પંજાબના રાજકારણમાં પક્ષપલટા બાદ હવે સુરક્ષાને લઈને નવો વિવાદ છેડાયો છે. પૂર્વ ક્રિકેટર અને રાજ્યસભા સાંસદ હરભજન સિંહના ઘરની બહાર થયેલા વિરોધ પ્રદર્શન અને પંજાબ સરકાર દ્વારા સુરક્ષા હટાવ્યાના ગણતરીના કલાકોમાં જ કેન્દ્રીય ગૃહ મંત્રાલયે મોટું પગલું ભર્યું છે. કેન્દ્ર સરકારે હરભજન સિંહ સહિત ભાજપમાં જોડાયેલા તમામ 7 સાંસદોને CRPFની સુરક્ષા પૂરી પાડી છે. ગૃહ મંત્રાલયના સૂત્રોના જણાવ્યા અનુસાર, હરભજન સિંહ ઉપરાંત સંદીપ પાઠક, અશોક મિત્તલ, સ્વાતિ માલીવાલ, રાજેન્દ્ર ગુપ્તા અને વિક્રમજીત સાહનીને હવે કેન્દ્રીય સુરક્ષા દળોનું રક્ષણ મળશે.

આમ આદમી પાર્ટી (AAP)માં મોટા ભંગાણ વચ્ચે પંજાબની ભગવંત માન સરકારે પૂર્વ ક્રિકેટર અને રાજ્યસભા સાંસદ હરભજન સિંહની સિક્યોરિટી પાછી ખેંચી લીધી છે. આ પગલું એવા સમયે લેવામાં આવ્યું છે જ્યારે એવી ચર્ચાઓ જોર પકડ્યું છે કે 'ટર્બનેટર' ટૂંક સમયમાં જ AAPને અલવિદા કહીને કેસરીયો ધારણ કરી શકે છે. હરભજન સિંહના અંગત સચિવ (PA) મનદીપ સિંહે જણાવ્યું કે, પંજાબ સરકારે અચાનક કાર્યવાહી કરતા તેમની સંપૂર્ણ પોલીસ સિક્યોરિટી પાછી ખેંચી લીધી છે. પ્રાપ્ત માહિતી પ્રમાણે હરભજન સિંહના નિવાસસ્થાનની બહાર તહેનાત અંદાજે 9 થી 10 જવાનોનો પહેરો હટાવી દેવામાં આવ્યા છે.

પશ્ચિમ બંગાળ વિધાનસભા ચૂંટણીના માહોલ વચ્ચે ભવાનીપુરમાં શનિવારે ભારે તણાવ જોવા મળ્યો હતો. તૃણમૂલ કોંગ્રેસ (TMC) ના સુપ્રીમો મમતા બેનર્જી અને ભાજપના નેતા શુભેન્દુ અધિકારીની રેલીઓ માત્ર 100 મીટરના અંતરે યોજાતા બંને પક્ષના કાર્યકરો સામસામે આવી ગયા હતા. પરિસ્થિતિ એટલી હદ સુધી વણસી હતી કે સુરક્ષા દળોએ હસ્તક્ષેપ કરવો પડ્યો હતો. CM મમતા બેનર્જી જ્યારે જનસભાને સંબોધિત કરી રહ્યા હતા, ત્યારે તેમણે ભાજપ પર તેમની સભામાં ખલેલ પહોંચાડવાનો આરોપ લગાવ્યો હતો.

આગામી વિધાનસભા ચૂંટણી અગાઉ સેમિફાઈનલ સમાન સ્થાનિક સ્વરાજ્યની ચૂંટણી માટે આજે મતદાન શરૂ થઇ ગયું છે. 15 મહાનગરપાલિકા, 84 નગરપાલિકા, 34 જિલ્લા પંચાયત તથા 260 તાલુકા પંચાયતની ચૂંટણીનું આજે આયોજન થઇ રહ્યું છે. અમદાવાદની જેમ કચ્છ જિલ્લામાં પણ ચૂંટણી તંત્રની બેદરકારી સામે આવી છે. અહીં ભુજ શહેરના મતદારોએ બુથ શોધવા ફાંફા મારવા પડી ગયા હતા. સ્પષ્ટ માહિતીના અભાવે આવી હાલત થઈ હતી. યાદીમાં નામ હોવા છતાં મતદાન મથકની યોગ્ય વિગતો ન હોવાથી મતદારોમાં રોષ દેખાયો.

એમેચ્યોર રેડીયો સોસાયટી ઓફ ઇન્ડિયા દ્વારા આયોજિત હિલટોપ કોન્ટેસ્ટમાં દેશભરની 42 ટીમોએ ભાગ લીધો. આ સ્પર્ધામાં ઇન્સ્ટિટયૂટ ઓફ એમેચ્યોર રેડીયો ની ટીમે ભાગ લઈને પ્રથમ સ્થાન મેળવ્યું. સ્પર્ધા અંતર્ગત ટીમોએ પોતાના રાજ્યમાં આવેલા પર્વતો અથવા ઊંચી ટેકરીઓ પર હેમ સ્ટેશન સ્થાપિત કરીને એકબીજા સાથે સંપર્ક સાધ્યો. ગુજરાતની ટીમે પાલીતાણા કદમ્બગિરી કમળાઈ માતા મંદિર નજીક હેમ સ્ટેશન સ્થાપિત કર્યું હતું. ટીમનું નેતૃત્વ રૂચિર પુરોહિત દ્વારા કરાયું હતું. સાથે જ ડો. જગદીશ પંડ્યા અને પ્રવીણ વલેરાએ માર્ગદર્શન આપ્યું.

ગુજરાતમાં લોકલ બોડી ઇલેક્શન વચ્ચે સાબરકાંઠા અને અરવલ્લીમાં વર અને કન્યાએ લગ્ન પહેલા મતદાન કર્યું. લગ્ન પહેલા જ મતાધિકારનો ઉપયોગ કર્યો. મેઘરજના પાર્થ સુથાર અને દિયા સુથારે મતદાન કર્યું. EVM મશીન ખોટકાયું. Gujarat Local body election 2026 માં રાજકોટ અને વડોદરામાં પણ મતદાન થયું. બંને દંપતિએ અન્ય મતદારોને મત આપવા અપીલ કરી હતી.

ગુજરાત સ્થાનિક સ્વરાજ્યની ચૂંટણીમાં આકરી ગરમીની આગાહી વચ્ચે પણ મતદારોનો ઉત્સાહ જોવા મળી રહ્યો છે. તાપમાન વધે તે પહેલાં વહેલી સવારથી જ લોકો મતદાન મથકો પર ઉમટી પડ્યા છે. ચૂંટણી પંચ દ્વારા 'હીટ-સેફ' વ્યવસ્થા કરવામાં આવી છે, જેમાં ઠંડા પાણી, ORS અને આરોગ્ય સુવિધાઓ ઉપલબ્ધ છે. હવામાન વિભાગ દ્વારા ઓરેન્જ એલર્ટ જાહેર કરાયું છે.

ભાવનગર જિલ્લામાં મહાનગરપાલિકાની 52, જિલ્લા પંચાયતની 40, તાલુકા પંચાયતની 206 બેઠકો અને મહુવા, પાલિતાણા, વલ્લભીપુર નગરપાલિકાની 78 બેઠકો માટે શાંતિપૂર્ણ મતદાનનો પ્રારંભ થયો. 1984 મતદાન મથકો પર 10,742 પોલિંગ સ્ટાફ ફરજ બજાવશે. 4400 B.U. અને 3735 C.U. નો ઉપયોગ થશે. 4,58,376 મહાનગરપાલિકાના, 1,32,499 નગરપાલિકાના અને 11,40,384 જિલ્લા/તાલુકા પંચાયતના મતદારો મતદાન કરશે. ઉનાળાને ધ્યાનમાં રાખી પીવાના પાણી અને છાયડાની વ્યવસ્થા કરવામાં આવી છે. દિવ્યાંગ માટે વ્હીલચેરની વ્યવસ્થા છે.

ગુજરાત સ્થાનિક સ્વરાજ્યની ચૂંટણીમાં રાજકોટ અને વડોદરામાં EVM મશીનમાં ખામી સર્જાઈ. ગરમીથી બચવા વહેલી સવારથી લોકો લાઇનમાં હતા, ત્યારે EVM ખોટકાતા તાત્કાલિક વ્યવસ્થા કરાઈ. રાજકોટમાં મોક પોલ વખતે અને વડોદરામાં મતદાન શરૂ થયાના અડધા કલાકમાં EVM ઠપ્પ થયું. અધિકારીઓએ તાત્કાલિક મશીન બદલીને મતદાન ફરી શરૂ કરાવ્યું.

Gujarat Local body election 2026 દરમિયાન કેશોદમાં ભાજપનો આંતરિક જૂથવાદ હિંસક બન્યો. વોર્ડ નંબર 9માં જૂથો વચ્ચે મારામારી થઈ, જેમાં ત્રણ લોકો ઘાયલ થયા. જૂની દુશ્મનીના કારણે આ ઘટના બની. પોલીસે ઘટનાસ્થળે પહોંચીને પરિસ્થિતિને કાબૂમાં લીધી, અને મતદાન શાંતિપૂર્ણ ચાલુ રહ્યું.

ગુજરાતમાં સ્થાનિક સ્વરાજની ચૂંટણીમાં મતદાન શરૂ, ગોધરામાં મતદાન મથકે આગ અને ઘણી જગ્યાએ EVM ખોટકાયા. 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયતની ચૂંટણી યોજાઈ રહી છે. આ ચૂંટણીમાં 4.02 કરોડ મતદારો 2551 ઉમેદવારોનું ભાવિ નક્કી કરશે.

જામનગરમાં સ્થાનિક સ્વરાજની ચૂંટણીનું મતદાન સવારે 7:00 વાગ્યાથી શરૂ, જેમાં મહાનગરપાલિકા, જિલ્લા અને તાલુકા પંચાયતની બેઠકો માટે મતદાન યોજાઈ રહ્યું છે. કુલ 9.88 લાખથી વધુ મતદારો પોતાના મતાધિકારનો ઉપયોગ કરશે. જિલ્લામાં 464 મતદાન મથકો સંવેદનશીલ અને 39 મથકો અતિ સંવેદનશીલ જાહેર કરાયા છે. દિવ્યાંગ મતદારો માટે વ્હીલચેરની વ્યવસ્થા પણ કરવામાં આવી છે.

વલસાડ જિલ્લામાં સ્થાનિક સ્વરાજ્યની ચૂંટણી માટે આજે મતદાન થઈ રહ્યું છે, જેમાં જિલ્લાની 241 બેઠકો પર 619 candidates નું ભવિષ્ય 9.21 લાખથી વધુ મતદારો નક્કી કરશે. આ માટે 1157 મતદાન મથકો ગોઠવવામાં આવ્યા છે. જિલ્લા પંચાયત, તાલુકા પંચાયતો અને વાપી મહાનગરપાલિકા તથા ઉમરગામ નગરપાલિકામાં પણ મતદાન થશે. Election process શાંતિપૂર્ણ રીતે ચાલે તે માટે પોલીસ અને SRP નો ચુસ્ત બંદોબસ્ત ગોઠવવામાં આવ્યો છે.

ગુજરાત Local body election પહેલાં ગીર સોમનાથમાં AAP ઉમેદવારનો પ્રતિનિધિ દારૂ વહેંચતા પકડાયો. ચિત્રાવડ બેઠક પર મતદારોને રીઝવવા દારૂની રેલમછેલ કરતા પોલીસના હાથે ઝડપાઈ ગયા. જેપુર ગામના દિનેશ બાકુની ધરપકડ થઈ, તેમની કારમાંથી વિદેશી દારૂ અને રોકડ રકમ મળી, પોલીસે રૂ. 8.55 લાખનો મુદામાલ જપ્ત કર્યો અને પ્રોહીબીશનનો કેસ દાખલ થયો.

અમરેલી જિલ્લામાં સ્થાનિક સ્વરાજ્યની ચૂંટણી માટે મતદાન શરૂ થયું છે. જિલ્લાની 6 નગરપાલિકાઓ અને 11 તાલુકા પંચાયતો માટે 1,093 મતદાન મથકો પર મતદારો મતાધિકારનો ઉપયોગ કરી રહ્યા છે. જિલ્લા પંચાયત અને તાલુકા પંચાયત માટે 8,64,877 અને નગરપાલિકાઓ માટે 2,10,677 મતદારો નોંધાયા છે. 28 એપ્રિલ, 2026ના રોજ મતગણતરી થશે. અનેક નેતાઓએ મતદાન કર્યું, જેમાં કૌશિક વેકરીયા, પરષોત્તમ રૂપાલા અને દિલીપ સંઘાણીનો સમાવેશ થાય છે.

તાપી જિલ્લાના વ્યારા નગરપાલિકામાં ચૂંટણી પહેલાં Mock Poll યોજાયું. આ પ્રક્રિયા ચૂંટણીની તૈયારીના ભાગરૂપે કરવામાં આવી હતી. વોર્ડ નંબર બે માં ચૂંટણી કર્મચારીઓ દ્વારા Mock Poll થયું, જેમાં દરેક રાજકીય પક્ષના ઉમેદવારો હાજર રહ્યા હતા. આજે સવારે 7 વાગ્યાથી સાંજે 6 વાગ્યા સુધી મતદાન થશે. તાપી જિલ્લા પંચાયતની 26 બેઠકો, આઠ તાલુકા પંચાયતની 133 બેઠકો અને વ્યારા નગરપાલિકાની 19 બેઠકો માટે મતદાન થશે.

ગોધરાના બામરોલી રોડ પર શારદા મંદિર સ્કૂલના મતદાન મથકમાં આગ લાગી. ફાયર વિભાગે આગ પર કાબૂ મેળવ્યો. ચૂંટણી સ્ટાફે સતર્કતાથી EVM મશીનોને સુરક્ષિત ખસેડ્યા, કોઈ નુકસાન થયું નથી. એર કંડિશનરમાં શોર્ટ સર્કિટથી આગ લાગી હોવાનું અનુમાન છે. પોલીસે ફાયરબ્રિગેડને રસ્તો ક્લિયર કરાવ્યો, અને જાનહાનિ ટળી હતી. મતદાન પ્રક્રિયાને અસર થઈ નથી.

ભરૂચમાં જિલ્લા પંચાયત, 9 તાલુકા પંચાયત અને 4 નગરપાલિકાની ચૂંટણી માટે 10.86 લાખ મતદારો આજે સવારે 7થી સાંજે 6 વાગ્યા સુધી મતાધિકારનો ઉપયોગ કરશે. જિલ્લા પંચાયતની 34 બેઠકો માટે 110, તાલુકા પંચાયતની 182 બેઠકો માટે 495 ઉમેદવારો અને નગરપાલિકાની 132 બેઠકો માટે 345 ઉમેદવારો ચૂંટણી લડશે. સુરક્ષા માટે ચુસ્ત પોલીસ બંદોબસ્ત ગોઠવવામાં આવ્યો છે.

પાટણ જિલ્લામાં જિલ્લા પંચાયત, તાલુકા પંચાયતો અને નગરપાલિકાઓ માટે મતદાન શરૂ થયું છે, જેમાં 10,66,033 મતદારો ઉમેદવારોનું ભાવિ નક્કી કરશે. જિલ્લા પંચાયતની 32 બેઠકો માટે 90 ઉમેદવારો અને 9 તાલુકા પંચાયતોની 170 બેઠકો માટે 420 ઉમેદવારો મેદાનમાં છે. શાંતિપૂર્ણ મતદાન માટે જિલ્લા પોલીસ વડા વી.કે. નાયીના નેતૃત્વમાં 2,500 થી વધુ સુરક્ષાકર્મીઓ, SRPFની પ્લાટુન, 16 QRT ટીમ અને પોલીસ મોબાઈલ વાહનો તૈનાત છે.

પોરબંદર જિલ્લામાં સ્થાનિક સ્વરાજ્યની ચૂંટણી માટે મતદાન શરૂ થઈ ગયું છે. પોરબંદર-છાયા મહાનગરપાલિકામાં 1.43 લાખથી વધુ મતદારો મતાધિકારનો ઉપયોગ કરશે. કુલ 13 વોર્ડની 52 બેઠકો માટે ચૂંટણી યોજાઈ રહી છે, જેમાં 11 બેઠકો બિનહરીફ જાહેર થઈ છે. મહાનગરપાલિકામાં 154 મતદાન મથકો પર 105 ઉમેદવારો છે. જિલ્લા અને તાલુકા પંચાયતોમાં પણ ચૂંટણી યોજાઈ રહી છે, જેમાં 9 બેઠકો બિનહરીફ છે. Ranavav અને Kutiyana નગરપાલિકાના વોર્ડ નંબર 6માં પેટાચૂંટણી છે. શાંતિપૂર્ણ મતદાન માટે સુરક્ષા વ્યવસ્થા ગોઠવાઈ છે.

સુરેન્દ્રનગરમાં આજે સ્થાનિક સ્વરાજ્યની ચૂંટણી માટે મતદાન છે. 1341 મતદાન મથકો પર 11.60 લાખથી વધુ મતદારો મતદાન કરશે. Surendranagar જિલ્લા પંચાયત, મહાનગરપાલિકા, 10 તાલુકા પંચાયતો અને નગરપાલિકાઓની ચૂંટણીઓ યોજાઈ રહી છે. કુલ 377 બેઠકોમાંથી 38 BJP એ બિનહરીફ જીતી. જિલ્લા પોલીસ દ્વારા ચુસ્ત બંદોબસ્ત ગોઠવવામાં આવ્યો છે. પરિણામ 28 એપ્રિલે જાહેર થશે.

બનાસકાંઠામાં સ્થાનિક સ્વરાજ્યની ચૂંટણી માટે મતદાન શરૂ થયું છે, જેમાં જિલ્લા પંચાયતની 47, 10 તાલુકા પંચાયતની 231, અને ત્રણ નગરપાલિકાની 103 બેઠકો સહીત 404 બેઠકો માટે 1003 ઉમેદવારો મેદાનમાં છે. 15,79,767 મતદારો મતાધિકારનો ઉપયોગ કરશે. 1961 બૂથ અને 15,000થી વધુ પોલિંગ સ્ટાફ તૈનાત છે. 35 ચૂંટણી અધિકારીઓ અને 81 મદદનીશ ચૂંટણી અધિકારીઓ ફરજ બજાવી રહ્યા છે. 9032 કંટ્રોલ યુનિટ (CU) અને બેલેટ યુનિટ (BU) ઈવીએમનો ઉપયોગ થઈ રહ્યો છે.

છોટા ઉદેપુરમાં જિલ્લા પંચાયત, તાલુકા પંચાયત અને બોડેલી નગરપાલિકાની ચૂંટણીઓ માટે મતદાન શરૂ. 32 જિલ્લા પંચાયત, 150 તાલુકા પંચાયત અને 22 બોડેલી નગરપાલિકા બેઠકો માટે 7,54,575 મતદારો પોતાના મતાધિકારનો ઉપયોગ કરશે. 5,210 પોલિંગ સ્ટાફ અને 1,878 પોલીસ સ્ટાફ શાંતિપૂર્ણ મતદાન માટે તૈનાત કરાયા છે.

મહીસાગર જિલ્લામાં સ્થાનિક સ્વરાજ્યની ચૂંટણી માટે 26 એપ્રિલે મતદાન શરૂ થયું છે. જેમાં જિલ્લા પંચાયતની 28 બેઠકો, તાલુકા પંચાયતની 147 બેઠકો અને લુણાવાડા નગરપાલિકાની પેટાચૂંટણીનો સમાવેશ થાય છે. શાંતિપૂર્ણ મતદાન માટે વ્યાપક વ્યવસ્થા ગોઠવવામાં આવી છે, જેમાં 5000થી વધુ polling staff અને 2200થી વધુ police જવાનો તૈનાત કરાયા છે. ગરમીથી બચવા પાણી, ORS જેવી સુવિધાઓ ઉપલબ્ધ છે. District Collector દ્વારા મતદાન કરવા અપીલ કરવામાં આવી છે. મતગણતરી 28 એપ્રિલે થશે.

મોરબી જિલ્લામાં મહાનગરપાલિકા, નગરપાલિકા, તાલુકા અને જિલ્લા પંચાયતની ચૂંટણી માટે સવારે 7 વાગ્યાથી મતદાન શરૂ. 857 મતદાન મથકો પર શાંતિપૂર્ણ મતદાન, 255 સંવેદનશીલ મતદાન મથકો પર પોલીસ બંદોબસ્ત. મોરબી મહાનગરપાલિકાના 13 વોર્ડની 52 બેઠકો, જિલ્લા પંચાયતની 24 બેઠકો, 5 તાલુકા પંચાયતો અને 3 નગરપાલિકાઓની બેઠકો સહિત કુલ 250 બેઠકો પર મતદાન. 4285 પોલિંગ સ્ટાફ અને 1915 EVM મશીનનો ઉપયોગ.

ગીર સોમનાથમાં સ્થાનિક સ્વરાજ્યની ચૂંટણી શરૂ થઈ છે, જેમાં 284 બેઠકો માટે 712 ઉમેદવારો છે. 9,05,556 મતદારો CU અને BU ઈવીએમથી મતદાન કરી તેમનું ભાવિ નક્કી કરશે. જિલ્લામાં 1394 મતદાન મથકો અને 22 ચૂંટણી અધિકારીઓ સહિત 6059થી વધુ પોલિંગ સ્ટાફ ફરજ પર છે. ઝોનલ અધિકારીઓ દેખરેખ રાખી રહ્યા છે.

નવસારીમાં NMC, જિલ્લા અને તાલુકા પંચાયતની ચૂંટણી માટે મતદાન શરૂ થયું છે. 238 બેઠકોમાંથી 57 બિનહરીફ જાહેર થઈ છે. બાકીની બેઠકો પર ભાજપ, કોંગ્રેસ અને આપ વચ્ચે સ્પર્ધા છે. NMCની 50 બેઠકો માટે 138 ઉમેદવારો છે, જ્યાં 1.88 લાખ મતદારો પ્રતિનિધિઓનું ભાવિ નક્કી કરશે. 192 બુથ પર પોલીસ બંદોબસ્ત છે. મતદાન પર તાપમાન, લગ્નસરા અને શ્રમિકોની ગેરહાજરી અસર કરી શકે છે.

ગુજરાતમાં સ્થાનિક સ્વરાજ્યની ચૂંટણીમાં અમરેલી, ભાવનગર સહિત 12 જિલ્લાની 88 તાલુકા પંચાયતો માટે મતદાન થઈ રહ્યું છે. જેમાં ભાજપ, કોંગ્રેસ, આપ અને અપક્ષ ઉમેદવારોના ભાવિ મતદારો નક્કી કરશે. Heat alert વચ્ચે સવારે 7 વાગ્યાથી મતદાન શરૂ થયું છે, જે સાંજે 6 વાગ્યા સુધી ચાલશે. 28 એપ્રિલે મતગણતરી થશે અને ઉમેદવારોનું ભવિષ્ય EVM માં સીલ થશે.

ગુજરાતમાં સ્થાનિક સ્વરાજ્યની ચૂંટણીમાં અરવલ્લી, પાટણ, બનાસકાંઠા, મહેસાણા, વાવ-થરાદ અને સાબરકાંઠા જિલ્લાની 53 તાલુકા પંચાયતોમાં ભાજપ, કોંગ્રેસ, આપ તેમજ અપક્ષ ઉમેદવારોનું ભાવિ આજે મતદારો નક્કી કરશે. સવારે 7 વાગ્યાથી મતદાન શરુ થયું છે અને સાંજે 6 વાગ્યે EVM સીલ થશે. 28 એપ્રિલે મતગણતરી થશે.

ગુજરાતમાં સ્થાનિક સ્વરાજ્યની ચૂંટણીમાં ડાંગ, નવસારી, સુરત, તાપી અને વલસાડ જિલ્લાની 34 તાલુકા પંચાયતો માટે મતદાન થઇ રહ્યું છે. જેમાં BJP, કોંગ્રેસ, AAP અને અપક્ષ ઉમેદવારોના ભાવિ દક્ષિણ ગુજરાતના મતદારો નક્કી કરશે. ગરમીના એલર્ટ વચ્ચે સવારે 7થી સાંજે 6 વાગ્યા સુધી મતદાન થશે અને 28 એપ્રિલે મતગણતરી થશે.