કોઈ કામગીરી કરવામાં આવતી નથી. ગટર લાઈન ચોકઅપ થવાની સમસ્યાથી સ્થાનિકો પરેશાન છે. સફાઈ અને Parkingની યોગ્ય વ્યવસ્થા કરવા વેપારીઓએ માંગ કરી છે. ડોર-ટુ-ડોર કચરો લેવા આવતી ગાડીનો સમય પણ નિશ્ચિત નથી, જેના કારણે ગંદકી ફેલાય છે. આથી સ્થાનિકોમાં તંત્ર સામે રોષ જોવા મળી રહ્યો છે.