અમેરિકાની ગુપ્તચર એજન્સીઓએ કૅલિફોર્નિયાના ટેક પ્રોફેશનલ જમશેદ ઘોમીને ઈરાન માટે જાસૂસી કરવાના આરોપમાં ધરપકડ કરી છે. તેના પર ઈરાનના પરમાણુ કાર્યક્રમને વેગ આપવા માટે ગુપ્ત રીતે પ્રતિબંધિત અમેરિકી કમ્પ્યુટર હાર્ડવેર વેચવાનો ગંભીર આરોપ છે. જમશેદ છેલ્લા ૧૦ વર્ષથી ઈરાનને ગુપ્ત રીતે કમ્પ્યુટર હાર્ડવેર સપ્લાય કરતો હતો, અત્યાર સુધીમાં તેણે ૨૫૦ ટનથી વધુ અમેરિકી હાર્ડવેર તેહરાન મોકલ્યું છે. આ કાળા કારોબાર દ્વારા તેની કંપની વાર્ષિક 10 મિલિયન ડોલર કમાતી હતી. કૅલિફોર્નિયા રાજ્ય છેલ્લા કેટલાક સમયથી આંતરરાષ્ટ્રીય જાસૂસોનું કેન્દ્ર બની ગયું છે.