વડાપ્રધાન નરેન્દ્ર મોદી આજે વડોદરાની મુલાકાતે આવી રહ્યા છે, જ્યાં તેઓ રૂ. 35 હજાર કરોડથી વધુના વિકાસકાર્યોનું ઉદ્ઘાટન અને શિલાન્યાસ કરશે. આમાં વેસ્ટર્ન ડેડિકેટેડ ફ્રેટ કોરિડોરના મુખ્ય વિભાગો, ત્રણ રેલવે અને ત્રણ હાઇવે પ્રોજેક્ટનો સમાવેશ થાય છે. શહેરને સુંદર રીતે શણગારવામાં આવ્યું છે અને કાર્યક્રમ સ્થળે લોકોનો ઉત્સાહ જોવા મળી રહ્યો છે. વડાપ્રધાનના આગમનને પગલે સઘન પોલીસ બંદોબસ્ત ગોઠવવામાં આવ્યો છે, અને સુરક્ષા વ્યવસ્થા કડક બનાવવામાં આવી છે. વિરોધની શક્યતાને ધ્યાનમાં રાખીને કેટલાક વિપક્ષી આગેવાનો પર નજર રાખવામાં આવી રહી છે.