સુરેન્દ્રનગરના વઢવાણ શહેરમાં રહેતા પ્રકાશભાઈ નરોતમભાઈ મકવાણાનું 9 મે, 2026ના રોજ માર્ગ અકસ્માતમાં મોત નીપજ્યું હતું . તેમના પરિવારે માનવસેવાનું ઉત્તમ ઉદાહરણ પૂરું પાડતા તેમની બંને આંખોનું ચક્ષુદાન કર્યું હતું. પ્રકાશભાઈની સ્મૃતિમાં અને તેમના આત્મશ્રેયાર્થે 10 મે, 2026ના રોજ રક્તદાન કેમ્પનું આયોજન કરવામાં આવ્યું. વઢવાણ સ્થિત શ્રી સિદ્ધિવિનાયક ગણપતિ મંદિર ખાતે લાઈફલાઈન બ્લડ બેંકના સહયોગથી આ કેમ્પ યોજાયો હતો. આ કેમ્પમાં કુલ 90 બોટલ રક્ત એકત્રિત કરવામાં આવ્યું હતું.

લિંબાયતમાં હત્યાના આરોપી રાહુલ જોગીને પકડવા ગયેલી પોલીસ પર ચાકુથી હુમલો થયો. હેડ કોન્સ્ટેબલ મુકેશ બાગુલ ઘાયલ થયા. PI ડી.ડી. ચોહાણે સ્વબચાવમાં ફાયરિંગ કરતાં આરોપી રાહુલના પગમાં ગોળી વાગી. બંને સારવાર હેઠળ છે.

અમદાવાદના સનાથલ ગામમાં રવિવારે રાત્રિના સમયે એક હત્યાની ઘટના સામે આવી છે. લગ્ન પ્રસંગમાં સામાન્ય બાબતે થયેલી બોલાચાલી બાદ ઉભી થયેલી અદાવતમાં એક 31 વર્ષીય યુવકની છરીના ઘા ઝીંકીને હત્યા કરવામાં આવતા સમગ્ર પંથકમાં ચકચાર મચી ગઈ છે. આ ઘટનાને પગલે ગામમાં શોકનું મોજું ફરી વળ્યું છે અને હાલમાં ગામમાં શાંતિ જળવાઈ રહે તે માટે ચાંગોદર પોલીસનો કાફલો ઘટનાસ્થળે તૈનાત કરવામાં આવ્યો છે.

સુરત ક્રાઈમ બ્રાન્ચે ટેકનિકલ સર્વેલન્સ અને બાતમીદારોની મદદથી 2022થી વોન્ટેડ આંતરરાજ્ય કાર ચોર ગેંગના સભ્ય મોહમદ ઈમરાન ફૈયાઝઉદ્દીન ખાનને ઝડપી પાડ્યો. ગેંગ વિવિધ રાજ્યોમાંથી મોંઘી કારો ચોરી, નંબર બદલી અથવા બનાવટી દસ્તાવેજોથી વેચતી હતી. આરોપી વિરુદ્ધ ૧૩ થી વધુ કાર ચોરીના ગુના નોંધાયેલા છે.

ભાવનગરની બાપા સિતારામ ક્રેડીટ સોસાયટીના સંચાલકોએ ગરીબ અને અલ્પ શિક્ષીત કામદારો પાસેથી વિવિધ સ્કીમો હેઠળ અંદાજે 40 કરોડ રૂપિયાનું ઉઘરાણું કર્યું. ગ્રાહકોને મુડી અને વળતર ન આપી, ઠગાઇ આચરી સંચાલકો ફરાર થતાં 130 થી વધુ એજન્ટો લાલઘુમ થયા છે. એજન્ટોએ SP ને રજૂઆત કરી કડક કાર્યવાહીની માંગ કરી છે, ત્યારે LCB દ્વારા કાર્યવાહી શરૂ કરાઈ છે.

સુરતમાં 36 કલાકમાં 'હાફ એન્કાઉન્ટર'ની બીજી ઘટનામાં, PIએ નજીવી બાબતે કિશોરની હત્યા કરનાર આરોપી રાહુલ જોગીને પગમાં ગોળી મારી ઝડપી પાડ્યો. આરોપીએ પોલીસ પર ચપ્પુથી હુમલો કરતાં PI ડી. ડી. ચૌહાણે સ્વબચાવમાં ફાયરિંગ કર્યું. આરોપી સામે 17 ગુના નોંધાયેલા છે.

ચોટીલાના ચીરોડા(ભાદર) ગામની સુખભાદર નદીમાંથી ડેપ્યુટી કલેકટરે રેડ કરી ગેરકાયદેસર રેતીચોરીનું કૌભાંડ ઝડપી પાડ્યું. કાળી રેતી, સાધનો અને વાહનો સહિત 71 લાખ રૂપિયાનો મુદ્દામાલ જપ્ત કરાયો. બે શખ્સો રેતીચોરી કરતા હોવાનો ખુલાસો થયો. ચૂંટણી બાદ ખનીજચોરી સામે કાર્યવાહી શરૂ થતાં માફિયાઓમાં ફફડાટ.

સુરેન્દ્રનગરના રતનપરના આરોપી હર્ષવર્ધનસિંહ ઉર્ફે રાવણે વોટસએપ દ્વારા યુવતી સાથે મિત્રતા કેળવી, ત્યારબાદ તેણીને ફરવાના બહાને ખમીસાણા રોડ પર લઈ જઈ દુષ્કર્મ આચર્યુ. જોરાવરનગર પોલીસે આરોપીને ઝડપી પાડી કોર્ટમાં રજૂ કર્યો, જ્યાંથી તેને જેલ હવાલે કરાયો.

સુરેન્દ્રનગર SOG ટીમે સાયલા પાસેથી દેશી બનાવટની પિસ્તોલ સાથે સંજય ઉર્ફે સયલું ક્લોત્રાને ઝડપી પાડ્યો. આરોપી પાસેથી રૂ. 25,000ની કિંમતની પિસ્તોલ જપ્ત કરી. પૂછપરછમાં પાંચ વર્ષ પહેલા નવઘણ સાંબડ પાસેથી હથિયાર લાવ્યાની કબૂલાત. બંને વિરુદ્ધ આર્મ્સ એક્ટ હેઠળ ગુનો નોંધાયો.

શામળાજી પોલીસે બાતમી આધારે અણસોલ ચેક પોસ્ટ પર ચંપલના બોક્સમાં છુપાવી લાવવામાં આવી રહેલ વિદેશી દારૂનો મોટો જથ્થો ઝડપી પાડ્યો. રાજસ્થાનથી આવતી ટ્રકમાંથી 204 દારૂની પેટીઓ, જેની કિંમત 15.62 લાખ, 50 ચપ્પલ બોક્સ, મોબાઈલ ફોન સહિત કુલ 26.17 લાખનો મુદ્દામાલ કબજે કર્યો. ટ્રક ચાલકની ધરપકડ કરી, રવિ નામના સપ્લાયર અને તેના સાગરીતોને વોન્ટેડ જાહેર કરાયા.

ગુજરાતમાં લાખો રૂપિયા લઈને શિક્ષણના નામે નકલી મેડિકલ ડિગ્રીઓ આપવાનું ખતરનાક રેકેટ સક્રિય છે. ભણ્યા વગર 'ડૉક્ટર' બનવાનો આ દાવો સામાન્ય જનતાના જીવ સાથે રમત છે. દિવ્ય ભાસ્કરે આ કૌભાંડનો પર્દાફાશ કર્યો, જેમાં એજન્ટો ડેટા સેન્ટરમાં છેડછાડ કરીને MBBS, BAMS જેવી ડિગ્રીઓ આપી રહ્યા છે. આ કૌભાંડના મૂળ દિલ્હી સુધી વિસ્તરેલા છે.

વીડિયો કોલ પર નકલી DIG બનીને 'પોર્ન વીડિયો જોવો છો' કહી ગભરાવી પૈસા પડાવતી સાયબર ગેંગનો રિપોર્ટરે પર્દાફાશ કર્યો. સાયબર ઠગોએ રૂ. 4-5 લાખ દંડ અને 9 વર્ષની સજાની ધમકી આપી, વીડિયો વાયરલ કરવાની ચેતવણી આપી. રિપોર્ટરે ધીરજ રાખી, વીડિયો કોલ રેકોર્ડ કર્યો અને સાયબર ફ્રોડની નવી મોડ્સ ઓપરેન્ડી ઉજાગર કરી. પોલીસ ક્યારેય વીડિયો કોલ કરતી નથી, નાગરિકોને સાવચેત રહેવા અપીલ.

સાબરકાંઠા જિલ્લાના પ્રાંતિજ તાલુકાના સુખડ ગામની સીમમાં પોલીસે એક ખેતરમાં બનાવેલા ભોંયરામાંથી વિદેશી દારૂ અને બિયરનો જંગી જથ્થો ઝડપી પાડ્યો છે. પોલીસે કુલ રૂ. 2,53,049/- નો મુદ્દામાલ કબજે કર્યો છે. એક આરોપીને પણ ઝડપી પાડવામાં આવ્યો છે. આ કાર્યવાહી પોલીસ અધિક્ષક ડો. પાર્થરાજસિંહ ગોહિલ IPS ની સૂચના બાદ હાથ ધરાઈ હતી.

ડીસા-પાલનપુર હાઈવે પર બેફામ ટ્રકે એક્ટિવા સવાર કિશોરને અડફેટે લીધો. ગંભીર રીતે ઘવાયેલા કિશોરનું સારવાર દરમિયાન મોત થતાં પરિવારમાં શોક છવાયો. પોલીસે ટ્રક ચાલક વિરુદ્ધ ગુનો નોંધી વધુ તપાસ હાથ ધરી છે.

દહેગામના હરખજીના મુવાડામાં ઉંઘમાંથી ઉઠાડી કામે વળગવાનું કહેવા જેવી સામાન્ય બાબતે બે ભાઇઓ વચ્ચે થયેલો ઝઘડો હત્યામાં પરિણમ્યો છે. આ બનાવમાં નાનાભાઇએ મોટાભાઇને માથામાં લાકડાનો ધોકો મારતા તેનું સારવાર દરમિયાન મોત નિપજયું હતું. જે મામલે પુત્ર ગુમાવનાર માતાએ પોતાના જ પુત્ર સામે પોલીસ મથકમાં ફરિયાદ નોંધાવી છે.

NCRB 2024 મુજબ, અમદાવાદમાં મહિલાઓ વિરૂદ્ધના ગુનાઓમાં 89.7% ચાર્જશીટ ફાઇલ દર રહ્યો છે, જે દિલ્હી, મુંબઈ, બેંગલુરુ, હૈદરાબાદ જેવા શહેરો કરતાં વધુ છે. કુલ કેસોમાં ઘટાડો થયો છે, પરંતુ ખરાબ ડ્રાઇવિંગના કેસોમાં 73% વધારો જોવા મળ્યો છે. મહિલાઓના કેસમાં 64 કેસમાં સજા થઈ છે. રોડ અકસ્માતમાં ઘટાડો થયો છે.

રાજકોટમાં કોટડાસાંગાણીના નારણકા ગામ નજીક ફોરેસ્ટની વીડીમાં રોડની સાઇડમાંથી ગઇકાલે અજાણ્યા યુવાનની હત્યા કરાયેલી લાશ મળી આવી હતી. એલસીબીએ તેનો ભેદ ઉકેલી લીધો છે. મૃતક વિજયદાસ વસંતદાસ દુધરેજીયાની ગોંડલના ગુંદાસરા ગામે રીબડા રેલવે સ્ટેશન નજીક રહેતાં સુરેન્દ્ર શ્યામબિહારી પ્રસાદ અને તેની પત્ની રીતાએ હત્યા કરી હતી. મૃતકને રીતા સાથે આડાસંબંધ હતા. જેની જાણ તેના પતિ સુરેન્દ્રને થતાં કાવતરુ ઘડી મૃતકને પોતાના ઘરે બોલાવી તેનું કાસળ કાઢી નાખ્યું હતું.

જમ્મુ કાશ્મીરના આતંકી નેટવર્ક અને ડિજિટલ મેસેજિંગ એપ્સના ઉપયોગને લઇને નવી ચિંતાઓ સામે આવી છે, તપાસ એજન્સીઓના જણાવ્યા મુજબ પૂછપરછમાં એક લશ્કર-એ-તોયબાના આતંકીએ મોટો ખુલાસો કર્યો છે. આતંકી નેટવર્ક હવે સુરક્ષિત અને ખાનગી મેસેજિંગ પ્લેટફોર્મનો ઉપયોગ કરે છે. જેને પગલે સુરક્ષાદળોની પણ ચિંતા વધી ગઇ છે. જ્યારે ઉપરાજ્યપાલ મનોજ સિંહાએ પણ આ મુદ્દે કેટલાક ખુલાસા કર્યા હતા.

બોલિવૂડ અભિનેત્રી રકુલ પ્રીત સિંહનો ગુજરાતના સાસણ ગીર અભયારણ્યમાં સફારીનો એક વીડિયો સોશિયલ મીડિયામાં વાઈરલ થયો છે. જેમાં અભિનેત્રીએ પ્રતિબંધિત વિસ્તારમાં નિયમનું ઉલ્લંઘન કર્યું હોવાનો આક્ષેપ થઈ રહ્યો છે, ત્યારે આ મામલે સાસણ રેન્જના નાયબ વન સંરક્ષક (DCF)એ સ્પષ્ટતા કરી છે. આ આક્ષેપ મામલે DCF અગ્નિ વ્યાસે X પર પોસ્ટ કરીને જણાવ્યું હતું કે, 'વાઈરલ વીડિયો અભયારણ્ય વિસ્તારમાં પ્રવેશદ્વારની બહારનો છે અને પ્રતિબંધિત વિસ્તારનો નથી.'

પાટણ ના શંખેશ્વરના રાતનપુર ગામ પાસે KTM બાઇક અને રિક્ષા વચ્ચે ભયાનક અકસ્માત થયો. બે લોકોના ઘટનાસ્થળે જ મોત નીપજ્યા. ટક્કર એટલી જોરદાર હતી કે બંને વાહનોનો કચ્ચરઘાણ વળી ગયો, સામાન રસ્તા પર વિખેરાયો. ઇજાગ્રસ્તોને સારવાર માટે ખસેડાયા. પોલીસે તપાસ શરૂ કરી.

ગુજરાત યુનિવર્સિટી પોલીસે આંબાવાડીમાં વેપારીના ઘરે થયેલી ₹૨૬ લાખની ચોરી અને હુમલાના કેસમાં મુખ્ય આરોપી શંકર આગ્યાપ્રસાદ સહિત તેના મિત્રો આકાશ ઠાકુર અને આયાઝ અહેમદની ધરપકડ કરી છે. આરોપીઓએ CCTV તોડી, પ્લાનિંગ સાથે ચોરી કરી અને પુરાવાનો નાશ કરવાનો પ્રયાસ કર્યો હતો. ડ્રાઈવરની સતર્કતાથી આરોપીઓ ઝડપાયા, જેમની પાસેથી દાગીના જપ્ત કરાયા.

બનાસકાંઠાના પાલનપુરના ચડોતર ગામે ખેતરના સેઢેથી એક ત્યજી દેવાયેલી નવજાત બાળકી મળી આવી છે. 'મધર્સ ડે' ના દિવસે બનેલી આ ઘટનાથી માનવતા શરમાઈ છે. બાળકીને સારવાર માટે સિવિલ હોસ્પિટલ ખસેડાઈ છે, જ્યાં તેની હાલત સ્થિર છે. આ ઘટનાએ સૌને દુઃખી કર્યા છે.

તમિલગા વેત્રી કઝગમ (TVK) ને સરકાર રચવા આમંત્રણ. 108 ધારાસભ્યો સાથે 121 MLA નું સમર્થન. નવી પાર્ટીમાં 93 MLA પહેલીવાર. 40 ધારાસભ્યો સામે ક્રિમિનલ કેસ. યુવા ધારાસભ્યોની સંખ્યા વધુ.

સુરતની સચિન GIDC પોલીસે ઓડિશામાં ₹3 કરોડની બેંક લૂંટના મુખ્ય સૂત્રધાર રોશનકુમાર ઉર્ફે લડુને ઝડપી પાડ્યો. બિહારનો વતની આ આરોપી સુરતમાં ઓળખ છુપાવી રહેતો હતો. ઓડિશાના બરબીલ પોલીસ સ્ટેશન વિસ્તારમાં બેંક ઓફ મહારાષ્ટ્રમાં બંદૂકની અણીએ આ લૂંટ કરવામાં આવી હતી, જેમાં ₹3 કરોડની રોકડ અને કિંમતી સામાન લૂંટી લેવાયો હતો. ઓડિશા પોલીસને સોંપવાની તજવીજ હાથ ધરાઈ છે.

સુરત Airport પર DRI દ્વારા મોટી કાર્યવાહી. દિલ્હીથી આવેલી Flight માંથી 2.80 કરોડ રૂપિયાનો 8 કિલો ગાંજો ઝડપાયો. શંકાસ્પદ યાત્રીની પુછપરછ બાદ possession માંથી ગાંજો મળી આવ્યો. Narcotic Drugs and Psychotropic Substances Act હેઠળ કાર્યવાહી.

ભાવનગર -  ભરતનગર પોલીસે અધેવાડા ખાતે રહેતી ઉષાબેન મહેશભાઈ મકવાણા નામની મહિલાના રહેણાંકના મકાનમાં દરોડો પાડી પાછળના ભાગે બનાવેલા વડના તલાશી લેતા દેશી દારૃ , આથો, ટીપડા, દારૃ બનાવવાના સાધનો ભઠ્ઠી મળી રૃ.૨૨,૩૦૦ ના મુદામાલ મળી આવ્યો હતો.જ્યારે મહિલા ફરાર થવામાં સફળ રહી હતી.આ બનાવ સંદર્ભે પોલીસે મહિલા વિરૃધ્ધ ભરતનગર પોલીસ મથકમાં ગુનો નોંધી વધુ તપાસ હાથ ધરી છે.

હિંમતનગર-તલોદ રોડ પર ગઢોડા-રામપુર વચ્ચે રાત્રે કાર અને બાઈકની ટક્કરમાં મેડીટીંબા ગામના બે વ્યક્તિ, લાલુસિંહ અને વનરાજસિંહનું ઘટનાસ્થળે જ મોત થયું. કાર પલટી ગઈ. પ્રાંતિજ Police તપાસ હાથ ધરી.

સુરેન્દ્રનગરમાં ગોકુલધામ સોસાયટીમાં મળેલા અજાણ્યા, આશરે 60 વર્ષીય વૃદ્ધનું સારવાર દરમિયાન મોત થયું. ગાંધી હોસ્પિટલથી રાજકોટ રીફર કરાયા બાદ વૃદ્ધ મૃત્યુ પામ્યા. પોલીસે અમોત નોંધી મૃતકના વાલી વારસની શોધખોળ શરૂ કરી છે. મૃતકના હાથ પર 'ઓમ'નું ત્રોફણ મળ્યું.

વિરમગામ જિલ્લા એલસીબીએ સચાણા ગામ માર્ગ પરથી વિદેશી દારૂ ભરેલું વાહન ઝડપી પાડ્યું. નાકાબંધી દરમિયાન શંકાસ્પદ વાહન પર પીછો કરીને રેલવે ફટક પાસે વાહન રોકી ચાલક અને તેના સાગરિતને દબોચ્યા. વાહનમાંથી 3528 નંગ વ્હિસ્કી અને બિયર મળી કુલ 15,15,376 કિંમતનો મુદ્દામાલ કબજે કર્યો. ઝડપાયેલા બંને રાજસ્થાનના વતની છે.

ધંધૂકા પોલીસે લીંબડી ત્રણ રસ્તા પાસે કારમાંથી 51 પેટી (અંદાજે રૂ. 7 લાખ) વિદેશી દારૂ ઝડપી પાડ્યો. આ દારૂ રાજસ્થાનથી લાવવામાં આવ્યો હતો. પોલીસે કાર સહિત કુલ રૂ. 15 લાખથી વધુનો મુદ્દામાલ કબજે કરી રાજસ્થાનના બે આરોપીઓને ઝડપી પાડ્યા છે.