ગુજરાત રાજ્ય પોલીસ વિભાગમાં વહીવટી પ્રક્રિયાના ભાગરૂપે મહત્વના ફેરફારો કરવામાં આવ્યા છે. રાજ્ય સરકારના ગૃહ વિભાગ દ્વારા પોલીસ બેડામાં મોટા પાયે વધારાના ચાર્જની સોંપણી કરવામાં આવી છે. આદેશ અનુસાર, રાજ્યના ૩૧ DySP (નાયબ પોલીસ અધીક્ષક) ને વધારાની જવાબદારીઓ સોંપવામાં આવી છે, જ્યારે ૪ PI (પોલીસ ઇન્સ્પેક્ટર) ને બઢતીના ભાગરૂપે DySP નો વધારાનો ચાર્જ સોંપવામાં આવ્યો છે. ગાંધીનગરથી કરાયેલા આદેશ મુજબ, જે અધિકારીઓને વધારાનો ચાર્જ સોંપાયો છે તેઓએ તાત્કાલિક અસરથી પોતાની નવી જવાબદારીઓ સંભાળવાની રહેશે.