ભરૂચના વાલિયા તાલુકામાં એક મહિલાની ક્રૂર હત્યા થઈ છે. કોંઢ ગામ નજીક નાળા પાસેથી ગળું કપાયેલી હાલતમાં ડેડ બોડી મળી. વાલિયા પોલીસે ઘટના સ્થળે પહોંચી તપાસ હાથ ધરી, જેમાં તીક્ષ્ણ હથિયારથી હત્યા થઈ હોવાનું જણાયું. પોસ્ટમોર્ટમ માટે ડેડ બોડીને હોસ્પિટલમાં ખસેડાઈ છે. મહિલાની ઓળખ માટે પોલીસ ટીમો કાર્યરત છે. વધુ માહિતી માટે વાલિયા પોલીસ સ્ટેશનનો સંપર્ક કરવા અપીલ.

પાટડીમાં ટ્રકે મેશ્રી મહાજન ટ્રસ્ટની દુકાનોને નુકસાન કર્યું, ફરિયાદ થઈ. ટ્રક ચાલકે કાબુ ગુમાવતા દુકાનોને નુકસાન થયું. હિમાંશુભાઈ પરીખ અને ખુમાભાઈ છાયાણીની દુકાનોને અસર થઈ છે. જસવંતભાઈ પટેલે મુકેશભાઈ દેસાઈ સાથે પોલીસ ફરિયાદ નોંધાવી, તપાસ ચાલુ. કઠાડા-જૈનાબદ પાસે કાર એકસીડન્ટ માં સાપને બચાવવા જતા કાર પલટી, વૃદ્ધાને ઈજા.

પાટણમાં પોલીસ કોન્સ્ટેબલ ગોવિંદ ચૌધરી પર સાથી કર્મચારીની દીકરી પર દુષ્કર્મનો આરોપ છે, એટ્રોસિટી એક્ટ હેઠળ ફરિયાદ નોંધાઈ છે. કોર્ટે આગોતરા જામીન અરજી ફગાવી દીધી છે. SPએ આરોપીને સસ્પેન્ડ કર્યો છે અને ખાતાકીય તપાસ શરૂ કરી છે. તેનું સરકારી ક્વાર્ટર ખાલી કરાવવામાં આવ્યું છે. કર્દીમચારી ની દીકરી ને જાતિ વિષયક અપમાનિત પણ કરાઈ હતી.

હારીજ નગરપાલિકામાં ટેક્સ ઇન્સ્પેક્ટર ને વોર્ડ નંબર 4 ની મહિલા નગર સેવિકાના પતિએ ફોન ન ઉપાડવા બાબતે જાનથી મારી નાખવાની ધમકી આપી. ટેક્સ ઇન્સ્પેક્ટર ભૂપેન્દ્રભાઈ ત્રિવેદીએ ઓફિસના કામમાં વ્યસ્ત હોવાને કારણે ફોન ન ઉપાડ્યાનું કારણ જણાવ્યું. આથી નગરસેવિકાના પતિ ઉશ્કેરાઈ ગયા હતા અને ધમકી આપી હતી. પોલીસે BNS 224, 352, 351(4) હેઠળ ગુનો નોંધી તપાસ હાથ ધરી છે.

વલસાડ રેલવે સ્ટેશનના વેઇટિંગ રૂમમાં, એક કુલીએ 9 વર્ષની બાળકી સાથે અડપલાં કર્યા અને તેને નિર્વસ્ત્ર કરવાનો પ્રયાસ કર્યો. બાળકીએ બૂમો પાડતા GRP એ આરોપીની ધરપકડ કરી. પોલીસે CCTV ફૂટેજ મેળવ્યા અને મેડિકલ પરીક્ષણ કરાવ્યું. રેલવે DySP એ નિવેદનો નોંધી તપાસ શરૂ કરી છે. આ ઘટનાથી મહિલાઓની સુરક્ષાનો મુદ્દો ચર્ચામાં આવ્યો.

મહીસાગરના લુણાવાડામાં નગરપાલિકાની ગટર લાઈનના કામમાં, વીરાભાઈ બારીયા નામના 57 વર્ષીય મજૂરનું વીજ કરંટ લાગવાથી મોત થયું. તેઓ લોખંડની પાઈપથી કચરો કાઢતા હતા ત્યારે પાઈપ વીજ લાઈનને અડતા કરંટ લાગ્યો.સિવિલ હોસ્પિટલમાં તેમને મૃત જાહેર કરાયા.લુણાવાડા પોલીસસ્ટેસન માં અકસ્માતનો ગુનો નોંધાયો છે. વધુ તપાસ ચાલુ

ગોધરા પોલીસે હમીરપુર રોડ પર MET સ્કૂલ પાસેથી 314 કિલોગ્રામ ગૌમાંસ જપ્ત કર્યું. સુફિયાન કલંદર, મોહમ્મદ બોકડો અને સમીર સકલા કારમાં ગૌવંશ લાવી કતલ કરતા હતા. પોલીસે રૂ. 63,830 નો મુદ્દામાલ જપ્ત કર્યો, જેમાં ગૌમાંસ, વજનકાંટો અને અન્ય સાધનોનો સમાવેશ થાય છે. પશુ સંરક્ષણ અધિનિયમ હેઠળ ગુનો નોંધી, ત્રણેય આરોપીઓને વોન્ટેડ જાહેર કર્યા છે.

વડોદરાના ખિસકોલી સર્કલ પાસે કાર ડિવાઈડર સાથે અથડાઈ પલટી જતાં અકસ્માત થયો. CCTV માં ઘટના કેદ થઈ. મહિલાએ સ્ટેયરીંગ પરથી કાબૂ ગુમાવતા કાર અથડાઈ. લોકોએ મદદ કરી, કાર સીધી કરી. મહિલા ડ્રાઈવરને સામાન્ય ઈજા થઈ. એટલાદરા પોલીસે તપાસ હાથ ધરી, ટ્રાફિક જામ થયો હતો. આવા અકસ્માતોમાં નિર્દોષ લોકો ભોગ બને છે.

દર વર્ષે 11 જુલાઈએ વિશ્વ વસ્તી દિવસ ઉજવાય છે. આઝાદી સમયે અમદાવાદની વસ્તી 8.37 લાખ હતી, જે 2025માં અંદાજે 85.53 લાખ થવાનું અનુમાન છે. ઇન્ટરનેશનલ ઇન્સ્ટિટ્યૂટ ફોર population સાયન્સના રિપોર્ટ મુજબ, 2031માં શહેરની વસ્તી 91 લાખને પાર થશે, અને અમદાવાદનો સેક્સ રેશિયો 887 રહેવાનું અનુમાન છે. વિશ્વની કુલ વસ્તી આશરે 8.18 અબજ હોવાનો અંદાજ છે. વૈશ્વિક વસ્તી સતત વધી રહી છે, અને 2030 સુધીમાં તે 8.5 અબજ, 2050 સુધીમાં 9.7 અબજ અને 2100 સુધીમાં 10.9 અબજ સુધી પહોંચી શકે છે. આ આંકડાઓ દર્શાવે છે કે કુદરતી સંસાધનો, પર્યાવરણ અને વિકાસ પર વસ્તી વૃદ્ધિની કેટલી મોટી અસર થશે.

નાયબ કલેક્ટરની અધ્યક્ષતામાં ચોટીલા અને થાનગઢ સામૂહિક આરોગ્ય કેન્દ્રોની સમિતિ બેઠકમાં OPD, IPD, ડિલિવરી, લેબોરેટરી ટેસ્ટના ખર્ચની સમીક્ષા થઈ. ડિલિવરી વધારવા અને દર્દીઓને વિનામૂલ્યે સેવા આપવા પર ભાર મૂકવામાં આવ્યો. થાનગઢમાં પાણીની સમસ્યા માટે રેતી-મોરમની મંજૂરી અપાઈ. દવાઓ અને સર્જિકલ સામગ્રીની ઉપલબ્ધતા સુનિશ્ચિત કરાઈ. સ્ટાફ દ્વારા નાણાં ન લેવાય તેની ખાતરી કરાઈ.

થાનગઢમાં 181 મહિલા હેલ્પલાઇન ટીમે વરસાદમાં ભટકતી ગર્ભવતી મહિલા અને બાળકીને બચાવી. ટીમને જાણ થતા કાઉન્સેલર અને પોલીસ કોન્સ્ટેબલ ઘટનાસ્થળે પહોંચ્યા. મહિલા પાટણની વતની છે, તેના પતિનું અવસાન થયું છે અને તે ગર્ભવતી છે. મહિલા માનસિક રીતે અસ્વસ્થ હોવાથી 181 ની ટીમ તેને સુરેન્દ્રનગરના સખી One Stop Center માં લાવી, જ્યાં તેમને આશ્રય મળશે.

સાઉથ આફ્રિકાના કેપ્ટન "વિઆન મલ્ડરે" બુલાવાયો ટેસ્ટમાં ઝિમ્બાબ્વે સામે 367* રન બનાવ્યા, જે બ્રાયન લારાના 400 રનના રેકોર્ડથી થોડા જ દૂર રહ્યા. આ સાથે, મલ્ડર ઘરની બહાર સૌથી વધુ સ્કોર બનાવનાર બેટર બની ગયા. પોતાની પહેલી કેપ્ટન તરીકેની ટેસ્ટમાં, મલ્ડરે વીરેન્દ્ર સેહવાગ પછી સૌથી ઝડપી ત્રેવડી સદી ફટકારી, જેમાં 49 ચોગ્ગા અને 4 છગ્ગાનો સમાવેશ થાય છે. LUNCH break સુધી તેઓ અણનમ રહ્યા છતાં, સાઉથ આફ્રિકાએ 625/5 પર ઇનિંગ ડિક્લેર કરી. આ ઇનિંગ દરમિયાન, મલ્ડરે હાશિમ અમલાના 311 રનનો રેકોર્ડ પણ તોડ્યો. ઝિમ્બાબ્વેએ દિવસના અંત સુધીમાં 1 વિકેટ ગુમાવીને 51 રન બનાવ્યા.

SMCની કાર્યવાહીને લઈને જિલ્લા પોલીસવડા ગીરીશ પંડ્યા દ્વારા PI આઈ.બી.વલવી ચોટીલા પોસ્ટે, UHC છગનભાઈ માયાભાઈ ગમારા, APC હિતેશભાઈ ગોરધનભાઈ, UPC ભરતભાઇ રણુભાઇ, UPC રવિરાજ મેરૂભાઇ ખાચર અને UPC હરેશભાઈ શાંતુભાઈ ખાવડ ચોટીલા પોલીસ સ્ટેશનને સસ્પેન્ડ કરવામાં આવ્યાં છે. પોલીસવડાની કાર્યવાહીથી પોલીસ બેડામાં ખળભળાટ મચી જવા પામ્યો છે.

Pharmacy council of india(PCI) ના અધ્યક્ષ મોન્ટુ પટેલના દિલ્હી અને અમદાવાદ સ્થિત ઝુંડાલ બંગલોમાં CBIના દરોડા પાડ્યા. ૫૦૦૦ હજાર કરોડ રૂપિયાનો ભ્રષ્ટાચાર કરીને મોન્ટુ પટેલ ફરાર. મોન્ટુ પટેલના અંડરમાં દેશની ૧૨૦૦૦ ફાર્મસી કોલેજો આવે છે. મોન્ટુ પટેલ ચાર વર્ષ પહેલા જ આ કાઉન્સિલના અધ્યક્ષ બન્યા હતા. તપાસકર્તાઓએ ખુલાસો કર્યો કે ગુજરાત પબ્લિક સર્વિસ કમિશન (GPSC) સિસ્ટમમાં નકલી ઇનવર્ડ નંબરો, જૂની તારીખની એન્ટ્રીઓ અને ચેડાં કરેલી ફાઇલોનો ઉપયોગ મોન્ટુ પટેલ અને તેમના સહયોગીઓને PCI માં વરિષ્ઠ હોદ્દાઓ પર બઢતી આપવા માટે કરવામાં આવ્યો હતો. નોંધનીય વાત એ છે કે મોન્ટુ પટેલ ભાજપના યુવા મોરચા સાથે સંકળાયેલા છે.

2018 માં, હસીન જહાંએ મોહમ્મદ શમી પર ઘરેલુ હિંસા, દહેજ ઉત્પીડન અને મેચ ફિક્સિંગનો આરોપ લગાવ્યો હતો. કોલકાતા હાઈકોર્ટે ભારતીય ફાસ્ટ બોલર મોહમ્મદ શમીને તેની અલગ રહેતી પત્ની હસીન જહાં અને પુત્રીને દર મહિને ₹4 લાખ ચૂકવવાનો આદેશ આપ્યો છે. જસ્ટિસ અજોય કુમાર મુખર્જીની બેન્ચે હસીન જહાં દ્વારા દાખલ કરવામાં આવેલી અરજી પર આ આદેશ આપ્યો હતો અને ભારતીય ક્રિકેટરને તેની પત્નીને ₹1.5 લાખ અને તેની પુત્રીને ₹2.5 લાખ માસિક ચૂકવવાનો નિર્દેશ આપ્યો છે.

IPL 2025માં રોયલ ચેલેન્જર્સ બેંગલુરુની જીતની ઉજવણી દરમિયાન બેંગલુરુમાં થયેલી નાસભાગમાં 11 લોકોના મોત થયા હતા. આ મામલે સેન્ટ્રલ એડમિનિસ્ટ્રેટિવ ટ્રિબ્યુનલે (CAT) RCB ને જવાબદાર ઠેરવ્યું છે. CATએ કહ્યું કે, ‘આરસીબીએ પોલીસની મંજૂરી વિના સોશિયલ મીડિયા પર વિક્ટ્રી પરેડ માટે આમંત્રણ પોસ્ટ કર્યું હતું. જેના કારણે મોટી ભીડ એકઠી થઈ ગઈ હતી અને પોલીસ પાસે સુરક્ષા વ્યવસ્થા કરવા માટે પૂરતો સમય નહોતો. પોલીસ માત્ર 12 કલાકમાં સંપૂર્ણ વ્યવસ્થા કરે તેવી અપેક્ષા રાખી શકાય નહીં. પોલીસકર્મીઓ પણ માણસ છે, તે ભગવાન કે જાદુગર નથી કે, એક જ વારમાં બધી વ્યવસ્થા કરી શકે.

પીએમ નરેન્દ્ર મોદી 5 દેશોના પ્રવાસે રવાના થયા છે, જેમાં પ્રથમ સ્ટોપ ઘાના છે, જે 3 દાયકામાં કોઈ ભારતીય વડાપ્રધાનની પ્રથમ મુલાકાત છે. તેઓ રાષ્ટ્રપતિ જોન મહામા સાથે દ્વિપક્ષીય વેપાર અને સંબંધો પર ચર્ચા કરશે. ઉર્જા, કૃષિ, ડિજિટલ ટેક્નોલોજી અને વેક્સિન હબ જેવા ક્ષેત્રોમાં MoU પર હસ્તાક્ષર થશે. ભારતના UPI અને ડિજિટલ પેમેન્ટ સિસ્ટમને ઘાનામાં લાવવા પર પણ વાતચીત થશે. પીએમ મોદી ઘાનાની સંસદ અને ભારતીય સમુદાયને સંબોધન કરશે. કોરોના મહામારીમાં ભારતે ઘાનાને 6 લાખ વેક્સિન પૂરી પાડી હતી. બિન-જોડાણવાદી ચળવળ (NAM)માં બંને દેશો સહયોગી છે. ઘાનાએ સંયુક્ત રાષ્ટ્ર સુરક્ષા પરિષદમાં ભારતની દાવેદારીને ટેકો આપ્યો છે. ઘાનાને 'આફ્રિકાના મહાત્મા ગાંધી' તરીકે ઓળખાતા ક્વામે એનક્રુમાએ ગાંધીજીના આદર્શોથી આઝાદી મળી.

કોલકાતા લો કોલેજની વિદ્યાર્થિની પર થયેલ ગેંગરેપના આરોપીઓની પોલીસ કસ્ટડી 8 જુલાઈ સુધી લંબાવવામાં આવી છે. મુખ્ય આરોપી મનોજીત મિશ્રા, ઝૈબ અહેમદ અને પ્રમિત મુખર્જીની ધરપકડ કરવામાં આવી હતી. કોલેજે મનોજીત મિશ્રાને નોકરીમાંથી કાઢી મુક્યો છે અને અન્ય બે આરોપીઓને સસ્પેન્ડ કર્યા છે. પોલીસ તપાસમાં જાણવા મળ્યું છે કે મનોજીતના શરીર પર પીડિતાએ બચાવમાં કરેલા નખના નિશાન હતા. પોલીસે આરોપીઓના મોબાઈલ કોલ રેકોર્ડ્સ તપાસ્યા અને CCTV ફૂટેજ મેળવ્યા છે. તપાસમાં સામે આવ્યું છે કે આરોપીઓએ પ્લાનિંગ કરીને ગુનો કર્યો હતો. CBI તપાસ માટે હાઇકોર્ટમાં અરજી દાખલ કરવામાં આવી છે.

TRP ગેમઝોન અગ્નિકાંડના આરોપી, RMCના તત્કાલીન TPO મનસુખ સાગઠિયાની મુશ્કેલી વધશે, કારણ કે EDએ RMC પાસે ગુનો દાખલ કરવાની મંજૂરી માંગી છે. સાગઠિયા વર્ગ 1ના કર્મચારી હોવાથી, મંજૂરી માટે સ્ટેન્ડિંગ કમિટી અને જનરલ બોર્ડમાં મુકાશે. EDએ મની લોન્ડરિંગ હેઠળ તપાસ હાથ ધરી છે, જેમાં સાગઠિયાની રૂ. 21 કરોડની મિલકતો જપ્ત કરાઈ છે. ACB તપાસમાં સાગઠિયાની આવક કરતા 628.42% વધુ અપ્રમાણસર મિલકત હોવાનું જણાયું છે. આ કેસમાં તેમની સામે ત્રણ ફોજદારી કેસ નોંધાયા છે અને તેઓ હાલમાં રાજકોટ જેલમાં બંધ છે.

વાંસદા તાલુકાના સતીમાળ, અંકલાછ, લાકડબારી ગામના નાના ખેડૂતોને વધુ વરસાદના કારણે ડાંગરની વાવણીમાં નુકસાન થયું. સમાજ સેવક બિપીન માહલાને જાણ થતાં, તેમણે શિવમ એગ્રો વલસાડને જાણ કરી. શિવમ એગ્રોએ 50 લાભાર્થીઓને 5-5 કિલો બિયારણ આપવાની વ્યવસ્થા કરી. બિપીન માહલાએ જાતે ફિલ્ડમાં જઈ ખેતરોનું સ્થળ નિરીક્ષણ કર્યું અને ખેડૂતોને બિયારણ આપ્યું. આ મદદથી ખેડૂતોને રાહત થઈ અને તેઓ ખુશ થયા. બિપીન માહલા એ આ વિસ્તારમાં ખેડૂતોની મદદ કરી માનવતાનું ઉદાહરણ પૂરું પાડ્યું.

ડાંગ જિલ્લાના આહવા પોલીસ સ્ટેશનમાં ફરજ બજાવતા પ્રફુલભાઈ દાફડા સાથે સાયબર ચીટરે છેતરપિંડી કરી ₹ 51905 પડાવી લીધા. તેમને તેમના ભાઈબંધ શર્માજીના નામથી ફોન આવ્યો, જેમાં ₹ 35000 ટ્રાન્સફર કરવાનું કહેવામાં આવ્યું. ભાઈનો અકસ્માત થયો હોવાનું જણાવી સ્કેનર મોકલાવી વારાફરતી રૂપિયા મંગાવ્યા. રૂપિયા જમા થયાનો મેસેજ ન આવવા છતાં, ચીટરે કુલ ₹ 51905 પડાવી લીધા અને પછી ફોન સ્વીચ ઓફ કરી દીધો. આ ઘટના બાદ પ્રફુલભાઈને Cyber ફ્રોડ થયાની જાણ થઈ અને તેમણે પોલીસમાં ફરિયાદ નોંધાવી.

વડાપ્રધાન નરેન્દ્ર મોદી 2થી 10 જુલાઈ દરમિયાન ઘાણા, ત્રિનિદાદ-ટોબૈગો, આર્જેન્ટિના, બ્રાઝિલ અને નામિબિયાની મુલાકાત લેશે. આ પ્રવાસ દરમ્યાન પીએમ મોદી દ્વિપક્ષીય સંબંધો મજબૂત કરવા, આર્થિક સહયોગ વધારવા અને વ્યૂહનૈતિક સહભાગિતાના નવા માર્ગો શોધવા પર ભાર આપશે. ઘાણા અને ત્રિનિદાદમાં ભારતીય મૂળના લોકોના સંસ્કૃતિક જોડાણોને મજબૂત કરવામાં આવશે, જયારે આર્જેન્ટિના અને બ્રાઝિલમાં મુખ્યત્વે લિથિયમ, કૃષિ, ઊર્જા અને ટેકનોલોજી ક્ષેત્રે ભાગીદારીની ચર્ચા થશે. બ્રાઝિલમાં BRICS સમિટમાં વૈશ્વિક મુદ્દાઓ પર નેતાઓ સાથે બેઠક થશે. નામિબિયા સાથેના સંબંધો પણ વેપાર અને ઐતિહાસિક દ્રષ્ટિએ મહત્વ ધરાવે છે.

ચહેરા પર ધૂળ, સ્ટ્રેસ અને હોર્મોનના બદલાવથી 'એકને' (ખીલ) થાય છે, જે કોલોજનને ટ્રિગર કરે છે અને 'એકને સ્કાર' છોડે છે. આ ડાઘોથી છુટકારો મેળવવો મુશ્કેલ છે અને યુવતીઓને પરેશાન કરે છે. ગ્લાયકોલિક એસિડ ડેડ સેલ્સ દૂર કરે છે. સેલિસિલિક એસિડ એક્સફોલિએન્ટ છે જે એકને અને ડાઘ દૂર કરે છે. લેક્ટિક એસિડ સ્કિનની રચના સુધારે છે. સ્કિન એક્સપર્ટ વિટામિન સી અને SPF 30 યુઝ કરવાની સલાહ આપે છે. 'સ્કિન એલર્જી' માટે પેચ ટેસ્ટ કરવો જરૂરી છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

રશિયાની રાજધાની મોસ્કોના કોલોમ્ના જિલ્લામાં યાક-18T ટ્રેનર વિમાન ક્રેશ થયું, જેમાં તમામ 4 લોકોના કરુણ મોત નિપજ્યા છે. વિમાન એરોબેટિક્સ અભ્યાસ દરમિયાન નિયંત્રણ બહાર થઇ ગયું હતુ. અકસ્માતનું મુખ્ય કારણ એન્જિન ફેઇલ્યોર અને આગ હોવાનું મનાઇ રહ્યું છે. વિમાન જમીન પર પટકાયું અને તરત જ આગ લાગી હતી. વિમાનને ઉડાન માટે સત્તાવાર પરવાનગી ન હતી, જેના આધારે મોસ્કો પ્રોસિક્યુટર ઓફિસે તપાસ શરૂ કરી છે. વિમાનમાં ક્રૂ મેમ્બર્સ અને તાલીમાર્થી પાઇલટ્સ સવાર હતા, અને દુર્ઘટનામાં કોઈ જમીન પર નુકસાન થયું નથી. યાક-18T વિમાનનો ઉપયોગ પૂર્વ સોવિયેત દેશોમાં નાગરિક પાઇલટ તાલીમ માટે થાય છે.

સુરતમાં નકલી સોનાના દાગીના બનાવતી ગેંગ પકડાઈ. ઝોન 1 LCBએ સરથાણા વિસ્તારમાં ડુપ્લીકેટ ગોલ્ડ જ્વેલરી બનાવવાનું કારખાનું ઝડપ્યું. તેઓ 100%માં 2-3% ગોલ્ડ નાખી હોલમાર્કનો સિક્કો મારી વેચતા હતા. પોલીસે 7 લોકોની ધરપકડ કરી છે અને ચાર ચેન, ચેન બનાવવાનું મશીન, હોલમાર્કનો સિક્કો કબ્જે કર્યા છે. આ ગેંગ નકલી જ્વેલરીને અસલી તરીકે વેચીને ગ્રાહકોને છેતરતી હતી.

મર્સિડીઝ-બેન્ઝ ઇન્ડિયાએ ભારતમાં નવી Mercedes-AMG GT 63 અને AMG GT Pro લક્ઝરી સ્પોર્ટ્સ કાર લોન્ચ કરી છે, જે 5 વર્ષ પછી ફરીથી લોન્ચ થઇ છે. GT 63 ની કિંમત ₹3 કરોડ અને GT 63 Pro ની કિંમત ₹3.65 કરોડ છે. આ CBU યુનિટ્સ જર્મનીથી આયાત કરવામાં આવશે અને Lamborghini Temerario અને Porsche 911 Turbo S સાથે સ્પર્ધા કરશે. તેમાં રિટ્યુન એન્જિન અને નવી કેબિન છે. આ કાર 317kmph ની ટોપ સ્પીડથી દોડી શકે છે. બંને કારમાં 4.0-લિટર ટ્વીન-ટર્બો V8 એન્જિન છે, જેમાં GT 63 નું એન્જિન 585hp પાવર અને GT 63 Pro નું એન્જિન 612hp પાવર જનરેટ કરે છે.

અમદાવાદમાં હોટલ અને રેસ્ટોરન્ટમાં જીવજંતુઓ નીકળવાની ફરિયાદો વધી રહી છે. આંબાવાડીમાં આવેલ Subway રેસ્ટોરન્ટમાંથી વંદા મળતા તેને સીલ કરવામાં આવ્યું હતું, જ્યારે નારણપુરામાં ન્યુ પટેલ ડેરી ફાર્મમાં મેંગો મિલ્ક શેકમાંથી ગરોળી મળી આવી હતી. AMC દ્વારા 6 દિવસમાં ખાદ્ય ચીજોના 76 નમૂના લેવાયા, જેમાં મધ્યાહન ભોજનના નમૂનાઓનો પણ સમાવેશ થાય છે. Food વિભાગે 344 ખાદ્ય એકમો તપાસીને 134ને નોટિસ આપી, 216 KG અખાદ્ય જથ્થાનો નાશ કર્યો અને 1.05 લાખ રૂપિયાનો દંડ વસૂલ્યો. હોટલ-રેસ્ટોરન્ટ અને અન્ય સ્થળો પર ચેકિંગની પ્રકિયા ચાલુ.

હારીજ તાલુકાના કુરેજા ગામ પાસે નર્મદા કેનાલના પુલ પર અકસ્માત થયો. સુરેન્દ્રનગરના ચાર લોકો અંબાજી જતા હતા ત્યારે અગમ્ય કારણોસર કાર પુલના ડિવાઈડર સાથે અથડાઈ પલટી ગઈ. સદનસીબે કાર કેનાલમાં પડી નહિ, નહિ તો જાનહાની થાત. અકસ્માતમાં એક વ્યક્તિને સામાન્ય ઈજા થઇ, બાકીના ત્રણ લોકો બચી ગયા. કાર રોડ પર પટકાઈ હોવાથી મોટી જાનહાની ટળી.

આ વખતે વડાપ્રધાન નરેન્દ્ર મોદીના રેડિયો શો 'મન કી બાત'નો 123મો એપિસોડ પ્રસારિત થયો. PMએ યોગ દિવસની ભવ્યતાની વાત કરી, જેમાં વિશાખાપટ્ટનમમાં 3 લાખ લોકો અને નૌકાદળના જહાજો પર યોગના આકર્ષક દ્રશ્યો જોવા મળ્યા. વડનગરમાં 2100 લોકોએ ભુજંગાસન કરીને રેકોર્ડ બનાવ્યો. આ પહેલાં 122મા એપિસોડમાં, PMએ ઓપરેશન સિંદૂરને ભારતની હિંમત અને બદલાતા ભારતની તસવીર ગણાવી હતી. 'મન કી બાત' 22 ભારતીય ભાષાઓ અને 29 બોલીઓ ઉપરાંત 11 વિદેશી ભાષાઓમાં પ્રસારિત થાય છે. આ કાર્યક્રમ આકાશવાણીના 500થી વધુ પ્રસારણ કેન્દ્રો પરથી પ્રસારિત થાય છે.