સુરત ક્રાઇમ બ્રાન્ચે 21 ગુનાહિત ઇતિહાસ ધરાવતા રીઢા ગુનેગાર સુબોધ રામાણીને સચિન વિસ્તારમાં પાનના ગલ્લા પર લૂંટના કેસમાં ઝડપી પાડ્યો છે. આરોપીએ મફતમાં માવો ખાઈ પૈસા માંગતા વેપારીને માર મારી 7-8 હજારની લૂંટ ચલાવી હતી. તેની સામે હત્યાનો પ્રયાસ, લૂંટ, ચોરી સહિત કુલ 21 ગુના નોંધાયેલા છે અને 3 વખત પાસા હેઠળ કાર્યવાહી થઈ ચૂકી છે.

રાજકોટના સામા કાંઠાની ભગીરથ સોસાયટીમાં દેશી દારૂ પીધા બાદ મનસુખ ડાભી અને અલ્પેશ સાબરિયા નામના બે મિત્રોના શંકાસ્પદ સંજોગોમાં મોત નીપજ્યા છે. પોલીસને દારૂમાં કેમિકલ ભેળસેળની શંકા છે. Forensic PM બાદ સચોટ કારણ જાણી શકાશે. આ ઘટનાથી દેશી દારૂના દૂષણ સામે જનઆક્રોશ ફાટી નીકળ્યો છે.

લખનઉમાં 'છાપરા-ગોમતી નગર એક્સપ્રેસ' ટ્રેનના સ્લીપર કોચમાંથી એક મહિલાનો પાંચ ટુકડામાં કાપેલો, માથા વગરનો મૃતદેહ મળ્યો. રૂટીન ચેકિંગ દરમિયાન GRP ને બોક્સ અને બેગમાંથી શરીરના અંગો મળ્યા, જેનાથી સમગ્ર વિસ્તારમાં ખળભળાટ મચી ગયો છે.

મેક્સિકોના પુએબ્લા રાજ્યના તેહુઇટ્ઝિંગો શહેરમાં અજાણ્યા હુમલાખોરે અંધાધૂંધ ગોળીબાર કરીને 10 લોકોનો જીવ લીધો. આ ઘટનામાં 6 પુરુષો, 3 મહિલાઓ અને એક બાળકનો સમાવેશ થાય છે. ફેડરલ અને સ્થાનિક પોલીસ દ્વારા તપાસ ચાલી રહી છે, પરંતુ હુમલાખોર કે તેના હેતુ વિશે કોઈ સ્પષ્ટ માહિતી નથી. આ પુએબ્લા રાજ્યમાં હિંસાની પ્રથમ ઘટના નથી, અગાઉ પણ આવા હુમલાઓ થયા છે.

સુરત પોલીસે વડોદરાના ૨ લાખની બેંક લૂંટના આરોપી યોગેશ પાટીલને ઝડપી પાડ્યો. આ ગેંગ રૂમાલમાં કાગળનું બંડલ અને ઉપર એક 500ની નોટ રાખી ગ્રાહકોનું ધ્યાન ભટકાવી છેતરપિંડી કરતી હતી. આરોપી સુરતમાં 9 ગુનાઓમાં પણ સંડોવાયેલો છે.

સુરત પોલીસે સચિન GIDC વિસ્તારમાંથી મોબાઇલ ચોરનાર જમીલ તૈલી નામના રીઢા ગુનેગારને ઝડપી પાડ્યો છે. તેની પાસેથી ૩ મોંઘા મોબાઇલ અને ચોરીમાં વપરાયેલી મોટરસાયકલ કબજે કરી, જેની કિંમત ૯૭,૦૦૦ રૂપિયા છે. આરોપી અગાઉ પણ અનેક ગુનાઓમાં સંડોવાયેલો છે. પોલીસે ગુનાનો ભેદ ઉકેલી વધુ તપાસ હાથ ધરી છે.

રાજકોટ એરપોર્ટ પરથી 400 કિલો શંકાસ્પદ ચાંદી ઝડપાઈ. 181 કિલો ચાંદી બિનહિસાબી મળી આવતા ATS, DGGI, SGST, IT, IB તપાસમાં જોડાયા. મોટા ટેક્સ ચોરીના કૌભાંડની આશંકા. હવે ED પણ તપાસમાં સામેલ થાય તેવી શક્યતા.

કેન્દ્રશાસિત પ્રદેશ દીવમાં રાત્રિના સમયે નાગવા રોડ પર બે કાર સામસામે અથડાતા મધ્યપ્રદેશના પિતા (ઉંમર 50) અને પુત્ર (ઉંમર 16)ના ઘટનાસ્થળે જ મોત થયા હતા. મૃતકના પત્ની અને ભત્રીજા ઘાયલ થતાં સારવાર માટે ખસેડાયા છે. પરિવાર જૂનાગઢથી દીવ ફરવા આવ્યો હતો. સુરતના કાર ચાલક સહિત ત્રણ ઝડપાયા, ત્રણ નાસી છૂટ્યા.

વડોદરા ક્રાઇમ બ્રાન્ચે ગેસ સિલિન્ડર ચોરતા રીઢા ગુનેગાર અનિલ મહિડાને ઝડપી પાડ્યો. મોંઘવારીનો ફાયદો ઉઠાવી, તે ચોરીની મોપેડનો ઉપયોગ કરી રહેણાંક વિસ્તારોમાંથી સિલિન્ડર ચોરી કરતો હતો. આ સિલિન્ડરો તે સ્થાનિક હોટેલો અને લારીવાળાઓને સસ્તા ભાવે વેચી દેતો હતો. પોલીસે તેની પાસેથી ૨ ચોરેલી મોપેડ અને ૫ ગેસ સિલિન્ડર કબજે કરી ૭ ગુનાઓનો ભેદ ઉકેલ્યો.

ભરૂચ નજીક શુક્લતીર્થ ગામમાં નદી વિસ્તારમાં JCBના બકેટથી ગળું દબાવી એક યુવકની હત્યાનો ચોંકાવનારો કિસ્સો સામે આવ્યો છે. મૃતદેહ મળતાં લોકો અને પોલીસ ઘટના સ્થળે દોડી આવ્યા હતા. ગળા પાસે JCBનું બકેટ મળતાં આ બનાવ અકસ્માત છે કે ઇરાદાપૂર્વકની હત્યા તે અંગે તર્કવિતર્ક ચાલી રહ્યા છે. પોલીસે મૃતદેહને પોસ્ટમોર્ટમ માટે મોકલી, યુવકની ઓળખ અને ફરિયાદ નોંધી તપાસ શરૂ કરી છે.

જામનગર પોલીસે યાદવ નગરના ખેડૂત નારણભાઈ કંડોરીયાના ચોરાયેલા 7.5 લાખ રોકડા અને સોનાની વીંટી ગણતરીની કલાકોમાં શોધી કાઢ્યા. LCB અને સીટી સી ડિવિઝન પોલીસની આધુનિક ટેકનોલોજી અને હ્યુમન ઇન્ટેલિજન્સના ઉપયોગથી આરોપી ઝડપાયો. રાજ્ય સરકારના 'તેરા તુજકો અર્પણ' અભિગમને સાર્થક કરતી આ કાર્યવાહીમાં, SP ડો. રવિ મોહન સૈની અને અન્ય અધિકારીઓએ ખેડૂતને મુદ્દામાલ પરત સોંપ્યો. પોતાની મહેનતની કમાણી સુરક્ષિત મળતા ખેડૂતે પોલીસનો આભાર માન્યો.

વડોદરા નજીક નેશનલ હાઈવે 48 પર PCB એ સફેદ કારમાંથી 2.67 લાખના દારૂ સાથે લિસ્ટેડ બુટલેગર સન્ની ઉર્ફે બાબલાને ઝડપી પાડ્યો. 7 લાખની મતા સાથે, ગેંગ ડ્રાઇવરો-વાહનો બદલી અને બાઇકથી પાયલોટિંગ કરી દારૂ લાવતી હતી. સન્ની 11 ગુનામાં સંડોવાયેલો હતો અને કપુરાઈ પોલીસ સ્ટેશનમાં ગુનો નોંધાયો છે.

પોરબંદરમાં કમલાબાગ નજીક ઓઇલ મિલના પટાંગણમાં સૂકા ઘાસમાં આગ લાગતાં ભીષણ સ્વરૂપ ધારણ કર્યું. ધુમાડા અને રાખના કારણે રહીશોમાં ચિંતા પ્રસરી. ફાયર બ્રિગેડની સમયસરની કામગીરીથી આગ પર કાબૂ મેળવી મોટી હોનારત ટાળી. જાનહાનિ ટળી.

શામળાજીના અણસોલ ચેકપોસ્ટ પાસેથી કતલના ઇરાદે રાજસ્થાન લઈ જવાતી 7 ભેંસો અને 2 પિકઅપ ડાલા સાથે બે આરોપીને એલસીબીએ ઝડપી પાડી મૂંગા પશુઓને બચાવ્યા. એલસીબીએ બાતમીના આધારે ચેકિંગ દરમિયાન આ કાર્યવાહી કરી બંને આરોપીઓ સામે પશુઓ પ્રત્યે ક્રૂરતા અધિનિયમ હેઠળ ગુનો નોંધી વધુ તપાસ હાથ ધરી છે.

રાણાવાવ તાલુકાનું કેરાળા ગામ, જે શાંતિ અને સમરસતા માટે જાણીતું છે. આ ગામમાં 22 સીસીટીવી કેમેરા લગાવીને સુરક્ષાને વધુ મજબૂત બનાવવામાં આવી છે. મુખ્યત્વે ખેતી અને પશુપાલન આધારિત આ ગામમાં શિક્ષણ, પીવાના પાણી, અને આંગણવાડી જેવી સુવિધાઓ ઉપલબ્ધ છે. કેરેડેશ્વર મહાદેવ અને વાછરડાડાનું પૌરાણિક મંદિર પણ આ ગામની ઓળખ છે.

NEET-UG-2026 પેપર લીક કેસમાં નવો ખુલાસો થયો છે કે, માત્ર એક પેપર જ નહીં, પ્રશ્નપત્રનો બીજો રિઝર્વ સેટ પણ લીક થયો હતો. આ રિઝર્વ સેટના પ્રશ્નો પણ 'ગેસ પેપર' (સંભવિત પ્રશ્નપત્ર)ના સવાલો સાથે મોટાભાગે મેળ ખાતા હતા. મુખ્ય આરોપીઓ આસિસ્ટન્ટ પ્રોફેસર પી.વી.કુલકર્ણી અને મનીષા ગુરુનાથ માંધરેએ મળીને આ ગેસ પેપર તૈયાર કર્યું હતું અને તેને અનેક રાજ્યોમાં વેચ્યું હતું.

'લાલો' ફિલ્મના અભિનેતા કરણ જોશી પર અભિનેત્રી નેહલ વડોલિયાએ શારીરિક સુખની માંગણીનો આક્ષેપ લગાવ્યો છે. કરણે આને મોબાઈલ હેક થવાનું કારણ ગણાવ્યું છે, જોકે નેહલ પુરાવા સાથે સત્ય સામે લાવવાનો દાવો કરી રહી છે.

સુરેન્દ્રનગર જિલ્લામાં ગેરકાયદે ખનીજ ખનન અને વહન કરતા માફિયાઓ સામે મોટી કાર્યવાહી. સાયલા, મૂળી અને થાનગઢમાંથી 42 થી વધુ લોકોની અટકાયત. સોશિયલ મીડિયા પર ડિજિટલ નેટવર્ક બનાવી સરકારી અધિકારીઓની રેકી કરતા હોવાનો ઘટસ્ફોટ. 10થી વધુ વોટ્સએપ ગ્રુપ દ્વારા અધિકારીઓની થતી હતી રેકી. તમામ આરોપીઓને SP કચેરી ખસેડાયા, સઘન તપાસ શરૂ.

અમદાવાદના ગીતા મંદિર પાસેથી SGST વિભાગે ખાનગી બસમાંથી 100 કિલો ચાંદીનો જથ્થો ઝડપી પાડ્યો. મોટાભાગના જથ્થાના કોઈ બિલ કે દસ્તાવેજો મળ્યા નથી. મળતી માહિતી અનુસાર, સ્ટેટ GSTની ટીમને ચોક્કસ બાતમી મળી હતી કે અમદાવાદથી રાજકોટ જતી ખાનગી લક્ઝરી બસમાં ચાંદીની ગેરકાયદે હેરાફેરી થઈ રહી છે. આ બાતમીના આધારે ગીતા મંદિર વિસ્તારમાં વોચ ગોઠવીને એક શંકાસ્પદ શખસને અટકાવવામાં આવ્યો હતો.

અમદાવાદ એરપોર્ટ પર કસ્ટમ્સ વિભાગ દ્વારા ગેરકાયદે વિદેશી સિગારેટના મોટા જથ્થાનો પર્દાફાશ થયો છે. બે શંકાસ્પદ પેસેન્જરો પાસેથી 16,600 નંગ વિદેશી સિગારેટ જપ્ત કરાઈ છે. પ્રતિબંધિત માલ જપ્ત કરી બંને મુસાફરોની અટકાયત કરી કાયદેસરની કાર્યવાહી હાથ ધરાઈ છે. આ બંને આરોપીઓ કેરલમના રહેવાસી છે અને કસ્ટમ્સ ડ્યુટી ચોરીને નફો કમાવવાના હેતુથી આ જથ્થો લવાયો હોવાની આશંકા છે.

અમદાવાદ એરપોર્ટ પર એર ઈન્ટેલિજન્સ યુનિટ (AIU)એ બેંગકોકથી આવેલ એક પેસેન્જર પાસેથી 6.540 કિલોગ્રામ ગાંજો જપ્ત કર્યો છે. આંતરરાષ્ટ્રીય ફ્લાઈટ મારફતે ગાંજાની તસ્કરી બદલ NDPS એક્ટ હેઠળ ગુનો નોંધી તેની ધરપકડ કરાઈ છે. છત્તીસગઢના રાયપુરના રહેવાસી આ પેસેન્જર તેની પહેલી જ વિદેશ યાત્રામાં ડ્રગ્સ માફિયાઓ માટે 'ડ્રગ કેરિયર' બન્યો હતો. પોલીસ હવે આ રેકેટના મૂળ સુધી પહોંચવા તપાસ કરી રહી છે.

રાજકોટ ઇન્ટરનેશનલ એરપોર્ટ પરથી અંદાજે ₹10 કરોડની કિંમતની 400 કિલો ચાંદી ઝડપાતા ભારે સનસનાટી ફેલાઈ છે. સેન્ટ્રલ ઇન્ટેલિજન્સ બ્યુરો (IB)એ બાતમીના આધારે દરોડો પાડી આ બિનહિસાબી જથ્થો કબજે કર્યો હતો. પ્રાથમિક માહિતી મુજબ ચાંદીનો જથ્થો ઉત્તર પ્રદેશના વારાણસીથી મોકલાયો હતો અને ‘સનરાઈઝ પેઢી’ નામના વેપારી દ્વારા તેની હેરફેર કરવામાં આવી હતી. આ ચાંદી રાજકોટના સામાકાંઠા વિસ્તારના એક જાણીતા વેપારીની હોવાનું સામે આવ્યું છે. ઘટનાને પગલે સ્થાનિક વેપારી વર્તુળોમાં ભારે ચકચાર મચી ગઈ છે.

અમદાવાદ મ્યુનિસિપલ કોર્પોરેશનમાં ડ્રેનેજ કામગીરી માટે ફાળવાયેલા નાણાંનો પૂરતો ઉપયોગ ન થતાં શહેરના કોટ વિસ્તાર અને મધ્ય ઝોનના નાગરિકોને ભારે હાલાકી ભોગવવી પડી રહી છે. છેલ્લા 16 મહિનામાં ડ્રેનેજ, ગટર અને પાણીની લાઈન સંબંધિત આશરે 1.35 લાખ ઓનલાઈન ફરિયાદો નોંધાઈ છે. વર્ષ 2024-25માં ડ્રેનેજ માટે ₹480 કરોડ ફાળવાયા હતા, પરંતુ તેમાંનો મોટો હિસ્સો ખર્ચાયો નહોતો. મધ્ય ઝોનના છ વોર્ડમાં પ્રાથમિક સુવિધાઓ માટે લોકો સતત પરેશાન થઈ રહ્યા છે અને તંત્રની બેદરકારી સામે સ્થાનિકોમાં ભારે રોષ જોવા મળી રહ્યો છે.

અનુરાગ કશ્યપ પર બ્રહ્મસમાજ વિરુદ્ધ અપમાનજનક ટિપ્પણી કરવા બદલ સુરત કોર્ટે કડક વલણ અપનાવ્યું છે. કોર્ટે BNSની કલમ 196, 352, અને 353(2) હેઠળ ગુનો નોંધી કાનૂની પ્રોસેસ ઈસ્યુ કરવાનો હુકમ કર્યો છે. ફિલ્મના વિવાદિત દ્રશ્યો સામે પ્રતિક્રિયા રૂપે આ પોસ્ટ કરાઈ હતી. ફરિયાદીએ ડિજિટલ પુરાવા રજૂ કર્યા બાદ કોર્ટે આદેશ આપ્યો છે.

ધોરાજી તાલુકા વહીવટી તંત્રએ ફરેણી ગામમાં મોરમ માટીના ગેરકાયદેસર ખનન અને પરિવહનનું મોટું કૌભાંડ ઝડપી પાડ્યું છે. સરકારી મંજૂરી વિના JCB મશીન વડે ખોદકામ કરતા એક JCB અને ટ્રેક્ટરો સહિત ₹19.10 લાખનો મુદ્દામાલ જપ્ત કરવામાં આવ્યો છે. આ અંગે ખનિજ વિભાગને પણ રિપોર્ટ કરાયો છે.

સુરત પોલીસ સાયબર છેતરપિંડી રોકવા કમર કસી. ફોરેન કરન્સી, બિટકોઈન, શેરબજારના નામે થતી છેતરપિંડી અટકાવવા આંતરરાજ્ય-આંતરરાષ્ટ્રીય નેટવર્ક તોડવા સાયબર મીટ યોજાઈ. બેંકો અને ટેલિકોમ કંપનીઓના અધિકારીઓની ઉપસ્થિતિમાં એકશન પ્લાન બન્યો. નાગરિક સાથે ફ્રોડ થાય ત્યારે બેંકો એકાઉન્ટ Freeze કરશે, મોબાઈલ કંપનીઓ રિયલ-ટાઇમ ડેટા આપશે.

પાટણમાં રખડતા ઢોર પકડવા ગયેલી પાલિકા ટીમ પર પશુપાલકોએ હુમલો કર્યો. કર્મચારીઓની ફરજમાં અડચણ કરી, ઢોરોને રોડ પર ભગાડ્યા. સેનેટરી ઇન્સ્પેક્ટરને ધમકી આપી. બે નામજોગ અને બે અજાણ્યા વિરુદ્ધ પોલીસ ફરિયાદ નોંધાઇ.

વસ્ત્રાપુર મર્ડર કેસમાં તત્કાલીન PI ગોવિંદભાઈ કે.ભરવાડ વિરુદ્ધ પુરાવા ન મળતાં પોલીસે બી સમરી ભરી હતી. કોર્ટે તેને ફ્લાવ્યો, DCP ઝોન-1 ને તપાસ સોંપી. સાક્ષીઓના નિવેદનમાં PI ની હાજરી, સીડીઆર, લોકેશન, સીસીટીવી ફૂટેજ ન મળ્યા. કોર્ટે સમરી રિપોર્ટ નામંજૂર કરી 60 દિવસમાં રિપોર્ટ માંગ્યો.

જામનગરના ઠેબા બાયપાસ પર એક ટ્રક ચાલકે સ્ટેયરીંગ પરથી કાબૂ ગુમાવતાં ત્રણ વાહનોને ટક્કર મારી હતી. આ અકસ્માતમાં એક બાઇક ચાલકને ગંભીર ઇજા થતાં G.G. Hospital ખસેડાયો. પોલીસે ટ્રાફિકજામ હટાવી ટ્રક ચાલક વિરુદ્ધ ગુનો નોંધી તપાસ હાથ ધરી.

સુરતમાં ફોરેન કરન્સી એક્સચેન્જ એજન્ટને ડોલર વટાવી આપવાના બહાને બોલાવી કારમાં બંધક બનાવી 18.65 લાખ રૂપિયાની લૂંટ કરવામાં આવી. અસામાજિક તત્વોએ એજન્ટને રસ્તા પર ફેંકી ફરાર થઈ ગયા. જહાંગીરપુરા પોલીસ તપાસ કરી રહી છે.