ફિફા વર્લ્ડ કપ 2026માં ઇક્વાડોરે ચાર વખતની ચેમ્પિયન જર્મનીને 2-1થી હરાવી મોટો ઉલટફેર સર્જ્યો છે. શરૂઆતમાં પાછળ પડ્યા છતાં ઇક્વાડોરે શાનદાર વાપસી કરીને નોકઆઉટમાં સ્થાન મેળવ્યું. VARના નિર્ણય બાદ રોડ્રિગેઝના પાસ પર ગોન્ઝાલો પ્લાટાએ નિર્ણાયક ગોલ કર્યો. બીજી તરફ નેધરલેન્ડ્સે ટ્યુનિશિયાને હરાવી ગ્રૂપ Fમાં ટોચનું સ્થાન મેળવ્યું, જ્યારે જાપાન અને સ્વીડન પણ નોકઆઉટમાં પહોંચ્યા. તૂર્કિયેએ અંતિમ ક્ષણે અમેરિકા સામે 3-2થી જીત નોંધાવી.

ભારત અને અમેરિકા વચ્ચેની વ્યાપાર કરારની વાતચીતમાં કેન્દ્રીય વાણિજ્ય મંત્રી પીયૂષ ગોયલે સ્પષ્ટ કર્યું છે કે ભારત, અમેરિકામાં તેના નિકાસ થતા માલ પર વિશેષ ટેરિફ લાભ મેળવવા માંગે છે. જો ભારતને વિયેતનામ કે બાંગ્લાદેશ જેવા સ્પર્ધકો કરતાં ઓછો આયાત ટેરિફ નહીં મળે, તો આ ટ્રેડ ડીલ ભારતીય બિઝનેસ માટે ઓછી મહત્વની બની જશે. અગાઉ 18% ટેરિફ રેટ નક્કી થયો હતો, પરંતુ હવે ભારત એવી સત્તાવાર ગેરંટી માંગી રહ્યું છે કે તેના ઉત્પાદનોને તુલનાત્મક લાભ મળવો જોઈએ. જ્યાં સુધી આ શરત પૂરી નહીં થાય, ત્યાં સુધી ભારત ટ્રેડ ડીલ પર સહી નહીં કરે.

ભારતે બાંગ્લાદેશને 5 વિકેટે હરાવીને T20 વર્લ્ડ કપ 2026 માં પોતાની સેમિફાઇનલમાં પહોંચવાની શક્યતા મજબૂત કરી છે. બાંગ્લાદેશે પહેલા બેટિંગ કરતા 136 રન બનાવ્યા હતા. જવાબમાં, ભારતીય ટીમે 17મી ઓવરમાં આ લક્ષ્યાંક પાર કરી લીધો. શેફાલી વર્માએ 53 રનની આક્રમક અડધી સદી ફટકારી, જ્યારે જેમીમા રોડ્રિગ્સે 15 બોલમાં 26 રન બનાવી ભારતનો વિજય સુનિશ્ચિત કર્યો. આ જીત સાથે ભારત ગ્રુપ A માં બીજા સ્થાને છે.

તીસ્તા નદી પ્રોજેક્ટ બાદ બાંગ્લાદેશના PM તારિક રહેમાને ચીન સાથે મુંગલા પોર્ટ અંગે મોટો કરાર કર્યો છે, જે ભારત માટે આંચકો છે. વ્યૂહાત્મક રીતે મહત્વપૂર્ણ મુંગલા પોર્ટ માટે ચીન સાથે હાથ મિલાવ્યા છે. રસપ્રદ વાત એ છે કે, આ નિર્માણ તે જમીન પર થશે જે મૂળ ઇન્ડિયન ઇકોનોમિક ઝોન માટે પ્રસ્તાવિત હતી. બેઇજિંગમાં ચીન-બાંગ્લાદેશ મુંગલા પોર્ટ ઇકોનોમિક ઝોન માટે સમજૂતી કરાર થયા છે. આ પ્રોજેક્ટ 110 એકર જમીન પર વિકસાવવામાં આવશે.

'ઓપરેશન ડેલ્ટા હન્ટ' હેઠળ ગુજરાત પોલીસે ઝડપાયેલા બાંગ્લાદેશી ઘૂસણખોરોના કિસ્સાઓમાં ચોંકાવનારા ખુલાસા થયા છે. એજન્ટોના નેટવર્કની મદદથી યુવતીઓ વિઝા-પાસપોર્ટ વિના ભારત પ્રવેશી નકલી નામ અને ઓળખ સાથે ગુજરાત સહિત વિવિધ શહેરોમાં ડાન્સ બાર, મજૂરી અને ઇમિટેશન જ્વેલરીના કારખાનામાં કામ કરતી હતી. કેટલીકએ સ્થાનિકો સાથે લગ્ન પણ કર્યા, જ્યારે એક યુવતીએ કિન્નરોના ટોળા સાથે બોર્ડર પાર કરી હતી. પોલીસ તપાસમાં ગેરકાયદે નાણાં ટ્રાન્સફર નેટવર્ક અને ઘૂસણખોરીની સમગ્ર મોડસ ઓપરેન્ડીનો પર્દાફાશ થયો છે.

પાટણ જિલ્લાના હારીજ તાલુકાના વેજાવાડા ગામમાં બુટલેગર દ્વારા ગેરકાયદેસર રીતે દારૂનું વેચાણ કરવા માટે રાખવામાં આવેલી કેબિન દૂર કરવામાં આવી છે. એક સગીર વયના યુવાન સાથે દારૂ વેચાણ કરતો વિડીયો વાયરલ થયા બાદ પોલીસ એક્શનમાં આવી હતી. પાટણ જિલ્લા પોલીસ વડા વી.કે.નાયીના માર્ગદર્શન હેઠળ, નાયબ પોલીસ અધિક્ષક પરેશ રેણુકા, પી.આઈ. એ.જે.મહેરિયા અને હારીજ પોલીસ જવાનોની ટીમે જેસીબી મશીન વડે કેબિન હટાવી દીધી. આ બુટલેગર વિરુદ્ધ 9 પ્રોહિબિશન ગુના નોંધાયેલા છે.

પાકિસ્તાન અધિકૃત કાશ્મીર(POK)માં અનામત બેઠકોના મુદ્દે વિરોધ પ્રદર્શન ઉગ્ર બનતા જોઈન્ટ અવામી એક્શન કમિટીએ બંધનું એલાન આપ્યું છે. આંદોલન દબાવવા પાકિસ્તાને અન્ન, બળતણ અને દવાઓના પુરવઠા પર અસર કરી હોવાના આરોપ વચ્ચે અનેક વિસ્તારોમાં જનજીવન અસ્તવ્યસ્ત બન્યું છે. પેટ્રોલ, ખાદ્યસામગ્રી અને દવાઓની અછતથી લોકો મુશ્કેલીમાં મુકાયા છે અને રોજિંદી જરૂરિયાતો માટે રાવલપિંડી તથા ઇસ્લામાબાદ જવું પડી રહ્યું છે. આંદોલન વધુ ઉગ્ર બનવાની ચેતવણી પણ આપવામાં આવી છે.

બ્રિટનમાં છેલ્લા દસ વર્ષમાં સાત વડાપ્રધાન બદલાતા રાજકીય અસ્થિરતા ચરમસીમાએ પહોંચી છે. તાજેતરમાં વડાપ્રધાન કીર સ્ટાર્મરે આંતરિક વિખવાદ, ચૂંટણીમાં પરાજય અને વિવાદોના કારણે રાજીનામું આપ્યું છે. બ્રેક્ઝિટ બાદ આર્થિક મંદી, મોંઘવારી, ઊર્જા સંકટ, આરોગ્ય સેવાઓની ખરાબ સ્થિતિ અને વધતા જીવનનિર્વાહ ખર્ચે સામાન્ય જનજીવન મુશ્કેલ બન્યું છે. રાજકીય અસ્થિરતા અને નબળા નેતૃત્વના કારણે બ્રિટન ગંભીર પડકારોનો સામનો કરી રહ્યું છે અને નવા નેતૃત્વ સામે મોટી જવાબદારી ઉભી થઈ છે.

અમેરિકી રાષ્ટ્રપ્રમુખ ડોનાલ્ડ ટ્રમ્પ ઈરાન યુદ્ધનો ખર્ચ અમેરિકાના ટેક્સપેયર્સ પાસેથી વસૂલવાની તૈયારીમાં છે. તેમણે અમેરિકન સંસદ (કોંગ્રેસ) પાસે 87.6 અબજ ડોલર (આશરે 8.3 લાખ કરોડ રૂપિયા)ના વધારાના ફંડની મંજૂરી માગી છે, જેનો મોટો હિસ્સો ઈરાન સામેના યુદ્ધ અને સૈન્ય ખર્ચ માટે વપરાશે. આ માગણી સામે સંસદમાં ભારે હોબાળો મચી ગયો છે. આ રકમમાંથી 67.15 અબજ ડોલર ડિફેન્સ ખર્ચ માટે છે, જ્યારે 21 અબજ ડોલર દારૂગોળો ખરીદવા અને સૈન્ય તાકાત વધારવા માટે વપરાશે.

વિશ્વની દિગ્ગજ ઈ-કોમર્સ કંપની એમેઝોનના સીઈઓ એન્ડી જેસીએ વડાપ્રધાન નરેન્દ્ર મોદી સાથેની મુલાકાત બાદ ભારતમાં વર્ષ ૨૦૨૬થી ૨૦૩૦ વચ્ચે ૪૮ અબજ ડૉલરનું મોટું રોકાણ કરવાની જાહેરાત કરી છે. અગાઉ કંપનીએ આ સમયગાળા માટે ૩૫ અબજ ડૉલરના રોકાણની યોજના બનાવી હતી, જેમાં હવે વધારો કરાયો છે. આ સાથે ૨૦૧૦થી ૨૦૩૦ સુધીમાં ભારતમાં એમેઝોનનું કુલ રોકાણ ૮૮ અબજ ડૉલર સુધી પહોંચી જશે. આ રકમ ઈ-કોમર્સ નેટવર્ક, કોમર્શિયલ ઓપરેશનલ અને ટેકનોલોજી ઈન્ફ્રાસ્ટ્રક્ચર જેવા મહત્વના સેક્ટરોમાં રોકાણ કરવામાં આવશે, જે ભારતની ડિજિટલ અર્થવ્યવસ્થાને વધુ મજબૂત બનાવશે.

બ્રાઝિલના સ્ટાર ફૂટબોલર નેમાર જુનિયરે લગભગ ત્રણ વર્ષ બાદ FIFA વર્લ્ડ કપ 2026માં સ્કોટલેન્ડ સામેની મેચથી રાષ્ટ્રીય ટીમમાં ભાવુક વાપસી કરી. ગંભીર ઇજાઓ, અનેક સર્જરી અને લાંબા રિહેબિલિટેશન બાદ મેદાન પર ઉતરતાં તે આંસુ રોકી શક્યો નહોતો. બ્રાઝિલે 3-0થી જીત મેળવી, જ્યારે દર્શકોએ નેમારનું ઉષ્માભેર સ્વાગત કર્યું. કોચ કાર્લો એન્સેલોટીના વિશ્વાસ બાદ થયેલી આ વાપસીને નેમારના સંઘર્ષ અને અડગ મનોબળની પ્રેરણાદાયક જીત તરીકે જોવામાં આવી રહી છે.

ભારતીય ક્રિકેટ ટીમ ૨૬ જૂનથી આયર્લેન્ડ પ્રવાસ પર બે મેચોની T20 સિરીઝ રમશે, પરંતુ તેની શરૂઆતના એક દિવસ પહેલા મેચના સમયમાં મોટો ફેરફાર કરાયો છે. ૨૮ જૂને રમાનારી ભારત અને ઓસ્ટ્રેલિયા વચ્ચેની મહિલા T20 વર્લ્ડ કપ મેચને કારણે આ નિર્ણય લેવાયો છે. અગાઉ સાંજે ૭ વાગ્યે શરૂ થનારી બંને T20 મેચો હવે ભારતીય સમય અનુસાર સાંજે ૬ વાગ્યે શરૂ થશે. આ બંને મેચ બેલફાસ્ટમાં રમાશે. આ સિરીઝ દરમિયાન આઈપીએલમાં શાનદાર પ્રદર્શન કરનાર ૧૫ વર્ષીય વૈભવ સૂર્યવંશી ભારત માટે સૌથી નાની ઉંમરે ઇન્ટરનેશનલ ડેબ્યૂ કરવાનો રેકોર્ડ બનાવી શકે છે.             

આંતરરાષ્ટ્રીય ક્રૂડ ઓઈલના ભાવમાં ઘટાડો થતાં લાખો હવાઈ મુસાફરોને રાહત મળવાની શક્યતા છે. કેન્દ્ર સરકાર સંકેત આપી રહી છે કે જો ભાવ સ્થિર રહેશે તો એરલાઈન્સને સરચાર્જ અને ભાડામાં વધારાની સમીક્ષા કરવા કહેવામાં આવી શકે છે. નાગરિક ઉડ્ડયન મંત્રી K Ram Mohan Naidu એ જણાવ્યું કે સરકાર એવિએશન ટર્બાઇન ફ્યુઅલ (ATF) ના ભાવ પર નજર રાખી રહી છે, જે એરલાઈન્સના ખર્ચનો મોટો હિસ્સો છે. આનાથી ભવિષ્યમાં ફ્લાઇટ ટિકિટના ભાવ સસ્તા થવાની શક્યતા વધી ગઈ છે.

ઇન્ટરનેશનલ ઓલિમ્પિક કમિટીએ 130 વર્ષ જૂની પરંપરા બદલી હવે ઓલિમ્પિકમાં ભાગ લેનારા દરેક એથ્લેટને 10 હજાર અમેરિકન ડોલરની 'ફિટ ફોર ધ ફ્યુચર ઓલિમ્પિયન ગ્રાન્ટ' આપવાનો નિર્ણય કર્યો છે. 2026 વિન્ટર ઓલિમ્પિકથી અમલમાં આવેલા આ નિર્ણય હેઠળ મેડલ જીતે કે નહીં, દરેક ખેલાડીને ડોપિંગ ટેસ્ટ ક્લિયર થયા બાદ આર્થિક સહાય મળશે. ખેલાડીઓના તાલીમ, કારકિર્દી અને ભવિષ્યને ટેકો આપવા માટે શરૂ કરાયેલી આ યોજના નાના અને ઓછી સુવિધાવાળા દેશોના એથ્લેટ્સ માટે ખાસ લાભદાયી બનશે.

રાજસ્થાનના ટોંકના વતની ઓલરાઉન્ડર જય મૂંદડા ભારત સામેની આગામી આયર્લેન્ડ ટી20 શ્રેણીથી આંતરરાષ્ટ્રીય ક્રિકેટમાં ડેબ્યૂ કરવા જઈ રહ્યા છે. ઉચ્ચ અભ્યાસ માટે આયર્લેન્ડ ગયેલા જયએ ત્યાંની નાગરિકતા મેળવી ક્રિકેટ કારકિર્દી આગળ વધારી હતી. તેમની પ્રતિભાના આધારે આયર્લેન્ડની રાષ્ટ્રીય ટીમમાં સ્થાન મળ્યું છે. તેઓ સિમી સિંહ બાદ આયર્લેન્ડ તરફથી રમનાર બીજા ભારતીય મૂળના ક્રિકેટર બન્યા છે. જયની આ સિદ્ધિથી તેમના પરિવારજનો તેમજ ક્રિકેટપ્રેમીઓમાં આનંદ અને ગૌરવની લાગણી જોવા મળી રહી છે.

અમેરિકન પ્રમુખ ડોનાલ્ડ ટ્રમ્પે દાવો કર્યો છે કે ઈરાન અમેરિકા સાથેની વાટાઘાટોમાં મહત્વપૂર્ણ રાહતો આપી રહ્યું છે અને ચર્ચા હકારાત્મક દિશામાં આગળ વધી રહી છે. જોકે તેમણે ચેતવણી આપી કે વાટાઘાટો નિષ્ફળ જશે તો અમેરિકા લશ્કરી કાર્યવાહી માટે પણ તૈયાર છે. ટ્રમ્પે હોર્મુઝ સ્ટ્રેટ પર ઈરાનને કોઈ ટેક્સ વસૂલવાની મંજૂરી નહીં આપવાની સ્પષ્ટતા કરી હતી. નાટોના મહાસચિવ માર્ક રૂટેએ પણ ઈરાનને પરમાણુ હથિયારોથી દૂર રાખવા ટ્રમ્પની નીતિને સમર્થન આપ્યું હતું.

વૈશ્વિક બજારમાં સોના-ચાંદીના ભાવમાં સતત ઘટાડો થતાં જાણીતા લેખક રોબર્ટ કિયોસાકી તેને રોકાણ માટેની મોટી તક ગણાવી રહ્યા છે. તેમણે કહ્યું કે, સસ્તા ભાવમાં ખરીદી કરતા પહેલાં બજારના ટ્રેન્ડ અને અર્થવ્યવસ્થાની સ્થિતિનું વિશ્લેષણ કરવું જરૂરી છે. તેમના મતે, સોનું, ચાંદી અને બિટકોઇન જેવી હાર્ડ એસેટ્સ લાંબા ગાળે વધુ સુરક્ષિત રોકાણ છે. હાલ જિયોપોલિટિકલ તણાવમાં ઘટાડો અને મજબૂત ડોલરના કારણે કિંમતી ધાતુઓના ભાવ ત્રણ મહિનાના નીચલા સ્તરે પહોંચ્યા છે.

ભારત સાથેના આર્થિક અને પ્રવાસન સંબંધો મજબૂત કરવા અઝરબૈજાને અમદાવાદથી બાકુ વચ્ચે સીધી ફ્લાઇટ શરૂ કરવાની યોજના જાહેર કરી છે અને ભારત સરકાર પાસે મંજૂરી માગી છે. મંજૂરી મળ્યા બાદ શરૂઆતમાં અઠવાડિયામાં ચાર ફ્લાઇટ શરૂ થશે. બાકુ ભારતીય પ્રવાસીઓ, ડેસ્ટિનેશન વેડિંગ અને મેડિકલ અભ્યાસ માટે લોકપ્રિય બની રહ્યું છે. પાકિસ્તાનનો નજીકનો સહયોગી હોવા છતાં અઝરબૈજાન ભારત સાથે સંબંધો સુધારવા અને ભારતીય પ્રવાસીઓને આકર્ષવા આ પગલું ભરી રહ્યું છે.

ફૂટબોલમાં ગંભીર ઈજા ખેલાડીઓની કારકિર્દી માટે મોટો ખતરો હોવાથી લિયોનેલ મેસ્સી, ક્રિસ્ટિયાનો રોનાલ્ડો, નેમાર જુનિયર જેવા સ્ટાર ખેલાડીઓ પોતાના પગ માટે કરોડો ડોલરનો ખાસ 'બોડી પાર્ટ ઇન્સ્યોરન્સ' કરાવે છે. આ કસ્ટમાઇઝ્ડ વીમો તેમને ભવિષ્યની આર્થિક સુરક્ષા આપીને નિર્ભયતાથી શ્રેષ્ઠ પ્રદર્શન કરવામાં મદદ કરે છે. કમાણીની દ્રષ્ટિએ મેસ્સી 900 મિલિયન ડોલર સાથે સૌથી આગળ છે, જ્યારે ડેવિડ બેકહામ, ગેરેથ બેલ, ક્રિસ્ટિયાનો રોનાલ્ડો અને નેમાર જુનિયર પણ મેદાન અને બ્રાન્ડ એન્ડોર્સમેન્ટથી મોટી આવક મેળવે છે.

અમેરિકામાં પેમેન્ટ સિસ્ટમના આધુનિકીકરણ અંગે યોજાયેલી ચર્ચામાં ભારતના UPI મોડેલના વખાણ થયા હતા. અમેરિકી સાંસદો અને ફિનટેક કંપનીઓએ જણાવ્યું કે UPI જેવી આધુનિક પેમેન્ટ વ્યવસ્થાએ ભારતમાં ડિજિટલ વ્યવહારોમાં ક્રાંતિ લાવી છે. સ્ટ્રાઇપ સહિતની કંપનીઓએ અમેરિકામાં પણ પેમેન્ટ કંપનીઓને સીધી ઍક્સેસ આપવાની માંગ કરી હતી. અમેરિકી સાંસદોએ કહ્યું કે ભારત અને બ્રાઝિલના સફળ મોડલ દર્શાવે છે કે ઝડપી, સુરક્ષિત અને મફત ડિજિટલ પેમેન્ટ સિસ્ટમથી ઇનોવેશન અને ડિજિટલ અર્થતંત્રને મોટી ગતિ મળે છે.

પાકિસ્તાનના ખૈબર પખ્તુનખ્વા પ્રાંતમાં એક ભયાવહ ઘટના સામે આવી છે, જ્યાં એક પાકિસ્તાની વ્યક્તિએ તેની ફ્રેન્ચ પત્ની સિલ્વી યાસ્મીના અને તેમના પાંચ બાળકોને ૧૦ વર્ષથી વધુ સમય સુધી ઘરમાં બંધક બનાવી રાખ્યા હતા. આ સમય દરમિયાન પરિવારને શારીરિક અને માનસિક ત્રાસ આપવામાં આવતો હતો. યાસ્મીનાના એક પુત્રના પ્રયાસોથી આ મામલો બહાર આવ્યો, જે ભાગી છૂટવામાં સફળ રહ્યો અને પોલીસમાં ફરિયાદ નોંધાવી. પોલીસે દરોડો પાડી યાસ્મીના અને બાળકોને મુક્ત કરાવ્યા. પરિવાર હવે ફ્રાન્સ પરત ફરવાની તૈયારી કરી રહ્યો છે.

અમેરિકામાં ઉચ્ચ અભ્યાસ માટે જતા ભારતીય વિદ્યાર્થીઓ માટે એક ચેતવણીરૂપ કિસ્સો સામે આવ્યો છે. હૈદરાબાદના એક વિદ્યાર્થીને ઍમ્સ્ટરડેમ ઍરપૉર્ટ પર તેની અમેરિકાની ફ્લાઈટ માટે પહોંચ્યા બાદ જાણ થઈ કે તેના F-1 સ્ટુડન્ટ વિઝા એક વર્ષ પહેલાં જ રદ્દ થઈ ચૂક્યા હતા, જેની તેને કોઈ સત્તાવાર જાણ કરવામાં આવી નહોતી. આ કારણે તેને ફ્લાઈટમાં બેસવાની મંજૂરી મળી નહીં અને તેને હૈદરાબાદ પરત ફરવું પડ્યું. યુનિવર્સિટીના જણાવ્યા મુજબ, તેનું I-20 અને SEVIS રેકોર્ડ સક્રિય છે, પરંતુ ઇમિગ્રેશન નિષ્ણાતો મુસાફરી પહેલાં SEVIS રેકોર્ડ સક્રિય હોવાની ખાતરી કરવા અને Designated School Official (DSO) સાથે સંપર્કમાં રહેવાની સલાહ આપે છે.

નવા પુસ્તક "Regime Change" મુજબ, અમેરિકન ઉપપ્રમુખ જેડી વાન્સે રશિયા-યુક્રેન યુદ્ધ રોકવા માટે એક યોજના સૂચવી હતી, જેમાં ભારતીય સૈનિકોનો સમાવેશ કરવાનો વિચાર હતો. જાન્યુઆરી ૨૦૨૫માં ઓવલ ઓફિસમાં ડોનાલ્ડ ટ્રમ્પ સાથેની મીટિંગમાં તેમણે આ સૂચન કર્યું હતું. જોકે, ટ્રમ્પે તેને ફગાવી દીધું હતું, એમ કહીને કે ભારતીય નેતૃત્વ, ખાસ કરીને PM મોદી, ક્યારેય આવા પગલા માટે સંમત નહીં થાય. ટ્રમ્પના મતે, ભારતીય સૈનિકો આ કાર્ય માટે કોઈ કિંમત ચૂકવવા તૈયાર નહીં થાય.

આંતરરાષ્ટ્રીય પરમાણુ ઉર્જા એજન્સી (IAEA) ના પ્રમુખ રાફેલ ગ્રોસીએ સ્પષ્ટ કર્યું છે કે તેમની ટીમ ટૂંક સમયમાં ઇરાનના પરમાણુ સંવર્ધન કેન્દ્રનું નિરીક્ષણ કરશે. આ નિરીક્ષણ ઇરાન-યુએસ સમજૂતીનો મુખ્ય ભાગ છે. IAEA ઇરાનના પરમાણુ ભંડારની સ્થિતિ સુનિશ્ચિત કરશે. જો ઇરાન હોર્મુઝમાં કોઈપણ સ્વરૂપે ટોલ ટેક્સ લેશે તો શાંતિ મંત્રણા રદ કરવામાં આવશે તેવી ટ્રમ્પની ધમકી છે. ઇરાનના ટોચના રાજદ્વારીઓએ આ નિરીક્ષણને અંતિમ કરાર બાદની બાબત ગણાવી છે.

મધ્યપૂર્વમાં વધતા તણાવ અને રિફાઇનરીઓની મર્યાદિત ક્ષમતાને કારણે જેટ ફ્યુલના શુદ્ધિકરણ ખર્ચમાં મોટો વધારો થવાની શક્યતા છે, જેના કારણે હવાઈ મુસાફરી મોંઘી બની શકે છે. મેકકિન્સેના રિપોર્ટ મુજબ જેટ ફ્યુલનો ક્રેક સ્પ્રેડ બેરલ દીઠ 50 ડોલર સુધી પહોંચી શકે છે. IATAના અંદાજ પ્રમાણે 2026માં જેટ ફ્યુલની કિંમત પ્રતિ બેરલ 152 ડોલર થઈ શકે છે. ભારતમાં પણ એરલાઇન્સે વધતા ફ્યુલ ખર્ચને કારણે કેટલીક ફ્લાઇટ્સમાં ઘટાડો કરીને એરફેર વધારવાની શરૂઆત કરી છે.

સંયુક્ત રાષ્ટ્ર (UN)ના સ્વતંત્ર તપાસ પંચે એક ચોંકાવનારો રિપોર્ટ રજૂ કર્યો છે, જેમાં ઈઝરાયલ પર જાણીજોઈને પેલેસ્ટાઈનના બાળકોને નિશાન બનાવવાનો આરોપ મૂકવામાં આવ્યો છે. 7 ઓક્ટોબર, 2023 થી 7 ઓક્ટોબર, 2025 દરમિયાન 20,000 થી વધુ બાળકોના મોત અને 44,000 થી વધુ ઘાયલ થયાના ભયાનક આંકડા સામે આવ્યા છે. ક્વોડકોપ્ટર (ડ્રોન) અને સ્નાઈપર રાઈફલોનો ઉપયોગ કરીને બાળકોને અત્યંત ક્રૂરતાથી મારવામાં આવી રહ્યા છે. સફેદ ઝંડા લઈને ઉભેલા બાળકો, એમ્બ્યુલન્સો અને રેડ ક્રોસને પણ છોડવામાં આવી રહ્યા નથી. રિપોર્ટમાં ઈઝરાયલ પર કડક પ્રતિબંધો લાદવાની અપીલ કરવામાં આવી છે.

ગુરુવારે વિશ્વના ઘણા ભાગોમાં ધરતી ધ્રુજી, જેમાં દક્ષિણ અમેરિકાના વેનેઝુએલામાં 7.1 અને 7.5 તીવ્રતાના ભૂકંપ બાદ જાપાન, ભારત અને નેપાળમાં પણ આંચકા અનુભવાયા. વેનેઝુએલામાં 22 માળની ઇમારત ધરાશાયી થવા જેવી મોટી ઘટનાઓ બાદ, જાપાનમાં 6.9 તીવ્રતાનો ભૂકંપ આવ્યો, જોકે સુનામીનો ખતરો નથી. ભારતના જમ્મુ-કાશ્મીરમાં 3.5 અને નેપાળમાં 3.8 તીવ્રતાના આંચકા અનુભવાયા. સદનસીબે, જાપાન, ભારત અને નેપાળમાં કોઈ મોટા જાનમાલના નુકસાનના અહેવાલ નથી, જે વૈશ્વિક સ્તરે રાહતની બાબત છે.

ભારતીય ગ્રાહકો અને વાહનચાલકો માટે રાહતના સમાચાર છે. આંતરરાષ્ટ્રીય બજારમાં ક્રૂડ ઓઈલના ભાવમાં મોટો ઘટાડો નોંધાયો છે, જે અમેરિકા અને ઈરાન વચ્ચે યુદ્ધ પહેલાના સ્તર પર આવી ગયા છે. બ્રેન્ટ ક્રૂડ 70 ડોલરની નીચે ગયું છે અને અમેરિકન કાચા તેલ પણ 69.95 ડોલર પ્રતિ બેરલ પર ટ્રેડ થઈ રહ્યું છે. ઈરાનની ઓઈલ માર્કેટમાં ફરી એન્ટ્રી અને હોર્મુઝની ખાડીમાંથી સુરક્ષિત ઓઈલ ટેન્કર પસાર થવા જેવા કારણોસર ક્રૂડ સપ્લાય સામાન્ય થઈ રહ્યો છે, જે પેટ્રોલ-ડીઝલના ભાવ ઘટાડવામાં મદદરૂપ થઈ શકે છે.

પશ્ચિમ એશિયામાંથી ભારત માટે સારા સમાચાર છે, લાંબા સમયથી બંધ રહેલો 'સ્ટ્રેટ ઓફ હોર્મુઝ'નો દરિયાઈ માર્ગ ફરી ખુલી ગયો છે. ઈરાન અને અમેરિકા વચ્ચે સીઝફાયર બાદ, ભારત માટે ક્રૂડ ઓઇલ અને ગેસ લઈને આવતા 30થી વધુ જહાજો હોર્મુઝ સ્ટ્રેટ પાર કરી ચૂક્યા છે. હજુ ડઝનબંધ જહાજો પસાર થવાની રાહ જોઈ રહ્યા છે. આ માર્ગ વિશ્વના 20% ઊર્જા પુરવઠા માટે મહત્ત્વનો છે, અને તેના ખુલવાથી ભારતની અર્થવ્યવસ્થાને મોટી જીત મળી છે.

અમેરિકાના પ્રમુખ ડોનાલ્ડ ટ્રમ્પે ઈરાન યુદ્ધમાં યુરોપીય દેશોના ઓછા સહયોગ પર નારાજગી વ્યક્ત કરી છે. NATO ચીફ માર્ક રુટ સાથેની મુલાકાતમાં, ટ્રમ્પે જણાવ્યું કે બ્રિટન, ફ્રાન્સ, જર્મની, ઇટાલી અને સ્પેન જેવા દેશોએ અમેરિકાને નિરાશ કર્યું છે. તેમણે ખુલ્લેઆમ સમર્થનની અપેક્ષા રાખી હતી. જોકે, માર્ક રુટે યુરોપનો બચાવ કરતાં કહ્યું કે યુરોપિયન દેશોએ પડદા પાછળ રહીને મહત્વપૂર્ણ સૈન્ય અને લોજિસ્ટિકલ સહાય પૂરી પાડી હતી, જેનાથી અમેરિકાના 4,000 થી 5,000 લશ્કરી વિમાનો કાર્યરત રહ્યા હતા.