કડી પંથકમાં સારા વરસાદ બાદ ખેડૂતો ખુશ છે, પરંતુ શાકભાજીના ભાવમાં અચાનક થયેલા તોતિંગ વધારાએ મધ્યમવર્ગીય પરિવારોની ચિંતા વધારી દીધી છે. ખાસ કરીને કોથમીરના ભાવ પ્રતિ કિલો રૂ.220 થી 240 સુધી પહોંચ્યા છે. કડી શાક માર્કેટમાં ગવાર, ભીંડા, દૂધી, કાકડી, કારેલા, ટામેટાં, રીંગણ, લીંબુ જેવા શાકભાજીની આવક ગ્રામ્ય વિસ્તારો અને અમદાવાદના કાલુપુર માર્કેટમાંથી થાય છે. હાલ ગવાર અને ભીંડા રૂ.80-100, દૂધી રૂ.60, કારેલા રૂ.50, કાકડી રૂ.100, મેથી રૂ.120, ટામેટાં અને રીંગણ રૂ.40, અને કોથમીર રૂ.240 પ્રતિ કિલોના ભાવે વેચાઈ રહ્યા છે, જેના કારણે ગૃહિણીઓના રસોડાનું માસિક બજેટ ખોરવાઈ ગયું છે.