ભાવનગરના સિહોર જંક્શન પર, એક યુવતી ચાલુ ટ્રેનમાંથી ઉતરતી વખતે સંતુલન ગુમાવી બેઠી. ત્યારે, હાજર પોઈન્ટ્સમેન (Railway employee)એ સમયસૂચકતા વાપરીને યુવતીને ટ્રેન અને પ્લેટફોર્મ વચ્ચે ફસાતા બચાવી લીધી. બોટાદ-ભાવનગર પેસેન્જર ટ્રેનમાંથી ઉતરતી વખતે આ ઘટના બની. CCTV footageમાં આ હૃદયધબકાવનારી ઘટના કેદ થઈ હતી, જેમાં પોઈન્ટ્સમેનની બહાદુરી સ્પષ્ટ દેખાય છે. લોકો રેલકર્મીની બહાદુરીના વખાણ કરી રહ્યા છે.

જામનગર શહેર અને જિલ્લામાં પોલીસ દ્વારા ટ્રાફિક ડ્રાઇવમાં 743 વાહનો ચેક કરાયા. 144 કેસમાં, ₹34,200 દંડ વસૂલ કરાયો, 9 વાહનો ડિટેઈન થયા. ડો. રવિ મોહન સૈનીના માર્ગદર્શન હેઠળ MV Act, GP Act હેઠળ બ્લેક ફિલ્મ, નંબર પ્લેટ વગરના વાહનો, ફેન્સી નંબર પ્લેટવાળા વાહનો સામે કાર્યવાહી થઈ.

અમદાવાદ SP Ring Road પરથી PCBએ રૂ. 63.86 લાખનો દારૂ પકડ્યો, ડ્રાઈવરની ધરપકડ. હેલ્મેટની આડમાં પંજાબથી અમદાવાદ થઈ જૂનાગઢ દારૂ જતો હતો. બાતમી મળતા હાથીજણ સર્કલ પાસેથી ટ્રક પકડાઈ. ટ્રકમાં હેલ્મેટ સાથે દારૂની 10749 બોટલ, 1053 હેલ્મેટ મળ્યા, કુલ રૂ. 84.25 લાખનો મુદ્દામાલ જપ્ત થયો. ચંદીગઢથી દારૂ જૂનાગઢ જતો હતો. નારોલ પોલીસ સ્ટેશનની હદમાં બીજી વાર દારૂ પકડાયો.

પાટણના પનાગર વાડા વિસ્તારમાં નીલમ સિનેમા સામે આવેલો વીજ પોલ જોખમી હાલતમાં છે, જે દોરડાના સહારે ટકી રહ્યો છે. કોર્પોરેટરે UGVCLને લેખિતમાં રજૂઆત કરી સમારકામની માંગ કરી છે. પોલ રહેણાંક વિસ્તારમાં હોવાથી જાનહાનિની શક્યતા છે, જેની સંપૂર્ણ જવાબદારી UGVCLની રહેશે. તંત્ર વહેલી તકે આ પોલ બદલે તેવી સ્થાનિકોની માંગ છે.

બનાસકાંઠાના ઉદેરા ગામે ગીતના વિવાદથી કલાકાર સુનિલ ઠાકોર ચર્ચામાં આવ્યા. DJના તાલે વિવાદાસ્પદ ગીત "બંધારણવાળાને મારો બંદૂકની ગોળી" ગાતા ઠાકોર સમાજમાં ખળભળાટ મચી ગયો. આખરે Sunil Thakor એ વિડીયો જાહેર કરી Thakur Samaj ની માફી માંગી.

Elon Musk SpaceX દ્વારા અંતરિક્ષ વિજ્ઞાનમાં નવો વળાંક લાવ્યા છે. મંગળ પર શહેર વસાવવાનું સપનું જોનારા મસ્કે હવે ચંદ્ર પર સ્વ-વિસ્તરતું શહેર બનાવવાની જાહેરાત કરી છે. ચંદ્ર પર જવું મંગળની સરખામણીમાં સરળ છે. તેઓ માને છે કે આગામી 10 વર્ષમાં ચંદ્ર પર શહેર બનાવી શકાશે. જો કે મંગળ પ્રોજેક્ટ પણ ચાલુ રહેશે જ્યાં 'Optimus' રોબોટ્સ શહેર બનાવવામાં મદદ કરશે. તેમનો ઉદ્દેશ્ય માનવ સંસ્કૃતિને સુરક્ષિત કરવાનો છે.

ભાવનગરના વલ્લભીપુર-અમદાવાદ હાઈવે પર જાનૈયાઓએ નાસ્તાની દુકાનમાં તોડફોડ કરી આતંક મચાવ્યો. લાઠીથી અમદાવાદ જઈ રહેલી જાનના જાનૈયાઓ પાંજરાપોળ પાસે રોકાયા, બોલાચાલી થતા ઉશ્કેરાયેલા ટોળાએ દુકાનમાં તોડફોડ કરી, હાઈવે પર ચક્કાજામ કર્યો. પોલીસે પરિસ્થિતિ થાળે પાડી, ટ્રાફિક ક્લિયર કરાવ્યો. જાનૈયાઓના તોફાની વર્તનથી સ્થાનિકોમાં રોષ જોવા મળ્યો, પોલીસ કાર્યવાહી ચાલુ.

વટવા પોલીસે બાતમીના આધારે રઘુવીર પ્લેટીનીયમ એસ્ટેટમાં દરોડો પાડીને અલગ અલગ કંપનીના રોલીંગ પેપર, GOGO Smoking Cone અને પરફેકટ રોલના ગે.કા ગોડાઉનમાંથી એક આરોપીની ધરપકડ કરી છે. પોલીસે 9,92,400/- રૂપિયાનો મુદ્દામાલ જપ્ત કર્યો છે અને આરોપી અતુલ ચૌહાણ વિરુદ્ધ કાયદેસરની કાર્યવાહી હાથ ધરી છે.

હળવદ પોલીસે બાતમીના આધારે ચરાડવા સીમમાં બિનવારસી Innova માંથી વિદેશી દારૂની 1188 બોટલો, કિંમત રૂ. 8.98 લાખ જપ્ત કરી. બુટલેગરો પોલીસથી બચવા કાર મૂકીને ભાગી ગયા હતા. લક્ઝરી કારનો ઉપયોગ દારૂની હેરાફેરી માટે થતો હતો, પોલીસે તપાસ હાથ ધરી.

ચોકલેટ માત્ર સ્વાદ જ નહીં, પણ ખુશીનો અનુભવ છે. Luxury ચોકલેટ્સ રોયલ અને પ્રીમિયમ ફિલ આપે છે. To’ak Chocolate દુર્લભ Nacional cacao બીન્સથી બને છે અને લાકડાના બેરલમાં એજ થાય છે. La Madeline au Truffeમાં ફ્રાન્સનો Black Truffle છે અને Guinness World Recordમાં નામ છે. DeLafée Gold Chocolateમાં 24 કેરેટ સોનું હોય છે. Frrrozen Haute Chocolate 28 પ્રકારના દુર્લભ cocoથી બને છે અને ડાયમંડ રિંગ સાથે આવે છે. Amedei Porcelana ખાસ Porcelana cacao બીન્સમાંથી બને છે. કિંમત: ₹35,000 થી ₹40,000 સુધી

મોરબી નાગરિક સહકારી બેંકની ચૂંટણીમાં 'ફૂલ' નિશાન પર 5 અને 'સિંહ' પર 1 ઉમેદવાર જીત્યા. કુલ 9 ડિરેક્ટરોમાંથી 3 બિનહરીફ ચૂંટાયા હતા. બાકીની 6 બેઠકો માટે મતદાન થયું, જેમાં 2049 સભાસદોએ ભાગ લીધો. પરિણામોમાં ક્રોસ વોટિંગ જોવા મળ્યું, અને તમામ ઉમેદવારો ભાજપ સાથે સંકળાયેલા હતા.

વડોદરામાં BAPS દ્વારા મહંત સ્વામી મહારાજની જન્મજયંતિ નિમિત્તે 'સત્સંગ દીક્ષા' ગ્રંથના શ્લોકોના મુખપાઠનો વર્લ્ડ રેકોર્ડ થયો. જેમાં વેરાવળ BAPS મંદિર બાળ સત્સંગ મંડળના 67 બાળકોએ યોગદાન આપ્યું. આ બાળકોને સન્માનિત કરવા વેરાવળ BAPS મંદિરમાં કાર્યક્રમ યોજાયો, જ્યાં તેમને પ્રશસ્તિ પત્ર અને આશીર્વાદ આપવામાં આવ્યા. BAPS સંસ્થાની 'મિશન રાજીપો' પહેલ હેઠળ આ રેકોર્ડ બન્યો.

ભાવનગર પોલીસ લાઈનમાં થયેલી ચોરીનો ભેદ ઉકેલાયો, LCB ટીમે વિદ્યાનગર પોલીસ લાઈનના મકાનમાંથી નેત્ર પ્રોજેક્ટના કેમેરાની ચોરી કરી હતી. પોલીસે ત્રણ આરોપીઓ રાહુલ ઉર્ફે બાડો સોલંકી, હાર્દિક ઉર્ફે ડાબલી મીઠાપરા અને મિહીર ટાંકને ઝડપી લીધા, ₹1,51,350 નો મુદ્દામાલ જપ્ત કર્યો, અને અન્ય બે આરોપીઓની તપાસ ચાલુ છે. આ ફરિયાદ વાયરલેસ PSI દ્વારા નોંધાવવામાં આવી હતી.

અમદાવાદ એરપોર્ટ પર કસ્ટમ વિભાગે દુબઈથી સ્પાઈસ જેટમાં આવેલા એક ભારતીય મુસાફર પાસેથી શંકાસ્પદ હિલચાલના આધારે આશરે 96 લાખનું GOLD ઝડપ્યું. મુસાફરે બેગેજમાં 2 GOLD બાર અને અંડરવેરમાં સોનું છુપાવ્યું હતું. કસ્ટમ વિભાગે GOLD જપ્ત કરીને પૂછપરછ હાથ ધરી છે અને એરપોર્ટ પર સુરક્ષા વધારી છે.

આજે અમદાવાદના નમો સ્ટેડિયમ ખાતે South Africa અને Canada વચ્ચે T-20 મેચ રમાશે. ટ્રાફિક વ્યવસ્થા જાળવવા માટે જનપથ ટી જંક્શનથી મોટેરા સ્ટેડિયમ સુધીનો રસ્તો બપોરે 3થી રાત્રે 2 વાગ્યા સુધી બંધ રહેશે. 11, 14 અને 18 ફેબ્રુઆરીએ પણ રસ્તો બંધ રહેશે. વૈકલ્પિક રૂટ અને ચુસ્ત પોલીસ બંદોબસ્ત ગોઠવવામાં આવ્યો છે. વાહનચાલકોને વૈકલ્પિક માર્ગોનો ઉપયોગ કરવા વિનંતી.

કુતિયાણા પોલીસે નકલી નંબર પ્લેટ વાળા ટ્રક સાથે એક શખ્સને પકડ્યો, જે Finance ના હપ્તા ભરવાથી બચવા માટે આ યુક્તિ વાપરતો હતો. પોલીસ તપાસમાં ટ્રક નંબર GJ-03-BY-7745 નકલી હોવાનું બહાર આવ્યું. આરોપી જાજાભાઈ ગોઢાણીયા પકડાયો, અને ₹15 લાખનો ટ્રક જપ્ત કરાયો, બીજા આરોપી મીલનભાઈ દુધાતની શોધ ચાલુ છે.

અમદાવાદના પાલડીમાં બ્લેકમેલિંગની ઘટના: CCTV ફૂટેજ વાઈરલ કરવાની ધમકી આપી ડોક્ટરને સોશિયલ મીડિયા પર બદનામ કરવાની ધમકી આપનાર અબ્દુલ વહાબ સૈયદની ધરપકડ થઈ. આરોપીએ ડોક્ટરની અંગત પળોના CCTV ફૂટેજ ચોરી રૂપિયાની માંગણી કરી હતી, પોલીસે કાયદેસરની કાર્યવાહી હાથ ધરી.

વલ્લભીપુર-અમરેલી હાઈવે પર LCB ટીમે વિદેશી દારૂનો મોટો જથ્થો પકડ્યો, જેમાં 3000થી વધુ બોટલો જપ્ત કરી. પોલીસે એક આરોપીની ધરપકડ કરી છે અને દારૂ ક્યાં આપવાનો હતો તે તપાસ ચાલી રહી છે. બાતમીના આધારે GJ08AU5706 નંબરની ગાડીમાંથી આ દારૂ ઝડપાયો.

જલ્લીકટ્ટુ, તામિલનાડુની પરંપરાગત બળદ પકડવાની રમત છે, જે રાજ્યના સાંસ્કૃતિક વારસાનો એક મહત્વપૂર્ણ ભાગ છે. આ સ્પર્ધા પોંગલ ફેસ્ટિવલ દરમિયાન ખૂબ જ ઉત્સાહથી સેલિબ્રેટ કરવામાં આવે છે. આ રમત તમિલનાડુમાં ખુબજ પોપ્યુલર છે. સ્પર્ધકો, મોટાભાગે આસપાસના ગામોના યુવાન, બળદને પકડી રાખવા અને નિયંત્રિત કરવા માટે અસાધારણ ચપળતા અને ધૈર્ય બતાવી રહ્યા છે. આયોજકોએ સ્પર્ધકો અને પશુઓની સલામતી સુનિશ્ચિત કરવા માટે કડક સલામતી વ્યવસ્થા લાગુ કરી છે. હોસ્પિટલ ટીમો અને એમર્જન્સી પ્રતિક્રિયા એકમો એરિનાના આસપાસ મૂકવામાં આવ્યા છે, જેથી કોઈપણ ઘટનાનું તાત્કાલિક નિવારણ થાય.

PM પોષણ યોજના અંતર્ગત વિદ્યાર્થીઓને ગુણવત્તાયુક્ત ભોજન માટે 'સેન્ટ્રલાઇઝ કિચન' શરૂ કરાયો હતો. વડાપ્રધાન મોદીનો આ ડ્રીમ પ્રોજેક્ટ ખોરંભે ચડ્યો છે. CM અને નાણાં મંત્રાલયની મંજૂરી છતાંય પ્રોજેક્ટ આગળ વધતો નથી. આદિવાસી અને બિન આદિવાસી વિસ્તારના લાખો ગરીબ વિદ્યાર્થીઓના મોઢામાંથી કોળિયો છિનવાયો હોય તેવી સ્થિતિ છે.

મહાશિવરાત્રી મેળા નિમિત્તે, ગિરનાર રોપ-વે ટિકિટના દરમાં રૂ. 69નો ઘટાડો કરાયો છે; હવે ટિકિટ રૂ. 630માં મળશે. આ નિર્ણયથી મેળામાં આવતા લાખો ભક્તોને ગિરનારના દર્શન સરળ થશે. 11થી 15 ફેબ્રુઆરી સુધી આ ઘટાડેલા ભાવ લાગુ રહેશે, જેનાથી શ્રદ્ધાળુઓના ખિસ્સા પરનો બોજ ઘટશે. ગિરનાર રોપ-વે દ્વારા લેવાયેલ નિર્ણય ભક્તો માટે આનંદદાયક છે. આશરે 10 મિનિટની રોપ-વેની સફર પ્રવાસીઓ માટે રોમાંચક બની રહેશે.

સુરતના સાયણ CHCમાં નર્સ દ્વારા સગર્ભાના પરિવાર સાથે ગેરવર્તન અને મોબાઈલ ઝૂંટવવાની ઘટના બની. નર્સ મનીષા ઠાકોરે રાજ્ય બહારના હોવાનું કહી રસી આપવાની ના પાડી, ધક્કા માર્યા અને અપશબ્દો કહ્યા. પરિવારે વીડિયો ઉતારતા ફોન ઝૂંટવી લીધો અને પોલીસ કેસની ધમકી આપી. પીડિત પરિવારે ગૃહમંત્રી અને આરોગ્યમંત્રીને ફરિયાદ કરી કાર્યવાહીની માંગ કરી છે. આ બાબતની તપાસ થશે.

ઉપલેટાના ઢાંક ગામે દીપડાના ભયથી ગ્રામજનો ત્રસ્ત હતા. ખેડૂતો અને માલધારીઓ ભયભીત હતા. સ્થાનિકોની રજૂઆતો બાદ વન વિભાગે દીપડાને પકડવા જાળ બિછાવી. મેલડી માતાજીના મંદિર પાસે પાંજરું ગોઠવવામાં આવ્યું, જેમાં શિકારની લાલચે દીપડો ફસાયો. ત્યારબાદ, ફોરેસ્ટ વિભાગની ટીમે દીપડાને જૂનાગઢ સક્કરબાગ ZOO ખાતે ખસેડવાની કાર્યવાહી કરી.

મંગળા રોડ ફાયરિંગ કેસના મુખ્ય આરોપી સમીર ઉર્ફે સંજલોની ધરપકડ, લેડીઝ કપડાં પહેરી પોલીસને ચકમો આપતો હતો. 90 દિવસમાં 23થી વધુ ઠેકાણાં બદલ્યા. પેંડા અને મુર્ગા ગેંગના 36 ઝડપાયા છે, ક્રાઈમ બ્રાન્ચે કડીમાંથી ધરપકડ કરી. 29 ઓક્ટોબર 2025ના રોજ ગેંગવોરની ઘટના બની હતી જેમાં આરોપીની સંડોવણી હતી. હાલમાં પોલીસ દ્વારા વધુ તપાસ ચાલુ છે.

પાટણમાં લેઉવા પાટીદાર સમાજ દ્વારા 24મા સમૂહ લગ્નોત્સવમાં 9 યુગલોએ લગ્ન કર્યા. દાતાઓના સહયોગથી નવદંપતીઓને 32 જેટલી કરિયાવર વસ્તુઓ GIFTમાં આપવામાં આવી, જેમાં સોનાની ચૂની, ચાંદીના સિક્કા, ગેસ સગડી, MIXER અને ઇન્ડક્શન કુકટોપ જેવી વસ્તુઓનો સમાવેશ થાય છે. મનસુખભાઈ પટેલ પરિવારે જમણવાર, રણછોડભાઈ પટેલે રેફ્રિજરેટર અને હીરાબેન પટેલે લગ્ન મંડપની સેવા આપી.

ભારતીય બજારમાં 'સુપર મનડે', સોના-ચાંદી બાદ શેરબજારમાં તેજી આવી છે. વૈશ્વિક બજારના મજબૂત સંકેતોથી સેન્સેક્સ અને નિફ્ટી રેકોર્ડબ્રેક ઊંચાઈએ ખુલ્યા. સારા ગ્લોબલ સંકેતોને કારણે ભારતીય સ્ટોક માર્કેટમાં સેન્સેક્સ-નિફ્ટીમાં ભારે તેજી જોવા મળી.

સુરતમાં ચેઈન સ્નેચિંગની ઘટનાઓ વધી રહી છે, જેમાં ઉધના પોલીસે 200થી વધુ CCTV તપાસી આરોપી શાહિલ ઉર્ફે શાહુ શેખને પકડ્યો. તેણે પોણા કલાકમાં બે ગૃહિણીઓને નિશાન બનાવી હતી. પોલીસે રૂ. 2 લાખથી વધુનો મુદ્દામાલ જપ્ત કર્યો છે. અડાજણમાં જ્યોત્સનાબેન અને ઉધનામાં સોનમબેન દવેને નિશાન બનાવાયા હતા. પોલીસે ટેકનિકલ સર્વેલન્સ અને હ્યુમન ઇન્ટેલિજન્સથી તપાસ કરી બે ગુનાનો ભેદ ઉકેલ્યો.

જુનાગઢમાં નાથ સંપ્રદાયના સ્થળે જૈન ધ્વજ લગાવતા વિવાદ થયો છે, ભવનાથ પોલીસ સ્ટેશનમાં ફરિયાદ નોંધાઈ છે. બે અજાણ્યા શખ્સોએ ધ્વજ ચોરીને લગાવી વૈમનસ્ય ફેલાવવાનો પ્રયાસ કર્યો હોવાનું મનાય છે. ફોટો વાયરલ થતા પોલીસે તપાસ શરૂ કરી, આરોપીઓની શોધખોળ ચાલુ છે અને FIR દાખલ થઇ છે.

સુરેન્દ્રનગરના પૂર્વ કલેક્ટરની જામીન અરજી પર અમદાવાદ ગ્રામ્ય કોર્ટમાં સુનાવણી, કેસની તપાસમાં સહકારની બાંહેધરી, જમીન કૌભાંડ કેસમાં તપાસ ચાલી રહી છે. EDની ભ્રષ્ટાચાર હેઠળ તપાસ અને તપાસ અધિકારી કોર્ટમાં affidavit રજૂ કરી શકે છે. જમીન NA કરવા માટે ભાવ નક્કી કરાયા હતા, જેમાં કરોડોની લાંચ લેવાઈ હતી.

ગુજરાતમાં વાહનોની સંખ્યામાં છેલ્લા એક દાયકામાં 70 %નો માતબર વધારો નોંધાયો છે. વર્ષ 2014-15માં રાજ્યમાં નોંધાયેલા વાહનોની સંખ્યા 1.67 કરોડ હતી, જે હવે વધીને 3.11 કરોડ પર પહોંચી ગઈ છે. નોંધનીય છે કે, ગુજરાતમાં હાલમાં નોંધાયેલા કુલ વાહનોમાં 75 ટકા હિસ્સો માત્ર ટુ-વ્હીલર્સનો છે. રાજ્ય પરિવહન વિભાગની માહિતી અનુસાર, વર્ષ 2024-25માં ગુજરાતમાં નોંધાયેલા કુલ વાહનોમાં 1.63 લાખ બસ, 49.54 લાખ કાર, 11 લાખ ઓટોરિક્ષા અને 2.47 કરોડ ટુ-વ્હીલર્સનો સમાવેશ થાય છે. વર્ષ 2000-01ના આંકડાઓ સાથે તુલના કરીએ તો, તે સમયે રાજ્યમાં માત્ર 48.10 લાખ વાહનો હતા.