20 જિલ્લાઓમાં 1147 કરોડ રૂપિયાના ગ્રીન ટેક્નોલોજી રોડ પ્રોજેક્ટમાં ષડયંત્ર ખુલ્લું પડ્યું છે. દિવ્ય ભાસ્કરની તપાસમાં બહાર આવ્યું છે કે, સ્પર્ધા ખતમ કરવા અને એક જ કંપનીને ફાયદો કરાવવા ટેન્ડરની શરતો પાછળથી બદલવામાં આવી. રાજકોટના 47 કરોડના ટેન્ડરમાં એક નવી શરત ઉમેરાઈ કે ગ્રીન ટેક્નોલોજીનો અનુભવ અથવા મહારાષ્ટ્રની 'વીવી ઓટોટેસ્ટ સિસ્ટમ' સાથે એમઓયુ ફરજિયાત છે. આનાથી માત્ર એક જ એજન્સી લાયક ઠરી. પરિણામે, રાજકોટના બે ટેન્ડરોમાં સરકારને અંદાજે 31.62 કરોડ રૂપિયાનો વધારાનો બોજ પડશે, અને સમગ્ર 1147 કરોડના પ્રોજેક્ટમાં પારદર્શિતાનો અભાવ સ્પષ્ટ દેખાઈ રહ્યો છે.