ગાઝા શહેર અને પટ્ટી હજુ ખંડેર અવસ્થામાં છે, જેના કારણે માતાઓ પોતાના બાળકો માટે નવા કપડાં, મીઠાઈઓ કે એક કિલો માંસ પણ ખરીદી શકતી નથી. એક સમયે જ્યાં બકરી ઇદ આનંદ, કુર્બાની અને નવાં કપડાં સાથે ઉજવાતો હતો, ત્યાં હવે નિરાશા અને હતાશા છવાયેલી છે. બકરી મળવી તો દૂર, એક કિલો માંસ પણ મોંઘુ બન્યું છે. લોકો બજારમાં માત્ર જોઈને સંતોષ માની રહ્યા છે. નાદીયા અબુ જેવી પેલેસ્ટાઇન મહિલાઓ જણાવે છે કે તેઓ બજારમાં માત્ર જોવા જ જાય છે, ખરીદી શકતા નથી. આ પરિસ્થિતિ ઓકટોબર ૨૦૨૫ના યુદ્ધ વિરામ છતાં યથાવત છે, કારણ કે ઇઝરાયલના હવાઇ હુમલા ચાલુ છે.

આજે (27 મે) જેઠ અધિક માસની પહેલી એકાદશી, જેને પદ્મિની, કમલા અને પુરુષોત્તમી એકાદશી તરીકે પણ ઓળખવામાં આવે છે. તિથિઓના કારણે આ વ્રત 26-27 મે એમ બે દિવસ છે, જેમાં મોટાભાગના લોકો આજે ઉજવણી કરી રહ્યા છે. અધિક માસની એકાદશીનું મહત્વ અનેકગણું છે, કારણ કે આ મહિનો દર 3 વર્ષે એકવાર આવે છે. પુરુષોત્તમ માસમાં એકાદશી વ્રત કરવાથી ભગવાન વિષ્ણુની કૃપા પ્રાપ્ત થાય છે અને ઘર-પરિવારમાં સુખ-સમૃદ્ધિ આવે છે. આ શુભ યોગમાં ભગવાન ગણેશ, વિષ્ણુજી અને બુધ ગ્રહની પૂજા કરવી જોઈએ.

ચાંદોદ ખાતે વર્ષોની પરંપરા અનુસાર યોજાયેલ ગંગા દશાહરા મહોત્સવનું ભક્તિ સભર પુર્ણાહુતિ થયું. જેઠ સુદ એકમથી દશમ સુધી ઉજવાતા આ પર્વમાં 10 પ્રકારના પાપ દોષમાંથી મુક્તિ મળે છે. રાજા ભગીરથના પુત્રોના મોક્ષાર્થે ગંગાજીના પૃથ્વી પર અવતરણની સ્મૃતિમાં વડોદરાના દક્ષિણ પ્રયાગ તીર્થક્ષેત્ર ચાંદોદના મલ્હારરાવ ઘાટ ખાતે આ મહોત્સવ ઉજવાય છે. ગુજરાતભરમાંથી લાખો ભાવિકોએ લાભ લીધો, જેમાં ધારાસભ્ય શૈલેષ મહેતા અને પરિવારે પણ પૂજન, અર્ચન અને મહાઆરતીમાં ભાગ લીધો.

બોટાદના સાળંગપુરધામ ખાતે શ્રી કષ્ટભંજનદેવ મંદિરમાં પુરુષોત્તમ માસ નિમિત્તે શેષનારાયણ જયંતીની શ્રદ્ધાપૂર્વક ઉજવણી થઈ. દાદાને દિવ્ય વાઘા, સિંહાસને શેષનારાયણનો શણગાર અને કેરીનો અન્નકૂટ ધરાવાયો. મંગળા આરતી 05:30 અને શણગાર આરતી 7 વાગ્યે પૂજારી સ્વામી દ્વારા કરાઈ. દિવસમાં બે વખત રાજપોચોપર પૂજન થયું. મંદિર પરિસરમાં સંગીતમય સુંદરકાંડના પાઠ પણ યોજાયા, જેમાં મોટી સંખ્યામાં ભાવિકોએ દાદાના દર્શન કરી ધન્યતા અનુભવી.

આગામી બકરી ઈદ (ઈદ-ઉલ-જુહા) તહેવાર નિમિત્તે પંચમહાલ જિલ્લામાં કાયદો અને વ્યવસ્થા જાળવવા માટે ગોધરા શહેરમાં પોલીસ દ્વારા ફૂટ પેટ્રોલિંગ કરવામાં આવ્યું. અધિક જિલ્લા મેજિસ્ટ્રેટ દ્વારા જાહેરનામું પ્રસિદ્ધ કરાયું છે, જેમાં જાહેર કે ખાનગી જગ્યામાં કોઈપણ પશુની કતલ નહીં કરવા અને પ્રાણીઓને શણગારીને સરઘસાકારે નહીં ફેરવવા તાકીદ કરાઈ છે. LCB, SOG, અને સ્થાનિક પોલીસ જવાનો સાથે ડ્રોન કેમેરા દ્વારા ધાર્મિક સ્થળો પર નજર રાખવામાં આવશે. સોશિયલ મીડિયા પર અફવા ફેલાવનાર સામે સાયબર ક્રાઇમ ટીમ સતર્ક છે.

મુંબઈના પ્રખ્યાત શ્રી સિદ્ધિવિનાયક ગણપતિ મંદિરનો ટૂંક સમયમાં ભવ્ય કાયાપલટ કરવામાં આવશે. મુખ્ય મંત્રી દેવેન્દ્ર ફડણવીસે આ મહત્ત્વાકાંક્ષી પ્રોજેક્ટના પ્રથમ તબક્કાનો શિલાન્યાસ કર્યો, જેનાથી મંદિર પરિસર વધુ આધુનિક, સુરક્ષિત અને ભક્તો માટે સુલભ બનશે. નવા માસ્ટર પ્લાનમાં ભીડ વ્યવસ્થાપન, આરામ વ્યવસ્થા, અત્યાધુનિક સુરક્ષા પ્રણાલી અને માળખાગત સુવિધાઓમાં સુધારો સામેલ છે. આ વિકાસકાર્ય પૂર્ણ થયા બાદ સિદ્ધિવિનાયક મંદિર આધુનિક વ્યવસ્થાનું ઉદાહરણ બનશે અને વિશ્વ કક્ષાનો દેખાવ પ્રાપ્ત કરશે.

યરૂસલેમ સ્થિત અલ-અક્સા મસ્જિદના ભવિષ્ય અંગે એક આંતરરાષ્ટ્રીય મીડિયા રિપોર્ટમાં ચોંકાવનારો દાવો કરાયો છે. મિડિલ ઈસ્ટ આઈના અહેવાલ મુજબ, અમેરિકા અને ઇઝરાયલ મળીને જોર્ડનની સદીઓ જૂની સંરક્ષક તરીકેની ભૂમિકા ખતમ કરવાની યોજના બનાવી રહ્યા છે. આ રિપોર્ટમાં અલ-અક્સાને માત્ર મુસ્લિમ ઓળખ ઓછી કરીને મુસ્લિમ, ખ્રિસ્તી અને યહૂદીઓ માટે મલ્ટી-ફેથ સેન્ટર બનાવવાની યોજનાનો ઉલ્લેખ છે, જેમાં યહૂદીઓને પ્રાર્થનાના અધિકાર સહિત સમાન અધિકાર આપવાની વાત છે. જોકે, અમેરિકાએ આ અહેવાલોને સંપૂર્ણપણે ખોટા ગણાવીને ફગાવી દીધા છે.

UKના કોવેન્ટ્રી શહેરમાં, માંધાતા સમાજ હોલ ખાતે 9 દિવસીય શિવ મહાપુરાણ કથાનું ભવ્ય આયોજન થયું. જાણીતા કથાકાર ગિરિ બાપુના વ્યાસપીઠે યોજાયેલી આ કથામાં યુકેમાં વસતા ગુજરાતીઓ સહિત સમગ્ર ભારતીય સમુદાયના લોકોએ કથા શ્રવણ અને ભોજન પ્રસાદીનો લાભ લીધો. કોવેન્ટ્રી નિવાસી હિતેશભાઈ પ્રતાપભાઈ મહેતા દ્વારા આયોજિત આ ધાર્મિક મહોત્સવમાં, સંગીતમય શૈલીમાં શિવ ચરિત્ર અને તેના મહિમાનું સુંદર વર્ણન કરવામાં આવ્યું, જેણે હજારો શ્રદ્ધાળુઓના હૃદયને ભક્તિભાવથી ભરી દીધા.

અયોધ્યામાં રામ દરબારની પ્રાણ પ્રતિષ્ઠાની પ્રથમ વર્ષગાંઠ આજે ભવ્ય રીતે ઉજવાઈ રહી છે. સવારે મંગળા આરતી, વૈદિક મંત્રોચ્ચાર સાથે અભિષેક અને શણગાર કરાયો. ભગવાન શ્રી રામને 56 ભોગ ધરાવાશે, જ્યારે સાંજે સરયુ નદીની 5051 દીવાઓ સાથે ભવ્ય આરતી થશે. ભજન સંધ્યા અને સાંસ્કૃતિક કાર્યક્રમોનું પણ આયોજન છે. આ પ્રસંગે મોટી સંખ્યામાં સંતો અને ભક્તો ઉપસ્થિત રહેશે, મંદિર પરિસર "જય શ્રી રામ" ના નારાઓથી ગુંજી ઉઠ્યું છે.

જામનગરમાં અધિક પુરુષોત્તમ માસ નિમિત્તે સુપ્રસિદ્ધ કથાકાર જીજ્ઞેશ દાદા (રાધે-રાધે)ની શ્રીમદ્ ભાગવત કથાનું ભવ્ય આયોજન સમસ્ત કડવા પાટીદાર પરિવાર દ્વારા કરાયું છે. આ કથા 25 થી 31 મે, 2026 દરમિયાન ઉમિયા પરિવાર ચેરીટેબલ ટ્રસ્ટ પરિસર, લાલવાડી મેઈન રોડ ખાતે યોજાશે. જીજ્ઞેશ દાદા દરરોજ બપોરે 3:30 થી સાંજે 7 વાગ્યા સુધી કથાનું રસપાન કરાવશે. 28 મેએ નંદ ઉત્સવ અને 30 મેએ રૂક્ષ્મણિ વિવાહ જેવા પ્રસંગો ઉજવાશે. કથાનો પ્રારંભ પોથીયાત્રા દ્વારા કરાયો હતો.

હાલમાં ચાલી રહેલા પુરુષોત્તમ માસમાં આવતી સુદ પક્ષની 'પદ્મિની એકાદશી' ત્રણ વર્ષમાં એકવાર આવે છે, જેને 'કમલા એકાદશી' પણ કહે છે. શાસ્ત્રોમાં આ વ્રતને સૌથી મોટું અને મહત્ત્વનું ગણાવ્યું છે. બ્રહ્માંડ પુરાણ અનુસાર, આ દિવસે ભગવાન વિષ્ણુનું વ્રત અને પૂજા કરવાથી, નિયમોનું પાલન કરવાથી અને ત્યાગ કરવાથી ભગવાન પ્રસન્ન થાય છે. ભક્તિપૂર્વક વ્રત કરનારને વૈકુંઠમાં સ્થાન મળે છે. તપ અને યજ્ઞનું ફળ મળે છે. પદ્મિની એકાદશીની પૂજા વિધિમાં સવારે સ્નાન કરી, ભગવાન વિષ્ણુની પૂજા કરવી, તેમને અભિષેક કરી, નૈવેદ્ય ધરાવી, આરતી કરવી અને તુલસીજીની પૂજા કરવી. જરૂરિયાતમંદોને દાન કરવું અને ભગવાન વિષ્ણુના નામનો જાપ કરવો.

દાહોદમાં સંત નિરંકારી ફાઉન્ડેશન દ્વારા સતગુરુ માતા સુદીક્ષા મહારાજ તથા રાજપિતાના માર્ગદર્શન હેઠળ એક મહા રક્તદાન શિબિરનું આયોજન કરવામાં આવ્યું. થેલેસેમિયા પીડિત બાળકો, સગર્ભા મહિલાઓ અને ગંભીર દર્દીઓની રક્ત જરૂરિયાત પૂર્ણ કરવાના ઉદ્દેશ્ય સાથે યોજાયેલા આ સેવાયજ્ઞમાં નાગરિકોએ ઉત્સાહભેર ભાગ લીધો. થોડા જ કલાકોમાં 300થી વધુ યુનિટ રક્તનું દાન કરી ઉત્તમ ઉદાહરણ પૂરું પાડ્યું. આ શિબિરનું ઉદ્ઘાટન ઝોનલ ઇન્ચાર્જ ભૂપેન્દ્રભાઈ ગડરિયાજી દ્વારા કરાયું.

પોપ લિયોએ AI અંગે વિશ્વને ચેતવણી આપી છે. તેમણે કહ્યું કે, ટેકનોલોજી માનવજાત પર હાવી ન થવી જોઈએ. તેમણે સરકારોને AIના ડેવલપમેન્ટની ગતિ ધીમી પાડવા અને તેને લગતા કડક વૈશ્વિક નિયમો બનાવવાની અપીલ કરી છે. વેટિકનમાં જાહેર કરાયેલા તેમના દસ્તાવેજ 'મેગ્નિફિકા હ્યુમાનિટાસ'માં પોપે જણાવ્યું કે, AI માનવજાત માટે ઉપયોગી બની શકે છે પરંતુ, જો તે નિયંત્રણ વગર આગળ વધશે તો ખોટી માહિતી ફેલાશે, રોજગાર પર અસર થશે અને યુદ્ધ જેવી ગંભીર સમસ્યાઓ ઊભી થઈ શકે છે.

પવિત્ર અધિક માસ અને ઉનાળુ વેકેશનના કારણે ધર્મનગરી દ્વારકામાં યાત્રાળુઓ અને પ્રવાસીઓનો અભૂતપૂર્વ ધસારો જોવા મળી રહ્યો છે. જગત મંદિર, ગોમતી ઘાટ, બેટ દ્વારકા, નાગેશ્વર જ્યોતિર્લિંગ, શિવરાજપુર બીચ અને સુદર્શન સેતુ જેવા સ્થળોએ ભક્તો અને સહેલાણીઓની ભારે ભીડ ઉમટી પડી છે. કાળઝાળ ગરમી હોવા છતાં, "જય દ્વારકાધીશ"ના જયઘોષ સાથે લોકો દર્શન માટે લાઈનોમાં ઉભા રહ્યા હતા. આ અસાધારણ પ્રવાસી સંખ્યાને કારણે શહેરમાં ટ્રાફિક વ્યવસ્થા ખોરવાઈ ગઈ હતી, જેના પગલે અનેક માર્ગો પર વાહનોની લાંબી કતારો લાગી હતી અને લોકોને હાલાકીનો સામનો કરવો પડ્યો હતો.

પ્રેમાનંદ મહારાજે ખરાબ સ્વાસ્થ્ય વચ્ચે પોતાના ભક્તો અને શિષ્યો માટે ભાવુક સંદેશ જાહેર કર્યો છે. તેમણે કહ્યું કે, 'આપણે મળીએ કે ન મળીએ, બોલીએ કે ન બોલીએ, અમે આપ સૌને ખૂબ પ્રેમ કરીએ છીએ. બોલ્યા વગર પણ તમારા મગજમાં અમે હોઈશું. તમે નિશ્ચિંત થઈને ભજન અને નામ જપ કરતા રહો.' પ્રેમાનંદ મહારાજ લાંબા સમયથી કિડનીની ગંભીર બીમારીથી ઝઝૂમી રહ્યા છે અને તેમને અઠવાડિયામાં બે થી ત્રણ વખત ડાયાલિસિસ કરાવવું પડે છે. તેમની આ અપીલ બાદ ભક્તો ભાવુક થઈ ગયા છે.

પાદરાના શ્રી રંગફર્મમાં ચાલી રહેલી શ્રીમદ્ ભાગવત કથાના છઠ્ઠા દિવસે ભક્તિમય માહોલમાં વિવિધ ધાર્મિક કાર્યક્રમો યોજાયા. સવારે વૈદિક મંત્રોચ્ચાર અને ભગવાન શ્રીમદ્ ભાગવતના પૂજન સાથે પુરુષોત્તમ સહસ્ત્ર નામાવલીનું પઠન થયું. રાધા-કૃષ્ણનું તુલસી દલથી પૂજન કરાયું. સાંજે ભગવાન શ્રીકૃષ્ણના જન્મોત્સવની ભવ્ય ઉજવણી "નંદ ઘેર આનંદ ભયો" ના જયઘોષ સાથે કરવામાં આવી. ભક્તોએ વિવિધ પ્રસાદ અર્પણ કરી આનંદ માણ્યો.

શિનોર ખાતે તા.17 મે 2026થી ગંગા દશહરાનો પ્રારંભ થયો, જેમાં નર્મદા મૈયાને 505 મીટરની ભવ્ય ચૂંદડી અર્પણ કરવામાં આવી. છેલ્લા 80 વર્ષથી યોજાતા આ કાર્યક્રમમાં 2500થી વધુ શ્રદ્ધાળુઓએ ભાગ લીધો. 17 મેથી 26 જૂન 2025 સુધી, 10 દિવસ સુધી ચાલનારા આ ભક્તિભાવપૂર્ણ ઉત્સવમાં, ભક્તો પવિત્ર નર્મદા નદીમાં સ્નાન કરી, સંધ્યાકાળે યોજાતી મહાઆરતીનો લાભ લઈ રહ્યા છે. આ સમયગાળા દરમિયાન પૂજા, અર્ચના અને દાન પુણ્ય કરવાથી 10 પ્રકારના પાપમાંથી મુક્તિ મળે છે.

જામનગરમાં પવિત્ર પુરૂષોત્તમ માસ નિમિત્તે ચૌહાણ ફળી રજપૂત ખવાસ જ્ઞાતિ દ્વારા ભવ્ય કૃષ્ણ જન્મોત્સવ અને મટકી ફોડ ઉત્સવની ઉજવણી કરવામાં આવી. આ ધાર્મિક કાર્યક્રમ અધિક જયેષ્ઠ સુદ આઠમના દિવસે ચૌહાણ ફળી સ્થિત પુરૂષોત્તમજી મંદિરે યોજાયો હતો. સાંજે 6:30 કલાકે કૃષ્ણ જન્મોત્સવ બાદ 7:30 કલાકે મટકી ફોડનો કાર્યક્રમ સંપન્ન થયો. આરતી અને પ્રસાદ વિતરણ સાથે મોટી સંખ્યામાં ભક્તો જોડાયા હતા.

વલસાડના 151 વર્ષ પ્રાચીન ગાદીજી મંદિરમાં ઇતિહાસમાં પ્રથમ વખત 'ગાદીજી પ્રેરણા પર્વ'ની દ્વિદિવસીય ઉજવણી કરવામાં આવી. પ્રથમ દિવસે વિવિધ ધાર્મિક કાર્યક્રમો યોજાયા, જેમાં વચનામૃત અને 'વિવાહ ખેલના ભવ્ય મનોરથ'નો સમાવેશ થયો. બીજા અને અંતિમ દિવસે, આજે, ભવ્ય 'છપ્પન ભોગ' (બડો મનોરથ) ધરવામાં આવશે. આ અલૌકિક દર્શનનો લાભ લેવા વલસાડ અને આસપાસના વૈષ્ણવોમાં ભારે ઉત્સાહ છે.

અનેક દિવસોથી રખડી પડેલા શ્રી સિદ્ધિવિનાયક મંદિર કોરિડોરના ભૂમિપૂજનનો માર્ગ આખરે ખુલ્યો છે. મુખ્યમંત્રી દેવેન્દ્ર ફડણવીસની હાજરીમાં 25 મેના રોજ આ કોરિડોરનો શુભારંભ કરવામાં આવશે. આ પ્રકલ્પથી મંદિર પરિસરમાં વાહનવ્યવહાર, ભાવિકોની ગિરદી અને સુવિધા વ્યવસ્થાપન વધુ સારી રીતે થશે. દરરોજ હજારો ભાવિકો દર્શન માટે આવે છે, ખાસ કરીને મંગળવાર અને તહેવારોના દિવસે ભારે ગિરદી થાય છે. આ ધ્યાનમાં લઈને ભાવિકોને સુરક્ષિત, સ્વચ્છ અને સુલભ સુવિધા ઉપલબ્ધ કરાવવા કોરિડોર પ્રકલ્પ હાથ ધરાયો છે. આ પ્રકલ્પનો ખર્ચ લગભગ 470 થી 500 કરોડ રૂપિયા થશે.

થરાદ તાલુકાના હાથાવાડા ગામેથી માનવતા અને કોમી સૌહાર્દનું પ્રેરણાદાયી દ્રશ્ય સામે આવ્યું છે. કાણોદર ગામના પરેશભાઈ ચાવડા નામના હિન્દુ ભાઈએ હાથાવાડા ગામના એક મુસ્લિમ પરિવારની દીકરીના લગ્નમાં પરંપરાગત મામેરું ભરીને સગા ભાઈ જેવો પ્રેમ દર્શાવ્યો. આ અનોખા કાર્યથી ધર્મ અને જ્ઞાતિના ભેદભાવથી ઉપર ઉઠીને માનવ ધર્મ સર્વોપરી હોવાનો સંદેશ મળ્યો છે. લગ્ન પ્રસંગે ઉપસ્થિત સૌની આંખો ખુશીથી છલકાઈ ગઈ અને વાતાવરણ લાગણીસભર બન્યું. આ ઘટનાએ સમાજમાં શાંતિ, એકતા અને પરસ્પર પ્રેમનો દીપક પ્રગટાવ્યો છે.

તમિલનાડુના એક યુવાને પોતાના પ્રિય અભિનેતા અને રાજનેતા સી. જોસેફ વિજય (વિજય થલાપતિ) રાજ્યના મુખ્યમંત્રી બને તેવી માનતા રાખી હતી. આ માનતા પૂરી કરવા માટે, રિંકિડેશન નામના આ યુવાને સાયકલ પર ૧૨ જ્યોતિર્લિંગ અને ચારધામની ભવ્ય યાત્રા શરૂ કરી છે. તેણે પોતાના રાજ્યથી આ સફર શરૂ કરીને હાલમાં જ ગુજરાતના બગોદરા ખાતે પહોંચ્યો છે. તેની આ અનોખી ભક્તિ અને સાયકલ યાત્રા સ્થાનિક લોકોમાં ચર્ચાનો વિષય બની છે. સોમનાથ, દ્વારકા, નાગેશ્વર અને ચોટીલા જેવા ધાર્મિક સ્થળોના દર્શન કર્યા બાદ તે કેદારનાથ તરફ આગળ વધી રહ્યો છે.

પાદરામાં રંગ પરિવાર દ્વારા આયોજિત શ્રીમદ ભાગવત પારાયણ મહોત્સવમાં વક્તા નિરર્ગ જોષીએ જીવનમૂલ્યો, શિક્ષણ અને સંસ્કાર પર માર્ગદર્શન આપ્યું. તેમણે ભારપૂર્વક જણાવ્યું કે આધુનિક સમયમાં ભૌતિક શિક્ષણ પૂરતું નથી, પરંતુ સંતાનોમાં નૈતિક મૂલ્યો, સંસ્કાર અને ધાર્મિક ચેતનાનો વિકાસ પણ અત્યંત આવશ્યક છે. ભાગવતના પ્રસંગો દ્વારા સદાચાર, કર્તવ્ય અને પારિવારિક જવાબદારીનું મહત્વ સમજાવ્યું. શ્વાસથી પરમાત્મા સુધીના વિષય પર સ્વાસ્થ્ય અને આધ્યાત્મિકતાનું નિરૂપણ કરાયું, જેમાં ભક્તિ દ્વારા આત્મશાંતિ પ્રાપ્તિની પ્રક્રિયા સમજાવવામાં આવી.

ભાવનગરના મહુવા કાળભૈરવ મંદિર પાસે કેરીની વખારની આડમાં વિદેશી દારૃનું વેચાણ થતું હોવાની બાતમીના આધારે મહુવા પોલીસે તપાસ કરતા બાતમીવાળા સ્થળેથી દારૃની ૭૧ બોટલ સાથે એક શખ્સને ઝડપી લઈ કુલ ત્રણ ઈસમો સામે ગુનો નોંધ્યા છે.

જામનગરના એમ.પી. શાહ વૃદ્ધાશ્રમમાં દિવંગત વડીલોની શાંતિ માટે પુરુષોત્તમ માસ નિમિત્તે ભાગવત કથાનું આયોજન. તા. 17/5/26 થી 23/5/26 દરમિયાન શાસ્ત્રી કે.આર. ભટ્ટ (ફિશન મહારાજ) કથા કહેશે. કપિલ, રામ, કૃષ્ણ જન્મ, રુક્ષ્મણી વિવાહ સહિત ધાર્મિક પ્રસંગોની ઉજવણી. 1968 થી કાર્યરત વૃદ્ધાશ્રમમાં 114 વડીલો નિઃશુલ્ક રહે છે. 'સ્પર્શ બાયોટેક' દ્વારા 'સિનિયર કેર સેન્ટર' પણ ઉપલબ્ધ. ધર્મપ્રેમી જનતાને લાભ લેવા અનુરોધ.

કલકત્તા હાઈકોર્ટે બકરીદ પૂર્વે પશ્ચિમ બંગાળ સરકારની પશુવધ ગાઈડલાઈન પર રોક લગાવવાનો ઇનકાર કર્યો. ફિટનેસ સર્ટિફિકેટ વિના ગાય, ભેંસ, બળદ કે વાછરડાનો વધ પ્રતિબંધિત. ખુલ્લા સાર્વજનિક સ્થળોએ વધ સંપૂર્ણપણે પ્રતિબંધિત. ઈદ-ઉલ-જુહામાં ગાયની કુરબાની ઇસ્લામનો અનિવાર્ય ભાગ નથી.

પશ્ચિમ બંગાળની સરકારે ૧૩મી મેના રોજ બકરી ઈદને લઈને નવું નોટિફિકેશન જારી કર્યું હતું. એ મુજબ બકરી ઈદે જાહેરમાં કુરબાની આપી શકાશે નહીં. તે ઉપરાંત ગાયના વધ પર પ્રતિબંધ મૂક્યો હતો. તેની સામે કલકત્તા હાઈકોર્ટમાં અરજી થઈ હતી. આ નિયમ પર સ્ટે મૂકવાની માગણી થઈ હતી, પરંતુ કોર્ટે સ્પષ્ટ કર્યું હતું કે જાહેરમાં પશુવધ થઈ શકે નહીં ને ગાયની કુરબાની ઈસ્લામમાં ફરજિયાત નથી.

મોરબીમાં 'સંસ્કારી સ્ત્રી-સુસંસ્કૃત સમાજ' સમારોહ યોજાયો. શિક્ષિત નારીઓ મોર્ડન થવાની ઘેલછામાં સંસ્કાર ભૂલી રહી છે, જે સામાજિક વ્યવસ્થાને કુંઠિત કરી રહ્યું છે. આ કાર્યક્રમમાં યુવતીઓને જાતીય સુરક્ષા, સ્વરક્ષણ અને સંસ્કારોનું આત્મજ્ઞાન અપાયું. મોટિવેશનલ સ્પીકર્સ અને આધ્યાત્મિક માર્ગદર્શન દ્વારા યુવતીઓને સમજણ, સંયમ કેળવી સોશ્યલ મીડિયાના માયાજાળથી બચી, કેરિયર પર ધ્યાન કેન્દ્રિત કરવા પ્રોત્સાહન અપાયું.

માંડવીના દરિયાકાંઠે ધ્રબુડી તીર્થધામ અને રાવળપીર દાદા થાનકે સિનિયર સિટીઝન ક્લબ ભુજ બ્રહ્મ સમાજ દ્વારા પવિત્ર સ્નાન અને સમૂહ પ્રસાદનું આયોજન કરવામાં આવ્યું હતું. કાર્યક્રમમાં 201 વડીલોએ ભાગ લીધો હતો. તીર્થધામના વિકાસ અને વહીવટ અંગે માહિતી આપવામાં આવી તેમજ અગ્રણીઓ અને નવનિયુક્ત તાલુકા પંચાયત સભ્ય કીર્તિ ગોરનું સન્માન કરાયું હતું. યાત્રા દરમિયાન વડીલોમાં ઉત્સાહ અને આનંદ જોવા મળ્યો હતો. સમગ્ર આયોજનમાં અનેક સેવાભાવી કાર્યકરોએ મહત્વપૂર્ણ જવાબદારીઓ સંભાળી હતી.

અમરનાથ યાત્રા માટે 3.6 લાખથી વધુ નોંધણી થઈ છે. યાત્રા 3 જુલાઈથી શરૂ થશે અને 28 ઓગસ્ટ સુધી ચાલશે. રસ્તાઓ પર હજુ પણ 10-12 ફૂટ બરફ છે, પરંતુ BRO તેને 15 જૂન સુધી તૈયાર કરશે. આ વખતે ટેન્ટને બદલે પ્રી-ફેબ્રિકેટેડ સ્ટ્રક્ચરમાં આવાસની સુવિધા મળશે.