ગુજરાત સરકારે સરકારી વાહન ખરીદી નીતિમાં મહત્વપૂર્ણ સુધારા કર્યા છે, જેમાં ઇલેક્ટ્રિક વાહનો (EV) અને ઑફ-રોડ કામગીરી માટેના વાહનોને નવી કૅટેગરીમાં સમાવવામાં આવ્યા છે. વર્ષ 2026માં અમલમાં આવેલા આ સુધારા મુજબ, ફીલ્ડ ઇન્સ્પેક્શન અને એન્ફોર્સમેન્ટ માટે કૅટેગરી-F અને ઑફ-રોડ ફરજ બજાવતા અધિકારીઓ માટે કૅટેગરી-F1 ઉમેરાઈ છે. કૅટેગરી-Fમાં Mahindra XUV400 EL Pro અને Tata Nexon EV Creative 45 જેવા EV મોડલનો સમાવેશ કરાયો છે, જ્યારે કૅટેગરી-F1માં વિશેષ ઑફ-રોડ વાહનોનો સમાવેશ થાય છે. આ સુધારાથી સરકારી વાહન વ્યવસ્થામાં પદ, કામગીરી અને સ્થળની પરિસ્થિતિને ધ્યાનમાં રાખીને વાહન પસંદગીની વધુ સુવ્યવસ્થિત વ્યવસ્થા ઊભી થઈ છે.