2018 માં, હસીન જહાંએ મોહમ્મદ શમી પર ઘરેલુ હિંસા, દહેજ ઉત્પીડન અને મેચ ફિક્સિંગનો આરોપ લગાવ્યો હતો. કોલકાતા હાઈકોર્ટે ભારતીય ફાસ્ટ બોલર મોહમ્મદ શમીને તેની અલગ રહેતી પત્ની હસીન જહાં અને પુત્રીને દર મહિને ₹4 લાખ ચૂકવવાનો આદેશ આપ્યો છે. જસ્ટિસ અજોય કુમાર મુખર્જીની બેન્ચે હસીન જહાં દ્વારા દાખલ કરવામાં આવેલી અરજી પર આ આદેશ આપ્યો હતો અને ભારતીય ક્રિકેટરને તેની પત્નીને ₹1.5 લાખ અને તેની પુત્રીને ₹2.5 લાખ માસિક ચૂકવવાનો નિર્દેશ આપ્યો છે.

IPL 2025માં રોયલ ચેલેન્જર્સ બેંગલુરુની જીતની ઉજવણી દરમિયાન બેંગલુરુમાં થયેલી નાસભાગમાં 11 લોકોના મોત થયા હતા. આ મામલે સેન્ટ્રલ એડમિનિસ્ટ્રેટિવ ટ્રિબ્યુનલે (CAT) RCB ને જવાબદાર ઠેરવ્યું છે. CATએ કહ્યું કે, ‘આરસીબીએ પોલીસની મંજૂરી વિના સોશિયલ મીડિયા પર વિક્ટ્રી પરેડ માટે આમંત્રણ પોસ્ટ કર્યું હતું. જેના કારણે મોટી ભીડ એકઠી થઈ ગઈ હતી અને પોલીસ પાસે સુરક્ષા વ્યવસ્થા કરવા માટે પૂરતો સમય નહોતો. પોલીસ માત્ર 12 કલાકમાં સંપૂર્ણ વ્યવસ્થા કરે તેવી અપેક્ષા રાખી શકાય નહીં. પોલીસકર્મીઓ પણ માણસ છે, તે ભગવાન કે જાદુગર નથી કે, એક જ વારમાં બધી વ્યવસ્થા કરી શકે.

બુલાવાયો ટેસ્ટમાં સાઉથ આફ્રિકાએ ઝિમ્બાબ્વેને 328 રનથી હરાવ્યું, અને 2 ટેસ્ટ મેચની સિરીઝમાં 1-0થી લીડ મેળવી. ડેબ્યૂટન્ટ લુહાન ડી પ્રિટોરિયસ 'પ્લેયર ઓફ ધ મેચ' બન્યો. સાઉથ આફ્રિકાના કોર્બિન બોશે સદી ફટકારી અને 5 વિકેટ લીધી, જ્યારે વિઆન મુલ્ડરે પણ સદી ફટકારી અને 4 વિકેટ લીધી. ઝિમ્બાબ્વે તરફથી સીન વિલિયમ્સે સદી ફટકારી. સાઉથ આફ્રિકાએ પ્રથમ દાવ 418/9 પર જાહેર કર્યો, જેના જવાબમાં ઝિમ્બાબ્વે 251 રનમાં ઓલઆઉટ થઈ ગયું. બીજા દાવમાં સાઉથ આફ્રિકાએ 369 રન બનાવ્યા અને ઝિમ્બાબ્વેને 537 રનનો ટાર્ગેટ આપ્યો. ઝિમ્બાબ્વેની ટીમ 208 રનમાં ઓલઆઉટ થઈ ગઈ. આગામી ટેસ્ટ 6 જુલાઈથી શરૂ થશે.

કર્ણાટક સ્ટેટ ક્રિકેટ એસોસિએશન (KSCA) દ્વારા ફાયર સેફ્ટીના નિયમોનું પાલન ન કરવા બદલ બેંગ્લોર ઇલેક્ટ્રિસિટી સપ્લાય કંપની લિમિટેડ (BESCOM)એ એમ. ચિન્નાસ્વામી સ્ટેડિયમનો વીજ પુરવઠો કાપી નાખ્યો છે. ફાયર વિભાગે BESCOMને પત્ર લખીને આ બાબતે જાણ કરી હતી. અગાઉ, KSCAને ફાયર સેફ્ટીના પગલાં લેવા માટે કહેવામાં આવ્યું હતું, પરંતુ તેમણે કોઈ સુધારા કર્યા ન હતા. આ વર્ષે IPL મેચ દરમિયાન પણ ફાયર સેફ્ટી ગાઇડલાઇન્સનું પાલન કરવામાં આવ્યું ન હતું. RCBની વિનિંગ પરેડ દરમિયાન ભાગદોડમાં 11 લોકોના મોત થયા હતા. જ્યાં સુધી સ્ટેડિયમને સેફ્ટી સર્ટિફિકેટ નહીં મળે ત્યાં સુધી વીજ પુરવઠો બંધ રહેશે.

કાર્લોસ અલ્કારેઝે વિમ્બલ્ડનના પહેલા રાઉન્ડમાં ફોગ્નીનીને હરાવ્યો, જ્યારે ઓલિવર ટાર્વેટ પણ આગળ વધ્યો. અલ્કારેઝનો આ સતત 19મો વિજય છે, જેણે ફ્રેન્ચ ઓપન અને ક્વીન્સનો ખિતાબ જીત્યો છે. તેણે મેચ દરમિયાન એક બીમાર દર્શકને પાણીની બોટલ આપી મદદ કરી. મહિલા વિભાગમાં, આરીના સબાલેન્કાએ જીત સાથે શરૂઆત કરી, અને વર્લ્ડ નંબર-1 તરીકે WTAમાં આ તેમની 50મી જીત હતી. જો કે, મેદવેદેવ અને હોલ્ગર રુનને પહેલા રાઉન્ડમાં અપસેટનો સામનો કરવો પડ્યો.

ભારતીય ક્રિકેટ ટીમ ના પૂર્વ કેપ્ટન મહેન્દ્ર સિંહ ધોનીએ ‘કેપ્ટન કૂલ’ નામે ટ્રેડમાર્ક રજીસ્ટર કરાવવા માટે રજિસ્ટ્રી પોર્ટલ પર અરજી કરી છે. ધોનીએ આ ટ્રેડમાર્ક ખાસ કરીને રમતગમત તાલીમ, તાલીમ માટેની સુવિધાઓ અને રમતગમત કોચિંગ સેવાઓ માટે નોંધાવ્યો છે. ધોનીને દુનિયાભરમાં તેમના શાંત સ્વભાવ અને કુશળ નેતૃત્વ માટે ઓળખવામાં આવે છે, અને ‘કેપ્ટન કૂલ’ નામ તે માટે ખૂબ લોકપ્રિય છે. હવે આ નામધારી સેવાઓ ધોનીના બ્રાન્ડ સાથે સાંકળાયેલી રહેશે. રમતગમત ક્ષેત્રે તેમના અનુભવ અને લોકપ્રિયતાને ધ્યાનમાં રાખીને આ ટ્રેડમાર્ક વ્યવસાયિક રીતે મહત્વપૂર્ણ બની રહેશે. આનાથી તેમની બ્રાન્ડ વેલ્યુમાં પણ વધારો થશે.

વિમ્બલ્ડન, સૌથી જૂની ટેનિસ ટુર્નામેન્ટ, લંડનના ઓલ ઈંગ્લેન્ડ ક્લબમાં શરૂ થઈ રહી છે. 148 વર્ષ જૂની આ ગ્રાન્ડ સ્લેમની આ 138મી આવૃત્તિ છે. આ ટુર્નામેન્ટ વિશ્વ યુદ્ધ અને COVID-19 દરમિયાન જ બંધ રહી હતી. ટેનિસના ચાર ગ્રાન્ડ સ્લેમમાં વિમ્બલ્ડન સૌથી પ્રતિષ્ઠિત છે. આ વર્ષની ત્રીજી ગ્રાન્ડ સ્લેમ છે, જે જુલાઈમાં યોજાય છે. સર્બિયન ખેલાડી નોવાક યોકોવિચ 25મો ખિતાબ જીતવા માટે પ્રયત્ન કરશે, પરંતુ તેનો સામનો કાર્લોસ અલ્કારાઝ કરશે. ગયા વર્ષે અલ્કારાઝે યોકોવિચને હરાવ્યો હતો. આ ટુર્નામેન્ટનું આયોજન ઓલ ઈંગ્લેન્ડ ક્લબ દ્વારા કરવામાં આવે છે, જેની સ્થાપના 1868માં થઈ હતી. વેલ્સની રાજકુમારી કેથરિન એલિઝાબેથ મિડલટન આ ક્લબની માલિક છે.

રશિયાની રાજધાની મોસ્કોના કોલોમ્ના જિલ્લામાં યાક-18T ટ્રેનર વિમાન ક્રેશ થયું, જેમાં તમામ 4 લોકોના કરુણ મોત નિપજ્યા છે. વિમાન એરોબેટિક્સ અભ્યાસ દરમિયાન નિયંત્રણ બહાર થઇ ગયું હતુ. અકસ્માતનું મુખ્ય કારણ એન્જિન ફેઇલ્યોર અને આગ હોવાનું મનાઇ રહ્યું છે. વિમાન જમીન પર પટકાયું અને તરત જ આગ લાગી હતી. વિમાનને ઉડાન માટે સત્તાવાર પરવાનગી ન હતી, જેના આધારે મોસ્કો પ્રોસિક્યુટર ઓફિસે તપાસ શરૂ કરી છે. વિમાનમાં ક્રૂ મેમ્બર્સ અને તાલીમાર્થી પાઇલટ્સ સવાર હતા, અને દુર્ઘટનામાં કોઈ જમીન પર નુકસાન થયું નથી. યાક-18T વિમાનનો ઉપયોગ પૂર્વ સોવિયેત દેશોમાં નાગરિક પાઇલટ તાલીમ માટે થાય છે.

IPL માં RCBના ફાસ્ટ બોલર યશ દયાલ પર જાતીય સતામણીનો આરોપ છે. ગાઝિયાબાદની એક યુવતીએ online પોર્ટલ પર ફરિયાદ કરી છે, જેમાં લગ્નના બહાને શારીરિક અને માનસિક સતામણીનો આરોપ લગાવ્યો છે. પોલીસ તપાસ કરી રહી છે અને ટૂંક સમયમાં યશ દયાલનું નિવેદન લેવાશે. યશ દયાલના પિતાએ આ સમાચારને ખોટા ગણાવ્યા છે. પીડિતાએ X પર CM યોગીને મદદ માટે અપીલ કરી છે અને ચેટ, સ્ક્રીનશોટ જેવા પુરાવા રજૂ કર્યા છે. યશ દયાલ 2022માં KKRના રિંકુ સિંહે તેની ઓવરમાં 5 છગ્ગા ફટકાર્યા ત્યારે ચર્ચામાં આવ્યો હતો.

રિષભ પંત વધુ એક સદી સાથે ડોન બ્રેડમેન, રાહુલ દ્રવિડ, અને બ્રાયન લારા જેવા દિગ્ગજોની યાદીમાં જોડાઈ શકે છે. ઈંગ્લેંડ સામેની બીજી ટેસ્ટ એજબેસ્ટન ખાતે શરૂ થશે. લીડ્સ ટેસ્ટ માં પંતે બંને ઇનિંગ્સમાં સદી ફટકારી હતી, જેમાં 134 અને 118 રન બનાવ્યા હતા. દ્રવિડ આ સિદ્ધિ મેળવનાર એકમાત્ર ભારતીય છે. જોફ્રા આર્ચર બીજી ટેસ્ટ પહેલાં ઈંગ્લેંડ ટીમમાં જોડાયો છે. બેન સ્ટોક્સ કેપ્ટન છે. હેડિંગ્લી ટેસ્ટમાં પાંચ સદી છતાં ભારત હાર્યું.ટેસ્ટ ઇતિહાસમાં આ પહેલી વાર બન્યું છે કે કોઈ ટીમ પાંચ સદી ફટકારવા છતાં મેચ હારી ગઈ હોય.

બાર્બાડોસમાં રમાયેલી પહેલી ટેસ્ટ મેચમાં ઓસ્ટ્રેલિયાએ વેસ્ટ ઇન્ડીઝને 159 રનથી હરાવ્યું. જોશ હેઝલવુડની 5 વિકેટે વેસ્ટ ઇન્ડીઝને 141 રનમાં ઓલઆઉટ કર્યું. ઓસ્ટ્રેલિયાએ બીજી ઇનિંગમાં 310 રન બનાવ્યા. ટ્રેવિસ હેડે બંને દાવમાં અડધી સદી ફટકારી અને તે 'પ્લેયર ઓફ ધ મેચ' જાહેર થયો. વેસ્ટ ઇન્ડીઝના શમર જોસેફે બીજી ઇનિંગમાં 5 વિકેટ લીધી. વેસ્ટ ઇન્ડીઝે પ્રથમ ઇનિંગમાં 190 રન બનાવ્યા હતા. ઓસ્ટ્રેલિયાએ કેરેબિયન ટીમને 301 રનનો ટાર્ગેટ આપ્યો હતો, પરંતુ વેસ્ટ ઇન્ડીઝ 141 રનમાં ઓલઆઉટ થઈ ગયું.

આઈસીસીએ 2025-27 વર્લ્ડ ટેસ્ટ ચેમ્પિયનશિપ માટે અને 2 જુલાઈ 2025થી ODI તથા T20 માટે નવા નિયમો લાગુ કર્યા છે. હવે ટેસ્ટમાં સ્ટોપ ક્લોકનો નિયમ લાગુ થશે, જેમાં જો ફિલ્ડિંગ ટીમ ઓવર શરૂ કરવામાં 60 સેકન્ડથી વધુ સમય લેશે તો દંડ રૂપે 5 રન કપાશે. શોર્ટ રનના નિયમમાં ફેરફાર કરીને હવે અમ્પાયર ફીલ્ડિંગ ટીમને પૂછશે કે કયો બેટર સ્ટ્રાઈક પર રહે. બોલ પર લાળ લાગવી હાલ પણ મનાઈ છે, પણ ભૂલથી લાગે તો બોલ બદલવો ફરજિયાત નહીં હોય. કેચ રિવ્યૂ ખોટો નીકળે છતાં LBW હોય તો બેટર આઉટ ગણાશે. નો બોલ પર કેચ હોવા છતાં રન મળશે અને કેચની તપાસ પણ થશે. T20 માટે પાવરપ્લેના નવા નિયમ મુજબ ઓવરો ઓછી થાય તો પાવરપ્લે ઓવર પણ તેના પ્રમાણમાં ઓછી થશે. ODIમાં હવે 35 ઓવર બાદ એક જ નવા બોલનો ઉપયોગ થશે. બાઉન્ડરી નજીક કેચ પકડવાના નિયમમાં પણ ફેરફાર મંજૂર થયો છે, જે ઓક્ટોબર 2026થી લાગુ થશે.

ભારતના 9 વર્ષીય આરિત કપિલે નોર્વેજિયન મહા ફ્લેયર મેગ્નસ કાર્લસન સાથે ઓનલાઈન ટુર્નામેન્ટ 'અર્લી ટાઇટલ્ડ ટ્યુઝડે'માં ડ્રો રમ્યો. પાંચ વખતના વિશ્વ ચેમ્પિયન કાર્લસનની દરેક ચાલને આરિતે શાનદાર જવાબ આપ્યો, પણ સમાપનમાં સમય ઓછો હોવાના કારણે જીત મેળવી શક્યો નહિ. કાર્લસનના ગુસ્સાનાં પ્રસંગો પણ હતાં, ખાસ કરીને ગત ટુર્નામેન્ટમાં ગુકેશ સામે હારવાથી તે નારાજ જોવા મળ્યો. આ સાથે, 16 વર્ષીય આર પ્રજ્ઞાનંદે પણ કાર્લસનને હરાવ્યો છે. ટુર્નામેન્ટમાં 11માંથી 10 પોઈન્ટ સાથે ભારતીય વી. પ્રણવ વિજેતા થયા.

ક્રિકેટર રિંકુ સિંહ અને સાંસદ પ્રિયા સરોજના લગ્નની તારીખ મુલતવી રાખવામાં આવી છે. પહેલેથી નક્કી થયેલી તારીખ 18 નવેમ્બરની જગ્યાએ લગ્ન હવે ફેબ્રુઆરી 2026માં થઈ શકે છે. તેનું કારણ રિંકુની ઘરેલુ ક્રિકેટમાં વ્યસ્ત શેડ્યૂલ છે. અગાઉ 8 જૂને સગાઈ થઈ જેમાં 300 VIP મહેમાનો ઉપસ્થિત હતાં. રિંકુ-પ્રિયા એકબીજાને ડિઝાઇનર વીંટી ભેટ આપી એકબીજાના પ્રેમને વ્યક્ત કર્યો. IPL 2023માં રિંકુની બોલિંગથી બંનેનો પરિચય થયો. રિંકુએ બંઘું સંગ્રહ અને મહેનતથી ક્રિકેટ સ્પર્ધાઓ પર ગર્વ મેળવ્યો છે. પ્રિયા સરોજ એક યુવા રાજકીય નેત્રી છે અને ભાજપમાં સક્રિય છે.

ભારતે એન્ડરસન-તેંડુલકર ટ્રોફીની પહેલી ટેસ્ટ જીતવા માટે ઇંગ્લેન્ડને 371 રનનો ટાર્ગેટ આપ્યો છે. ભારતીય ટીમ બીજા દાવમાં 364 રનમાં ઓલઆઉટ થઈ ગઇ હતી. લીડ્સના હેડિંગ્લી ક્રિકેટ સ્ટેડિયમમાં ઇંગ્લેન્ડે અત્યાર સુધી 21 રન કરી લીધા છે અને જીતથી 350 રન દૂર છે. રિષભ પંત ટેસ્ટની બંને ઇનિંગ્સમાં સદી ફટકારનાર પ્રથમ ભારતીય વિકેટકીપર બન્યા, રૂટે 210 કેચ પૂરા કરીને રાહુલ દ્રવિડની બરાબરી કરી છે. સદી પછી પંતે પોતાની ખાસ સેલિબ્રેશન કરી ન હતી. જોશ ટુંગે એક ઓવરમાં 3 વિકેટ લીધી હતી.

ચંદીગઢ થી લખનૌ જતી ઈન્ડિગો ફ્લાઈટ નંબર 6E146 ટેકનિકલ ખામીના કારણે કેન્સલ થઈ છે. ફ્લાઈટ સવારે 8 વાગ્યે ચંદીગઢથી લખનૌ માટે ઉડવાની હતી, પરંતુ ટેક ઓફ સમયે ટેકનિકલ ખામી આવતાં તેને રોકવી પડી. અમદાવાદમાં પ્લેન ક્રેશની ઘટના પછી, જ્યાં 241 લોકોના મૃત્યુ થયા હતા, ફ્લાઈટ્સમાં વધુ સાવચેતી અપનાવવામાં આવે છે. આ ઘટનાએ લોકોમાં વિમાન મુસાફરીનો વિનાશકારક ડર ઉભો કર્યો છે. યાત્રીઓ હવે સલામતી મુદ્દે વધારે જાગૃત બન્યા છે અને પ્રત્યેક ઉડાન પહેલા ચકાસણી જોરદાર બનાવવામાં આવી છે.

બે વખતના ઓલિમ્પિક મેડલ વિજેતા નીરજ ચોપરાએ પેરિસ ડાયમંડ લીગ જીતી હતી, જેમાં તેણે પહેલા જ પ્રયાસમાં 88.16 મીટરનો થ્રો કરીને જીત મેળવી. જર્મનીના જુલિયન વેબર 87.88 મીટર સાથે બીજા અને બ્રાઝિલના દા સિલ્વા ત્રીજા સ્થાને રહ્યા. છ માંથી ત્રણ ફાઉલ હોવા છતાં નીરજ ટોચ પર રહ્યો. નીરજ પાસે 15 પોઈન્ટ છે અને તે ટોચના સ્થાને છે. ડાયમંડ લીગ એ વિશ્વસ્તરીય એથ્લેટિક્સ ટુર્નામેન્ટ છે જે મે થી સપ્ટેમ્બર સુધી ચાલે છે.

ભારત અને ઈંગ્લેન્ડ વચ્ચેની પ્રથમ ટેસ્ટના પહેલા દિવસે ભારતે 3 વિકેટ ગુમાવ્યા બાદ 359 રન બનાવ્યા. લીડ્સમાં કેપ્ટન શુભમન ગિલે પોતાની પ્રથમ મેચમાં સદી ફટકારી. ઓપનર યશસ્વી જયસ્વાલે ઈંગ્લેન્ડમાં પોતાની પહેલી સદી મારી. અમદાવાદ વિમાન દુર્ઘટનામાં મૃત્યુ પામનારાઓને શ્રદ્ધાંજલિ આપવા માટે ખેલાડીઓ કાળી પટ્ટી પહેરીને રમ્યા. ગિલે ICC ડ્રેસ કોડનું ઉલ્લંઘન કર્યું અને કાળા મોજા પહેર્યા, જેની સામે દંડની શક્યતા છે.

12 જૂન, 2025 ભારતીય વિમાન ઈતિહાસમાં કાળો દિવસ તરીકે છપાયેલો રહેશે, જેમાં વિમાન અકસ્માતમાં ભૂતપૂર્વ મુખ્યમંત્રી વિજય રૂપાણીનું અવસાન થયુ હતુ. અગાઉ પણ ઘણાં નેતાઓ તેનો ભોગ બની ચૂક્યા છે. ભૂતપૂર્વ વડાપ્રધાન મોરારજીભાઈ દેસાઈ પણ આસામમાં જોરહાટ નજીક થયેલા વિમાન અકસ્માતમાં આબાદ બચી ગયા હતા. તેવી જ રીતે દેશના પ્રથમ ગૃહપ્રધાન સરદાર વલ્લભભાઈ પટેલ પણ વિમાન અકસ્માતમાં આબાદ બચી ગયા હતા. સરદાર પટેલ જયપુર જતીદીઠ વિમાનમાં તકલીફ આવી અને પાઈલટે સુરક્ષિત લેન્ડિંગ કરાવ્યું હતું. આ ઘટનાથી સમગ્ર દેશમાં ચિંતાનું વાતાવરણ ફેલાયું હતું, પરંતુ સરદાર સહિત બધા સલામત રહ્યા. રાજમોહન ગાંધી લિખિત 'સરદાર પટેલ - એક સમર્પિત જીવન'માં આ પ્રસંગનું વર્ણન છે.

નવસારી મહાનગરપાલિકાએ સફાઈ કર્મચારીઓના આરોગ્યની કાળજી લેવા એક મહત્વપૂર્ણ પગલું ભર્યું છે. તા. 15 જૂન 2025ના રોજ સ્પોર્ટ્સ કોમ્પ્લેક્સ ખાતે વિશેષ મેડિકલ ચેકઅપ કેમ્પનું આયોજન કરવામાં આવ્યું. સોલિડ વેસ્ટ મેનેજમેન્ટ વિભાગના કર્મચારીઓ માટે યોજાયેલા આ કેમ્પમાં ટેક્નિકલ મેડિકલ ટીમે વિવિધ પરીક્ષણો કર્યા. આમાં તાપમાન, બ્લડ પ્રેશર, ડાયાબિટીસ, હિમોગ્લોબિન, હૃદય અને શ્વાસ સંબંધિત તપાસનો સમાવેશ થાય છે. જે કર્મચારીઓને વધુ સારવારની જરૂર જણાઈ, તેમને યોગ્ય માર્ગદર્શન આપવામાં આવ્યું. કેમ્પમાં કુલ 437 સફાઈ કર્મચારીઓએ નિઃશુલ્ક આરોગ્ય તપાસનો લાભ લીધો. આ પહેલનો મુખ્ય હેતુ જોખમભર્યા વાતાવરણમાં કામ કરતા કર્મચારીઓનું આરોગ્ય જાળવવાનો છે. મનપા અધિકારીઓએ કેમ્પની મુલાકાત લઈ સેવાઓનું નિરીક્ષણ કર્યું. મહાનગરપાલિકાએ ભવિષ્યમાં પણ આવા વધુ કેમ્પો યોજવાનો નિર્ણય કર્યો છે. આ પહેલથી કર્મચારીઓનું આરોગ્ય સુદૃઢ રહેશે અને તેમની કાર્યક્ષમતા જળવાઈ રહેશે.

અમદાવાદમાં ગુરુવારે એર ઇન્ડિયાનું પ્લેન ક્રેશ થયુ હતુ. જે બાદ અનેક તર્ક વિતર્ક સર્જાયા હતા કે ઘટના માટે કયા કારણો જવાબદાર છે. અમેરિકી નેવીના પૂર્વ પાયલટ અને નેવિગેશન નિષ્ણાંત કેપ્ટન સ્ટીવે પ્લેન ક્રેશના વીડિયોનું અવલોકન કર્યુ છે. અને કારણ વર્ણવ્યા છે. કેપ્ટન સ્ટીવે જણાવ્યુ હતુ કે, પ્લેન ક્રેશ માટે એન્જિન ફેલ થવાની સંભાવના નકારી શકાતી નથી. એનો અર્થ એ છે કે, વિમાનમાં પાંખને પુરતી હવા ન મળતા આ દુર્ઘટના સર્જાઇ શકે છે. સ્ટીવે વધુમાં જણાવ્યુ હતુ કે, વિમાનમાં પૂરતી ક્ષમતા ન હતી કે તે ઉપરની તરફ ઉઠી શકે. પાયલટ ફ્લૈફ્સ લગાવવાનું ભૂલ્યા હશે બીજુ કારણ એ છે કે, વિમાનના ટેક ઓફ થયા પહેલા વિશેષ ટેક્નિકલ સેટીંગ કરવાની જરુર હોય છે. જેમાં મુખ્ય હોય છે ફ્લૈપ્સને નીચે કરવું. ફ્લૈપ્સ વિમાનના પાંખનો એ ભાગ છે જે લિફ્ટ કરવામાં મદદ કરે છે. ખોટું લીવર ખેંચવાથી પણ થઇ શકે છે દુર્ઘટના ત્રીજું કારણ એ હોઇ શકે છે કે, પાયલટે ખોટું લીવર ખેંચ્યુ હશે. જેના કારણે ટેક ઓફ થયા બાદ પાયલોટ કહે છે કે, વિમાન હવામાં ઉઠી ચુક્યુ છે. જે બાદ પાયલોટ કહે છે કે, ગિયર અપ કરો. આ સમયે પાયલોટે જો ખોટું લીવર ખેંચ્યુ હશે તો પ્લેન ક્રેશ થઇ શકે છે.

અમદાવાદમાં 12 જૂનના બપોરે 1.38 વાગ્યે બનેલી પ્લેન ક્રેશ દુઘર્ટનામાં મૃત્યુ પામેલા મહેન્દ્ર વાઘેલાના મૃતદેહને આજે આણંદ તાલુકાના રામનગર ગામમાં સુથાર ફળીયા સ્થિત તેમના ઘરે લાવવામાં આવ્યો હતો. અહીં મૃતદેહ આવતાં જ સૌ કોઈની આંખમાં આંસુ હતા. વાઘેલા પરિવાર હિબકે ચડ્યો હતો. મહેન્દ્રભાઈના અંતિમ સંસ્કાર માટે તેમના પત્ની અને પુત્ર લંડનથી પરત આવ્યાં હતાં. અંતિમયાત્રામાં મોટી સંખ્યામાં લોકો જોડાયા હતા. સુથાર ફળીયાથી સ્મશાન સુધી તેમની અંતિમયાત્રા કાઢવામાં આવી હતી અને તેમના અંતિમ સંસ્કાર કરવામાં આવ્યા છે. રામનગર ગામ હિબકે ચડ્યું હતું. સાંસદ, ધારાસભ્ય તેમજ અધિકારીઓએ શ્રદ્ધાંજલિ અર્પી.

આણંદના મહેન્દ્ર વાઘેલાનું પ્લેન ક્રેશ દુર્ઘટનામાં મોત થયું છે. અમદાવાદ પ્લેન ક્રેસ દુર્ઘટનામાં મૃતકના મૃતદેહને રામનગર લવાયો હતો. મૃતક મહેન્દ્ર વાઘેલાને અંતિમ વિદાય આપવા સમગ્ર ગામ ઉમટ્યું હતું. અમદાવાદથી એમ્બ્યુલન્સમાં મૃતદેહને વતનમાં લવવામાં આવ્યો હતો. મૃતદેહને સાંસદ મિતેષ પટેલ, કલેક્ટરએ શ્રધ્ધાંજલિ આપી હતી. સરકારી અધિકારીઓ પણ અંતિમ યાત્રામાં ઉપસ્થિત રહ્યા હતા.

રાજ્ય સરકાર દ્વારા અમદાવામાં AI-171 વિમાન દુર્ઘટના બાદ યુદ્ધના ધોરણે રાહત-બચાવની કામગીરી કરવામાં આવી રહી છે. મુખ્યમંત્રી ભૂપેન્દ્ર પટેલના નેતૃત્વમાં જૂજ મિનિટોમાં આ કાર્યવાહી હાથ ધરીને સમર્પિત તંત્ર કાર્યરત કરવામાં આવ્યું છે. સંબંધિત જિલ્લાના કલેક્ટર દ્વારા વિમાન દુર્ઘટનાગ્રસ્ત મુસાફરોના પરિવારજનોનો સંર્પક કરી કાયદેસર વારસદારોને વીમા, દાવાની સહાય ચૂકવવા માટે સંબંધિત જિલ્લાનાં હિસાબી અધિકારી અન્ય અધિકારીઓની નોડલ અધિકારી તરીકે નિમણુંક કરવામાં આવી છે. જિલ્લા વહીવટી તંત્ર આ માટે અસરગ્રસ્તોને મદદરૂપ થઈ રહ્યું છે. વિમાન દુર્ઘટનામાં પ્રભાવિત થયેલા લોકોના ઇન્સ્યોરન્સ ક્લેમ પ્રોસેસ કરવામાં સરળતા રહે તે માટે IRDAIના નોટિફિકેશન અન્વયે હોસ્પિટલ ખાતે જોઇન્ટ સેલ શરૂ કરવાની સૂચના આપવામાં આવી હતી. જનરલ ઇન્સ્યોરન્સ કાઉન્સિલ વતી ન્યુ ઇન્ડિયા ઇન્સ્યોરન્સ કંપનીને લીડ ઇન્સ્યોરર તથા લાઇફ ઇન્શ્યોરન્સ કાઉન્સિલ વતી એચડીએફસી લાઇફને લીડ ઇનસ્યોરર નીમવામાં આવી છે.

અમદાવાદ પ્લેન ક્રેશની ઘટનાની વૈશ્વિક સ્તરે સંયુક્ત તપાસ થઇ રહી છે. DGCAની સાથો સાથ અમેરિકા અને બ્રિટનની એજન્સીઓ પણ તપાસમાં જોડાઇ છે. એજન્સીના અધિકારીઓએ ક્રેશ સાઇટની મુલાકાત લીધી હતી. બોઇંગ કંપનીની ટેકનિકલ ટીમ પણ સાથે રહી હતી. ભારત અને વિદેશની અલગ અલગ એજન્સીઓ તપાસમાં જોડાઇ. ઘટના સ્થળે પહોંચેલી એજન્સીમાં અમેરિકાની નેશનલ ટ્રાન્સપોર્ટ સેફ્ટી બોર્ડ (NTSB), ફેડરલ એવિએશન એડમિનિસ્ટ્રેશન (FAA), ઇન્ટરનેશનલ સિવિલ એવિએશન ઓર્ગેનાઇઝેશન (ICAO) પણ છે. બોઇંગ કંપનીના અધિકારીઓ પણ તપાસમાં સાથે જોડાયા છે. બોઇંગ ટીમ ફ્યૂઅલ સિસ્ટમ, એન્જિન અને હાઇડ્રોલિક સિસ્ટમની તપાસ કરશે. અમેરિકાની એજન્સી 85 વર્ષ જૂનીઆ તપાસ એજન્સીઓમાં અમેરિકાની નેશનલ ટ્રાન્સપોર્ટ સેફ્ટી બોર્ડ (NTSB) સૌથી જૂની છે. જેની સ્થાપના વર્ષ 1940માં થઇ હતી. ભારત સરકારે 2012 માં એર ક્રાફ્ટ એક્સિડન્ટ ઇન્વેસ્ટિગેશન બ્યૂરો (AAIB) ની રચના કરી હતી. આ એજન્સી પ્લેન ક્રેશની ઘટનાની તપાસ કરે છે.

અમદાવાદ ખાતે થયેલી એર ઈન્ડિયા વિમાન દુર્ઘટનામાં જીવ ગુમાવનાર દિવંગતોના પરિજનોના DNA સેમ્પલ મેચ થયા બાદ નશ્વર દેહને સોંપવાની કામગીરી ચાલી રહી છે. આ દુર્ઘટનામાં વડોદરાના 28 હતભાગી યાત્રિકો પૈકી 6 પાર્થિવ દેહની ઓળખ થતા આજે અમદાવાદ સિવિલ હોસ્પિટલ તંત્ર તરફથી તેમના પરિજનોને સોંપવામાં આવ્યા હતા. DNA સેમ્પલિંગની પ્રક્રિયાથી લઈને પાર્થિવ દેહ સોંપવાની અને અંતિમ સંસ્કાર પૂર્ણ થાય ત્યાં સુધીની તમામ ક્રિયાઓમાં જિલ્લા વહીવટી તંત્રના નિયુક્ત અધિકારીઓ મૃતકોના પરિજનો સાથે સહાનુભૂતિપૂર્વક ઊભા રહ્યા હતા. આ દુ:ખદ સમયે રાજ્ય સરકાર મૃતકોના પરિવારોની સાથે છે અને શક્ય તમામ મદદ કરવા માટે કટિબદ્ધ છે. ત્યારે મૃતકોના પરિજનોએ રાજ્ય સરકાર અને જિલ્લા વહીવટી તંત્રએ કરેલી વિશેષ વ્યવસ્થા અને સંવેદના પ્રત્યે સંતોષભાવ વ્યક્ત કર્યો હતો. મૃતદેહોની ઓળખ થયેથી પાર્થિવ દેહને સ્વ-ગૃહે પરત લાવવાની અને ત્યારબાદ અંતિમ સંસ્કાર પૂર્ણ થાય ત્યાં સુધી કરવામાં આવેલી સંવેદનશીલ વ્યવસ્થાથી મૃતકોના સ્વજનોને થોડી પણ તકલીફ ન પડે તેનું તંત્ર દ્વારા વિશેષ ધ્યાન રાખવામાં આવ્યું હતું.

અમદાવાદના મેઘાણીનગર વિસ્તારમાં એર ઇન્ડિયાના એઆઈ ૧૭૧ વિમાન દુર્ઘટનામાં મૃત્યુ પામેલા મુસાફરો માટે શ્રદ્ધાંજલિ કાર્યક્રમ યોજાયો હતો. શ્રી કોટયર્ક ખડાયત સમિતિના સભ્યો અને શ્રદ્ધાળુ પરિવારજનો દ્વારા આ પ્રાર્થના સભાનું આયોજન કરવામાં આવ્યું હતું. સમિતિના પ્રમુખ વિજયભાઈ શાહ (ઠેકડી)ના નેતૃત્વમાં યોજાયેલા આ કાર્યક્રમમાં મૃતકોના આત્માની શાંતિ માટે પ્રાર્થના કરવામાં આવી હતી. કાર્યક્રમમાં ખડાયતા સમાજની વિવિધ સામાજિક, શૈક્ષણિક અને ધાર્મિક સંસ્થાઓના અગ્રણીઓ અને પદાધિકારીઓ ઉપસ્થિત રહ્યા હતા. પ્રાર્થના સભામાં અમેરિકા અને કેનેડા સહિતના દેશોમાં વસતા ખડાયતા સમાજના સભ્યો પણ જોડાયા હતા. સમાજના અગ્રણીઓએ શ્રદ્ધાંજલિ અર્પણ કરી હતી. રવિવારે સાંજે દેશ-વિદેશમાં વસતા ખડાયતા સમાજના પરિવારજનોએ તેમના ઘરે દીવો પ્રગટાવી મૃતકોના આત્માની સદ્ગતિ માટે પ્રાર્થના કરવાનો સંકલ્પ લીધો હતો.

પ્લેન ક્રેશના 70 કલાક પછી વિજય રૂપાણીના DNA મેચિંગ થતા તેમના મૃત્યુની પુષ્ટિ થઈ છે. તેમના પાર્થિવ દેહને આવતીકાલે પરિવારને સોંપવામાં આવશે અને રાજકોટમાં રાજકીય સન્માન સાથે અંતિમવિધિ યોજાશે. અત્યાર સુધી 42 મૃતદેહોમાંથી 16 ઓળખાઈ ગયા છે અને 14 પરિવારોને સોંપવામાં આવ્યા છે. મૃતકના પરિવારજનો માટે કાઉન્સેલિંગ ટીમ પણ તહેનાત કરવામાં આવી છે. USની એજન્સીઓ દુર્ઘટનાની તપાસ માટે ગુજરાત પહોંચી છે.

સ્પોર્ટ્સ ઓથોરિટી ઓફ ગુજરાત અને વેઈટલિફ્ટિંગ એસોસિયેશન ઓફ ગુજરાતના સંયુક્ત ઉપક્રમે નડિયાદમાં એક મહત્વપૂર્ણ તાલીમ કાર્યક્રમનું આયોજન કરવામાં આવ્યું. 4થી 15 જૂન 2025 દરમિયાન યોજાયેલા લેવલ-1 વેઈટલિફ્ટિંગ કોચિંગ કોર્સમાં ગુજરાતના વિવિધ જિલ્લાઓમાંથી 25 કોચે ભાગ લીધો. વેઈટલિફ્ટિંગ ફેડરેશન ઓફ ઇન્ડિયા દ્વારા નિયુક્ત કરાયેલા ઇજિપ્તના ડૉ. અહેમદ હુસેને એક્સપર્ટ કોચ તરીકે તાલીમ આપી. તેમણે તાલીમાર્થીઓને વેઈટલિફ્ટિંગની પાયાની તાલીમથી માંડીને એડવાન્સ્ડ તકનીકો શીખવી. આ કોર્સનું આયોજન ભવિષ્યમાં ગુજરાતમાં યોજાનારી એશિયન ગેમ્સ અને કોમનવેલ્થ વેઈટલિફ્ટિંગ સ્પર્ધાઓને ધ્યાનમાં રાખીને કરવામાં આવ્યું. રાજ્યમાં વેઈટલિફ્ટિંગ રમતનો વિકાસ થાય અને પ્રતિભાશાળી ખેલાડીઓ તૈયાર થાય તે મુખ્ય ઉદ્દેશ છે.

અમદાવાદના હાથીજણ સ્થિત બુદ્ધિસ્ટ કુંગ-ફૂ એસોસિયેશનમાં વિવિધ કલર બેલ્ટ એક્ઝામનું આયોજન કરવામાં આવ્યું હતું. જીમ્મી સોલંકીના માર્ગદર્શન હેઠળ યોજાયેલી આ પરીક્ષામાં વિદ્યાર્થીઓએ વિવિધ કેટેગરીમાં ભાગ લીધો હતો. વિદ્યાર્થીઓએ સેલ્ફ ડિફેન્સ, ફિઝિકલ ફિટનેસ, જિમ્નાસ્ટિક મૂવ્સ, ટ્રેડિશનલ તાઓલું ફોર્મ્સ અને વેપન્સ સ્કિલનું પ્રદર્શન કર્યું હતું. તમામ વિદ્યાર્થીઓ A ગ્રેડ સાથે ઉત્તીર્ણ થયા હતા. દરેક વિદ્યાર્થીને તેમના બેલ્ટ સેક્શન પ્રમાણે બેલ્ટ અને બેલ્ટ ગ્રેડેશન સર્ટિફિકેટથી સન્માનિત કરવામાં આવ્યા હતા.