પ્રધાનમંત્રી નરેન્દ્ર મોદી આજે 6 દેશોની 5 દિવસની મુલાકાતે રવાના થયા છે, જેમાં આર્જેન્ટિના, ત્રિનિદાદ, ટોબેગો, નામિબિયા, બ્રાઝિલ અને ઘાનાનો સમાવેશ થાય છે. આ મુલાકાત ગ્લોબલ સાઉથ સાથેના ભારતના સંબંધો માટે મહત્વપૂર્ણ છે. PM મોદી ઘાનાથી પ્રવાસ શરૂ કરશે, જ્યાં તેઓ છેલ્લા 30 વર્ષમાં મુલાકાત લેનારા પહેલા ભારતીય પ્રધાનમંત્રી હશે. ભારતની સોનાની માંગનો 70% ભાગ ઘાનાથી આવે છે. ભારત અને ઘાના વચ્ચે $3.13 બિલિયનનો વેપાર છે, જે વધવાની ધારણા છે. PM મોદીની મુલાકાતનો ઉદ્દેશ્ય આર્થિક, વ્યાપાર, વિકાસ પ્રોજેક્ટ્સમાં સહયોગ વધારવાનો છે, ખાસ કરીને IT, pharmaceuticals, કૃષિ અને બાંધકામ જેવા ક્ષેત્રોમાં. આ મુલાકાતથી સ્ટાર્ટઅપ્સ અને renewable energyમાં પણ તકો ખુલશે.

બુધવારે ભારતીય શેરબજારની શરૂઆત લીલા નિશાન સાથે થઈ, જેમાં સેન્સેક્સ (Sensex) +89.09 પોઇન્ટ અને નિફ્ટી (Nifty) +18.95 પોઇન્ટ સાથે ખુલ્યા. વૈશ્વિક સ્તરે, એશિયા પેસિફિક (Asia Pacific) શેરબજારમાં સુસ્તી જોવા મળી, કારણ કે રોકાણકારો અમેરિકી ફેડ (FED) ચેરમેન પૉવેલના નિવેદનોને લઈને સાવધ હતા. જાપાનના નિક્કેઇ (Nikkei) અને ટોપિક્સ (Topics) માં ઘટાડો નોંધાયો, જ્યારે ઓસ્ટ્રેલિયાનો ASX 200 ઇન્ડેક્સ (Index) અપટ્રેન્ડમાં રહ્યો. અમેરિકી સ્ટોક ફ્યૂચર્સ (Stock Futures) સ્થિર રહ્યા, જોકે વોલ સ્ટ્રીટ (Wall Street) માં ઓછો ઉત્સાહ હતો. મંગળવારે અમેરિકામાં S&P 500 ઇન્ડેક્સ (Index) ઘટ્યો, Nasdaq Composite માં પણ ઘટાડો થયો, પરંતુ Dow Jones માં વધારો જોવા મળ્યો.

પંચમહાલના હાલોલ નજીક તાજપુરા ગામ પાસે બાઈક અને એક્ટિવા વચ્ચે અકસ્માતમાં બે લોકોના મોત થયા અને એક વ્યક્તિ ઈજાગ્રસ્ત થયો. મોડી રાત્રે બનેલી આ ઘટનામાં, એક્ટિવા પર સવાર દંપતીનું ઘટનાસ્થળે જ મોત થયું. સ્થાનિકોએ પોલીસને જાણ કરી, અને પોલીસે 108 ambulance દ્વારા ઈજાગ્રસ્તોને હોસ્પિટલ ખસેડ્યા. પ્રાથમિક તપાસમાં જાણવા મળ્યું કે પુરઝડપે આવતા બાઈક ચાલકે એક્ટિવાને ટક્કર મારી હતી. પોલીસે CCTV ફૂટેજ તપાસીને વધુ તપાસ હાથ ધરી છે અને કાયદેસરની કાર્યવાહી કરશે. મૃત્યુ પામનાર દંપતી તાજપુરાના રહેવાસી હતા.

QUAD દેશો (ભારત, અમેરિકા, જાપાન, ઓસ્ટ્રેલિયા) ના વિદેશ મંત્રીઓની વોશિંગ્ટન ડીસીમાં બેઠક યોજાઈ હતી. જેમાં 22 એપ્રિલે જમ્મુ કાશ્મીરના પહલગામમાં થયેલા આતંકી હુમલાની સખત નિંદા કરવામાં આવી હતી, જેમાં 26 નિર્દોષ લોકો માર્યા ગયા હતા. QUAD દેશોએ આતંકવાદી હુમલાના આયોજકોને ન્યાયના કઠેડામાં ધકેલવાની વાત કરી હતી અને સરહદ પારના આતંકવાદ સહિત તમામ પ્રકારની હિંસાનો વિરોધ કર્યો હતો. તેઓએ UN ના સભ્ય દેશોને તપાસમાં સહયોગ કરવા અપીલ કરી હતી. QUAD એ ઇન્ડો પેસિફિક ક્ષેત્રમાં સ્વતંત્રતા અને કાયદાના શાસન માટે પ્રતિબદ્ધતા દર્શાવી હતી.

જાપાનના તાકાહિરો શિરાઇશીએ ટ્વિટરનો ઉપયોગ કરી 9 લોકોને ઠંડે કલેજે મારી નાખ્યા. તે મદદ કરવાના બહાને યુવતીઓને ફસાવતો, તેમનું શોષણ કરતો અને હત્યા કરતો. 2025માં તેને ફાંસીની સજા આપવામાં આવી, જે જાપાનમાં ત્રણ વર્ષ પછી પહેલી હતી. તેની 'Modus Operandi'માં પીડિતોને દારૂ પીવડાવી, બળાત્કાર કરી, મારી નાખી લાશના ટુકડા કરવાનો સમાવેશ થતો હતો. માત્ર ત્રણ મહિનામાં તેણે 9 હત્યાઓ કરી હતી. પોલીસને તેની ધરપકડ એક પીડિતની બહેનની મદદથી થઈ. સાયકોલોજી અને ક્રિમિનોલોજીમાં તાકાહિરો એક અભ્યાસનો વિષય બન્યો છે, કારણ કે તેના મોટિવ અને માનસિકતાને સમજવી જટિલ છે.

વિશ્વના સૌથી મોટા રોકાણકાર વોરેન બફેટે 51 હજાર કરોડ રૂપિયાના શેર દાનમાં આપવાની જાહેરાત કરી છે. તેઓ તેમની કંપની બર્કશાયર હેથવેના સ્ટોક 5 ચેરિટી ફાઉન્ડેશનને દાન કરશે. 94 વર્ષીય વોરેન બફેટે બર્કશાયર હેથવેના 94.3 લાખ ક્લાસ B શેર બિલ એન્ડ મેલિન્ડા ગેટ્સ ફાઉન્ડેશન ટ્રસ્ટને દાન કરશે. 29.2 લાખ શેર તેમની પત્ની અને તેમના બાળકોની ત્રણ સંસ્થાઓને દાન કરશે. બફેટે વર્ષ 2010માં બિલ ગેટ્સ અને મેલિન્ડા ફ્રેન્ચ ગેટ્સ સાથે પ્રતિજ્ઞા લીધી હતી. વર્ષ 2025 સુધીમાં બર્કશાયર હેથવેના સીઈઓ પદ પરથી રાજીનામું આપશે. ગ્રેગ એબેલ તેમના બાદ આ જવાબદારી સંભાળશે. તેમની સંપત્તિમાં હવે 1,98,117 ક્લાસ A શેર અને 1144 ક્લાસ B શેર બાકી છે.

અમેરિકા દ્વારા ઈરાનના ત્રણ પરમાણુ ઠેકાણાઓમાં ફોર્ડો, નતાંઝ અને ઈસ્ફહાન પર એરસ્ટ્રાઈક કરવામાં આવી છે. ફોર્ડો અને નતાંઝ યુરેનિયમ સંવર્ધનનું કેન્દ્ર છે, જ્યારે ઈસ્ફહાન યુરેનિયમ સ્ટોરેજ માટે મહત્વપૂર્ણ સ્થળ છે. ફોર્ડો પ્લાન્ટ જમીનથી આશરે 90 મીટર નીચે સ્થિત હોવાથી તે અત્યંત સુરક્ષિત છે અને અહીં B-2 સ્ટીલ્થ બોમ્બર્સ દ્વારા હુમલો કરવામાં આવ્યો. ઈરાનનો દાવો છે કે યુરેનિયમ પહેલાથી જ દૂર કરવામાં આવ્યું છે, પરંતુ યુએસ અને ઇઝરાયલેનું કહેવું છે કે ઈરાન દ્વારા પરમાણુ હથિયાર બનાવવાની તૈયારીઓ હજુ ચલી રહી છે અને ઈરાન ને આ યુરેનિયમ લશ્કરી ઉપયોગ માટે શક્તિશાળી બનાવી રહ્યું છે.

અમેરિકાના ઈઝરાયલ-ઈરાન યુદ્ધમાં ત્રીજો પક્ષ અમેરિકા છે, જે ઈરાન પર સંપૂર્ણ હુમલો કરવાની ધમકી આપી હતી. ટ્રમ્પે ઈરાનની જીદ જોઈને પહેલા હુમલો મુલતવી રાખ્યો, પણ બાદમાં હુમલો કરી દીધો, જેના કારણે ત્રીજા વિશ્વયુદ્ધની ભિતી વધીને વિશ્વમાં ચિંતાનો માહોલ સર્જાયો છે. હુતી બળવાખોરોએ અને હમાસે આ હુમલાને નારાજગી જતાવી છે. સંયુક્ત રાષ્ટ્રે પણ આ ઘટનાથી ચિંતા વ્યક્ત કરતા કહયુ હતુ કે શાંતિ માટે યુદ્ધની નહીં, વાતચીતની આવશ્યકતા છે અને વર્તમાન સ્થિતિ ખતરનાક નિવાડી શકે છે.

ગોધરા મામલતર કચેરીમાં લાંચ લેતાં ઝડપાયેલા નાયબ મામલતદારની ચાર્જશીટ બાદની રેગ્યુલર જામીન અરજી પંચમહાલ જિલ્લાની સ્પેશયલ એ.સી.બી.કોર્ટ દ્વારા ના મંજુર કરી હતી. નાયબ મામલતદાર મોહમંદ નઇમે રૂા. અઢી લાખની લાંચ માગી, જે અંતે રૂ 1 લાખનો સોદો થયો. એસીબી દ્વારા લાંચનું છટકું ગોઠવાઈ, જેમાં એક લાખની લાંચ આઉટ સોર્સ સેવક ગણપતભાઇ પટેલે સ્વીકારી ઝડપાયા. દાહોદ એસીબીની તપાસમાં બંને આરોપીઓને રિમાન્ડ મેળવી જયુડિશિયલ કસ્ટડીમાં મોકલવામાં આવ્યા.

દાહોદ જિલ્લાના દેવગઢ બારીઆ અને ધાનપુર તાલુકામાં મનરેગા યોજનાના ગેરરીતિ મામલે એજન્સીઓ અને સરકારી અધિકારીઓ સામે પોલીસ ફરિયાદ નોંધાઈ હતી. તપાસ દરમ્યાન કામ અપૂર્ણ હોવા છતાં ખોટા પુરાવા રજૂ કરીને પૂર્ણ પેમેન્ટ આપવામાં આવ્યું હોવાનું આવ્યું હતું. આમાં કરાર આધારિત કર્મચારીઓ સહિત અનેકના નામ આવ્યાં, જેમાં ડીઆરડીએના તત્કાલીન ડીડીપીસી હામીદ આલમને દાહોદ પોલીસે અટકાયત કરી હતી. ચાર દિવસના રિમાન્ડ બાદ હામીદ આલમને જ્યુડિશિયલ કસ્ટડીમાં મોકલાયો છે. આ મામલે રાજ્ય મંત્રી બચુભાઈ ખાબડના પુત્રો સહિત વધુ કર્મચારીઓની ધરપકડ થઈ છે.

સેન્ટ્રલ બ્યુરો ઓફ ઈન્વેસ્ટિગેશન (CBI) એ બિહાર અને ઝારખંડમાં 100 કરોડ રૂપિયાના નકલી GST રિફંડ કૌભાંડમાં સાત સ્થળોએ દરોડા પાડ્યા. આ કૌભાંડ નકલી નિકાસ બિલ દ્વારા ટેક્સ રિફંડ મેળવવાના આરોપોની ચકાસણીના ભાગરૂપે થયો. પાટણા, પૂર્ણિયા, જમશેદપુર, નાલંદા અને મુંગેરમાં દરોડા દરમિયાન સાત સોનાના બિસ્કિટ જપ્ત થયા. આમાં પાંચ કસ્ટમ અધિકારીઓ સહિત નકલી નિકાસ દ્વારા 100 કરોડના નકલી રિફંડ માટે માણસો જોડાયેલા હતા. આ ગેંગે નકલી ડોક્યુમેન્ટ અને ઇ-વે બિલનો ઉપયોગ કરીને નિકાસ બતાવી હતી અને આરોપી અધિકારીઓ લાંચ લઈને ફાયદો લેશે તેવો આરોપ છે.

ઈઝરાયલે ગુરુવારે રાત્રે ઈરાનની રાજધાની તેહરાન પર મોટો હુમલો કર્યો હતો, જેમાં 60 ઈઝરાયલી ફાઈટર જેટ અને લગભગ 120 બોમ્બનો ઉપયોગ થયો. આ હુમલામાં ઈરાનના પરમાણુ ઠેકાણાઓ, રક્ષા મંત્રાલય અને મહત્વના ઔદ્યોગિક સ્થળો અને મિસાઈલ પ્રોડક્શન કેન્દ્રોને ધ્વસ્ત કરાયા. ઇઝરાયલી વાયુસેનાએ ઈરાની રડાર અને મિસાઈલ સિસ્ટમ પણ નષ્ટ કર્યા. આ હુમલો ઈરાનની સૈન્ય શક્તિને ટેકો આપવા માટે ઉપયોગમાં લઈ રહેલી ટેકનોલોજીના વિકાસને નિશાન બનાવીને કરવામાં આવ્યો.

ઇઝરાયેલે ઇરાનના સાઉથ પાર્સ ગેસ ફિલ્ડ પર ડ્રોન હુમલો કર્યો છે, જેના કારણે ગેસ સપ્લાય બંધ થઈ ગઈ છે. આ હુમલાનો ભારત પર પણ પ્રભાવ પડી શકે છે, અને તેલના ભાવમાં વધારો થવાની શક્યતા છે. ભારત ઇરાનના આ પ્રદેશમાંથી સીધો ગેસ ખરીદતું નથી, પરંતુ કતાર પાસેથી LNG ગેસ ખરીદે છે. ઇરાનની સાઉથ પાર્સ અને કતારની નોર્થ ફિલ્ડ પાસે ગેસનો સમાન ભંડાર છે અને ભારત આ ગેસ ફિલ્ડમાંથી જ પરોક્ષ રીતે કતાર પાસેથી ગેસ ખરીદે છે.

ગુજરાત રાજ્ય પોલીસ ભરતી બોર્ડ દ્વારા લોક રક્ષક દળની 12,000 જગ્યાઓ માટે આજે રાજ્યના 7 મહત્વપૂર્ણ જિલ્લાઓમાં પરીક્ષા આયોજિત કરવામાં આવી હતી. જેમાં અમદાવાદ, વડોદરા, સુરત, રાજકોટ, ગાંધીનગર, આણંદ અને ભાવનગર જિલ્લાનો સમાવેશ થાય છે. આ પરીક્ષા માટે રાજ્યભરમાં કુલ 825 કેન્દ્રો – શાળાઓમાં આયોજન કરવામાં આવ્યું હતું. LRDની લેખિત પરીક્ષા સફળતાપૂર્વક પૂર્ણ થયાની માહિતી ગૃહ રાજ્ય મંત્રીએ X પોસ્ટથી આપી છે. ગૃહ રાજ્ય મંત્રીએ જણાવ્યું કે આશરે 2.5 લાખ ઉમેદવારોએ પરીક્ષા આપી છે. રાજ્યના 7 જિલ્લાઓમાં પરીક્ષાનું આયોજન કરવામાં આવ્યું હતું. 825 કેન્દ્રો અને 8261 વર્ગખંડોમાં પરીક્ષા સંપૂણ થઈ છે. પરીક્ષાને લઈને પોલીસ વિભાગ દ્વારા તૈયારીઓ કરવામાં આવી હતી. આ પરીક્ષા ત્રણ કલાકની હતી. તમામ પરીક્ષા કેન્દ્ર ખાતે CCTV હેઠળ દેખરેખ રાખવામાં આવી છે. ઉમેદવારોનું બાયોમેટ્રીક/ફોટોગ્રાફ વેરિફિકેશન કરવાનું હોવાથી ઉમેદવારોને વહેલા પરીક્ષા કેન્દ્ર ખાતે પહોંચવા જણાવવામાં આવ્યું છે.

આજના યુદ્ધના સમયમાં ડ્રોન પણ પરંપરાગત મિસાઈલો જેવી મહત્વની ભૂમિકા ભજવી રહ્યા છે, જેમાં ભારત પણ આગવી સ્થિતિ ધરાવે છે. ભારત પાસે HAROP, હેરોન માર્ક 2, કામિકાઝે, હર્મેસ 900 અને MQ-9 રીપર જેવા અદ્યતન અને ઘાતક ડ્રોન ઉપલબ્ધ છે. HAROP દુશ્મનની રડાર સિસ્ટમને નિશાન બનાવે છે, જ્યારે હેરોન માર્ક 2 લાંબી દૂરી અને લાંબા સમય સુધી ઉડી શકે છે. કામિકાઝે સંપૂર્ણ સ્વદેશી આત્મઘાતી ડ્રોન છે. હર્મેસ-900 ઊંચી ઉડાન અને લાંબી ક્ષમતા ધરાવે છે. MQ-9 રીપર વિશ્વના સૌથી ઘાતક ડ્રોનમાંનો એક છે. ભારત આ ટેકનોલોજી દ્વારા પોતાની રક્ષણ ક્ષમતા મજબૂત બનાવી રહ્યું છે.

નીતા અંબાણી 60 વર્ષની ઉંમરે પણ અદભૂત રીતે ફિટ છે. આ સિવાય તેમના ચહેરા પરની ચમક પણ 20 વર્ષની યુવતીઓ જેવી લાગે છે. નીતા અંબાણી ફિટનેસ માટે દરરોજ યોગ કરે છે જે તેમના શરીર અને સ્વાસ્થયને સારૂં રાખે છે. નીતા અંબાણીએ થોડા વર્ષો પહેલા કસરત અને આહાર દ્વારા તેમના શરીરને સંપૂર્ણપણે બદલી નાખ્યું હતું અને લગભગ 18 કિલો વજન ઘટાડ્યું હતું. વજન ઘટાડ્યા બાદ નીતા અંબાણી તેમની ફિટનેસ દિનચર્યાને લઈને ખૂબ જ ધ્યાન રાખે છે. તેઓ નિયમીત પણે યોગા કરે છે એક દિવસ પણ યોગા કરવાનું ચૂકતા નથી. નીતા અંબાણીની આ ફિટનેસ દિનચર્યાઓને અનુસરીને, કોઈપણ વ્યક્તિ તેમના વજનને નિયંત્રિત કરી શકે છે.

સુરતના નાનપુરા વિસ્તારમાં આવેલા રામજી મંદિરના પૂજારી વિરુદ્ધ દુષ્કર્મની ગંભીર ફરિયાદ નોંધાઈ છે. 26 વર્ષીય પૂજારી વિવેક કુમાર પ્રતિહાશ પર 37 વર્ષીય પરિણીતાને લગ્નની લાલચ આપી સાડા ત્રણ વર્ષથી દુષ્કર્મ આચરવાનો આક્ષેપ છે. આ ઘટનાની ફરિયાદ અઠવાલાઈન્સ પોલીસ સ્ટેશનમાં નોંધાતા ચકચાર મચી છે. ફરિયાદમાં જણાવ્યા અનુસાર આરોપીએ વિવિધ સ્થળોએ રેપ કર્યો હતો અને લગ્નના ઇનકાર કર્યા બાદ મામલો બહાર આવ્યો. હાલ પોલીસે આરોપીની ધરપકડ કરીને આગળની તપાસ શરૂ કરી છે અને અન્ય સામેલ લોકો અંગે પણ તજવીજ હાથ ધરાઈ છે. લોકો ગુસ્સે છે અને કડક પગલાની માંગ કરી રહ્યા છે.

ઉત્તર પ્રદેશના અમેઠી જિલ્લાના પૂર્વાચલ એક્સપ્રેસ પર રવિવારે પિક અપ વાન અને એમ્બ્યુલન્સ વચ્ચે અકસમાત થવાથી 5 લોકોના મોત નિપજ્યા છે. અન્ય એક ખૂબ ગંભીર રીતે ઘાયલ થયું છે. આ ઘટના પર મુખ્યમંત્રી આદિત્યનાથે દુઃખ વ્યક્ત કર્યું છે. પોલીસે જણાવ્યું હતું કે આ ઘટના શુકુલ બઝાર પોલીસ સ્ટેશન ક્ષેત્રમાં પૂર્વાંચલ એક્સપ્રેસ પર બની હતી. જ્યારે હરિયાણાથી બિહારના સમસ્તીપુર મૃતદેહ લઈ જતી એમ્બ્યુલન્સે આગળ નિકળવાના પ્રયત્નમાં એક પિક અપ વાનને ટક્કર મારી દીધી હતી. પોલીસ અધિકારી અભિનેશ કુમારે જણાવ્યું હતું કે આ ઘટનામાં એમ્બ્યુલન્સમાં બેસેલા પાંચ લોકોના મોત નિપજ્યા હતા, અન્ય એક ગંભીર રીતે ઘાયલ થયો હતો જેને ગૌરીગંજ જિલ્લાની હોસ્પિટલમાં ભરતી કરવામાં આવ્યો છે. પોલીસ પાસેથી મળતી માહિતી પ્રમાણે બિહારના રહેવાસી રાજકુમાર શર્મા ઉર્ફે સતીશ શર્મા, રવિ શર્મા, પૂલો શર્મા અને હરીયાણા નિવાસી સરફરાઝ તથા આબિજના રૂપમાં થઈ છે. જેમાં ઘાયલોની ઓળખ બિહારના રહેવાસી શંભુ રાયના રૂપમાં થઈ છે.

સુરતના અઠવામાં પ્રેમીના પતિ પર જીવલેણ હુમલો કરનાર આરોપીની ધરપકડ કરવામાં આવી છે. આરોપી સંજય શિરવાડકરના ફરિયાદીની પત્ની સાથે પ્રેમ સંબંધ હતા. પતિની સાથે વાતચીતને લઈ ફરિયાદીએ આરોપી સાથે બોલાચાલ કર્યા બાદ બંને વચ્ચે ઝપાઝપી થઈ હતી. હુમલામાં ફરિયાદીને ગંભીર ઇજાઓ પહોંચતા હોસ્પિટલમાં દાખલ કરવામાં આવ્યા છે. આરોપીએ મિત્રો સાથે મળી હુમલો કર્યો હતો અઠવા વિસ્તારમાં પ્રેમીકાના પતિ પર હુમલો કરનાર આરોપીને અઠવા પોલીસે ઝડપી લીધો છે. આરોપીએ તેમના મિત્રો સાથે મળીને પ્રેમીકાના પતિ પર ચપ્પુ વળે જીવલેણ હુમલો કર્યો હતો. હાલ આ સમગ્ર મામલે પોલીસે આરોપીની ધરપકડ કરી આગળની કાર્યવાહી હાથ ધરી છે.

બ્રિટિશ નેવીમાં તૈનાત F-35 ફાઈટર જેટનું શનિવારે મોડી રાત્રે કેરળના તિરૂવનંતપુરમ ઈન્ટરનેશનલ એરપોર્ટ પર ઈમરજન્સી લેન્ડિંગ કરાવવામાં આવ્યું છે. જેટમાં ફ્યૂલ ઓછું હોવાના કારણે કેરળના એરપોર્ટ પર ઈમરજન્સી લેન્ડિંગ કરવામાં આવ્યું છે. જેવું પાયલટને ખબર પડી કે ટેન્કમાં ફ્યૂલ ઓછું છે અને કોઈ પણ સમયે દુર્ઘટનાનો શિકાર બની શકે છે, ત્યારબાદ તરત જ નજીકના એરસ્પેસમાં ઈમરજન્સી લેન્ડિંગ કરવાની પરમિશન માગી અને તિરૂવનંતપુરમ એરપોર્ટ પર લેન્ડિંગ કરવામાં આવ્યું. શનિવારે મોડી રાત્રે ઈમરજન્સી લેન્ડિંગ બાદ ફાઈટર જેટ તિરવનંતપુરમ એરપોર્ટ પર ઉભું છે. આ જેટ યૂકેના એચએમએસ પ્રિન્સ ઓફ વેલ્સ કેરિયર સ્ટ્રાઈક ગ્રુપનો ભાગ છે, જે હાલના સમયમાં હિંદ પ્રશાંત વિસ્તારમાં તૈનાત છે અને તાજેત્તરમાં જ ભારતીય નૌકાદળની સાથે સંયુક્ત અભ્યાસ પૂરો કર્યો છે. વિમાન હાલમાં એરપોર્ટ પર છે અને કેન્દ્ર સરકારના સંબંધિત અધિકારીઓની મંજૂરી મળ્યા બાદ જ જેટમાં ઈંધણ ભરવામાં આવશે.

ઇઝરાયલ અને ઇરાન વચ્ચે તણાવ સતત વધી રહ્યો છે. બન્ને દેશ એકબીજા પર હુમલાઓ કરી રહ્યા છે. આ વણસી રહેલી પરિસ્થિતિ વચ્ચે ડૉનાલ્ડ ટ્રમ્પનુ નિવેદન સામે આવ્યુ છે. જેમાં તેઓએ ઇરાનને ચેતવણી આપી છે. અમેરિકાએ જણાવ્યુ છે કે, જો ઇરાને તેમના પર હુમલો કર્યો તો તેઓને હમણા સુધીના સૌથી મોટા સૈન્ય પ્રહારનો સામનો કરવો પડશે. ટ્રમ્પે વધુમાં જણાવ્યુ હતુ કે, ઇરાન અને ઇઝરાયલ વચ્ચેના હુમલાઓમાં અમેરિકાની કોઇ ભૂમિકા નથી. તેઓ બન્ને દેશ વચ્ચે સમજૂતી કરાર કરાવી શકે છે.

ઈરાન અને ઈઝરાયલ ફરી એકવાર સામ સામે આવી ગયા છે. 13 જૂનના રોજ ઈઝરાયલે 200 ફાઈટર જેટ વડે ઈરાનના પરમાણુ મથકો, લશ્કરી મથકો, પરમાણુ વૈજ્ઞાનિકો અને લશ્કરી કમાન્ડરોને નિશાન બનાવ્યા હતા. બદલામાં ઈરાને ઈઝરાયલ પર બેલિસ્ટિક મિસાઈલોનો મારો ચલાવ્યો હતો. ચાલો તમને તે ઈઝરાયલી ડ્રોન વિશે જણાવીએ જે ખૂબ જ શક્તિશાળી છે અને દુશ્મનને ભારે નુકસાન પહોંચાડી શકે છે. તેમાંથી પહેલું હેરોન ટીપી છે. આ ઇઝરાયલનું સૌથી શક્તિશાળી ડ્રોન છે, તેનું ઉત્પાદન ઇઝરાયલ એરોસ્પેસ ઇન્ડસ્ટ્રીઝ (IAI) દ્વારા કરવામાં આવ્યું છે. તેની ખાસ વિશેષતા એ છે કે તેનો ઉપયોગ કોઈપણ હવામાન પરિસ્થિતિઓમાં સરળતાથી થઈ શકે છે અને તે ત્રણેય માટે કામ કરે છે - વાયુસેના, નૌકાદળ અને સેના. હેરોન ટીપી ડ્રોન પછી, ઇઝરાયલ પાસે હેરોપ ડ્રોનની ક્ષમતા છે. તેને સુસાઇડ ડ્રોન પણ કહેવામાં આવે છે. તે ઇલેક્ટ્રોનિક સિગ્નલોને ટ્રેક કરે છે અને દુશ્મનના રડાર અથવા મિસાઈલ સિસ્ટમ પર પોતાને છોડીને વિનાશનું કારણ બને છે. ઇઝરાયલી સેનાએ ઘણી જગ્યાએ તેનો વ્યાપક ઉપયોગ કર્યો છે.

ઇઝરાયેલે ઈરાન પર હમલો કર્યો તે પહેલાં વડાપ્રધાન બેન્જામીન નેતન્યાહૂએ ફક્ત જાણ કરી હતી, પરંતુ અમેરિકાના રાષ્ટ્રપતિ ડોનાલ્ડ ટ્રમ્પ પાસેથી પરવાનગી માગી નહોતી. ટ્રમ્પ ઇરાન સાથે નવી પરમાણુ સંધિ માટે મંત્રણાઓ ચલાવી રહ્યા હતા, પરંતુ ઇઝરાયલના હુમલાને કારણે ઈરાને વાતચીત બંધ કરી દીધી. ટ્રમ્પે સ્પષ્ટ કહ્યું કે અમેરિકાનો આ હુમલા સાથે કોઈ લેવાદેવા નથી. નેતન્યાહૂએ કહ્યું કે "અમે તમને ફક્ત જાણ કરીએ છીએ, પૂછતા નથી." નેતન્યાહૂ અગાઉ જો બાઈડેન સામે પણ આવી જ ઘાટ ઉતારી ચૂક્યા છે અને કહ્યું છે કે ઈઝરાયલ એકલા હાથે લડી શકે છે. ઇઝરાયલ ઇરાનને પરમાણુ હથિયારથી રોકવા માંગે છે. તેથી ઇઝરાયલે ઈરાનના પરમાણુ મથકો અને વૈજ્ઞાનિકોને નિશાન બનાવ્યા છે. નેતન્યાહૂ હવે પોતાના દુશ્મનોને સંપૂર્ણ ખતમ કરવા ઈચ્છે છે, અને શાંતિ કે યુદ્ધવિરામનો કોઈ વિચાર કરતો નથી. ઇરાનના પડોશી દેશોમાં અમેરિકી સેના છે. ઈરાને ચેતવણી આપી છે કે જો યુદ્ધમાં કોઇ દેશ વચ્ચે આવશે તો તે પણ ટારગેટ બનશે. અત્યાર સુધી 5 લોકોના મોત થયા છે અને બંને પક્ષે નુકશાન થયું છે. ઇઝરાયલના “આયર્ન ડોમ” ડિફેન્સ સિસ્ટમ છતાં ઈરાનના કેટલાક રોકેટો એ દેશ સુધી પહોંચી ગયા છે.

21 જૂનના રોજ આંતરરાષ્ટ્રીય યોગા દિવસની ઉજવણી કરવામાં આવે છે. યોગાભ્યાસનું આપણા જીવનમાં કેટલું મહત્વ છે તેની કહાનીઓ વર્ષો જુના ગ્રંથોમાં પણ લખાયેલી છે. શરીરની તંદુરસ્તી જાળવવા માટે યોગાસન કરવા ખૂબ જરુરી છે. યોગાભ્યાસ દ્વારા એકાગ્રતા વધે છે. અને શારિરીક તથા માનસિક સ્વાસ્થ્ય સારું રહે છે. વધતી ઉંમરમાં યોગાભ્યાસ રોગોના ઇલાજ માટે રામબાણ સમાન ગણાવામાં આવે છે. 30 વર્ષની ઉંમર થયા બાદ મહિલા અને પુરુષોએ યોગાભ્યાસ શરુ કરી દેવો જોઇએ. કારણ કે 30 વર્ષની ઉંમર બાદ શારિરીક ફેરફારો વધુ જોવા મળે છે. આવા સમયે દવાઓના સ્થાને યોગાસનોની શરૂઆત વધુ ફાયદાકારક નિવડશે. દર વર્ષે 21 જૂને આંતરરાષ્ટ્રીય યોગા દિવસની ઉજવણી કરવામાં આવે છે. પીએમ મોદીએ યોગનું મહત્ત્વ સમજાવતા આ યોગા દિવસની ઉજવણી કરવાનું નક્કી કર્યુ છે.

ઇઝરાયલ અને ઈરાને એકબીજાના વિસ્તારોમાં મિસાઇલોથી બોમ્બમારો કર્યો છે. રાતથી બંને તરફથી સતત હવાઈ હુમલાઓ ચાલુ છે. ઇઝરાયલે ઈરાનના સંરક્ષણ મંત્રાલયને નિશાન બનાવ્યાનો દાવો કર્યો છે. ઇઝરાયલ અને ઈરાનમાં સવારની શરૂઆત સાયરનના અવાજથી થઈ. જેરુસલેમ અને તેલ અવીવ જેવા મોટા શહેરોમાં સતત સાયરન વાગી રહ્યા છે. ઈરાન સતત તેલ અવીવ પર હુમલો કરી રહ્યું છે. ઇઝરાયલી વડા પ્રધાન બેન્જામિન નેતન્યાહૂએ ઈરાન પર હુમલાઓ વધુ તીવ્ર બનાવવાની વાત કરી છે. રવિવારે રાત્રે ઈરાનની રાજધાની તેહરાનમાં રહેણાંક ગગનચુંબી ઈમારત પર ઈઝરાયલી હુમલામાં 29 બાળકો સહિત 60 લોકો માર્યા ગયા છે. ઇઝરાયલ ઈરાનના તમામ પરમાણુ એકમોને સંપૂર્ણપણે નાશ કરવા પર ધ્યાન કેન્દ્રિત કરી રહ્યું છે. ઇઝરાયલ સંપૂર્ણ આયોજન સાથે ઈરાનની કરોડરજ્જુ પર હુમલો કરી રહ્યું છે. પહેલા ઈરાનના ઘણા પરમાણુ પ્લાન્ટ પર હુમલો કર્યા પછી, તે હવે ઈરાનના તેલ ડેપો અને ગેસ રિફાઇનરીઓને નિશાન બનાવી રહ્યું છે. રાજધાની તેહરાન નજીક શહરાન તેલ ડેપોને નિશાન બનાવવામાં આવ્યો છે. અગાઉ બુશેહર શહેર નજીક એક ગેસ ક્ષેત્ર અને અબાદાનમાં એક તેલ રિફાઇનરી પર પણ હુમલો કરવામાં આવ્યો હતો.

નાઈજીરિયાના સેન્ટ્રલ બેન્યુ રાજ્યના યેલેવાટા ગામમાં હુમલાખોરો દ્વારા કરવામાં આવેલા હુમલામાં ઓછામાં ઓછા 100 લોકોના મોત નિપજ્યા છે. આ જાણકારી એમનેસ્ટી ઈન્ટરનેશનલ નાઈજિરિયાએ શનિવારે આપી હતી. સંગઠને જણાવ્યું હતું કે આ હુમલો શુક્રવાર મોડી રાત સુધી ચાલુ રહ્યો. અમનેસ્ટીએ સોશિયલ મિડીયા પ્લેટફોર્મ એક્સ પર એક નિવેદનમાં જણાવ્યું હતું કે હજી પણ ઘણા લોકો લાપતા છે. કેટલાય લોકો ઘાયલ છે, તેમને યોગ્ય સારવાર મળી રહી નથી. ઘણા પરિવારોને તેમણે રૂમમાં બંધ કરીને સળગાવી દીધા. તેમણે જણાવ્યું હતું કે બેન્યૂ રાજયમાં હુમલાની ઘટનામાં વધારો થઈ રહ્યો છે અને હુમલાખોરો ડર્યા વગર લોકોની હત્યા કરી રહ્યા છે. આ હુમલાઓને કારણે લોકો પોતાના ઘર છોડવા મજબૂર થઈ ગયા છે. મોટા ભાગના પિડીતો ખેડૂતો છે આથી તેમની ખેતીવાડી પર પણ સંકટ છવાયું છે. બેન્યૂ રાજ્ય નાઈજીરિયાના મિડલ બેલ્ટમાં આવેલું છે. આ ક્ષેત્રમાં ચરવાહો અને ખેડૂતો વચ્ચે ખૂબ લાંબા સમયથી સંધર્ષ ચાલી રહ્યો છે. ખેડૂતો ખેતી માટે જમીન માંગી રહ્યા છે. આ ઝગડાઓને કારણે જાતીય અને ધાર્મિક તણાવ વધી ગયો છે. ગયા મહિને પણ અજાણ્યા ચરવાહાએ બેન્યૂ રાજ્યના ગ્વેર વેસ્ટ જીલ્લામાં ઓછામાં ઓછા 42 લોકોને શિકાર બનાવ્યા હતા.

ભાવનગરના તળાજામાં કોંગ્રેસના પૂર્વ કોર્પોરેટરની હત્યા કરવામાં આવી છે, અજાણ્યા શખ્સો હત્યા કરીને ફરાર થયા છે. તેઓ તળાજાથી મહુવા બપોરના સમયે ગયા હતા તે દરમિયાન આ હત્યા થઈ હોવાની વાત સામે આવી છે. સમગ્ર ઘટનાની વાત કરીએ તો 3 શખ્સોએ પેટના ભાગે છરીના ઘા ઝીંકી હત્યા કરી હતી. મહુવાનો પોલીસ સ્ટાફ તાત્કાલિક ઘટના સ્થળે દોડી જઈને ઈજાગ્રસ્તને મહુવાની હનુમત હોસ્પિટલ ખાતે ખસેડવામાં આવ્યો હતો સારવાર દરમિયાન પૂર્વ નગરસેવકનું મોત નિપજયુ હતુ. ત્યારબાદ મૃતદેહ પી.એમ અર્થે ભાવનગર લઈ જવાયો. મૃતદેહનું પીએમ થશે પીએમ થયા બાદ મૃતદેહ પરિવારને સોંપવામાં આવશે. પોલીસે હત્યાનો ગુનો નોંધી હત્યારા અને હત્યા પાછળનું કારણ શોધવા તપાસ હાથધરી છે.

વિસાવદર વિધાનસભા માટે આગામી 19 જૂને યોજાનારી પેટા ચૂંટણીને લઈને ત્રિપક્ષીય સ્પર્ધા વચ્ચે રાજકીય ગરમાવો સતત વધતો જઈ રહ્યો છે. ભારતીય જનતા પાર્ટી, કોંગ્રેસ અને આમ આદમી પાર્ટી ત્રણેય પાર્ટીઓ દિનરાત પ્રચારપ્રસારમાં લાગી ગઈ છે. અગાઉ વિવિધ ગામોમાં શાંતિપૂર્ણ રીતે સભાઓ યોજાતી રહી હતી, પરંતુ ગત રાત્રે પિયાવા ગામે કોળી-ઠાકોર સમાજ માટે આયોજિત કોંગ્રેસની જાહેર સભા દરમિયાન અચાનક બનેલી પથ્થરમારાની ઘટનાએ રાજકીય તણાવમાં નવા પરિમાણ ઉમેર્યા છે. કોંગ્રેસના સ્થાનિક નેતાઓએ આક્ષેપ કર્યો છે કે, સભા દરમિયાન કેટલાક તત્વોએ ચર્ચામાં ખલેલ પહોંચાડવા પથ્થરમાર કર્યો હતો. પિયાવા ગામમાં કોળી-ઠાકોર સમાજના મતદારોને સંબોધવા કોંગ્રેસના ઉમેદવાર નીતિન રાણપરીયા સહિતના આગેવાનો ઉમટ્યા હતા. સભા ચાલી રહી હતી ત્યારે અચાનક કેટલાક અજાણ્યા શખ્સોએ સભા સ્થળે પથ્થરમાર શરૂ કર્યો હતો. આ હુમલામાં એક મહિલા માથામાં ગંભીર રીતે ઘવાઈ ગઈ હતી. ઘટનાસ્થળે હાજર કાર્યકરો અને સ્થાનિકોએ તાત્કાલિક મહિલાને હોસ્પિટલ ખસેડી હતી.

ગુજરાતમાં આજે લોક રક્ષક દળની ભરતી માટે કુલ 2,47,803 ઉમેદવારો લેખિત પરીક્ષા આપશે. 12 હજાર જગ્યાઓ માટે લેખિત પરીક્ષાનું આયોજન કરવામાં આવ્યું છે, 825 શાળાઓમાં પરીક્ષાનું આયોજન કરાયું છે, 8 હજાર પોલીસ અધિકારી-કર્મચારીઓનો સ્ટાફ તૈનાત રહેશે જેમાં શિક્ષણ વિભાગના 18 હજાર કર્મચારીને કામગીરી સોંપાઇ છે. આ સમગ્ર પરીક્ષામાં CCTV કેમેરાથી ભરતી બોર્ડ કંટ્રોલ રુમથી નજર રખાશે અને સવારે 9.30 કલાકથી પરીક્ષા શરૂ થશે. ઉમેદવારોને બાયો મેટ્રિક્સ વેરિફિકેશનના આધારે આ પરીક્ષામાં પ્રવેશ અપાશે. જયારે અમદાવાદ શહેર અને ગ્રામ્યના કુલ 73523 ઉમેદવારો આ પરીક્ષા આપશે. આ પરીક્ષાનો પ્રારંભ સવારે 9.30થી 12.30નો રહેશે. ગુજરાત રાજ્ય માર્ગ વાહન વ્યવહાર નિગમ દ્વારા ઉમેદવારોને પોતાના વતનના નજીકના ડેપો ખાતેથી પરીક્ષા કેન્દ્રના નજીકના ડેપો સુધી જવા-આવવા માટે જરૂરિયાત મુજબ તા.14 જૂન 2025 અને 15 જૂન 2025 દરમિયાન એક્સ્ટ્રા બસોનું સંચાલન કરવામાં આવ્યુ છે. ઉમેદવારોની સંખ્યાને ધ્યાને લઈને નિગમ દ્વારા એડવાન્સમાં એક્સ્ટ્રા બસ સેવા તથા ઓનલાઈન ટિકિટ બુકિંગની સુવિધા પણ ઉપલબ્ધ કરાવવામાં આવશે.

ગોધરા શહેરના દાહોદ હાઇવે ઉપર આવેલા સ્વામિનારાયણ મંદિર નજીક કાર ચાલકે એક્ટિવાને અડફેટે લેતાં સ્કુટર સવાર બે યુવકોના કરૂણ મોત નીપજ્યાં છે. મોપેડ લઈ થ્રિ વ્હીલરના શોરૂમમાં કામ કરતો યુવક તેના સાથી મિત્રો માટે નાસ્તો લેવા માટે એક્ટિવા લઈ બજારમાં જવા નીકળ્યો હતો તે દરમિયાન માર્ગ ઉપર આવતી કાર ચાલકે મોપેડને અડફેટે લઈ અકસ્માત સર્જી કાર મૂકી ચાલક ભાગી છૂટયો હતો. અકસ્માતમાં ગંભીર ઇજાગ્રસ્ત બંનેને સારવાર માટે ગોધરા સિવિલ હોસ્પિટલમાં ખસેડવામાં આવ્યા હતા. સારવાર દરમિયાન તબીબે મૃત જાહેર કરતાં જ મૃતકોના સ્વજનોએ હોસ્પિટલ ખાતે દોડી આવી ભારે કલ્પાંત કર્યુ હતું. અકસ્માતની જાણ થતાં ગોધરા શહેર પોલીસ ઘટના સ્થળે દોડી આવી હતી.