રોકાણકારોની સંખ્યામાં આઠ વર્ષથી ઓછા સમયમાં પાંચ ગણો વધારો
નાણાં વર્ષ ૨૦૧૯માં ૨.૭૦ કરોડની સરખામણીએ દેશમાં રજિસ્ટર્ડ ઈન્વેસ્ટરોની સંખ્યા પાંચ ગણી વધી ૧૩.૨૦ કરોડ પર પહોંચી ગઈ છે. શેરબજાર કમાણીનો સરળ માર્ગ બનતા રિટેલ રોકાણકારોના આકર્ષણમાં જોરદાર વધારો થયો છે. કોવિડ બાદના ગાળામાં રોકાણકારોનો ઉમેરો ધીમો પડ્યો છે. હાલમાં નોંધાયેલા ચારમાંથી ત્રણ ઈન્વેસ્ટર્સ નાણાં વર્ષ ૨૦૧૯ બાદ બજારમાં પ્રવેશ્યા છે. છેલ્લા એક કરોડનો ઉમેરો માત્ર છ મહિનામાં થયો છે, જેના કારણે ૧૩ કરોડનો આંક પાર થયો છે. રોકાણકારોની સંખ્યામાં સૌથી વધુ ઉમેરો ઉત્તર ભારત વિસ્તારમાંથી થયો છે, જ્યાં ૪.૧૧ કરોડ રોકાણકારો જોડાયા છે. મહારાષ્ટ્ર ૨.૧૦ કરોડ ઈન્વેસ્ટરો સાથે પ્રથમ સ્થાને છે.
રોકાણકારોની સંખ્યામાં આઠ વર્ષથી ઓછા સમયમાં પાંચ ગણો વધારો
વૈભવ સૂર્યવંશીને કયા બોલરથી ડર લાગે છે?
વૈભવ સૂર્યવંશી, ઈન્ટરનેશનલ ક્રિકેટમાં ડેબ્યૂ કરનાર સૌથી નાની ઉંમરના ખેલાડી, જેમણે સચિન તેંડુલકરનો રેકોર્ડ તોડ્યો. IPL માં શાનદાર પ્રદર્શન બાદ ટીમ ઈન્ડિયામાં સ્થાન મેળવ્યું. પોતાની પ્રથમ IPL સિઝનમાં ઐતિહાસિક સદી ફટકારી, ભારત માટે સૌથી ઝડપી સદી બનાવનાર બન્યા. IPL 2026 માં પણ તેમણે બુમરાહ, ભુવનેશ્વર, હેઝલવુડ જેવા બોલરો સામે નિર્ભયતા દર્શાવી. રવિન્દ્ર જાડેજા સાથેના ઇન્ટરવ્યુમાં, વૈભવે સ્પષ્ટ કર્યું કે હજી સુધી એવો કોઈ બોલર નથી જેની સામે રમવાથી તેમને ડર લાગે, જે તેમની બેટિંગમાં પણ દેખાય છે.
વૈભવ સૂર્યવંશીને કયા બોલરથી ડર લાગે છે?
૨૨ રાજ્યોમાં ધોધમાર વરસાદની ચેતવણી
ચોમાસાની સિસ્ટમ સક્રિય થતાં ભારતીય હવામાન વિભાગ (IMD) એ દેશના ૨૨ રાજ્યોમાં આગામી 3 થી 4 દિવસ ભારે વરસાદનું એલર્ટ જાહેર કર્યું છે. ઉત્તર-પશ્ચિમ અને મધ્ય ભારતમાં ચોમાસું વધુ સક્રિય રહેશે. હિમાચલ પ્રદેશ, ઉત્તરાખંડ, પંજાબ, હરિયાણા, દિલ્હી, ઉત્તર પ્રદેશ, રાજસ્થાન, મધ્ય પ્રદેશ, છત્તીસગઢ, ગુજરાત, બિહાર, ઓડિશા અને ઉત્તર-પૂર્વના રાજ્યોમાં ભારેથી અતિભારે વરસાદ પડી શકે છે. ઉત્તરાખંડમાં ભૂસ્ખલનને કારણે ચારધામ યાત્રા પર અસર થઈ છે. દિલ્હી-NCR માટે યેલો એલર્ટ જાહેર કરાયું છે.
૨૨ રાજ્યોમાં ધોધમાર વરસાદની ચેતવણી
સોના-ચાંદીમાં ઉછાળો
આંતરરાષ્ટ્રીય બજારમાં COMEX પર સોનાનો ભાવ 0.66% વધીને 4,063 ડોલર પ્રતિ ઔંસ થયો છે, જે રોકાણકારોમાં વધતી માંગ દર્શાવે છે. સ્થાનિક બજારમાં 24 કેરેટ સોનાનો ભાવ ₹1,42,530 પ્રતિ 10 ગ્રામ થયો છે, જે ₹525નો વધારો દર્શાવે છે. 22 કેરેટ સોનાનો ભાવ ₹1,33,990 અને 18 કેરેટ સોનાનો ભાવ ₹1,09,630 થયો છે. ચાંદીનો ભાવ 0.04% વધીને 58.11 ડોલર પ્રતિ ઔંસ રહ્યો છે અને સ્થાનિક બજારમાં ₹2.17 લાખ પ્રતિ કિલોગ્રામ થયો છે.
સોના-ચાંદીમાં ઉછાળો
સ્ટાર ખેલાડી અજિંક્ય રહાણે દ્વારા આંતરરાષ્ટ્રીય ક્રિકેટમાંથી નિવૃત્તિની જાહેરાત.
ટીમ ઈન્ડિયાના દિગ્ગજ બેટ્સમેન અજિંક્ય રહાણે એ આંતરરાષ્ટ્રીય ક્રિકેટમાંથી નિવૃત્તિ જાહેર કરી દીધી છે. પોતાના લાંબા કરિયર બાદ, તેમણે સંન્યાસ લેવાનો નિર્ણય કર્યો છે. Rahane એ 85 ટેસ્ટ, 90 વન-ડે અને 20 T20I મેચોમાં ભારતનું પ્રતિનિધિત્વ કર્યું હતું. 2013 માં શરૂ થયેલી તેમની કારકિર્દીમાં તેમણે અનેક યાદગાર પ્રદર્શનો કર્યા છે. જોકે, છેલ્લા કેટલાક સમયથી તેઓ ભારતીય ટીમમાં સ્થાન મેળવી શક્યા નહોતા.
સ્ટાર ખેલાડી અજિંક્ય રહાણે દ્વારા આંતરરાષ્ટ્રીય ક્રિકેટમાંથી નિવૃત્તિની જાહેરાત.
વૈશ્વિક બજારના ઝટકા: ભારતીય શેરબજાર લાલ નિશાન પર ખુલ્યું
અમેરિકા-ઈરાન તણાવ, કાચા તેલના વધતા ભાવ અને ફેડરલ રિઝર્વના વ્યાજ દર સ્થિર રાખવાના નિર્ણયની અસર ભારતીય શેરબજાર પર જોવા મળી. સેન્સેક્સ અને નિફ્ટીમાં ઘટાડા સાથે શરૂઆત થઈ. વૈશ્વિક બજારોમાં ચાલી રહેલી ઉથલપાથલના દબાણ વચ્ચે આજે ભારતીય શેરબજાર લાલ નિશાનમાં ખુલ્યું. સેન્સેક્સ લગભગ 250-300 અંક અને નિફ્ટી 80-100 અંક ઘટીને ખુલ્યા. એશિયન બજારોમાં મિશ્ર વલણ જોવા મળ્યું, જ્યારે અમેરિકન શેરબજારમાં ભારે વેચવાલી નોંધાઈ હતી.
વૈશ્વિક બજારના ઝટકા: ભારતીય શેરબજાર લાલ નિશાન પર ખુલ્યું
લોકસભાની બેઠકો 850 કરવી લોકતંત્ર માટે ઘાતક: શશિ થરુર
કેન્દ્ર સરકાર દેશમાં લોકસભા સભ્યોની સંખ્યા 543 થી વધારીને 824-850 કરવાની તૈયારીમાં છે, જેના માટે બંધારણીય સુધારા બિલ લાવવાની યોજના છે. આ અંગે કેરળના કોંગ્રેસ સાંસદ શશિ થરૂરે ગંભીર ચિંતા વ્યક્ત કરી છે. તેમણે લેખ લખીને ચેતવણી આપી છે કે આ નવી વ્યવસ્થા ભારતના લોકશાહી માળખાને નબળું પાડશે. વિશ્વની કોઈ સ્થાપિત લોકશાહી ધારાસભાને એટલી વિશાળ નથી બનાવતી કે જ્યાં અર્થપૂર્ણ ચર્ચા અશક્ય બની જાય. 850 સભ્યો વાળું ગૃહ અરાજક બનશે, જ્યાં મોટાભાગના સાંસદો માત્ર વોટિંગ મશીન બની રહેશે. વસતી વધે તો ધારાસભ્યો વધારો, સાંસદો નહીં, તેમ તેમનું સૂચન છે.
લોકસભાની બેઠકો 850 કરવી લોકતંત્ર માટે ઘાતક: શશિ થરુર
CWG 2026: બોક્સિંગમાં Team India નો શાનદાર દેખાવ, એક જ દિવસે 5 મેડલ નિશ્ચિત
કોમનવેલ્થ ગેમ્સ 2026માં ભારતીય બોક્સરોએ શાનદાર પ્રદર્શન કર્યું છે. 29 જુલાઈના રોજ, પાંચ ભારતીય બોક્સરોએ ક્વાર્ટર ફાઇનલમાં જીત મેળવીને સેમિફાઇનલમાં પ્રવેશ કર્યો અને તેમના મેડલ નિશ્ચિત કર્યા. આમાં સાક્ષી ચૌધરી, અરુણધતી ચૌધરી, સચિન સિવાચ, અંકુશ યાદવ અને નરેન્દ્રનો સમાવેશ થાય છે. આ બોક્સરોએ પોતાના મુકાબલા જીતીને દેશ માટે ગૌરવ અપાવ્યું છે, જેનાથી ભારતની મેડલ ટેલીમાં વધારો થયો છે.
CWG 2026: બોક્સિંગમાં Team India નો શાનદાર દેખાવ, એક જ દિવસે 5 મેડલ નિશ્ચિત
અમેરિકન અખબારના PoK દર્શાવવા પર ભારતનો આકરો વિરોધ
અમેરિકન સમાચાર પત્ર 'The New York Times' દ્વારા PoK ને "પાકિસ્તાની કાશ્મીર" તરીકે દર્શાવતા અહેવાલ સામે ભારતે ભારે વિરોધ નોંધાવ્યો છે. ભારતીય દૂતાવાસે સ્પષ્ટ કર્યું કે, "કોઈ 'પાકિસ્તાની કાશ્મીર' નથી, તે માત્ર પાકિસ્તાન દ્વારા ગેરકાયદેસર કબ્જે કરાયેલું કાશ્મીર (PoK) છે." ભારતે આ શબ્દપ્રયોગને ભ્રામક ગણાવ્યો અને પુનરોચ્ચાર કર્યો કે જમ્મુ-કાશ્મીર અને લદ્દાખ હંમેશા ભારતનો અવિભાજ્ય ભાગ રહેશે. પાકિસ્તાને આ વિસ્તારો પર ગેરકાયદે કબ્જો જમાવ્યો છે.
અમેરિકન અખબારના PoK દર્શાવવા પર ભારતનો આકરો વિરોધ
CJPના આંદોલન બાદ Gen-Z ફરી જંતર મંતર પર
કેન્દ્રીય શિક્ષણ મંત્રીના રાજીનામા બાદ કોકરોચ જનતા પાર્ટી (CJP) દ્વારા જંતર-મંતર પરનું આંદોલન પૂર્ણ થયું હતું, પરંતુ હવે Gen-Z યુવાનો 'દિશા વિદ્યાર્થી સંગઠન'ના નેજા હેઠળ ફરીથી વિરોધ પ્રદર્શન કરી રહ્યા છે. તેમની મુખ્ય માગણી એ છે કે કસ્ટડીમાં લેવાયેલા વિદ્યાર્થીઓને તાત્કાલિક મુક્ત કરવામાં આવે અને એકત્ર કરાયેલો તેમનો ડેટા રેકોર્ડમાંથી હટાવવામાં આવે. વિદ્યાર્થીઓ સરકારની કડક કાર્યવાહી સામે આક્રોશ વ્યક્ત કરી રહ્યા છે.
CJPના આંદોલન બાદ Gen-Z ફરી જંતર મંતર પર
UPI ટ્રાન્ઝેક્શન પર નજર: મોટી રકમ પર આવી શકે છે Income Tax નોટિસ
ડિજિટલ પેમેન્ટના વધતા ઉપયોગ વચ્ચે, આવકવેરા વિભાગ દરેક નાના વ્યવહાર પર નજર રાખતું નથી. જોકે, સ્ટેટમેન્ટ ઓફ ફાઇનાન્શિયલ ટ્રાન્ઝેક્શન્સ (SFT) દ્વારા બેંકો ઉચ્ચ-મૂલ્યના વ્યવહારોની જાણ કરે છે. બચત ખાતામાં ₹10 લાખથી વધુ જમા, કરંટ અકાઉન્ટમાં ₹50 લાખથી વધુ, ₹1 લાખથી વધુનું ક્રેડિટ કાર્ડ બિલ રોકડમાં, ₹10 લાખથી વધુનું રોકાણ કે મિલકતની ખરીદી/વેચાણ, અથવા વિદેશી ચલણમાં ₹10 લાખથી વધુનો ખર્ચ જેવા વ્યવહારો પર વિભાગ નજર રાખે છે. આ વ્યવહારો માટે માન્ય સ્ત્રોત ન આપી શકવા પર અઘોષિત આવક ગણી કર અને દંડ લાગી શકે છે.
UPI ટ્રાન્ઝેક્શન પર નજર: મોટી રકમ પર આવી શકે છે Income Tax નોટિસ
ગુજરાતમાં આજથી વરસાદનો વધુ એક રાઉન્ડ શરૂ, અનેક જિલ્લાઓમાં ભારે વરસાદની આગાહી
ગુજરાતમાં આજથી વરસાદનો વધુ એક જોરદાર રાઉન્ડ શરૂ થવાની આગાહી છે. ડીપ ડિપ્રેશન, સક્રિય મોન્સૂન ટ્રફ, શિયર ઝોન અને વેસ્ટર્ન ડિસ્ટર્બન્સની અસરથી આગામી બે દિવસ અનેક વિસ્તારોમાં ભારેથી અતિ ભારે વરસાદ પડી શકે છે. નીચાણવાળા વિસ્તારોમાં પાણી ભરાવા, નદી-નાળામાં જળસ્તર વધવા અને વાહનવ્યવહાર પર અસર થવાની શક્યતા છે. છોટાઉદેપુર, નર્મદા, તાપી, સુરત, નવસારી, ડાંગ, વલસાડ, દમણ અને દાદરા નગર હવેલીમાં ઓરેન્જ એલર્ટ, જ્યારે ભરૂચ, વડોદરા, પંચમહાલ અને દાહોદમાં યલો એલર્ટ જાહેર કરાયું છે.
ગુજરાતમાં આજથી વરસાદનો વધુ એક રાઉન્ડ શરૂ, અનેક જિલ્લાઓમાં ભારે વરસાદની આગાહી
શેરબજારમાં કેશ અને ડેરિવેટિવ્સના દૈનિક ટર્નઓવરમાં નોંધપાત્ર ઘટાડો
જુલાઈ માસમાં ભારતીય શેરબજારમાં નવા ધિરાણ નિયમો અને વધેલા સિક્યુરિટીઝ ટ્રાન્ઝેક્શન ટેક્સ (એસટીટી)ને કારણે કેશ તથા ડેરિવેટિવ્સ સેગમેન્ટમાં સરેરાશ દૈનિક ટર્નઓવરમાં ઘટાડો જોવા મળ્યો છે. બીએસઈ તથા એનએસઈના ડેટા મુજબ, કેશ સેગમેન્ટમાં ટર્નઓવર ૯.૨૦% ઘટીને ₹૧.૨૯ લાખ કરોડ થયું છે, જે સાત મહિનાની નીચી સપાટી છે. ડેરિવેટિવ્સ સેગમેન્ટમાં પણ ૮% ઘટાડો નોંધાયો છે. બેન્ક ગેરન્ટીના નિયમોમાં થયેલા ફેરફાર અને IPOs દ્વારા ભંડોળ બ્લોક થવાને કારણે બજાર પર અસર પડી છે.
શેરબજારમાં કેશ અને ડેરિવેટિવ્સના દૈનિક ટર્નઓવરમાં નોંધપાત્ર ઘટાડો
30 જુલાઈના મહત્વના સમાચાર : રાજ્યસભામાં રજૂ થશે પેપર લીક સંબંધિત બિલ, પબ્લિક એક્ઝામિનેશન સંશોધન વિધેયક 2026 થશે રજૂ
આજે 30 જુલાઈને ગુરુવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
30 જુલાઈના મહત્વના સમાચાર : રાજ્યસભામાં રજૂ થશે પેપર લીક સંબંધિત બિલ, પબ્લિક એક્ઝામિનેશન સંશોધન વિધેયક 2026 થશે રજૂ
છેલ્લા ૧૦૦ ટ્રેડિંગ સત્રથી નિફ્ટી તેના ૨૦૦ DMAથી નીચે
નિફ્ટી ૫૦ ઇન્ડેક્સ છેલ્લા ૧૦૦ ટ્રેડિંગ દિવસોથી તેના ૨૦૦-દિવસના મૂવિંગ એવરેજ (DMA) થી નીચે કાર્યરત છે, જે છેલ્લા ૧૦ વર્ષમાં આવો બીજો સૌથી લાંબો સમયગાળો દર્શાવે છે. ૨૦ ઓગસ્ટ, ૨૦૧૫ થી ૧૩ એપ્રિલ, ૨૦૧૬ વચ્ચે ૧૫૯ ટ્રેડિંગ સત્રોનો રેકોર્ડ હતો. કોવિડ-૧૯ દરમિયાન પણ, નિફ્ટી ૯૫ દિવસ તેના ૨૦૦ DMAથી નીચે રહ્યો હતો. ૨૦૦ DMA એક મુખ્ય તકનીકી સૂચક છે જે ટ્રેન્ડ નક્કી કરવામાં મદદ કરે છે. તાજેતરમાં, નિફ્ટી ૨૪,૦૦૦ ની આસપાસ પહોંચ્યો છે, પરંતુ હજુ પણ તેના ૨૦૦ DMAથી ૩ ટકા નીચે છે.
છેલ્લા ૧૦૦ ટ્રેડિંગ સત્રથી નિફ્ટી તેના ૨૦૦ DMAથી નીચે
૧૧ વર્ષની મહેનત બાદ ટીમ ઈન્ડિયામાં સારાંશ જૈન, પરિવારનું યોગદાન
બીસીસીઆઈએ શ્રીલંકા પ્રવાસ માટે ભારતીય ટેસ્ટ ટીમમાં સારાંશ જૈનનો પ્રથમ વખત સમાવેશ કર્યો છે. ઘરેલુ ક્રિકેટમાં સતત પ્રદર્શન કરનાર સરાંશે તાજેતરમાં ભારત એ માટે મજબૂત પ્રદર્શન કર્યું. સારાંશ જૈનના પિતા સુબોધ જૈન પણ મધ્યપ્રદેશ માટે ઘરેલું ક્રિકેટ રમી ચૂક્યા છે. પોતાના પિતા પાસેથી પ્રેરણા લઈ ક્રિકેટ કરિયર બનાવ્યું છે. લગભગ ૧૧ વર્ષની રાહ જોયા પછી, તેની મહેનત રંગ લાવી છે.
૧૧ વર્ષની મહેનત બાદ ટીમ ઈન્ડિયામાં સારાંશ જૈન, પરિવારનું યોગદાન
મહારાષ્ટ્રમાં શાળાઓની આસપાસ જંકફૂડ પર પ્રતિબંધ
મહારાષ્ટ્રમાં FD A દ્વારા રાજ્યની તમામ શાળાઓની ૫૦ મીટરની હદમાં વધુ ચરબી, ખાંડ અને મીઠું (HFSS) ધરાવતા જંક ફૂડ અને પેકેજ્ડ ખાદ્યપદાર્થોના વેચાણ, જાહેરાત અને વિતરણ પર સંપૂર્ણ પ્રતિબંધ મૂકવામાં આવ્યો છે. આ નિયમ સરકારી, અનુદાનિત અને ખાનગી શાળાઓ સહિત આશરે ૧.૦૮ લાખ શાળાઓમાં લાગુ પડશે, જેનાથી લગભગ બે કરોડ વિદ્યાર્થીઓને જંક ફૂડથી બચાવી શકાશે. શાળા કેન્ટીન, મધ્યાહન ભોજન યોજના કિચન અને હોસ્ટેલ મેસ માટે ફૂડ સેફ્ટી લાયસન્સ મેળવવું ફરજિયાત છે.
મહારાષ્ટ્રમાં શાળાઓની આસપાસ જંકફૂડ પર પ્રતિબંધ
મુંબઈ યુનિ.ના Ty.BCom પેપર લીકની તપાસ હવે CIDને સોંપાઈ
મુંબઈ યુનિવર્સિટીના ટીવાયબીકોમ (TYBCom) ના છઠ્ઠા સેમેસ્ટરના ત્રણ પેપર પરીક્ષા પહેલાં જ ફૂટી જવાના મુદ્દે મેનેજમેન્ટ કાઉન્સિલે મહત્વપૂર્ણ નિર્ણય લીધો છે. આ સમગ્ર પ્રકરણની તપાસ હવે રાજ્યના ગુનાહિત તપાસ વિભાગ (CID) ને સોંપવામાં આવશે. આ નિર્ણય યુનિવર્સિટીની વ્યવસ્થાપન પરિષદ (Management Council) ની બેઠકમાં લેવાયો હતો, જેનો ઉદ્દેશ પરીક્ષા પ્રક્રિયાની વિશ્વસનીયતા જાળવી રાખી નિષ્પક્ષ તપાસ કરવાનો છે. સભ્યોએ જવાબદાર લોકો સામે કડક કાર્યવાહીની માંગ કરી હતી, અને ભવિષ્યમાં આવી ઘટનાઓ રોકવા માટે પારદર્શિતા પર ભાર મૂક્યો હતો.
મુંબઈ યુનિ.ના Ty.BCom પેપર લીકની તપાસ હવે CIDને સોંપાઈ
E-20 પેટ્રોલથી BS-3 વાહનોના રબર પાર્ટ્સને નુકસાન
કેન્દ્ર સરકારે રાજ્યસભામાં પ્રથમ વખત સ્વીકાર્યું કે E-20 પેટ્રોલ (20% ઇથેનોલ મિશ્રિત) થી BS-3 ધોરણવાળી ગાડીઓના કેટલાક રબર પાર્ટ્સ અને ગાસ્કેટને અસર થઈ શકે છે. જોકે, આનાથી એન્જિનમાં કોઈ મોટા ફેરફારની જરૂર પડશે નહીં. 2005 થી 2016 વચ્ચે બનેલા વાહનોના ફ્યુઅલ સિસ્ટમના રબર કમ્પોનન્ટ્સ, જેમ કે પાઈપ્સ, સીલ અને ગાસ્કેટ, નિયમિત સર્વિસિંગ દરમિયાન બદલવાની જરૂર પડી શકે છે. આ ખર્ચ વાહન અને મોડેલ પ્રમાણે બદલાઈ શકે છે.
E-20 પેટ્રોલથી BS-3 વાહનોના રબર પાર્ટ્સને નુકસાન
ગાવિતના ગોલ્ડ, બાસિલ-મુરલીના સિલ્વર: કોમનવેલ્થ ગેમ્સમાં ભારતનો શાનદાર દેખાવ
કોમનવેલ્થ ગેમ્સ 2026માં દિલીપ મહાદુ ગાવિતે 100m પેરા દોડમાં ગોલ્ડ મેડલ જીતી ભારતને ત્રીજો ગોલ્ડ અપાવ્યો. મોહમ્મદ બાસિલ અને લોંગ જમ્પર મુરલી શ્રીશંકરે સિલ્વર મેડલ મેળવ્યા. શ્રીશંકર સતત બે કોમનવેલ્થ ગેમ્સમાં લોંગ જમ્પમાં સિલ્વર જીતનારા પ્રથમ ભારતીય બન્યા. બોક્સિંગમાં જાસ્મિન લેમ્બોરિયા, અરુંધતી, સાક્ષી ચૌધરી, નરેન્દ્ર બેરવાલ, અંકુશ પંઘલે અને સચિને જીત મેળવી સેમિફાઇનલમાં પ્રવેશ કર્યો. શોટ પુટમાં તજિન્દરપાલ સિંહ તૂર અને સમરદીપ સિંહ ગિલે ફાઇનલ માટે ક્વોલિફાય કર્યું. વેઈટલિફ્ટર સંજના સ્નેચમાં નિષ્ફળ રહી.
ગાવિતના ગોલ્ડ, બાસિલ-મુરલીના સિલ્વર: કોમનવેલ્થ ગેમ્સમાં ભારતનો શાનદાર દેખાવ
કોમનવેલ્થ ગેમ્સ 2026: દિલીપ ગાવિતે ગોલ્ડ, શ્રીશંકરે સિલ્વર જીત્યું
ગ્લાસગો કોમનવેલ્થ ગેમ્સ 2026માં ભારતે સફળતાનો ધ્વજ લહેરાવ્યો. મુરલી શ્રીશંકરે લોંગ જમ્પમાં 8.09 મીટરના પ્રયાસ સાથે સતત બીજો સિલ્વર મેડલ જીત્યો. પેરા-એથ્લેટિક્સમાં દિલીપ ગાવિતે 100 મીટર T47 ઇવેન્ટમાં 10.71 સેકન્ડના નવા ગેમ્સ રેકોર્ડ સાથે ગોલ્ડ જીત્યો, જ્યારે મોહમ્મદ બાસિલ મોરસિંગાનકથે સિલ્વર મેળવ્યો. આ સાથે બોક્સરઓએ પણ સેમિફાઇનલમાં પહોંચી ઓછામાં ઓછા 10 મેડલ પાક્કા કર્યા, જે અગાઉના રેકોર્ડ તોડી નાખે છે.
કોમનવેલ્થ ગેમ્સ 2026: દિલીપ ગાવિતે ગોલ્ડ, શ્રીશંકરે સિલ્વર જીત્યું
NEET-UG કાઉન્સેલિંગમાં 4 મહિનાનો વિલંબ
NEET-UG કાઉન્સેલિંગમાં 3 થી 4 મહિનાના વિલંબને કારણે તબીબી શિક્ષણ પર ગંભીર અસર થઈ રહી છે. કાનૂની કેસો, સીટ મેટ્રિક્સમાં ફેરફાર અને કેન્દ્ર-રાજ્ય વચ્ચેના અસંકલનને કારણે 2019માં 57 દિવસમાં શરૂ થતા વર્ગો 2024-25માં 119 દિવસે પહોંચ્યા છે. NMCના નિયમ મુજબ 13 મહિનાનો અભ્યાસક્રમ 9 મહિનામાં પૂરો કરવો પડતાં 65% વિદ્યાર્થીઓ માનસિક તણાવ અનુભવી રહ્યા છે. AIQ અને સ્ટેટ કવોટા વચ્ચેના અસંકલનથી 3000થી વધુ બેઠકો બ્લોક થાય છે, જેના કારણે 70%થી વધુ ડ્રોપર્સનું આગામી વર્ષ પણ બગડવાની ભીતિ છે.
NEET-UG કાઉન્સેલિંગમાં 4 મહિનાનો વિલંબ
મધ્ય પ્રદેશ સરકાર 60% મગ ખરીદશે, ખેડૂત આંદોલન સમાપ્ત
મધ્ય પ્રદેશ સરકાર 60% સુધી મગ ખરીદશે, 10 ઓગસ્ટ સુધી સ્લોટ બુકિંગ અને 20 ઓગસ્ટ સુધી ખરીદી થશે. ખાતરની ઈ-ટોકન વ્યવસ્થા હાલ પૂરતી સ્થગિત કરાઈ છે. ત્રણ દિવસના ખેડૂત આંદોલન બાદ સરકાર અને ખેડૂત પ્રતિનિધિઓ વચ્ચે થયેલી બેઠક બાદ આંદોલન સમાપ્ત થયું છે. ખેડૂતોને તેમના વાહનો સુધી પહોંચાડી દેવાયા છે. કેન્દ્રીય મંત્રી શિવરાજ સિંહ ચૌહાણે રાજ્ય સરકારને 25% થી વધુ ખરીદી પોતાના ખર્ચે કરવાની સલાહ આપી છે.
મધ્ય પ્રદેશ સરકાર 60% મગ ખરીદશે, ખેડૂત આંદોલન સમાપ્ત
શેરબજારમાં વ્યાપક તેજી: વિવિધ સેક્ટરમાં મજબૂત સુધારો જોવા મળ્યો
ભારતીય શેરબજારમાં બુધવારે મજબૂત રિકવરી જોવા મળી, મુખ્ય સૂચકાંકોમાં લગભગ 1000 પોઈન્ટનો ઉછાળો આવ્યો. આ તેજી માત્ર હેવીવેઇટ શેરોમાં નહીં, પરંતુ વિવિધ સેક્ટરમાં વ્યાપક રીતે ફેલાયેલી હતી. કોર્પોરેટ પરિણામો, IT શેરોમાં ખરીદી, વેલ્યૂ બાયિંગ અને સંસ્થાકીય રોકાણકારોની ભાગીદારી મુખ્ય પરિબળો રહ્યા. જોકે, વૈશ્વિક પરિસ્થિતિ અને નફાવસૂલીને કારણે વોલેટિલિટી યથાવત્ રહી. બેન્કિંગ, ફાઇનાન્શિયલ સર્વિસિસ અને IT સેક્ટરનો સકારાત્મક પ્રભાવ રહ્યો.
શેરબજારમાં વ્યાપક તેજી: વિવિધ સેક્ટરમાં મજબૂત સુધારો જોવા મળ્યો
ચીનનું નવું પેસેન્જર પ્લેન C919 ભારત માટે બની શકે છે મોટો ખતરો?
ચીનનું સ્વદેશી પેસેન્જર વિમાન C919 તિબેટના લિહાસા એરપોર્ટ પર સફળ પરીક્ષણ બાદ ચર્ચામાં છે. નિષ્ણાતોના મતે ચીન તેની 'સિવિલ-મિલિટ્રી ફ્યુઝન' નીતિ હેઠળ જરૂર પડે ત્યારે આ વિમાનનો સૈન્ય ઉપયોગ કરી શકે છે, જે ભારત માટે વ્યૂહાત્મક પડકાર બની શકે છે. ઊંચાઈવાળા વિસ્તારોમાં સૈનિકો અને સામગ્રી ઝડપથી પહોંચાડવાની ક્ષમતા તેને મહત્વપૂર્ણ બનાવે છે. સાથે જ C919 ચીનની એરોસ્પેસ ક્ષમતા દર્શાવે છે, જોકે તે હજુ પશ્ચિમી ટેક્નોલોજી અને આંતરરાષ્ટ્રીય પ્રમાણપત્રો પર નિર્ભર છે.
ચીનનું નવું પેસેન્જર પ્લેન C919 ભારત માટે બની શકે છે મોટો ખતરો?
પેરૂના ૨૦૫માં સ્વાતંત્ર્ય દિને કુતુબ-મીનાર પેરૂના રાષ્ટ્રધ્વજના રંગે ઝળહળી ઊઠ્યો
દક્ષિણ અમેરિકાના દેશ પેરૂના ૨૦૫મા સ્વાતંત્ર્ય દિને વિશ્વ વિરાસત સમાન કુતુબ મિનારને પેરૂના રાષ્ટ્રધ્વજના સફેદ અને લાલ રંગે ઝળહળાવી દેવાયો. આ પ્રસંગે પેરૂના દૂતાવાસના ચાર્જ-દ-અફેર્સ (ઉપ- રાજદૂત) એન્ટિક રાફેલ ડેસ્કાલ્ઝી મેન્ડેઝ મુખ્ય અતિથિ રહ્યા હતા. આ કાર્યક્રમનો મુખ્ય હેતુ બંને દેશો વચ્ચેની મૈત્રી ભાવનાને વધુ સુદ્રઢ બનાવવાનો હતો. આ પગલું ચીનના દક્ષિણ પેસેફિકમાં વધતા પ્રભાવને ધ્યાનમાં રાખીને, દક્ષિણ અમેરિકાના રાષ્ટ્રો સાથે સંબંધો ગાઢ કરવાની ભારતની વ્યૂહરચનાનો એક ભાગ પણ છે.
પેરૂના ૨૦૫માં સ્વાતંત્ર્ય દિને કુતુબ-મીનાર પેરૂના રાષ્ટ્રધ્વજના રંગે ઝળહળી ઊઠ્યો
તહેવારો પહેલાં સરકાર ખાંડના ભાવ ન વધે તે માટે એક્શન મોડમાં
આગામી તહેવારોની સીઝનને ધ્યાનમાં રાખીને કેન્દ્ર સરકારે દેશમાં ખાંડની ઉપલબ્ધતા અને ભાવ પર નિયંત્રણ જાળવવા કડક પગલાં લીધાં છે. 1થી 14 ઓગસ્ટ દરમિયાન કેન્દ્ર અને રાજ્ય સરકારની સંયુક્ત ટીમો તમામ સુગર મિલોમાં ખાંડના વાસ્તવિક સ્ટોકની ભૌતિક ચકાસણી કરશે. જૂન 2026ના P-2 સ્ટોક રિટર્ન, જુલાઈના વેચાણ અને GST ડેટા સાથે સરખામણી કરવામાં આવશે. કોઈપણ ગેરરીતિ કે સ્ટોકમાં તફાવત જણાશે તો 'એસેન્શિયલ કોમોડિટીઝ એક્ટ, 1955' અને 'સુગર કંટ્રોલ ઓર્ડર, 2025' હેઠળ કડક કાર્યવાહી થશે.
તહેવારો પહેલાં સરકાર ખાંડના ભાવ ન વધે તે માટે એક્શન મોડમાં
NEETમાં કેમ થાય છે પેપર લીક, JEEમાં ગેરરીતિની શક્યતા પણ નહીવત
NEET અને JEE બંને દેશની મહત્વપૂર્ણ સ્પર્ધાત્મક પરીક્ષાઓ હોવા છતાં તેમની પરીક્ષા પદ્ધતિમાં મોટો તફાવત છે. JEE મુખ્યત્વે કમ્પ્યુટર આધારિત હોવાથી પેપર લીકનું જોખમ ઓછું રહે છે, જ્યારે NEET હજુ પેન-પેપર મોડમાં લેવાતી હોવાથી ગેરરીતિની શક્યતા વધી જાય છે. નિષ્ણાતોના મતે, NEETમાં સુરક્ષા વધારવા માટે ડિજિટલ ટેક્નોલોજી, હાઇબ્રિડ પરીક્ષા મોડ, બાયોમેટ્રિક ઓળખ અને ડિજિટલ વોટરમાર્કિંગ જેવા મજબૂત પ્રોટોકોલ અપનાવવાની જરૂર છે. સાથે જ કડક કાયદા અને પારદર્શક વ્યવસ્થા લાખો વિદ્યાર્થીઓના ભવિષ્યની સુરક્ષા માટે જરૂરી ગણાય છે.
NEETમાં કેમ થાય છે પેપર લીક, JEEમાં ગેરરીતિની શક્યતા પણ નહીવત
લોકસભામાં ભારે હોબાળા વચ્ચે એન્ટી પેપર લીક બિલ પાસ
લોકસભામાં પેપર લીક વિરોધી બિલ ધ્વનિમતથી પસાર થયું છે. આ બિલ પર થયેલી ચર્ચા દરમિયાન શાસક પક્ષ અને વિપક્ષ વચ્ચે ભારે બોલાચાલી થઈ હતી. વિપક્ષના નેતા રાહુલ ગાંધીના ભાષણ પર પણ તણાવ જોવા મળ્યો હતો. સ્પીકર ઓમ બિરલાએ બિલ પસાર કરવાની જાહેરાત કરી અને ગૃહને આવતીકાલ સુધી સ્થગિત કરી દીધું. કેન્દ્રીય મંત્રી જીતેન્દ્ર સિંહે વિપક્ષના નેતા પર યુવાનોને 'મૂર્ખ' કહેવા અને બિનસંસદીય ભાષા વાપરવાનો આરોપ મૂક્યો. આ બિલ યુવાનોના ભવિષ્ય માટે મહત્વનું છે.
લોકસભામાં ભારે હોબાળા વચ્ચે એન્ટી પેપર લીક બિલ પાસ
વંદે માતરમનું અપમાન હવે પડશે ભારે!
સંસદના ચોમાસુ સત્રમાં બે મહત્વના બિલ પસાર થયા છે. રાજ્યસભાએ "વંદે માતરમ"ને કાનૂની રક્ષણ આપતું બિલ મંજૂર કર્યું, જેના હેઠળ તેનું જાણીજોઈને અપમાન કરવા અથવા ગાવામાં અવરોધ ઉભો કરવા બદલ ત્રણ વર્ષ સુધીની જેલ અને દંડની જોગવાઈ કરવામાં આવી છે. બીજી તરફ, લોકસભાએ ઉગ્ર ચર્ચા વચ્ચે પેપર લીક વિરોધી બિલ ધ્વનિ મતથી પસાર કર્યું. સરકારનું કહેવું છે કે બંને કાયદા દેશના સાંસ્કૃતિક સન્માન અને પરીક્ષા વ્યવસ્થાની વિશ્વસનીયતા મજબૂત બનાવવાના હેતુથી લાવવામાં આવ્યા છે.
વંદે માતરમનું અપમાન હવે પડશે ભારે!
રાહુલ ગાંધીએ પ્રેસ કોન્ફરન્સ યોજી સરકારને કર્યા સવાલ
લોકસભામાં 'એન્ટી પેપર લીક બિલ' પસાર થયા બાદ રાહુલ ગાંધીએ પ્રેસ કોન્ફરન્સ યોજી કેન્દ્ર સરકાર અને ગૃહમંત્રી પર પ્રહારો કર્યા. તેમણે આરોપ લગાવ્યો કે સંસદમાં તેમને બોલવાનો મોકો મળ્યો નથી અને સંસદથી 500 મીટર દૂર વિદ્યાર્થીઓ પર લાઠીચાર્જ અને પેલેટ ગનનો ઉપયોગ કરાયો. રાહુલ ગાંધીએ ગૃહમંત્રીને પ્રશ્ન કર્યો કે જો તેમને જાણ નહોતી તો તે ગંભીર છે, અને જો જાણ હતી તો કાર્યવાહી કેમ ન થઈ. તેમણે વડાપ્રધાનને ગૃહમંત્રીને પદ પરથી હટાવવાની માંગ કરી. આ આરોપો પર ભાજપે રાહુલ ગાંધી પર જૂઠ્ઠાણું ફેલાવવાનો અને વિદ્યાર્થીઓનું અપમાન કરવાનો આરોપ લગાવ્યો.