ઓમાનના દરિયાકાંઠે ગુજરાતના કાર્ગો જહાજ 'MSV હાજી અલી' પર ડ્રોન/મિસાઇલ હુમલો થયો, જે બાદમાં ડૂબી ગયું. આ ઘટનાને ભારત સરકારે 'અસ્વીકાર્ય' ગણાવી છે. સદનસીબે, તમામ 14 ભારતીય ક્રૂ મેમ્બર્સ સુરક્ષિત છે, ઓમાન કોસ્ટ ગાર્ડના તાત્કાલિક બચાવ કાર્ય બદલ ભારત તેમનો આભાર માન્યો છે. મધ્ય પૂર્વમાં વધી રહેલા તણાવ વચ્ચે આ હુમલો આંતરરાષ્ટ્રીય દરિયાઈ માર્ગોની સુરક્ષા પર પ્રશ્નો ઊભા કરે છે.

વડાપ્રધાન નરેન્દ્ર મોદીની ૧૫ મેના રોજ ખાડી રાષ્ટ્રની મુલાકાત દરમિયાન ભારત અને UAE, LPG અને વ્યૂહાત્મક પેટ્રોલિયમ અનામતના ક્ષેત્રોમાં સહયોગ વધારવા માટે બે મહત્વપૂર્ણ કરારો કરે તેવી અપેક્ષા છે, એમ સત્તાવાર સૂત્રોએ બુધવારે જણાવ્યું હતું. તેમણે જણાવ્યું હતું કે મોદીના UAE પ્રવાસનો મુખ્ય ઉદ્દેશ્ય ભારતની ઉર્જા સુરક્ષાને વધારવાનો રહેશે. યુરોપના પાંચ દિવસના ચાર દેશોના પ્રવાસ પર નીકળતા પહેલા વડાપ્રધાન લગભગ ચાર કલાક માટે ગલ્ફ રાષ્ટ્રમાં રહેશે. UAEએ વિશ્વના ટોચના તેલ નિકાસકારોના મુખ્ય જૂથ, ઓર્ગેનાઇઝેશન ઓફ ધ પેટ્રોલિયમ એક્સપોર્ટિંગ કન્ટ્રીઝ(OPEC) છોડવાની જાહેરાત કર્યાના થોડા દિવસો પછી આ મુલાકાત આવી છે.

ભારત સરકાર મધ્ય પૂર્વમાંથી ગેસ પુરવઠો જાળવવા બે મોટા પ્રોજેક્ટ પર કામ કરી રહી છે. ભારત હવે ઓમાનથી સીધી દરિયાઈ પાઈપલાઈન બિછાવવાની તૈયારી કરી રહ્યું છે, જેને મિડલ ઈસ્ટ-ઈન્ડિયા ડીપ-વોટર પાઈપલાઈન નામ આપવામાં આવ્યું છે. અંદાજે 40,000 કરોડ રૂપિયાના ખર્ચે તૈયાર થનારો આ પ્રોજેક્ટ અરબ સાગરના તળિયે 2,000 કિલોમીટર લાંબો હશે. આ પાઈપલાઈન સમુદ્રમાં 3450 મીટરની ઊંડાઈએ સ્થાપિત કરવામાં આવશે. આ વિશ્વની સૌથી ઊંડી દરિયાઈ પાઈપલાઈન પૈકીની એક હશે. આ માધ્યમથી દરરોજ 31 મિલિયન સ્ટાન્ડર્ડ ક્યુબિક મીટર કુદરતી ગેસની સપ્લાય થઈ શકશે.

આજે શુક્ર વૃષભમાંથી મિથુન રાશિમાં પ્રવેશ કરશે અને 8 જૂન સુધી રહેશે. જ્યોતિષમાં શુક્ર પ્રેમ, સૌંદર્ય, સંબંધો, ધન અને સામાજિક જીવનને પ્રભાવિત કરે છે. મિથુનમાં શુક્ર સંવાદ અને માનસિક જોડાણ પર વધુ ધ્યાન કેન્દ્રિત કરાવે છે. આ સમય કલા, મીડિયા, માર્કેટિંગ અને સોશિયલ નેટવર્કિંગ ક્ષેત્રના લોકો માટે તકોથી ભરપૂર બની શકે છે. તમામ 12 રાશિઓ પર તેની અસર અલગ અલગ ભાવમાં જોવા મળશે, જે સંબંધો, આર્થિક સ્થિતિ, કરિયર અને વ્યક્તિગત વિકાસને પ્રભાવિત કરશે.

ફ્લોરિડાના દરિયાકિનારે એક બીકક્રાફ્ટ 300 કિંગ એર ટર્બોપ્રોપ વિમાન ક્રેશ થયું. એન્જિન ફેઇલ થતાં પાયલોટે Water Landing (Ditching) કરાવ્યું. 11 મુસાફરોએ 5 કલાક સુધી 3 થી 5 ફૂટ ઊંચા મોજાં અને તોફાની હવામાન વચ્ચે સંઘર્ષ કર્યો. યુએસ કોસ્ટ ગાર્ડ અને એરફોર્સની ટીમે ચમત્કારિક રીતે તમામને બચાવી લીધા. હાલ તમામ મુસાફરોની હાલત સ્થિર છે.

વિશ્વના રાજકારણ અને અર્થતંત્રને બદલી શકે તેવી બેઇજિંગમાં ટ્રમ્પ અને શી જિનપિંગ વચ્ચેની હાઈ-વોલ્ટેજ મીટિંગ પર દુનિયાની નજર છે. બંને નેતાઓએ મૈત્રી અને મક્કમતા સાથે વાર્તાલાપ કર્યો, પરસ્પર સફળતા અને મજબૂત સંબંધોની આશા વ્યક્ત કરી. વેપાર, ભૂ-રાજકીય તણાવ અને તકનીકી સ્પર્ધા જેવા વિવાદાસ્પદ મુદ્દાઓ ચર્ચામાં રહેશે.

વૈશ્વિક નાણાકીય બજારમાં ચીનની સોનાની ખરીદી ચર્ચામાં છે. 'પીપલ્સ બેંક ઓફ ચાઇના' (PBOC) એ સતત 18 મહિના સુધી સોનાનો ભંડાર વધારી, આશ્ચર્યચકિત કર્યું છે. એપ્રિલ 2026 ના આંકડા મુજબ, ચીન વૈશ્વિક બજારને પ્રભાવિત કરનાર શક્તિ બન્યું છે. એપ્રિલ 2026 માં 8 ટન સોનાની ખરીદી સાથે, ચીનનો ભંડાર 72.8 મિલિયન ટ્રોય ઔંસ સુધી પહોંચ્યો, જેનું મૂલ્ય $342.6 બિલિયન છે. આ આક્રમક વલણ, ડોલર સામે રક્ષણાત્મક કવચ અને 'યુઆન' ને વૈશ્વિક સ્તરે મજબૂત બનાવવાની વ્યૂહરચના દર્શાવે છે.

બાંગ્લાદેશે પદ્મા (ગંગા) નદી પર વિશાળ ડેમ પ્રોજેક્ટને મંજૂરી આપી. આ પ્રોજેક્ટનો હેતુ ભારતના ફરક્કા બેરેજની અસરો ઘટાડવાનો છે. PM તારિક રહેમાનની અધ્યક્ષતા હેઠળ ECNEC એ પ્રથમ તબક્કાને મંજૂરી આપી. આ પ્રોજેક્ટ સંપૂર્ણપણે બાંગ્લાદેશ સરકારના ભંડોળથી નિર્મિત થશે, જે 34,497.25 કરોડ ટકાનો છે.

કેન્દ્ર સરકાર દ્વારા દેશમાં ખાંડના ભાવ પર નિયંત્રણ મેળવવા અને સ્થાનિક પુરવઠો જાળવી રાખવા માટે ખાંડના નિકાસ પર પ્રતિબંધ મૂકવાનો મોટો નિર્ણય લેવામાં આવ્યો છે. ભારત સરકાર દ્વારા બુધવારે ખાંડના નિકાસ અંગે એક મહત્ત્વની જાહેરાત કરવામાં આવી છે. દેશમાં ખાંડના વધતા ભાવને અંકુશમાં લેવા અને સ્થાનિક બજારમાં પર્યાપ્ત માત્રામાં ખાંડ ઉપલબ્ધ રહે તે હેતુથી સરકારે ખાંડની નિકાસ પર તાત્કાલિક અસરથી પ્રતિબંધ મૂકી દીધો છે.

અમેરિકામાં OPT વિઝા કાર્યક્રમ હેઠળ 10,000 વિદેશી વિદ્યાર્થીઓ, જેમાં ભારતીયોનો પણ સમાવેશ થાય છે, શેલ કંપનીઓ દ્વારા મોટાપાયે છેતરપિંડીના આરોપસર તપાસ હેઠળ છે. અનેક વિદ્યાર્થીઓ એવી કંપનીઓ સાથે જોડાયેલા મળ્યા છે જ્યાં કોઈ કામગીરી ચાલતી નથી. કેટલીક કંપનીઓનું મેનેજમેન્ટ ભારતમાંથી થતું હોવાનું પણ સામે આવ્યું છે.

વાડી ખાતે વૈશાખ અમાસ નિમિત્તે શનિ જન્મોત્સવની ભક્તિભાવપૂર્વક ઉજવણી થશે. શનિવાર અને અમાસનો દુર્લભ સંયોગ, ભરણી નક્ષત્ર અને સૌભાગ્ય યોગનું મહત્વ. જ્યોતિષાચાર્યના જણાવ્યા મુજબ, આ દિવસે અશિસ્ત અને અનૈતિક પ્રવૃત્તિ કરનારાઓ માટે ચેતવણીરૂપ છે. કાર્યક્રમમાં મંગળા આરતી, સુંદરકાંડ, જન્મ અભિષેક, અન્નકૂટ આરતી અને ભજન સંધ્યાનો સમાવેશ થાય છે. બજારમાં કાળા રંગની વસ્તુઓ અને દૂધ-દહીંના ભાવમાં વધારો થવાની શક્યતા છે. શનિ પીડા નિવારણ માટે દાન અને મંત્ર જાપ લાભદાયી છે.

ચીન AI અને ઓટોમેશનના કારણે લાખો નોકરીઓ ગુમાવવાનો ખતરો અનુભવી રહ્યું છે. કિંગદાઓ જેવા શહેરોમાં રોબોટેક્સી અને ડ્રોન ડિલિવરીનો દબદબો વધ્યો છે, જેનાથી 2.2 કરોડ ડ્રાઇવરોની રોજગારી છીનવાઈ રહી છે. ચીનની સરકારે બેરોજગારી રોકવા માટે AIના ઉપયોગ પર નિયંત્રણો મૂક્યા છે અને ડ્રાઇવરોને નવી ભૂમિકાઓ માટે તાલીમ આપી રહી છે.

અમેરિકન પ્રમુખ ડોનાલ્ડ ટ્રમ્પે મંગળવારે પોતાના સોશિયલ મીડિયા પ્લેટફોર્મ ટ્રુથ સોશ્યલ પર વેનેઝુએલાનો એક નકશો પોસ્ટ કર્યો. તેમા ગ્રાફિકની મદદથી વેનેઝુએલાની અંદર અમેરિકન ઝંડો બનાવાયો હતો. તેના પર ૫૧મું રાજ્ય લખ્યું હતું. આ પોસ્ટ એવા સમયે કરવામાં આવી છે જ્યારે ટ્રમ્પ ચીનની મુલાકાતે જઈ રહ્યા હતા.ટ્રમ્પે આ પોસ્ટ વેનેઝુએલાના વચગાળાના પ્રમુખ ડેલ્સી રોડ્રિગ્ઝના નિવેદન પછી કરી છે.

અમેરિકાના 'ગોલ્ડન ડોમ ફોર અમેરિકા' મિસાઈલ સુરક્ષા પ્રોજેક્ટનો ખર્ચ ૧.૨ ટ્રિલિયન ડોલર સુધી પહોંચવાનો અંદાજ છે, જે ટ્રમ્પના ૧૭૫ અબજ ડોલરના અગાઉના અંદાજ કરતાં ઘણો વધારે છે. આઇરન ડોમથી પ્રેરિત આ પ્રોજેક્ટ આધુનિક મિસાઈલો સામે રક્ષણ આપશે. CBO નો અંદાજ એક સંભવિત મોડલ પર આધારિત છે.

અમેરિકા સાથેના યુદ્ધ અને દાયકાઓથી ચાલતા આર્થિક પ્રતિબંધોના કારણે ઈરાનની પ્રજા મુશ્કેલીમાં છે. ઈરાની રિયાલનું મૂલ્ય ડોલર સામે ઘટ્યું છે. ઉદ્યોગોમાં છટણી વધતાં રોજગારીની તકો ઘટી છે. એપ્રિલમાં ફુગાવો 53% અને ખાદ્યાન્ન ફુગાવો 115% પર પહોંચ્યો છે, જેના કારણે બે ટંક ભોજન મેળવવું પણ મુશ્કેલ બન્યું છે.

થલતેજના ગુરુદ્વારાના પાંચ ઘુમ્મટને અમૃતસરના સુવર્ણ મંદિર જેવી ઝલક આપવા 'ડોમ ટૅક્નિક' દ્વારા ફાઇબર ગોલ્ડન ફિનિશિંગ કરાશે. અમૃતસરથી 10 કારીગર 5 મહિના કામ કરશે. ખાસ લિક્વિડ કોટિંગથી વર્ષો સુધી રંગ અને ચમક જળવાઈ રહેશે. સોના જેવી ચમક માટે ખાસ કલર વપરાશે.

13 થી 17 મે સુધી એકાદશી, પ્રદોષવ્રત, વૃષભ સંક્રાંતિ, શનૈશ્ચરી અમાસ અને શનિ જયંતિ છે. 17 મે થી 15 જૂન સુધી અધિકમાસ (પુરુષોત્તમ માસ) શરૂ થશે, જેમાં ભગવાન વિષ્ણુની પૂજા-અર્ચના કરાય છે. આ દિવસો વ્રત-પૂજા, સ્નાન-દાન અને ધાર્મિક કાર્યો માટે અત્યંત શુભ છે, પરંતુ અધિકમાસમાં લગ્ન-ગ્રહ પ્રવેશ જેવા માંગલિક કાર્યો માટે મુહૂર્ત હોતા નથી.

કેલિફોર્નિયાના મેયર ઈલીન વાંગે ચીન માટે ગેરકાયદેસર એજન્ટ તરીકે કામ કરવાનો દોષી કબૂલતા, અમેરિકામાં ચીનના જાસૂસી નેટવર્કનો પર્દાફાશ થયો છે. આ ઘટના President ટ્રમ્પની બેઇજિંગની મુલાકાત દરમિયાન બની છે, જ્યાં વેપાર, ઈરાન, ટેકનોલોજી અને તાઈવાન જેવા મુદ્દાઓ પર ચર્ચા થવાની છે.

કુશનિગર જિલ્લાની એક મદરેસામાં 'મેડ ઇન પાકિસ્તાન' લખેલો પંખો મળતાં ચકચાર મચી છે. આ ફોટો વાયરલ થતાં પોલીસે તપાસ હાથ ધરી છે. આ પંખો ભારતમાં કેવી રીતે પહોંચ્યો અને મદરેસામાં કેવી રીતે આવ્યો તેની સુરક્ષા એજન્સીઓ દ્વારા તપાસ ચાલી રહી છે. આ ઘટના વિષ્ણુપુર પોલીસ સ્ટેશન વિસ્તારમાં બની હતી.

ઈરાન-US પરમાણુ કાર્યક્રમ વિવાદ નિર્ણાયક વળાંક પર. ઈરાન 5 શરતો પૂરી થાય ત્યાં સુધી ડીલ પર ચર્ચા નહીં કરે. શરતોમાં તાત્કાલિક યુદ્ધનો અંત, તમામ આર્થિક પ્રતિબંધો હટાવવા, અબજોની સંપત્તિ મુક્ત કરવી, નુકસાનની ભરપાઈ અને વ્યૂહરચના પર ભાર મૂકવામાં આવ્યો છે.

મુંબઈ કરન્સી બજારમાં આજે રૂપિયા સામે ડોલરના ભાવ વધુ ઉછળી નવી ટોચે પહોંચતા રૂપિયો વધુ ગબડી નવા નીચા તળિયે પટકાયો હતો. ઈરાન-અમેરિકા વચ્ચે ફરી મડગાંઠ સર્જાતાં તથા શેરબજારમાં ઝડપી કડાકો બોલાઈ જતાં તેમ જ વિશ્વ બજારમાં ક્રૂડતેલના ભાવ ઉછળી બેરલના ૧૦૮ ડોલર નજીક પહોંચી જતાં ઘરઆંગણે કરન્સી બજારમાં રૂપિયા પર દબાણ વધ્યું હોવાનું બજારના જાણકારો જણાવી રહ્યા હતા. ડોલરના ભાવ રૂ.૯૫.૩૨ વાળા આજે સવારે રૂ.૯૫.૫૦ ખુલ્યા પછી ઉંચામાં ભાવ રૂ.૯૫.૭૫ તથા નીચામાં ભાવ રૂ.૯૫.૪૩ થઈ રૂ.૯૫.૫૭ રહ્યા હતા.

વિદેશી સંસ્થાકીય રોકાણકારો (FPI)ની ભારતીય ઈક્વિટીસમાં સતત વેચવાલીને પરિણામે વૈશ્વિક માર્કેટ કેપમાં ભારતનો હિસ્સો ઘટી રહ્યો છે જ્યારે વૈશ્વિક માર્કેટ કેપમાં એકંદરે વધારો થયો છે. એશિયા વિસ્તારમાં ભારતના હરિફ દેશોના હિસ્સામાં વધારો થઈ રહ્યો છે. વર્તમાન વર્ષના પ્રારંભથી વૈશ્વિક માર્કેટ કેપ વધી છે, પરંતુ ભારતની ઘટી છે.  ક્રુડ તેલના ઊંચા ભાવ, રૂપિયા પર દબાણ તથા પશ્ચિમ એશિયા યુદ્ધ ખતમ થવાના કોઈ સંકેત મળતા નહીં હોવાથી FPIનું ભારતીય બજારમાં માનસ ખરડાયું છે અને તેઓ સતત વેચવાલી કરી રહ્યા છે. 

મ્યાંમારમાં સાઈબર ગુનેગારો બેફામ બન્યા છે. અમેરિકા-ચીન જેવા દેશોના દબાણ છતાં ક્રાઈમ ચાલે છે. યાંગ લેઈ નામના પૂર્વ સૈનિકે લશ્કરી તાલીમના કારણે 19 ફૂટ દીવાલ કૂદી બચાવ્યું. એક મહિના બંધ રહ્યા બાદ શરીરમાં છાણ લગાવી ભાગીને ચીન આવ્યો.

DMK નેતા ઉદયનિધિ સ્ટાલિને ફરી સનાતન ધર્મ અંગે વિવાદિત ટિપ્પણી કરી. તેમણે કહ્યું કે સનાતન ધર્મ લોકોને વિભાજીત કરે છે અને તેને નાબૂદ કરવો જરૂરી છે. આ પહેલા પણ તેમણે ડેંગ્યુ, મેલેરિયા જેવી બીમારી સાથે સરખાણી કરી હતી. ભાજપે આ નિવેદનની ટીકા કરી.

ઈરાન પાસે 60% સંવર્ધિત યુરેનિયમ હોવાની સંભાવના છે. ટ્રમ્પના નકાર છતાં, ઈરાન દાવો કરે છે કે તેમનો પ્રસ્તાવ સ્વીકારવો પડશે. કુવૈતે ઈરાન પર ટાપુ પર કબજાના પ્રયાસનો આરોપ મૂક્યો છે. પાકિસ્તાન દ્વારા ઈરાનના લશ્કરી વિમાન છુપાવવાના અહેવાલથી અમેરિકા નારાજ છે.

મસ્કતમાં રહેતા ગુજરાતીઓએ CM પાસે અમદાવાદ-મસ્કત સીધી ફ્લાઈટ ફરી શરૂ કરવા રજૂઆત કરી. કોરોના બાદ બંધ થયેલી આ ફ્લાઈટના અભાવે મુસાફરોને દુબઈ, અબુધાબી, મુંબઈ, ચેન્નાઈ, હૈદરાબાદ મારફતે મુસાફરી કરવી પડે છે, જેમાં સમય અને ખર્ચ બંને વધે છે. ખાસ કરીને દર્દીઓ, વૃદ્ધો અને બાળકો સાથે મુસાફરી કરતા પરિવારોને મોટી તકલીફ પડે છે. ભુજ-અમદાવાદ ફ્લાઈટ અને એરપોર્ટના પ્રશ્નો પણ ચર્ચાયા. સરકારે સહાનુભૂતિ દર્શાવી અને જરૂરી પ્રયાસ કરવાની ખાતરી આપી. આ ફ્લાઈટ શરૂ થવાથી હજારો ગુજરાતી પરિવારો અને વેપારીઓને રાહત મળશે.

અધિક માસ દરમિયાન ભાવિકોની સંભવિત ભીડ અને ટ્રાફિક વ્યવસ્થાને ધ્યાનમાં રાખી, દ્વારકાના મંદિર ચોક સહિતના મુખ્ય માર્ગો પરથી પથારા, સ્ટોલ અને જાહેર માર્ગો પર મૂકાયેલ સામાન સહિતના દબાણો હટાવવાની વિશેષ ઝુંબેશ હાથ ધરવામાં આવી. વહીવટી તંત્ર દ્વારા વેપારીઓને સહકાર આપવા અપીલ કરાઈ છે.

પટણી મોઢ ઘાંચી જ્ઞાતિ સમાજે તેમના કુળદેવી બહુચર માતાજીના 17મા પાટોત્સવ નિમિત્તે ધાર્મિક મહોત્સવનું આયોજન કર્યું. શોભાયાત્રામાં ચાંદીની પાલખીમાં માતાજીની સુવર્ણ જડિત પ્રતિમા બિરાજમાન હતી. આતશબાજી સાથે યોજાયેલ શોભાયાત્રામાં મોટી સંખ્યામાં શ્રદ્ધાળુઓ જોડાયા હતા. વિવિધ ધાર્મિક કાર્યક્રમો અને 5 હજારથી વધુ ભાવિકો માટે મહાપ્રસાદનું પણ આયોજન કરાયું હતું.

ઝિમ્બાબ્વેના ડોમેસ્ટિક ક્રિકેટમાં સ્કોર્પિયન ક્રિકેટ ક્લબે 50 ઓવરમાં 822 રન ફટકારી ઇતિહાસ રચ્યો હતો. વિલ્ફ્રેડ માટેન્ડેએ 75 બોલમાં 203 રન અને તાકુંડા માડેમ્બોએ 143 બોલમાં 302 રનની ધમાકેદાર ઇનિંગ રમી હતી. ટીમે 108 એક્સ્ટ્રા રન પણ મેળવ્યા હતા. જવાબમાં મેથેન લાયન્સની ટીમ માત્ર 28 રનમાં સમેટાઈ ગઈ અને સ્કોર્પિયને 794 રનની વિશાળ જીત મેળવી. આ મેચ સત્તાવાર લિસ્ટ-એ ન હોવા છતાં ક્રિકેટ જગતમાં ભારે ચર્ચાનો વિષય બની છે.

સુરતથી દુબઈ ફ્લાઇટ 17 મે થી શરૂ થવાની હતી, પરંતુ અસ્થાયી કેપ અને યુદ્ધ જેવી સ્થિતિના કારણે સ્થગિત. આ કારણે હજારો પ્રવાસીઓ મુશ્કેલીમાં. બીજી તરફ, ઉનાળુ વેકેશન અને ફ્લાઇટની અછતને કારણે સુરત-દિલ્હી હવાઈ ભાડું રૂ. 6,000 થી વધીને રૂ. 12,000 થયું.