કીર્તિ મંદિર આંતરરાષ્ટ્રીય સંગ્રહાલય દિવસ નિમિત્તે ફરી ચર્ચામાં આવ્યું છે. મહાત્મા ગાંધીજીના જન્મસ્થળને સમાવી લેતું આ સ્મારક પોરબંદરમાં આવેલું મહત્વપૂર્ણ ઐતિહાસિક અને સાંસ્કૃતિક કેન્દ્ર છે. શેઠ નાનજી કાલિદાસ મહેતાના પ્રયાસોથી બનેલું આ સ્મારક વર્ષ 1950માં સરદાર વલ્લભભાઈ પટેલના હસ્તે લોકાર્પિત થયું હતું. 79 ફૂટ ઊંચું કીર્તિ મંદિર ગાંધીજીના આયુષ્યનું પ્રતીક માનવામાં આવે છે. અહીં ગાંધીજીના જીવનપ્રસંગો, દક્ષિણ આફ્રિકાના સત્યાગ્રહો અને સ્વાતંત્ર્ય આંદોલનની દુર્લભ તસવીરો પ્રદર્શિત છે. સાથે જ બંધ પડેલા ગાંધી સ્મૃતિ ભવન સંગ્રહાલયને ફરી શરૂ કરવાની માંગ ઉઠી છે.