છેલ્લા પાંચ વર્ષમાં ગુજરાતમાંથી ₹13,600 કરોડના ડ્રગ્સ ઝડપાયા છે, તેમ છતાં યુવાનોમાં નશાખોરીનું પ્રમાણ ચિંતાજનક રીતે વધી રહ્યું છે. પંજાબ, રાજસ્થાન અને દિલ્હીથી ચાલતા ડ્રગ્સના નેટવર્કમાં ગુજરાતના દરિયાકાંઠાનો ઉપયોગ રોકવામાં સફળતા મળી હોવા છતાં, સ્થાનિક સ્તરે ડ્રગ્સનું વેચાણ અને સેવન વધી રહ્યું છે. છેલ્લા 10 વર્ષમાં ડ્રગ્સ-દારૂના દુરુપયોગથી 711 લોકોએ આત્મહત્યા કરી છે અને 37 લોકોના ઓવરડોઝથી મૃત્યુ થયા છે. ડ્રગ્સ ફ્રી સ્ટેટ બનાવવા માટે રાજ્ય પોલીસ દ્વારા છ એન્ટિ નાર્કોટિક્સ ટાસ્ક ફોર્સની રચના કરાઈ છે, જે સ્થાનિક વેચાણ પર નિયંત્રણ મેળવશે.