અમદાવાદના સરખેજમાં પ્રેમિકા સીમા પઠાણની હત્યા બાદ પ્રેમી યાસીન કુરેશીએ આત્મહત્યાનું નાટક રચ્યું. ચારિત્ર્યની શંકાના વહેમમાં યાસીને સીમાનું ગળું દબાવી હત્યા કરી. 6 જૂનના રોજ સીમાની શંકાસ્પદ હાલતમાં લાશ મળી હતી. પરિવારની શંકા બાદ પોલીસે તપાસ શરૂ કરી. પોસ્ટમોર્ટમ રિપોર્ટમાં હત્યાની પુષ્ટિ થતાં પ્રેમીની ધરપકડ કરાઈ, જેણે ગુનાની કબૂલાત કરી. આ કિસ્સાએ સમગ્ર વિસ્તારમાં ખળભળાટ મચાવ્યો છે.

ખેડા જિલ્લાના રસીકપુરા નજીક સાબરમતી નદીમાં ગેરકાયદેસર રીતે ઝેરી કેમિકલ છોડવાનું મોટું કૌભાંડ ઝડપાયું છે. LCB (Kheda Crime Branch) એ 'અમન ટ્રેડર્સ' નામના ગેરકાયદેસર ડાઇંગ એન્ડ પ્રોસેસિંગ યુનિટ પર દરોડો પાડી, પર્યાવરણ અને માનવ સ્વાસ્થ્ય સાથે ચેડાં કરતા માફિયાઓનો પર્દાફાશ કર્યો. આ યુનિટ કોઈપણ સરકારી મંજૂરી વગર ધમધમતું હતું અને ભૂગર્ભમાં 100 મીટર લાંબી પાઇપલાઇન દ્વારા સીધું જ ઝેરી પાણી નદીમાં ઠાલવતું હતું. પોલીસે સ્થળ પરથી મશીનરી, કેમિકલ્સ અને એક મજૂરને ઝડપી પાડ્યો છે.

સિનેમા જગતમાં મહિલાઓના ઓબ્જેક્ટિફિકેશન અને અંગપ્રદર્શન પર બોલીવૂડની વરિષ્ઠ અભિનેત્રીઓ આશા પારેખ અને જયા બચ્ચને ચિંતા વ્યક્ત કરી છે. તાજેતરમાં રિલીઝ થયેલી 'પેદ્દી' ફિલ્મમાં જાહ્નવી કપૂરના ક્લોઝ-અપ શોર્ટ્સ અને બોલ્ડ ફ્રેમિંગને લઈને વિવાદ ચાલી રહ્યો છે. આ સંદર્ભે, આશા પારેખે એક ડિરેક્ટરને પૂછ્યો હતો, "શું તમારી દીકરી આવા કપડાં પહેરે તો તમને ખુશી થશે?" જેનાથી તેમણે એક્સપોઝિંગ કોસ્ટ્યુમનો આગ્રહ છોડાવ્યો હતો. તેમણે સંજય લીલા ભણસાલીના કામની પ્રશંસા કરી. જયા બચ્ચને જણાવ્યું કે, તેમની કરિયરમાં કોઈએ લક્ષ્મણ રેખા ઓળંગવાનો પ્રયાસ નહોતો કર્યો, પરંતુ એક કડવા અનુભવ બાદ તેમણે એક ડિરેક્ટર સાથે કામ કરવાનું બંધ કર્યું.

ગુજરાતના વલસાડમાં હિન્દુ અને જૈન દીકરીઓને પ્રેમજાળમાં ફસાવી, ધર્માંતરણ કરાવી મહારાષ્ટ્ર મારફતે રાતોરાત વિઝા કઢાવી વિદેશ મોકલવાના નવા ષડયંત્રનો પર્દાફાશ થયો છે. ગુજરાતમાં કડક કાયદાને કારણે આરોપીઓ મહારાષ્ટ્રનો આશરો લઈ રહ્યા છે. આ મામલે સમાજ દ્વારા ઉચ્ચ સ્તરીય તપાસની માંગ કરવામાં આવી છે. દીકરીઓ પાસે ઘરેથી પૈસા અને ઘરેણાંની ચોરી કરાવી તેમને લંડન મોકલવાની નવી પદ્ધતિ સામે આવી છે, જે માનવ તસ્કરી હોઈ શકે છે.

અમદાવાદના સરસપુર સ્થિત AMC સંચાલિત સ્વિમિંગ પૂલમાં મોડી રાત્રે અસામાજિક તત્ત્વોનો આતંક જોવા મળ્યો. અંદાજે ૧૦-૧૫ જેટલા યુવકો બંધ પૂલમાં ઘૂસી ગયા, જ્યાં તેમણે જોરશોરથી ગીતો વગાડી ધમાલ મચાવી. આ શખસોએ દીવાલ કૂદીને અથવા સિક્યુરિટી ગાર્ડને હથિયારો બતાવી ધમકાવી પ્રવેશ મેળવ્યો હતો. આ સ્થળે અગાઉ પણ આવી ઘટનાઓ બની ચૂકી છે, છતાં સુરક્ષાના કોઈ ખાસ પગલાં લેવાયા નથી. પોલીસ અને AMC સત્તાધીશોએ હજુ સુધી કોઈ કડક કાર્યવાહી કરી નથી.

અમદાવાદ ગ્રામ્ય LCB દ્વારા ગ્રાહક બની સોનાના દાગીના ચોરી કરતી વડોદરાની એક શાતિર મહિલાને ઝડપી પાડવામાં સફળતા મળી છે. બાવળાની જ્વેલર્સ શોપમાંથી વીંટીઓ ચોરી ફરાર થયેલી આ મહિલાની ધરપકડ બાદ ધ્રાંગધ્રા, વિજાપુર અને વિસનગર સહિત ચાર શહેરોમાં થયેલી ચોરીના ગુનાઓનો ભેદ ઉકેલાયો છે. CCTV ફૂટેજ અને હ્યુમન સોર્સની મદદથી પોલીસે પ્રવિણાબહેન ઉર્ફે ટીની સેનવા નામની મહિલાને ઝડપી પાડી, જે રામોલ પોલીસ સ્ટેશનના એક ગુનામાં પણ લાંબા સમયથી ફરાર હતી.

પ્રભાસની ફિલ્મ 'કલ્કિ ટુ' નું શૂટિંગ આવતા મહિનાથી ફરી શરૂ થશે. દિગ્દર્શક નાગ અશ્વિને ઝડપી શૂટિંગનો દાવો કર્યો છે. દીપિકા પદુકોણના બદલે સાઈ પલ્લવી મુખ્ય ભૂમિકામાં હોવાની અટકળો છે, જોકે સત્તાવાર જાહેરાત બાકી છે. દીપિકા દ્વારા શરતો બાદ ફિલ્મમાંથી તેને હટાવવામાં આવી હતી, જેના કારણે શૂટિંગમાં વિલંબ થયો હતો.

આમિર ખાને નિર્માતા સલીમ અખ્તરના પરિવારને રૂબરૂ મળીને અને અનેક વિનવણીઓ કરીને 'બટવારા' ફિલ્મ ટાઇટલના હક્કો મેળવ્યા છે. ૧૯૮૯ની આઇકોનિક ફિલ્મ 'બટવારા'નું ટાઇટલ હવે સની દેઓલ અને પ્રીતિ ઝિન્ટા સ્ટારર ફિલ્મ 'લાહોર ૧૯૪૭' માટે ઉપયોગમાં લેવાશે. આ પહેલાં ફિલ્મનું નામ 'લાહોર ૧૯૪૭' નક્કી થયું હતું, પરંતુ રાજકીય પરિસ્થિતિને ધ્યાનમાં રાખીને આમિરે ટાઇટલ બદલવાનો નિર્ણય કર્યો હતો. અંતે, 'બટવારા' નામ મેળવવા માટે આમિરે સલીમ અખ્તરના પરિવાર સાથે ખાસ વાતચીત કરી હતી.

વરુણ ધવનની ફિલ્મ 'હૈ જવાની તો ઈશ્ક હોના હૈ' બોક્સ ઓફિસ પર નિષ્ફળ રહી છે. આશરે 100 કરોડના બજેટમાં બનેલી આ ફિલ્મે બે દિવસમાં માત્ર 15 કરોડની કમાણી કરી છે. આ કારણે ફિલ્મ તેના પ્રોડક્શન કોસ્ટ પણ વસૂલ કરી શકશે કે કેમ તે અંગે શંકા છે. ડેવિડ ધવનની આ કથિત રીતે છેલ્લી ફિલ્મ છે, પરંતુ ફિલ્મ ક્રિટિક્સના મતે તે જૂની Stlye માં ફિલ્મ બનાવી રહ્યા છે જે OTT ના યુગમાં ચાલતી નથી. 'બીવી નંબર વન'ના ગીત 'ચુનર ચુનર'ની કોપી પર કાનૂની વિવાદ થયો હતો, પણ તેની કોઈ અસર થઈ નથી.

પશ્ચિમ બંગાળના હાવડા જિલ્લામાં TMC નેતા સંન્યાસી મન્ના સાથે થયેલી અપમાનજનક ઘટનાએ સૌને ચોંકાવી દીધા છે. સ્થાનિક લોકોના રોષનો ભોગ બનેલા મન્નાને પહેલા દોરડાથી બાંધવામાં આવ્યા, ત્યારબાદ તેમના વાળ કાપીને તેમને જૂતા-ચંપલની માળા પહેરાવી જાહેરમાં ફેરવવામાં આવ્યા. લોકોએ આરોપ લગાવ્યો કે TMC નેતાઓએ સત્તાનો દુરુપયોગ કરીને 'કટ-મની' ના નામે કરોડો રૂપિયા ઉઘરાવ્યા. મમતા બેનરજી દિલ્હીમાં ગઠબંધનની વ્યૂહરચના ઘડી રહ્યા છે ત્યારે તેમના નેતાઓ જનતાની અદાલતમાં સજા ભોગવી રહ્યા છે. આ ઘટનાએ રાજ્યના અન્ય TMC નેતાઓમાં પણ ભયનો માહોલ સર્જ્યો છે.

રાજકોટ જિલ્લાના ત્રંબા ગામ નજીક કાર ચાલકે કાબૂ ગુમાવતા કાર રોડ કિનારે આવેલી દુકાનમાં ઘૂસી ગઈ. આ દુર્ઘટનામાં દુકાન ખોલી રહેલા 52 વર્ષીય વેપારી કનૈયાલાલ બારસિયાનું ગંભીર ઈજાઓ થતાં મોત નીપજ્યું. કાર અને દીવાલ વચ્ચે દબાઈ જવાથી તેમનું કરુણ મોત થયું. આ સમગ્ર ઘટના દુકાનના CCTV અને કારના ડેશકેમમાં કેદ થઈ ગઈ છે. પોલીસે CCTV ફૂટેજના આધારે વધુ તપાસ હાથ ધરી છે.

મહેસાણા જિલ્લાના વિસનગરથી ચોંકાવનારા સમાચાર છે, જ્યાં વિસનગર નગરપાલિકાના વોર્ડ નંબર-1 ના BJP નગરસેવક દીપક મોદીએ ટ્રેન નીચે પડતું મૂકી આત્મહત્યા કરી લીધી. આ ઘટનાથી સમગ્ર પંથકમાં અરેરાટી ફેલાઈ છે. દીપક મોદી તાજેતરમાં યોજાયેલી ચૂંટણીમાં વોર્ડ નંબર-1 માંથી બિનહરીફ વિજેતા બન્યા હતા અને પાલિકામાં પક્ષના નેતા હતા. સ્મશાન નજીક આઘાતજનક પગલું ભરતા ટ્રેન નીચે શરીરના બે ટુકડા થઈ ગયા. પોલીસ આત્મહત્યાના કારણોની તપાસ કરી રહી છે.

નખત્રાણા અને અબડાસા તાલુકામાં મામલતદારની ટીમો દ્વારા ઓવરલોડ ખનીજ વહન કરતા 4 ડમ્પર વાહનો સાથે કુલ 1.32 કરોડ રૂપિયાનો મુદ્દામાલ જપ્ત કરવામાં આવ્યો છે. કોટડા જડોદર નજીક બ્લેક ટ્રેપ ભરેલા બે ડમ્પર રોયલ્ટી પાસ કરતાં વધુ ખનીજ સાથે પકડાયા, જેના પર 72.20 લાખ રૂપિયાનો મુદ્દામાલ જપ્ત થયો. જ્યારે હાજાપર નજીક બેન્ટોનાઇટ ભરેલા બે ટ્રકોમાં ઓવરલોડ ખનીજ મળતા 60.35 લાખ રૂપિયાનો મુદ્દામાલ જપ્ત કરાયો. ખાણ-ખનીજ વિભાગ હોવા છતાં મહેસૂલ તંત્રને ખનીજ ચોરી અને ઓવરલોડ પરિવહન રોકવા મેદાને ઉતરવું પડ્યું છે, જ્યારે RTO વિભાગ આ મામલે નિંદ્રાધીન જણાય છે.

ગાંધીધામ તાલુકાના મીઠીરોહરમાં પુર્વ કચ્છ એલસીબી પોલીસે 16.19 લાખ રૂપિયાની કિંમતનો 164.9 ટન શંકાસ્પદ કોલસો ઝડપી પાડ્યો છે. એક ખુલ્લા વાડામાં ગેરકાયદે રીતે રાખવામાં આવેલો આ કોલસાનો જથ્થો સંબંધિત કોઈ બિલ કે દસ્તાવેજ રજૂ ન થતાં પોલીસે કબજે લીધો છે. પોલીસે બે લોડર વાહનો અને મોબાઈલ ફોન સહિત કુલ રૂ. 22.24 લાખનો મુદ્દામાલ કબજે કર્યો છે. હારૂન અધાભાઈ સોઢાની અટકાયત કરાઈ છે, જ્યારે અન્ય ચાર ફરાર આરોપીઓની શોધખોળ ચાલુ છે.

ભુજ શહેરના ઐતિહાસિક મહાદેવ ગેટ વિસ્તારના ગઢરાંગ પર જાહેરાતો અને બેનરો લગાવવા માટે ખીલા ખોડવામાં આવતા તેની દીવાલોને ભારે નુકસાન થઈ રહ્યું છે. 2001ના ભૂકંપ બાદ જીર્ણોદ્ધાર કરાયેલ આ સ્થળ, જે કચ્છના રાજશાહી ઇતિહાસની ઓળખ છે, તેની પથ્થરની દીવાલો ઢીલી પડી રહી છે અને તિરાડો પડી રહી છે. સ્થાનિકો આ બાબતથી નારાજ છે અને માંગ કરી રહ્યા છે કે બેનરો તાત્કાલિક દૂર કરવામાં આવે અને દીવાલોને વધુ નુકસાનથી બચાવવા માટે તંત્ર દ્વારા પગલાં લેવામાં આવે. આ વારસાગત મહત્વ ધરાવતા સ્થળનું રક્ષણ કરવું આવશ્યક છે.

છોટાઉદેપુરના નસવાડી પોલીસ સ્ટેશને તેરા તુજકો અર્પણ અભિયાન અંતર્ગત વધુ એક પ્રશંસનીય કામગીરી કરી છે. CEIR (સેન્ટ્રલ ઇક્વિપમેન્ટ આઇડેન્ટિટી રજિસ્ટર) પોર્ટલની મદદથી ખોવાયેલા અને ગુમ થયેલા કુલ 14 મોબાઇલ ફેન શોધી કાઢી તેમના મૂળ માલિકોને પરત સોંપ્યા હતા. પરત અપાયેલા મોબાઇલની કુલ કિં. રૂા.2,47,783 જેટલી થાય છે.

મુંબઈ-અમદાવાદ હાઈવે પર વિરાર નજીક નેમીસુરી સમુદાયના પરમ પૂજ્ય આચાર્ય ભગવંત શ્રી વિજય સિંહસેન સુરીશ્વરજી (82) મ.સા. અને સુર્વત સેન (55) મહારાજ સાહેબ સહિત ચાર સેવક એક અજાણ્યા ટ્રકની અડફેટે આવતાં ગંભીર રીતે ઘાયલ થયા છે. આ ઘટના શનિવારે સવારે 5:30 કલાકે પતરાપુલ પાસે બની હતી. ટ્રક ડ્રાઈવર અકસ્માત સર્જીને ફરાર થઈ ગયો હતો. 108 એમ્બ્યુલન્સનો સંપર્ક ન થતાં પોલીસને જાણ કરવામાં આવી, જે બાદ ઇજાગ્રસ્તોને સારવાર માટે ખસેડાયા. શ્રી વિજય સિંહસેન સુરીશ્વરજીને નાણાવટી હોસ્પિટલમાં દાખલ કરાયા છે, જ્યાં તેમની તબિયત સ્થિર છે.

મુંબઈના છત્રપતિ શિવાજી મહારાજ ઈન્ટરનેશનલ એરપોર્ટ (CSMI) પરથી ડિરેક્ટોરેટ ઓફ રેવેન્યુ ઈન્ટેલિજન્સ (DRI) એ 'ઓપરેશન ગોલ્ડન નેક્સસ' હેઠળ મોટી કાર્યવાહી કરી છે. રવિવારે પરોઢિયે, 5 કરોડ રૂપિયાના 3.2 કિલો સોના સાથે સાત જણની ધરપકડ કરવામાં આવી છે, જેમાં એક ભાજપના નેતા અજિત આચરેકરનો પણ સમાવેશ થાય છે. આરોપીઓમાં બાંગ્લાદેશી, શ્રીલંકન નાગરિકો અને દાણચોરીના સોનાની ડિલિવરી લેવા આવેલા તસ્કરોનો સમાવેશ થાય છે. આ સોનું બાંગકોકથી દાણચોરીથી લવાયું હતું અને એરપોર્ટ કર્મચારીઓની મદદથી બહાર કાઢવામાં આવતું હતું.

સાવલી તાલુકાના મંજુસર પોલીસ મથકની હદમાં વાસણા કોતરીયા ગામના 29 વર્ષીય રાજુ લક્ષ્મણ વાળંદ, જેઓ નોકરી જવા નીકળ્યા બાદ રહસ્યમય રીતે ગુમ થયા હતા, તેમનો મૃતદેહ આજરોજ આણંદ જિલ્લાની ખાખનપુરા કેનાલમાંથી મળી આવ્યો છે. તેમની મોટરસાઇકલ અને મોબાઇલ પણ કેનાલ પાસે મળ્યા હતા. મંજુસર પોલીસે મૃતદેહનો કબજો લઈને પોસ્ટમોર્ટમ કરાવવા અને મોતનું ચોક્કસ કારણ શોધવા માટે તપાસ હાથ ધરી છે.

વડોદરા શહેરના રેસકોર્સ રોડ પર આવેલ એક ફ્લેટમાંથી ચાલતા આંતરરાષ્ટ્રીય નકલી કોલ સેન્ટરનો પોલીસે પર્દાફાશ કર્યો છે. ચાર આરોપીઓ અમેરિકન નાગરિકોને લોન મંજૂર થઈ હોવાનું કહી પ્રોસેસિંગ ફીના નામે છેતરપિંડી કરતા હતા. પોલીસે 4 શખ્સોને 7 લેપટોપ, 8 મોબાઈલ ફોન અને અન્ય મુદ્દામાલ સાથે ઝડપી પાડ્યા છે. આરોપીઓ ડાર્ક વેબ પરથી અમેરિકન ગ્રાહકોના નંબર ખરીદી, એપલ ગિફ્ટ કાર્ડ દ્વારા નાણાં મેળવી રહ્યા હતા. આ ટોળકી રાત્રિ દરમિયાન ઠગાઈ કરતી હતી.

રાજ્યની મહત્વાકાંક્ષી 'નળ સે જળ' યોજનામાં મહીસાગર જિલ્લામાં થયેલા અંદાજે રૂ. 123 કરોડના કૌભાંડમાં વડોદરા CID ક્રાઈમ બ્રાન્ચે મોટી કાર્યવાહી કરી છે. CID ક્રાઈમે લુણાવાડા નગરપાલિકાના પૂર્વ પ્રમુખ અને ભાજપ નેતા મનહર જેઠાભાઈ પટેલની ધરપકડ કરી છે. આ ઉપરાંત, ઉમ્બેર ગામની પાણી પુરવઠા યોજનામાં રૂ. 67 લાખની નાણાકીય ગેરરીતિ કરનાર કોન્ટ્રાક્ટર હરીશ રામજીભાઈ પટેલની પણ ધરપકડ કરાઈ છે, જેના પગલે ભારે ચકચાર મચી ગઈ છે.

અમેરિકાનાં ઓહાયો રાજ્યનાં ટોલેડોમાં પરંપરાથી યોજાતા ઓલ્ડ વેસ્ટ એન્ડ ફેસ્ટિવલ નામક ઉનાળુ ઉત્સવ દરમિયાન અચાનક વ્યાપક ગોળીબાર શરૂ થતાં ઉત્સવ માણી રહેલાઓમાં અફરાતફરી મચી ગઈ હતી. ચારે તરફ નાસભાગ શરૂ થઈ હતી અને સમગ્ર વિસ્તારમાં હાહાકાર મચી ગયો હતો. અચાનક થયેલા ગોળીબારમાં ૧૨ લોકો ઘાયલ થયા હતા.

વડોદરા લક્ષ્મીપુરા ગામ પાસેથી પસાર થતા હાઈવે પર ડ્રાઈવરની એક ભૂલને કારણે 4 લોકોએ જીવ ગુમાવ્યો હતો. અંપાડ ગામના 8 સભ્યો માતાજીના મંદિરે માનતા માટે નીકળ્યા હતા. તેઓએ ભાડે કરેલી ઈકો કારમાં અમદાવાદ તરફ જવાનું હતું, પરંતુ ડ્રાઈવર ભૂલથી મુંબઈ હાઈવે પર ચઢી ગયો. પરત ફરવા યુ-ટર્ન લેતાં પાછળથી આવતા ટ્રકે ટક્કર મારી. આ ભયાનક અકસ્માતમાં 4નાં મોત અને 4 ગંભીર ઈજાગ્રસ્ત થયા. પોલીસે ફરિયાદ નોંધી તપાસ શરૂ કરી.

ઓડિશામાં વિજિલન્સ વિભાગની કાર્યવાહીમાં એક આશ્ચર્યજનક કેસ સામે આવ્યો છે. ૬ હજાર રૂપિયાનો પગાર મેળવતા એન્જિનિયર પાસેથી કરોડો રૂપિયાની રોકડ મળી આવી છે. આ ઉપરાંત તેની પાસેથી અલગ અલગ જગ્યાઓ પર મકાન અને જમીન પણ મળી આવી છે. આ એન્જિનિયરનું નામ બૈકુંઠનાથ બેહરા છે. જે કંધમાલ જિલ્લાનાં બાલીગુડામાં ઇન્ટીગ્રેટેડ ટ્રાયબલ ડેવલોપમેન્ટ ઓથોરિટી (આઇટીડીએ)નાં સહાયક કાર્યકરી તરીકે તૈનાત છે.

સરથાણા નેચર પાર્કમાં એક મુલાકાતીએ આરામ કરી રહેલા વાઘ પર પથ્થરો ફેંકી તેને ઉશ્કેર્યો હતો. આ ઘટના પાર્કના CCTV કેમેરામાં કેદ થઈ છે. ફક્ત 6 સેકન્ડના આ વીડિયોમાં યુવક વાઘને જાણી જોઈને પથ્થર મારી ધ્યાન ખેંચવાનો પ્રયાસ કરતો દેખાય છે. આશ્ચર્યજનક રીતે, અન્ય મુલાકાતીઓ ત્યાં હોવા છતાં કોઈએ તેને રોક્યો નહિ. નેચર પાર્કના અધિકારીઓએ પુષ્ટિ કરી છે કે CCTV ફૂટેજના આધારે યુવકને ઓળખી તેની સામે પોલીસ ફરિયાદ નોંધાવવાની કાર્યવાહી સોમવારે શરૂ કરવામાં આવશે.

છેલ્લા ઘણા સમયથી રાજસ્થાનના સપ્લાયરો દ્વારા ગુજરાતમાં લાખો-કરોડોનો દારૂ સપ્લાય કરવામાં આવી રહ્યો છે. દારૂનો આટલો જંગી જથ્થો ગુજરાતની ચેકપોસ્ટ પસાર કરી કઈ રીતે ઘુસી જાય છે તેનો કોઈની પાસે જવાબ નથી. હરિયાણાથી ઘુસાડાયેલો રૂા.૧.પ૧ કરોડનો અંગ્રેજી દારૂ એસએમસીએ ગોંડલ નજીકથી ઝડપી લઈ ટ્રક ચાલકની ધરપકડ કરી છે. જોકે કયા બુટલેગરે આ દારૂનો જથ્થો મંગાવ્યો હતો તે વિશે SMCને કોઈ માહિતી મળી નથી.

અમેરિકાનાં ફિલાડેલ્ફિયામાં પિઝા ડિલિવરી દરમિયાન એક 28 વર્ષીય ભારતીય યુવકની ગોળી મારી હત્યા કરવામાં આવી છે. પિઝાનો આ ઓર્ડર નકલી હતો. તેલંગણાનો રહેવાસી યુવક અમેરિકામાં વીકએન્ડમાં પાર્ટ ટાઇમ પિઝા ડિલિવરી  એક્ઝિક્યુટીવ તરીકે કાર્ય કરતો હતો. 

સાયબર ફ્રોડ માટે મામૂલી રકમ લઇ પોતાના બેંક ખાતા ભાડે આપનારાઓ વિરુદ્ધ રાજ્યભરમાં ઓપરેશન મ્યુલ હન્ટ અંતર્ગત ગુના દાખલ થયા બાદ હવે બીજા તબક્કામાં પણ ગુના દાખલ કરાવવાનું શરૂ કરાયું છે. રાજકોટ જિલ્લામાં કુલ ૮ ગુના દાખલ થયા છે. જેમાં કુલ ૧૬ આરોપીઓમાંથી ૯ની પોલીસે ધરપકડ કરી છે. આ તમામ ૮ ગુનામાં સંડોવાયેલા ૧૬ શખ્સોના ૮ બેંક ખાતામાં સાયબર ફ્રોડના રૂા.૧.૭૮ કરોડ જમા થયા હતા. જે અંગે દેશભરમાંથી ૫૦ અરજીઓ મળી હતી.

અમેરિકાનાં ઓહાયોના ટોલેડોમાં પરંપરાગત રીતે યોજાતા ઓલ્ડ વેસ્ટ એન્ડ ફેસ્ટિવલ દરમિયાન અચાનક ગોળીબારની ઘટના બની. શનિવારે સાંજે ઉત્સવમાં ગીત-સંગીત, ભોજન અને સહેલગાહનો આનંદ માણી રહેલા લોકો વચ્ચે ગોળીબાર થતાં અફરાતફરી મચી ગઈ. લોકો જીવ બચાવવા દોડવા લાગ્યા હતા. આ ઘટનાને કારણે સમગ્ર વિસ્તારમાં ભયનો માહોલ સર્જાયો હતો. અનેક લોકોને ઈજા પહોંચી હોવાના અહેવાલો છે.

ખેરાલુ અને આસપાસના વિસ્તારોમાં બેફામ ચાલતા ઓવરલોડ ડમ્પરો સામે મહેસાણા RTO તંત્રએ સખત કાર્યવાહી કરી છે. 'સંદેશ'ના અહેવાલ બાદ RTO જાગ્યું અને અચાનક ચેકિંગ હાથ ધર્યું, જેના પગલે નિયમભંગ કરનારા ડમ્પર માલિકો અને ભૂમાફિયાઓમાં ભયનો માહોલ છે. ચેકિંગ દરમિયાન ક્ષમતા કરતાં વધુ માલ ભરેલા 4 ડમ્પરો પાસેથી રૂ. 40,000 દંડ વસૂલ્યો, જ્યારે એક ડમ્પરને ડિટેઈન કરી રૂ. 88,000નો દંડ ફટકાર્યો. આમ, કુલ રૂ. 1,28,000થી વધુનો દંડ વસૂલવામાં આવ્યો.