અમેરિકાની ટ્રમ્પ સરકારે AI કંપની OpenAI ને તેના નવા અને શક્તિશાળી AI મોડલ 'GPT-5.6' ને એકસાથે લોન્ચ કરવાને બદલે 'સ્ટગર્ડ' એટલે કે તબક્કાવાર રીતે રજૂ કરવા જણાવ્યું છે. આ નિર્ણય AI ક્ષેત્રે વધી રહેલી ચિંતાઓ અને રાષ્ટ્રીય સુરક્ષાના મુદ્દાઓને ધ્યાનમાં રાખીને લેવાયો છે. OpenAI ના CEO સેમ ઓલ્ટમેને સરકારની આ વિનંતી સ્વીકારી, પસંદગીના ભાગીદારોને જ પ્રથમ એક્સેસ આપવાની વાત કરી છે. તાજેતરમાં જ એન્થ્રોપિક કંપની પર પણ આવી જ રીતે નિયામકીય દબાણ લાવવામાં આવ્યું હતું.

પુણેના કેતન અગ્રવાલ હત્યાકાંડમાં મુખ્ય આરોપી સિયા ગોયલ અને કથિત બોયફ્રેન્ડ ચેતન ચૌધરી હવે પૂછપરછ દરમિયાન એકબીજા પર હત્યાનું ષડયંત્ર રચ્યાનો આરોપ લગાવી રહ્યા છે. ચેતનનો દાવો છે કે હત્યાનો નિર્ણય સિયાનો હતો, જ્યારે સિયા સમગ્ર યોજના માટે ચેતનને જવાબદાર ઠેરવે છે. પોલીસે બંનેની ધરપકડ કરી છે અને મજબૂત પુરાવાના આધારે બંનેની સમાન સંડોવણી હોવાનું જણાવ્યું છે. અગાઉની તેમની મુલાકાતો અને કાવતરાની પણ તપાસ ચાલી રહી છે.

વડોદરાના દશરથ ગામે એક ચોંકાવનારી ઘટના બની છે. ત્રણ સંતાનના પિતા ઉમેદ વસાવા, જેઓ રાત્રે પ્લોટની દેખરેખ રાખવાનું અને દિવસે કાર વોશિંગનું કામ કરતા હતા, તેમની માથું છુંદીને હત્યા કરવામાં આવી છે. તેમના પિતાની જગ્યાએ કામ કરવા ગયેલા ઉમેદની લાશ સવારે મળી આવી હતી. તેમના માથાના ભાગે ગંભીર ઇજાઓ પહોંચાડવામાં આવી હતી અને પાસે એક પથ્થર પણ પડ્યો હતો. છાણી પોલીસે બનાવ અંગે વધુ તપાસ હાથ ધરી છે અને મૃતદેહનું પોસ્ટમોર્ટમ કરાવવાની તજવીજ કરી છે.

અયોધ્યાના રામ મંદિરમાં દાન ચોરી કેસની SIT તપાસમાં CCTV ફૂટેજ અને આંતરિક ઓડિટ દરમિયાન અનેક ગેરરીતિઓ સામે આવી છે. દાનની ગણતરી, રેકોર્ડ જાળવણી અને સુરક્ષા વ્યવસ્થામાં ગંભીર ખામીઓ મળી આવતા અત્યાર સુધી 8 લોકોની ધરપકડ કરવામાં આવી છે. કેસમાં ચોરી, વિશ્વાસઘાત અને ષડયંત્ર સહિતના ગુનાઓ નોંધાયા છે. તપાસ દરમિયાન ટ્રસ્ટના મહાસચિવ ચંપત રાય અને સભ્ય અનિલ મિશ્રાએ રાજીનામું આપ્યું છે, જ્યારે SIT વધુ તપાસ આગળ ધપાવી રહી છે.

અમેરિકા અને ઈરાન વચ્ચે યુદ્ધવિરામ બાદ હવે ફ્રીઝ કરાયેલા 12 અબજ ડોલરના ફંડના ઉપયોગ મુદ્દે મતભેદ સર્જાયો છે. અમેરિકા ઈચ્છે છે કે આ રકમનો ઉપયોગ અમેરિકન ખેડૂતો પાસેથી કૃષિ ઉત્પાદનો ખરીદવા માટે થાય, જ્યારે ઈરાને આ શરત ફગાવીને સ્પષ્ટ કર્યું છે કે મુક્ત થયેલા નાણાં પર તેનો સંપૂર્ણ અધિકાર રહેશે. બંને દેશોએ સ્વિટ્ઝરલેન્ડમાં આ મુદ્દે ચર્ચા કરી છે, પરંતુ ફંડના ઉપયોગને લઈને વિરોધાભાસી દાવાઓ સામે આવ્યા છે. નિષ્ણાતોના મતે આ આર્થિક વિવાદ અંતિમ શાંતિ કરારના માર્ગમાં મોટો અવરોધ બની શકે છે.

NATO સેક્રેટરી જનરલ માર્ક રૂટેના નિવેદન બાદ ઈટાલીમાં રાજકીય વિવાદ સર્જાયો છે. રૂટેએ દાવો કર્યો હતો કે ઈરાન પરના હુમલા દરમિયાન ઈટાલીએ અમેરિકન લડાકુ વિમાનોને પોતાના સૈન્ય મથકોથી ઉડાન ભરવાની મંજૂરી આપી હતી. જોકે વડાપ્રધાન જ્યોર્જિયા મેલોનીએ આ દાવાને ખોટો ગણાવી સ્પષ્ટ કર્યું કે ઈટાલીએ ઈરાન વિરુદ્ધ કોઈ સૈન્ય કાર્યવાહીમાં ભાગ લીધો નથી. વિવાદ વધતા ઈટાલીના વિદેશ મંત્રીએ ઈરાન સાથે વાતચીત કરીને પોતાની સ્થિતિ સ્પષ્ટ કરી, જ્યારે ઈરાને નાટોના નિવેદનના આધારે હુમલામાં ઈટાલીની જવાબદારી હોવાનો આક્ષેપ કર્યો છે.

યુરોપમાં ભયાનક હીટવેવના કારણે જનજીવન પ્રભાવિત થયું છે, જેમાં ફ્રાન્સ સૌથી વધુ અસરગ્રસ્ત બન્યું છે. દેશના અડધાથી વધુ વિસ્તારોમાં રેડ હીટ એલર્ટ જાહેર કરવામાં આવ્યું છે, જ્યારે પેરિસમાં તાપમાન 40 ડિગ્રીથી ઉપર અને દક્ષિણ-પશ્ચિમના પિસોસમાં 44.3 ડિગ્રી સેલ્સિયસ સુધી પહોંચ્યું છે. ગરમીના કારણે 40થી વધુ લોકોના મોત, અકસ્માતો અને ડૂબી જવાની ઘટનાઓ નોંધાઈ છે. વૈજ્ઞાનિકો આ સ્થિતિ માટે 'હીટ ડોમ' અને ગ્લોબલ વોર્મિંગને જવાબદાર માની રહ્યા છે, જેના કારણે યુરોપ ઝડપથી ગરમ થઈ રહ્યો છે.

કલોલ તાલુકા પોલીસે બાઈક મારફતે ગાંજાની હેરાફેરી કરતા અમદાવાદના બે આરોપીઓને ઝડપી પાડીને 5.060 કિલોગ્રામ ગાંજો સહિત કુલ રૂ. 4.39 લાખનો મુદ્દામાલ જપ્ત કર્યો છે. પોલીસ તપાસમાં સામે આવ્યું કે નશાના કારોબારીઓ ચેકિંગથી બચવા ગામડાંના આંતરિક રસ્તાઓ અને ટૂ-વ્હીલરનો ઉપયોગ કરી રહ્યા હતા. કેસમાં બે મુખ્ય સૂત્રધારોને વોન્ટેડ જાહેર કરવામાં આવ્યા છે. પોલીસે NDPS એક્ટ હેઠળ ગુનો નોંધી સમગ્ર નશા નેટવર્ક સુધી પહોંચવા તપાસ તેજ કરી છે.

ડેનમાર્કમાં હિજાબ અને બુરખા પર પ્રતિબંધ બાદ હવે જાહેર સ્થળોએ અઝાન પર દેશવ્યાપી પ્રતિબંધ મૂકવાની યોજના પર ફરી વિચારણા શરૂ થઈ છે. ઇમિગ્રેશન મંત્રી મોર્ટેન બોડસ્કોવે વધતા ઇસ્લામાઇઝેશન અંગે ચિંતા વ્યક્ત કરી આ પ્રસ્તાવ રજૂ કર્યો છે. સરકાર કાનૂની અને બંધારણીય પાસાઓની તપાસ કરી રહી છે. બીજી તરફ ટીકાકારોનું માનવું છે કે આ પગલું ધાર્મિક સ્વતંત્રતાનું ઉલ્લંઘન છે અને માત્ર એક જ ધર્મને નિશાન બનાવે છે.

ફિફા વર્લ્ડ કપ 2026માં ઇક્વાડોરે ચાર વખતની ચેમ્પિયન જર્મનીને 2-1થી હરાવી મોટો ઉલટફેર સર્જ્યો છે. શરૂઆતમાં પાછળ પડ્યા છતાં ઇક્વાડોરે શાનદાર વાપસી કરીને નોકઆઉટમાં સ્થાન મેળવ્યું. VARના નિર્ણય બાદ રોડ્રિગેઝના પાસ પર ગોન્ઝાલો પ્લાટાએ નિર્ણાયક ગોલ કર્યો. બીજી તરફ નેધરલેન્ડ્સે ટ્યુનિશિયાને હરાવી ગ્રૂપ Fમાં ટોચનું સ્થાન મેળવ્યું, જ્યારે જાપાન અને સ્વીડન પણ નોકઆઉટમાં પહોંચ્યા. તૂર્કિયેએ અંતિમ ક્ષણે અમેરિકા સામે 3-2થી જીત નોંધાવી.

અયોધ્યા રામ મંદિર માટે મળેલા દાનમાં કથિત ઉચાપતના આરોપો બાદ શ્રી રામ જન્મભૂમિ તીર્થ ક્ષેત્ર ટ્રસ્ટમાં મોટી કાર્યવાહી જોવા મળી છે. મુખ્યમંત્રી યોગી આદિત્યનાથના કડક વલણ અને તપાસના દબાણને કારણે ટ્રસ્ટના બે અગ્રણી સભ્યો, Champat Rai અને Anil Mishra, એ પોતાના પદો પરથી રાજીનામા આપી દીધા છે. આ ઘટનાક્રમ બાદ ઉત્તર પ્રદેશના રાજકારણ અને ધાર્મિક જગતમાં ભારે ચર્ચા જગાવી છે.

ભારત અને અમેરિકા વચ્ચેની વ્યાપાર કરારની વાતચીતમાં કેન્દ્રીય વાણિજ્ય મંત્રી પીયૂષ ગોયલે સ્પષ્ટ કર્યું છે કે ભારત, અમેરિકામાં તેના નિકાસ થતા માલ પર વિશેષ ટેરિફ લાભ મેળવવા માંગે છે. જો ભારતને વિયેતનામ કે બાંગ્લાદેશ જેવા સ્પર્ધકો કરતાં ઓછો આયાત ટેરિફ નહીં મળે, તો આ ટ્રેડ ડીલ ભારતીય બિઝનેસ માટે ઓછી મહત્વની બની જશે. અગાઉ 18% ટેરિફ રેટ નક્કી થયો હતો, પરંતુ હવે ભારત એવી સત્તાવાર ગેરંટી માંગી રહ્યું છે કે તેના ઉત્પાદનોને તુલનાત્મક લાભ મળવો જોઈએ. જ્યાં સુધી આ શરત પૂરી નહીં થાય, ત્યાં સુધી ભારત ટ્રેડ ડીલ પર સહી નહીં કરે.

વડોદરામાં NRI ચેતનાબેન અશ્વિનભાઈ પટેલની જમીનમાં છેતરપિંડીનો મામલો સામે આવ્યો છે. બિલ્ડર ભુપેન્દ્રભાઈએ નોંધાવેલી ફરિયાદ મુજબ, આરોપી મનીશ સુરેન્દ્રલાલ દીક્ષિતે ચેતનાબેનના પતિ અશ્વિનભાઈની સહીના ખોટા કાગળો બનાવી 1100 ચોરસ મીટર જમીનનો દસ્તાવેજ રજિસ્ટર કરાવી લીધો. અશ્વિનભાઈ 2020 થી અમેરિકામાં હતા અને ત્યારબાદ 2023 માં પરત આવ્યા હતા. આરોપીએ અશ્વિનભાઈના નામની ખોટી સહીવાળી રિસિપ્ટ બનાવી, ચેક દ્વારા ચૂકવણી ન કરીને પણ દસ્તાવેજ કર્યો હતો.

અમદાવાદના નહેરૂનગર એપાર્ટમેન્ટમાં રહેતી મૂળ વડોદરાની 19 વર્ષીય યુવતીએ બીજા માળેથી પડતું મૂકીને આપઘાત કર્યો. દીકરીના મોત બાદ ચોંકાવનારા ઘટસ્ફોટ થયા. માતાએ જણાવ્યું કે, દીકરી કહેતી હતી, 'મારે આવવું છે પણ સુરજ આવવા દેતા નથી.' યુવતીએ ઇન્ટર્નશીપ માટે અમદાવાદ આવી સુરજ પરમાર સાથે કોર્ટ મેરેજ કર્યા હતા. લગ્ન પહેલા સુરજે ધમકી આપી હતી. પતિના સતત ત્રાસ અને મારઝૂડથી કંટાળીને યુવતીએ આ પગલું ભર્યું. પોલીસે દુષ્પ્રેરણનો ગુનો નોંધી તપાસ હાથ ધરી છે.

પુણેના ચર્ચિત કેતન અગ્રવાલ હત્યા કેસમાં મુખ્ય આરોપી સિયા ગોયલના પિતા પ્રવીણ ગોયલને માનસિક તણાવ વચ્ચે હાર્ટ એટેક આવતાં હોસ્પિટલના ICUમાં દાખલ કરાયા છે. હોસ્પિટલમાં કડક પોલીસ બંદોબસ્ત ગોઠવાયો છે. દરમિયાન પોલીસ તપાસમાં કેસ અકસ્માત નહીં પરંતુ પૂર્વયોજિત હત્યા હોવાનું સામે આવ્યું છે. સિયા ગોયલ, ચેતન ચૌધરી બાદ હવે નીરજ ચૌધરીની પણ પૂછપરછ ચાલી રહી છે. તપાસમાં ઘટનાના દિવસે નીરજના મોબાઈલનો ઉપયોગ કરાયો હોવાની માહિતી સામે આવી છે.

ભારતે બાંગ્લાદેશને 5 વિકેટે હરાવીને T20 વર્લ્ડ કપ 2026 માં પોતાની સેમિફાઇનલમાં પહોંચવાની શક્યતા મજબૂત કરી છે. બાંગ્લાદેશે પહેલા બેટિંગ કરતા 136 રન બનાવ્યા હતા. જવાબમાં, ભારતીય ટીમે 17મી ઓવરમાં આ લક્ષ્યાંક પાર કરી લીધો. શેફાલી વર્માએ 53 રનની આક્રમક અડધી સદી ફટકારી, જ્યારે જેમીમા રોડ્રિગ્સે 15 બોલમાં 26 રન બનાવી ભારતનો વિજય સુનિશ્ચિત કર્યો. આ જીત સાથે ભારત ગ્રુપ A માં બીજા સ્થાને છે.

તીસ્તા નદી પ્રોજેક્ટ બાદ બાંગ્લાદેશના PM તારિક રહેમાને ચીન સાથે મુંગલા પોર્ટ અંગે મોટો કરાર કર્યો છે, જે ભારત માટે આંચકો છે. વ્યૂહાત્મક રીતે મહત્વપૂર્ણ મુંગલા પોર્ટ માટે ચીન સાથે હાથ મિલાવ્યા છે. રસપ્રદ વાત એ છે કે, આ નિર્માણ તે જમીન પર થશે જે મૂળ ઇન્ડિયન ઇકોનોમિક ઝોન માટે પ્રસ્તાવિત હતી. બેઇજિંગમાં ચીન-બાંગ્લાદેશ મુંગલા પોર્ટ ઇકોનોમિક ઝોન માટે સમજૂતી કરાર થયા છે. આ પ્રોજેક્ટ 110 એકર જમીન પર વિકસાવવામાં આવશે.

બેંગલુરુના આરઆર નગર વિસ્તારમાં કન્નડ એક્ટ્રેસ કૃષિ થાપંડાના ઘરેથી 45 વર્ષીય વૈશાખ ઉપાધ્યાયનો મૃતદેહ મળી આવતા ખળભળાટ મચી ગયો છે. વૈશાખનો મૃતદેહ ફાંસીના ફંદે લટકતી હાલતમાં મળ્યો હતો. પારિવારિક વિવાદોથી કંટાળીને વૈશાખ કૃષિ થાપંડાના ઘરે રોકાતો હતો. ઘટના સમયે કૃષિ થાપંડા ઘરે હાજર નહોતી. પોલીસ આ મામલાની ઊંડાણપૂર્વક તપાસ કરી રહી છે.

ગાંધીનગરના S G હાઇવે પર સરગાસણ બ્રિજ નજીક નશામાં ધૂત કારચાલકે બેફામ ગાડી હંકારી ચાર વાહનોને અડફેટે લેતા ગંભીર અકસ્માત સર્જાયો હતો. અકસ્માત બાદ કારમાં આગ લાગી અને તે બળીને ખાખ થઈ ગઈ, જોકે કારમાં સવાર લોકો સમયસર બહાર નીકળી જતા જાનહાનિ ટળી હતી. અકસ્માતમાં એક વ્યક્તિ ગંભીર રીતે ઘાયલ થયો છે. ફાયર બ્રિગેડે આગ પર કાબૂ મેળવ્યો હતો, જ્યારે પોલીસે ગુનો નોંધી નશાખોર ચાલક સામે કાયદેસરની કાર્યવાહી શરૂ કરી છે.

છેલ્લા પાંચ વર્ષમાં ગુજરાતમાંથી ₹13,600 કરોડના ડ્રગ્સ ઝડપાયા છે, તેમ છતાં યુવાનોમાં નશાખોરીનું પ્રમાણ ચિંતાજનક રીતે વધી રહ્યું છે. પંજાબ, રાજસ્થાન અને દિલ્હીથી ચાલતા ડ્રગ્સના નેટવર્કમાં ગુજરાતના દરિયાકાંઠાનો ઉપયોગ રોકવામાં સફળતા મળી હોવા છતાં, સ્થાનિક સ્તરે ડ્રગ્સનું વેચાણ અને સેવન વધી રહ્યું છે. છેલ્લા 10 વર્ષમાં ડ્રગ્સ-દારૂના દુરુપયોગથી 711 લોકોએ આત્મહત્યા કરી છે અને 37 લોકોના ઓવરડોઝથી મૃત્યુ થયા છે. ડ્રગ્સ ફ્રી સ્ટેટ બનાવવા માટે રાજ્ય પોલીસ દ્વારા છ એન્ટિ નાર્કોટિક્સ ટાસ્ક ફોર્સની રચના કરાઈ છે, જે સ્થાનિક વેચાણ પર નિયંત્રણ મેળવશે.

સ્ટ્રેટ ઓફ હોર્મુઝમાં તણાવ વચ્ચે ઓમાન નજીક 'એવર લવલી' વેપારી જહાજ પર ડ્રોન હુમલો થતાં વૈશ્વિક ચિંતા વધી છે. હુમલા બાદ IMOએ પર્સિયન ગલ્ફમાંથી જહાજો બહાર કાઢવાનું ઓપરેશન સ્થગિત કર્યું છે. ઈરાને પોતાની મંજૂરી વગર જહાજોની અવરજવર સામે ચેતવણી આપી છે. વિશ્વના તેલ પરિવહન માટે મહત્વપૂર્ણ આ માર્ગમાં વધતા તણાવથી વૈશ્વિક અર્થતંત્ર પર અસરની આશંકા છે. અમેરિકા-ઈરાન વચ્ચે શાંતિ વાટાઘાટો ચાલુ હોવા છતાં પ્રાદેશિક સંઘર્ષ સ્થિતિને વધુ જટિલ બનાવી રહ્યો છે.

'ઓપરેશન ડેલ્ટા હન્ટ' હેઠળ ગુજરાત પોલીસે ઝડપાયેલા બાંગ્લાદેશી ઘૂસણખોરોના કિસ્સાઓમાં ચોંકાવનારા ખુલાસા થયા છે. એજન્ટોના નેટવર્કની મદદથી યુવતીઓ વિઝા-પાસપોર્ટ વિના ભારત પ્રવેશી નકલી નામ અને ઓળખ સાથે ગુજરાત સહિત વિવિધ શહેરોમાં ડાન્સ બાર, મજૂરી અને ઇમિટેશન જ્વેલરીના કારખાનામાં કામ કરતી હતી. કેટલીકએ સ્થાનિકો સાથે લગ્ન પણ કર્યા, જ્યારે એક યુવતીએ કિન્નરોના ટોળા સાથે બોર્ડર પાર કરી હતી. પોલીસ તપાસમાં ગેરકાયદે નાણાં ટ્રાન્સફર નેટવર્ક અને ઘૂસણખોરીની સમગ્ર મોડસ ઓપરેન્ડીનો પર્દાફાશ થયો છે.

રાજકોટ મહાનગરપાલિકા દ્વારા જંગલેશ્વર વિસ્તારમાં કરાયેલા મેગા ડિમોલિશન બાદ અધિકારીઓ હવે 27 લાખના ભોજન બિલના વિવાદમાં ઘેરાયા છે. આ બિલમાં સમોસા, કાજુકતરી જેવી વાનગીઓનો સમાવેશ થાય છે. નવાઈની વાત એ છે કે, 12 લાખ રૂપિયાના મિનરલ વોટરના ખર્ચને આ બિલમાંથી છુપાવવામાં આવ્યો હતો. ભાસ્કર ઇન્વેસ્ટિગેશન દ્વારા પાણીના આ તોતિંગ બિલના પુરાવા સાથે આ ગોઠવણનો પર્દાફાશ થયો છે. આ સમગ્ર મામલો હાલ સ્ટેન્ડિંગ કમિટીમાં અટકાવવામાં આવ્યો છે.

ચૈતર વસાવાને વનકર્મીઓ પર હુમલાના કેસમાં 7 વર્ષની સજા થતાં તેમના ધારાસભ્યપદ પર સંકટ ઊભું થયું છે. સ્ટે ન મળે તો સભ્યપદ રદ થઈ શકે છે, જ્યારે આમ આદમી પાર્ટી હાઈકોર્ટ અને સુપ્રીમ કોર્ટ સુધી લડવાની તૈયારીમાં છે. રાજકીય વિશ્લેષકો આ ઘટનાને મધ્ય ગુજરાતના રાજકારણમાં મોટું વળાંક ગણાવી રહ્યા છે. જો બેઠક ખાલી થશે તો પેટાચૂંટણી યોજાશે. આ સમગ્ર મામલો 2027ની વિધાનસભા ચૂંટણી પહેલાં આદિવાસી પટ્ટાના રાજકારણ પર લાંબા ગાળાની અસર કરી શકે છે.

સિદ્ધપુર પોલીસ સ્ટેશનમાં નોંધાયેલ અપહરણના ગુનામાં પોલીસે તપાસ હાથ ધરી હતી. બાતમીદારોની મદદથી અપહરણ થયેલી એક સગીરા અને તેને અપહરણ કરનાર સગીરને મુંબઈથી શોધી કાઢ્યા હતા. આ દરમિયાન, થરા પોલીસ સ્ટેશનમાં નોંધાયેલા ગુનાના સંબંધિત એક સગીરા અને એક યુવક પણ મળી આવતાં તેમને થરા પોલીસને સોંપ્યા હતા. સિદ્ધપુરથી ગુમ થયેલી સગીરાનો કબજો તેના માતા-પિતાને સોંપવામાં આવ્યો અને સગીર આરોપીને બાળ સુધારણા ગૃહ મોકલી આપવામાં આવ્યો.

પાટણ જિલ્લાના હારીજ તાલુકાના વેજાવાડા ગામમાં બુટલેગર દ્વારા ગેરકાયદેસર રીતે દારૂનું વેચાણ કરવા માટે રાખવામાં આવેલી કેબિન દૂર કરવામાં આવી છે. એક સગીર વયના યુવાન સાથે દારૂ વેચાણ કરતો વિડીયો વાયરલ થયા બાદ પોલીસ એક્શનમાં આવી હતી. પાટણ જિલ્લા પોલીસ વડા વી.કે.નાયીના માર્ગદર્શન હેઠળ, નાયબ પોલીસ અધિક્ષક પરેશ રેણુકા, પી.આઈ. એ.જે.મહેરિયા અને હારીજ પોલીસ જવાનોની ટીમે જેસીબી મશીન વડે કેબિન હટાવી દીધી. આ બુટલેગર વિરુદ્ધ 9 પ્રોહિબિશન ગુના નોંધાયેલા છે.

ઉત્તર પૂર્વ મુંબઈના સાંસદ સંજય દીના પાટીલ શિવસેના (ઉદ્ધવ) છોડીને શિંદે જૂથમાં જોડાયા બાદ વિવાદમાં આવ્યા છે. વિરોધ કરનાર કાર્યકરોને બોમ્બ ફેંકવાની અને ઘરમાં ઘૂસી મારી નાખવાની ધમકી આપ્યા બાદ તેમણે આ મુદ્દે પ્રશ્ન પૂછનારા પત્રકારોને પણ અપશબ્દો બોલી માર મારવાની ધમકી આપી હતી. ઘટનાને લઈને પત્રકાર સંગઠનોએ ઉગ્ર વિરોધ નોંધાવ્યો છે અને માફી સાથે કડક કાર્યવાહી કરવાની માંગ ઉઠી છે. મામલો વિધાનસભામાં પણ ગૂંજ્યો છે.

ગત તા.4 જૂન 2028ના રોજ ફરિયાદી પોતાના ભાભીના અવસાનના કારણે પરિવાર સાથે રાજસ્થાન ખાતે પોતાના વતનમાં ગયો હતો. તે સમયે તેઓ પોતાનું રૂ.5 લાખનું બોલેરો પીકઅપ ડાલુ ભંગારના ગોડાઉનમાં પાર્ક કરીને લોક મારીને ગયો હતો. ત્યારબાદ ગત તા.23 જૂનના રોજ જ્યારે તે વતનમાંથી પરત ફર્યા ત્યારે ગોડાઉનનો દરવાજો ખુલ્લો હતો અને અંદર પાર્ક કરેલુ ડાલુ ગાયબ હતુ. આજુબાજુના વિસ્તારમાં તપાસ કરવા છતાં ડાલુ મળી ન આવતા આખરે બાયડ પોલીસ મથકે ફરિયાદ નોંધાવી હતી. પોલીસે અજાણ્યા ચોર તસ્કરો વિરૂદ્ધ ગુનો નોંધી વધુ તપાસ ધરી છે.

અરવલ્લીના બાયડ તાલુકાના વાત્રક ગામની સીમમાં અજાણ્યા તસ્કરોએ લક્ષ્મીનારાયણ પ્લાન્ટમાંથી ચાર ઇલેક્ટ્રિક મોટર અને 300 ફૂટ કેબલ વાયર સહિત રૂ.70 હજારનો મુદ્દામાલ ચોરી કર્યો હતો. તે જ રાત્રે નજીકના બે ખેડૂતોની મોટર, કેબલ વાયર અને ટોટો પાઈપની પણ ચોરી થતાં કુલ રૂ.97,500નું નુકસાન થયું છે. શોધખોળ છતાં કોઈ પત્તો ન મળતાં પ્લાન્ટ મેનેજરની ફરિયાદના આધારે બાયડ પોલીસે અજાણ્યા ચોરો સામે ગુનો નોંધી તપાસ શરૂ કરી છે.

દસાડાના ખારાઘોડામાં ખાનગી કંપનીને 5 હજાર એકર જમીન ભાડે આપવાના નિર્ણય સામે અગરીયાઓનો વિરોધ ઉગ્ર બન્યો છે. આ મુદ્દે પૂર્વ અને વર્તમાન ધારાસભ્યોએ અલગ-અલગ કાર્યક્રમો યોજ્યા હતા. વર્તમાન ધારાસભ્યે અગરીયાઓ સાથે સંવાદ કરી પ્રશ્નોના ઉકેલની ખાતરી આપી, જ્યારે પૂર્વ ધારાસભ્ય નૌશાદ સોલંકીએ પ્રતીક ધરણા કરીને નાયબ કલેક્ટરને આવેદનપત્ર આપ્યું હતું. તેમણે કેન્દ્ર અને રાજ્ય સરકાર હસ્તક્ષેપ કરીને અગરીયાઓના રોજગાર અને હિતોની સુરક્ષા કરવાની માંગ કરી છે.