બનાસકાંઠાના ડીસામાં એશિયાનું પ્રથમ ‘ડેઝર્ટ થીમ’ ઝૂઓલૉજિકલ પાર્ક અને ‘ડ્રાઇવ-થ્રુ નાઇટ સફારી’ પ્રોજેક્ટને સેન્ટ્રલ ઝૂ ઑથોરિટી(CZA) તરફથી સૈદ્ધાંતિક મંજૂરી મળી છે. 542.14 કરોડના ખર્ચે 103 હેક્ટર વિસ્તારમાં બનનાર આ પ્રોજેક્ટ વિશ્વનું ત્રીજું ડેઝર્ટ-થીમ ઝૂ અને ચોથું નાઇટ સફારી ઝૂ હશે. અહીં 83 પ્રજાતિઓના આશરે 2700 દેશી-વિદેશી પશુ-પક્ષીઓ, જેમાં ભારતીય અને આફ્રિકન રણના પ્રાણીઓ, કાંગારૂ, એમુ, વોલાબી જેવાંનો સમાવેશ થશે. આધુનિક સુવિધાઓ સાથે 'ગ્રીન ટૅક્નોલૉજી'નો ઉપયોગ થશે, જે ઉત્તર ગુજરાતની ટુરિઝમ સર્કિટ માટે એક ફ્લેગશિપ ડેસ્ટિનેશન બનશે.