ભુજ શહેરમાં ધ્વનિ પ્રદૂષણની સમસ્યા વકરી રહી છે, ખાસ કરીને હોસ્પિટલ અને રહેણાંક વિસ્તારોમાં વધુ પડતો અવાજ નોંધાયો છે. દિવ્ય ભાસ્કરના રિયાલિટી ચેકમાં જી.કે. જનરલ હોસ્પિટલના 100 મીટરના સાયલન્સ ઝોનમાં 79.5 ડેસિબલ, જ્યારે ભાનુશાલી નગર જેવા રહેણાંક વિસ્તારોમાં 78.8 ડેસિબલ ધ્વનિ પ્રદૂષણ જોવા મળ્યું. કોર્મશિયલ વિસ્તારોમાં પણ 75.5 ડેસિબલ અવાજ નોંધાયો છે. આ અવાજ લોકોના માનસિક સ્વાસ્થ્ય પર અસર કરી રહ્યો છે. વાહનોના બિનજરૂરી હોર્ન અને મોડિફાઇડ સાઉન્ડ સિસ્ટમ આ પ્રદૂષણમાં વધારો કરી રહ્યા છે. કાયદા મુજબ નિર્ધારિત ડેસિબલ મર્યાદાનું પાલન કરાવવા કડક કાર્યવાહીની જરૂર છે.