દુનિયાના છઠ્ઠા સૌથી અમીર ઉદ્યોગપતિ લેરી એલિસનની ટેક કંપની Oracleએ લગભગ 30,000 કર્મચારીઓને છૂટા કર્યા છે. જેમાં ભારતના 12,000 કર્મચારીઓનો સમાવેશ થાય છે. મીડિયા રિપોર્ટ્સ અનુસાર, કંપની આવતા મહિને છટણીનો બીજો રાઉન્ડ પણ શરૂ કરી શકે છે. કર્મચારીઓને સવારે 6 વાગ્યે ઇનબોક્સમાં ટર્મિનેશન લેટર મળ્યા. તેમાં લખ્યું હતું કે આજે તેમનો છેલ્લો કાર્યકારી દિવસ છે. થોડી જ મિનિટોમાં તેમની સિસ્ટમ એક્સેસ બંધ કરી દેવામાં આવી.

ગુજરાત રાજ્ય પોલીસ વિભાગમાં વહીવટી પ્રક્રિયાના ભાગરૂપે મહત્વના ફેરફારો કરવામાં આવ્યા છે. રાજ્ય સરકારના ગૃહ વિભાગ દ્વારા પોલીસ બેડામાં મોટા પાયે વધારાના ચાર્જની સોંપણી કરવામાં આવી છે. આદેશ અનુસાર, રાજ્યના ૩૧ DySP (નાયબ પોલીસ અધીક્ષક) ને વધારાની જવાબદારીઓ સોંપવામાં આવી છે, જ્યારે ૪ PI (પોલીસ ઇન્સ્પેક્ટર) ને બઢતીના ભાગરૂપે DySP નો વધારાનો ચાર્જ સોંપવામાં આવ્યો છે. ગાંધીનગરથી કરાયેલા આદેશ મુજબ, જે અધિકારીઓને વધારાનો ચાર્જ સોંપાયો છે તેઓએ તાત્કાલિક અસરથી પોતાની નવી જવાબદારીઓ સંભાળવાની રહેશે.

ગુજરાત રાજ્ય ચૂંટણી આયોગ દ્વારા આજે બુધવારે(1 એપ્રિલ, 2026) સાંજે ગાંધીનગર ખાતે યોજાયેલી પત્રકાર પરિષદમાં રાજ્યની મહાનગરપાલિકાઓ, જિલ્લા પંચાયતો અને તાલુકા પંચાયતો માટેનો ચૂંટણી કાર્યક્રમ જાહેર કરી દેવામાં આવ્યો છે. ચૂંટણીમાં 15 મનપા (જૂનાગઢ અને ગાંધીનગર સિવાય તમામ), 34 જિલ્લા પંચાયત, 260 તાલુકા પંચાયત (17 નવી તાલુકા પંચાયત સહિત), 84 નગર પાલિકાનો સમાવેશ કરવામાં આવ્યો છે. આ ચૂંટણીમાં 4 કરોડ, 18 લાખ, 91 હજાર 700 મતદારો મતદાન કરશે.

ઈરાનના વિદેશ પ્રધાન અબ્બાસ અરાઘચીએ કહ્યું કે, જો જરૂર પડે તો દેશ છ મહિના સુધી યુદ્ધ ચાલુ રાખી શકે છે. અરાઘચીએ જણાવ્યું હતું કે ઈરાન કોઈપણ ભૂમિ હુમલા માટે સંપૂર્ણપણે તૈયાર છે. અમે તેમની રાહ જોઈ રહ્યા છીએ, તેમણે કહ્યું. જોકે, તેમણે સ્પષ્ટતા કરી હતી કે ઈરાન પોતે ભૂમિ યુદ્ધ ઇચ્છતું નથી, પરંતુ જો કોઈ યુદ્ધ થાય તો તેનો જવાબ આપવા સક્ષમ છે.

ઈરાકના ગૃહ મંત્રાલય મુજબ શેલી કિટલ્સનનું અપહરણ થયું. સુરક્ષા દળોએ કાર્યવાહી કરી, એક સંદિગ્ધની ધરપકડ કરી. અમેરિકાએ ઘટનાની પુષ્ટિ કરી તપાસ શરૂ કરી. શંકાસ્પદના તાર કતાઈબ હિઝબુલ્લાહ સાથે જોડાયેલા છે, જે IRGCનું સમર્થન ધરાવતું સંગઠન છે. આ ઘટના બદલો હોઈ શકે છે, કિટલ્સનની સલામત મુક્તિ માટે દબાણ કરવામાં આવી રહ્યું છે. મધ્ય પૂર્વમાં પત્રકારો માટે જોખમી પરિસ્થિતિ.

2026ના મે મહિનામાં US અને Russiaના નેતાઓ ચીનની મુલાકાતે જશે. આ ઘટનાથી દુનિયાનું ધ્યાન બેઇજિંગ તરફ ગયું છે. ટ્રમ્પ 14-15 મે દરમિયાન મુલાકાત લે તેવી શક્યતા છે. પુતિન પણ મે મહિનામાં ચીન પહોંચી શકે છે. યુક્રેન યુદ્ધ બાદ Russia અને China વચ્ચેની 'NO LIMITS' FRIENDSHIP ચિંતાજનક છે. આ મુલાકાતો નવા વર્લ્ડ ઓર્ડરનો સંકેત છે.

ગુજરાતમાં GPSC દ્વારા વર્ગ 1 અને 2ની કુલ 224 જગ્યાઓ માટે ભરતી જાહેર થઈ છે. જેમાં ગુજરાત વહીવટી સેવા, મુલ્કી સેવા, નગરપાલિકા અધિકારી, વન સંરક્ષક, ઇજનેરી સેવા જેવી જગ્યાઓ સામેલ છે. ઉમેદવારો આજે બપોરે 1 વાગ્યાથી 15 એપ્રિલ સુધી GPSCની વેબસાઈટ પર જઈને ઓનલાઈન ફોર્મ ભરી શકશે.

આર્ટિફિશિયલ ઇન્ટેલિજન્સ (AI) ના ડેટા સેન્ટર્સથી તાપમાન વધી રહ્યું છે, જ્યાં આ ડેટા સેન્ટર્સ કાર્યરત છે, ત્યાં સરેરાશ 2 ડિગ્રી સેલ્સિયસ સુધી તાપમાન વધ્યું છે. છેલ્લા બે દાયકાના સેટેલાઇટ ડેટાનું વિશ્લેષણ કરવામાં આવ્યું છે. વૈજ્ઞાનિકોએ ચેતવણી આપી છે કે આનાથી લોકોના સ્વાસ્થ્ય પર અસર થશે તેમજ ઘરોને ઠંડા રાખવા માટે વીજળીનો વપરાશ અને ખર્ચ પણ વધશે. AI ઇન્ફ્રાસ્ટ્રક્ચર અશ્મિભૂત ઇંધણથી ચાલતી વીજળી પર નિર્ભર છે.

રાજ્યના શિક્ષણ ક્ષેત્રે કારકિર્દી બનાવવા ઇચ્છતા યુવાનો માટે ખુશખબર! ગુજરાત સરકાર દ્વારા ધોરણ 1થી 5 માટે 11,000 વિદ્યાસહાયકોની ભરતીની જાહેરાત થઈ છે. TET-1 પાસ ઉમેદવારો માટે આ એક મોટી તક છે. 15 એપ્રિલ, 2026થી ફોર્મ ભરી શકાશે. જાહેરાત ક્રમાંક 01/2026 મુજબ, અરજી પ્રક્રિયા સંપૂર્ણપણે ઓનલાઇન રહેશે. ફોર્મ ભરવાની છેલ્લી તારીખ 24 એપ્રિલ, 2026 છે.

પાટણમાં દુકાનની માલિકીને લઇને વેપારીઓ વચ્ચે ઘર્ષણ થયું, જેમાં બે વ્યક્તિઓ ઈજાગ્રસ્ત થતા હોસ્પિટલમાં દાખલ થયા. બન્ને પક્ષે સામસામી પોલીસ ફરિયાદો નોંધાવી. અનિલભાઈની ફરિયાદમાં હેમંતભાઈ અને રવિભાઈ સામે માર મારવાનો આરોપ છે, જ્યારે હેમંતભાઈએ અનિલભાઈ સહિત ચાર લોકો પર હુમલો કરવાનો આરોપ લગાવ્યો છે. Police તપાસ કરી રહી છે.

મિડલ ઇસ્ટના તણાવ વચ્ચે શું ઈરાન નબળું પડી રહ્યું છે? રિપોર્ટ પ્રમાણે યુદ્ધ રાજકીય અને પ્રોપેગેન્ડાનો ભાગ છે. Americaના હુમલા પછી ઈરાને પ્રતિક્રિયા આપી. પ્રતિબંધો છતાં ઈરાનની ક્ષમતા અકબંધ છે. Hormuz જળમાર્ગ પર તણાવ વધ્યો છે. America મધ્યસ્થી માટે તૈયાર છે, પણ ઈરાન પોતાની શરતો પર અડગ છે. માહિતી યુદ્ધ પણ મહત્વનું છે. Hormuz Strait પર તણાવ વૈશ્વિક ચિંતાનું કારણ છે.

અમેરિકન પ્રમુખ ડોનાલ્ડ ટ્રમ્પ હવે બે-ત્રણ અઠવાડિયામાં ઈરાન સામેનું યુદ્ધ ખતમ કરવાના મૂડમાં દેખાઈ રહ્યા છે. બીજી બાજુ આવતીકાલે વહેલી સવારે તેઓ કોઈ મોટી જાહેરાત પણ કરી શકે છે. બીજી બાજુ ઇરાનના પ્રમુખ પણ યુદ્ધ ખતમ કરવા તૈયાર દેખાઈ રહ્યા છે. અમેરિકા-ઈઝરાયલ અને ઈરાન વચ્ચેના યુદ્ધને 33 દિવસ પૂરા થયા છે. સીરિયાના રાષ્ટ્રપતિ અહમદ અલ-શરાએ સ્પષ્ટ કર્યું છે કે જ્યાં સુધી સીરિયા પર સીધો હુમલો નહીં થાય ત્યાં સુધી તેઓ આ જંગમાં કૂદશે નહીં.

હનુમાન જયંતિ પહેલાં અમદાવાદમાં કેમ્પ હનુમાનજી મંદિરેથી નગરયાત્રા નીકળી, જેનું CM ભૂપેન્દ્ર પટેલે ઉદ્ઘાટન કર્યું. યાત્રામાં ઓપરેશન સિંદૂરનો ટેબ્લો અને ગજરાજ પણ જોડાયા હતા. મોટી સંખ્યામાં ભક્તો જોડાયા. રાજ્યમાં હનુમાન જયંતિ ની ઉજવણીની તૈયારીઓ ચાલી રહી છે.

રાજ્યના કૃષિ વિભાગમાં મોટાપાયે બદલીઓ અને બઢતીનો આદેશ જાહેર થયો છે. જેમાં 46 મદદનીશ ખેતી નિયામક વર્ગ-2ના અધિકારીઓની ટ્રાન્સફર કરવામાં આવી છે, જ્યારે 18 ખેતી અધિકારીઓને ખેતી નિયામક તરીકે પ્રમોશન આપવામાં આવ્યું છે. આ બદલીઓ અને પ્રમોશનથી વહીવટમાં ગતિ આવશે અને યોજનાઓના અમલીકરણમાં ઝડપ આવશે તેવી અપેક્ષા છે. તમામ અધિકારીઓને તાત્કાલિક નવા સ્થળે ફરજ સંભાળવા સૂચના અપાઈ છે.

ઈરાન સામે ચાલી રહેલા સંઘર્ષ વચ્ચે હવે મધ્ય પૂર્વમાં નવા સમીકરણો રચાઈ રહ્યા હોય તેવું લાગી રહ્યું છે. ઈઝરાયલના PM નેતન્યાહૂએ સ્પષ્ટ સંકેત આપ્યા છે કે તેઓ ઈરાન વિરુદ્ધ એક નવો મોરચો ખોલવાની તૈયારીમાં છે. તેમણે જાહેરાત કરી છે કે ઈરાન સામે લડવા માટે આ ક્ષેત્રના મહત્ત્વના દેશો સાથે મળીને એક મજબૂત ગઠબંધન તૈયાર કરવામાં આવી રહ્યું છે. જોકે, આ ગઠબંધનમાં કયા દેશો સામેલ છે તેના નામનો ખુલાસો અત્યારે કરવામાં આવ્યો નથી.

મિડલ ઈસ્ટમાં ચાલી રહેલા વિનાશક યુદ્ધ વચ્ચે ઈરાનના રાષ્ટ્રપતિ મસૂદ પેઝેશ્કિયને અત્યાર સુધીનું સૌથી મોટું નિવેદન આપ્યું છે. તેમણે સંકેત આપ્યો છે કે તેહરાન અમેરિકા સાથે ચાલી રહેલા આ લોહિયાળ સંઘર્ષને સમાપ્ત કરવા માટે 'જરૂરી ઈચ્છાશક્તિ' ધરાવે છે. જોકે, આ શાંતિ પ્રસ્તાવ સાથે ઈરાને શરત મૂકી છે કે તેમને ભવિષ્યમાં થનારા કોઈ પણ સંભવિત હુમલાઓ સામે મજબૂત 'સુરક્ષા ગેરંટી' આપવામાં આવે.

સુરત રાંદેરમાં FLAT આપવાના નામે એક મહિલા સાથે 8.60 લાખની છેતરપિંડી થઈ. બિલ્ડરે દસ્તાવેજ માટે વધુ રૂપિયા માંગ્યા અને ચપ્પુ બતાવી ધમકી આપી. પોલીસે છેતરપિંડી, લૂંટ અને જાનથી મારી નાખવાની ધમકી બદલ ગુનો નોંધી તપાસ શરૂ કરી છે. આરોપીએ મહિલા અને તેની વૃદ્ધ માતાને ધમકી આપી હતી. પીડિતના પિતાનું 2021માં અવસાન થયું હતું.

જુનાગઢના ભવનાથ વિસ્તારમાં મોડી રાત્રે સિંહો નું ટોળું રસ્તા પર આવી જતા ચિંતા જાગી છે. Viral વીડિયોમાં છ જેટલા lions ભવનાથ રોડ ક્રોસ કરતા જોવા મળ્યા. આ ઘટના 7 સેકન્ડમાં બની હતી, જેમાં વાહનોથી ગભરાયેલા સાવજ દિવાલ કૂદીને જંગલમાં નાસી છૂટ્યા. વન વિભાગ ભલે ઈકો-ઝોનના દાવા કરતું હોય, પણ વન્યજીવો ભગવાન ભરોસે છે.

ગ્રાસિમ ઇન્ડસ્ટ્રીઝ દ્વારા વેરાવળમાં 'પુસ્તક આપો અને લઈ જાઓ' અભિયાનનું આયોજન કરાયું હતું, જેનો હેતુ વિદ્યાર્થીઓ અને બાળકોમાં વાંચનની આદત વધારવાનો અને જ્ઞાનનું આદાનપ્રદાન કરવાનો છે. 23 થી 28 માર્ચ, 2026 દરમિયાન આયોજિત ડ્રાઇવમાં પુસ્તકો એકત્રિત કરીને જરૂરિયાતમંદોને પહોંચાડવામાં આવશે. આ પહેલ ગ્રાસિમ ઇન્ડસ્ટ્રીઝના CSR ફંડ અંતર્ગત કરવામાં આવી હતી.

ગુજરાતના ગૃહ વિભાગ દ્વારા 518 પોલીસ અધિકારીઓની બદલીમાં PI એચ.આર. ગોસ્વામીની સુરત બદલી થતા વિદાય સમારોહ યોજાયો. જેમાં વેરાવળ પી.આઈ., એસ.ઓ.જી. સહિત પોલીસ અધિકારીઓ, વેપારી એસોસિએશન, સામાજિક સંસ્થાઓના હોદ્દેદારો અને અન્ય આગેવાનોએ PI ગોસ્વામીને ભાવભીની વિદાય આપી ફરજ અને સેવાઓને બિરદાવી હતી. PI ગોસ્વામીએ અધિકારીઓ અને સ્ટાફનો આભાર માન્યો અને સોમનાથની ભૂમિને હંમેશા યાદ રાખશે તેમ જણાવ્યું હતું.

વડોદરાના કિશનવાડી પોલીસ ચોકી પાસે સંકટ હરણ હનુમાનજી મંદિરે 31st March, 2026 ના રોજ સુંદરકાંડ પાઠ અને ભંડારાનો કાર્યક્રમ યોજાયો. આ કાર્યક્રમમાં મોટી સંખ્યામાં ભાવિકો ઉપસ્થિત રહ્યા હતા, સુંદરકાંડ પાઠ સાથે હનુમાનજીના ભજનોનું ગાન કરવામાં આવ્યું હતું. સંકટ હરણ હનુમાનજી યુવક મંડળ દ્વારા આયોજન કરવામાં આવ્યું હતું. વર્ષોથી આ મંદિર આસ્થાનું કેન્દ્ર છે.

કર્ણાવતીના નારણપુરામાં ચંદ્રિકાબેન પટેલના નિવાસસ્થાને સત્સંગ સંધ્યા યોજાઈ, જેમાં મોટી સંખ્યામાં લોકો ઉપસ્થિત રહ્યા. હેતલબેને 'કુટુંબ પ્રબોધન' અને 'સામાજિક સમરસતા' વિષય પર માહિતી આપી, જેનું મહત્વ સમજાવ્યું. આચાર પદ્ધતિ અનુસાર શરૂઆત થઈ. નીતાબેન, નેહાબેન સહિત માતૃશક્તિ સભ્યો હાજર રહ્યા અને કાર્યક્રમને સફળ બનાવ્યો.

સુરતમાં એક ચોંકાવનારી ઘટના બની: સચિન GIDC વિસ્તારમાં ધાબા પર રમતી ચાર વર્ષની બાળકી નીચે પટકાતા ગંભીર ઈજા થતાં મૃત્યુ પામી. બાળકીનું નામ એશવી ચૌહાણ હતું અને તે ટેરેસ પરની ગ્રીલના સળિયા વચ્ચેના ગેપમાંથી સરકી ગઈ હતી. Doctorsએ તેને મૃત જાહેર કરી.

અમેરિકન સેના આગામી બે થી ત્રણ અઠવાડિયામાં ઈરાન છોડી દેશે. ટ્રમ્પ નો દાવો છે કે ઈરાનમાં 'રિજીમ ચેન્જ' (સત્તા પરિવર્તન) નો તેમનો મુખ્ય લક્ષ્યાંક પૂરો થઈ ગયો છે. યુદ્ધ ખતમ કરવા માટે તેમને ઈરાન સાથે કોઈ કરારની જરૂર નથી. અમેરિકા અને ઇઝરાયેલના હુમલાઓમાં ઈરાનનું ટોચનું નેતૃત્વ ખતમ થઈ ગયું છે.

વલસાડ પોલીસે નેશનલ હાઇવે 48 પર બગવાડા ટોલ નાકા પાસે ટ્રેલર ટ્રકમાંથી 55 પાડાઓને બચાવ્યા. આ પાડાઓને ઘાસચારા કે પાણી વગર ક્રૂરતાપૂર્વક કન્ટેનરમાં ઠાંસીને ભરવામાં આવ્યા હતા. પોલીસને બાતમી મળી હતી કે પંજાબથી કેરળ કતલખાને લઇ જવા માટે ગેરકાયદેસર પશુઓ સુરતથી વાપી તરફ જઈ રહ્યા છે. પોલીસે ગૌરક્ષકો સાથે મળી 5 આરોપીઓની ધરપકડ કરી અને Animal Cruelty Act હેઠળ ગુનો નોંધ્યો.

રશિયાના ક્રીમિયામાં An-26 વિમાન પહાડ સાથે અથડાઈને ક્રેશ થયું. આ દુર્ઘટનામાં 23 મુસાફરો અને 6 ક્રૂ મેમ્બર્સ સહિત તમામ 29 લોકોના મોત થયા. Russian સંરક્ષણ મંત્રાલય અનુસાર, કોઈ પણ જીવિત બચ્યું નથી. બુધવારે સવારે આ મોટી હોનારત સર્જાઈ હતી. દુર્ઘટનાના કારણોની તપાસ ચાલી રહી છે.

સુરેન્દ્રનગરમાં મનપા દ્વારા વેરા વસૂલાત ઝુંબેશ ચલાવવામાં આવી હોવા છતાં, હજુ પણ રૂપિયા 115 કરોડની ઉઘરાણી બાકી છે. મનપાએ એક વર્ષમાં ૨૮.૮૩ કરોડનો વેરો વસૂલ્યો છે. ઝુંબેશને પગલે સામાન્ય રીતે થતી માસિક આવકમાં પણ વધારો થયો છે. છતાં ઉઘરાણી બાકી રહેતા તંત્ર ચિંતામાં મુકાયું છે.

ઈરાન યુદ્ધ વચ્ચે, Google-Apple સહિત 18 જેટલી અમેરિકન AI કંપનીઓને ટાર્ગેટ કરવાની ચીમકી આપી છે. ટ્રમ્પને યુદ્ધમાં સાથ આપવો ટેક્નોલોજી કંપનીઓને મોંઘો પડશે. અમેરિકાને મદદ કરનારી AI કંપનીઓ નિશાના પર છે, અને હુમલા 1લી એપ્રિલથી શરુ થશે. ઈરાને ટાર્ગેટ 18 કંપનીઓની યાદી જાહેર કરી છે.

સુરેન્દ્રનગરના કટુડા-રાજસીતાપુર વચ્ચેની માઈનોર કેનાલમાં 25 લાખના ખર્ચે બાવળ કટીંગમાં કોન્ટ્રાક્ટર દ્વારા કેનાલ તોડી નાખી. આ કેનાલ 12 વર્ષથી બિનઉપયોગી હતી, જેને રીપેરીંગના નામે 80 લાખનું આંધણ કરવાની તૈયારી છે. નર્મદા વિભાગની કામગીરી સામે સવાલો ઉભા થયા છે. ખેડૂતોમાં ભારે રોષ જોવા મળી રહ્યો છે.

ગુજરાત સરકારે વલસાડ જિલ્લાના વહીવટી માળખામાં મોટા ફેરફારો કર્યા છે. તાલુકા વિકાસ અધિકારી (TDO) સંવર્ગમાં બદલીના અગાઉના આદેશો રદ કરીને નવા અધિકારીઓની નિમણૂક કરવામાં આવી છે. રાજેન્દ્રકુમાર પરમારની વાંસદાથી ધરમપુરની બદલી રદ કરાઈ છે, જ્યારે કૃષ્ણપાલ મકવાણા ધરમપુરમાં ફરજ ચાલુ રાખશે. સંદીપકુમાર ભગોરાને પારડીના નવા TDO અને કૈલાસ પટેલને વાપીમાં મદદનીશ પ્રાયોજના અધિકારી તરીકે નિમણૂક મળી છે.