IIT-NIT પ્રવેશ માટે JEE એડવાન્સ પરીક્ષા બે સેશનમાં યોજાઈ. NEET પેપર લીક વિવાદ વચ્ચે વિદ્યાર્થીઓ આત્મવિશ્વાસ સાથે પરીક્ષા આપી રહ્યા છે, જોકે દૂરના પરીક્ષા કેન્દ્રો ફાળવાતા વાલીઓમાં નારાજગી જોવા મળી રહી છે. દેશભરમાંથી અંદાજે 2.50 લાખ વિદ્યાર્થીઓ પરીક્ષા આપી રહ્યા છે.

સામાન્ય પરિવારમાંથી આવતા ડો. ચિરાગ ભોરણિયાએ ડેન્ટલ ક્ષેત્ર છોડી UPSCની તૈયારી શરૂ કરી. પિતાની બીમારી અને આર્થિક સંઘર્ષ વચ્ચે, મર્યાદિત સંસાધનો અને જાતે અભ્યાસ કરીને તેમણે સફળતા મેળવી. HIV ગ્રસ્ત બાળકો સાથેના સેવાકાર્યે તેમની વહીવટી સમજને વધુ પુખ્ત બનાવી. આખરે, તેમણે લક્ષ્યવેધ સિદ્ધ કરી ભારતીય સૂચના સેવામાં પોતાની સેવા આપી.

કેનેડા ગયેલા 20,000 ભારતીય વિદ્યાર્થીઓ 'નો શો' થયા છે, જે ચિંતાનો વિષય છે. આ વિદ્યાર્થીઓ ગાયબ નથી, પરંતુ તેમણે કોલેજમાં પ્રવેશ લીધો નથી અથવા હાજરી નથી ભરી. આના અનેક કારણો છે, જેમાં કડક સરકારી નિયમો, કોલેજો અને ફેક કન્સલ્ટન્ટ્સની ગોલમાલ, PR કે વર્ક પરમિટ મેળવવાનો પ્રયાસ, અને અમેરિકા જવાનું આયોજન શામેલ છે.

NEET-UG 2026 પેપર લીક વિવાદ વચ્ચે, કેન્દ્ર સરકારે NTA (નેશનલ ટેસ્ટિંગ એજન્સી) માં 4 ટોચના અધિકારીઓની નિમણૂકને મંજૂરી આપી છે. જેમાં 2 સંયુક્ત સચિવ (અનુજા બાપટ, રૂચિતા વિજ) અને 2 સંયુક્ત નિયામકનો સમાવેશ થાય છે. આ નિમણૂક 5 વર્ષ માટે છે અને એપોઇન્ટમેન્ટ્સ કમિટી ઓફ ધ કેબિનેટ (ACC) દ્વારા કરવામાં આવી છે. આ નિર્ણય ઉચ્ચ શિક્ષણ વિભાગ હેઠળ કાર્યરત NTA માં પારદર્શિતા લાવવાના પ્રયાસ તરીકે જોવાય છે.

NEET પેપર લીક મામલે રાહુલ ગાંધીએ શિક્ષણ મંત્રી ધર્મેન્દ્ર પ્રધાનને તાત્કાલિક બરતરફ કરવાની માંગ કરી. તેમણે કહ્યું કે 22 લાખ વિદ્યાર્થીઓ સાથે વિશ્વાસઘાત થયો છે. PM મોદીના મૌન પર પણ પ્રશ્ન ઉઠાવ્યો. રાહુલ ગાંધીએ શિક્ષણ પ્રણાલીમાં RSS-BJPની સાઠગાંઠનો પણ આરોપ લગાવ્યો.

ગુજરાત રાજ્યમાં RTEમાં પ્રવેશ માટેની 2026-27ની ઓનલાઇન કેન્દ્રિય પ્રક્રિયામાં પ્રથમ રાઉન્ડ પુરો થઇ ગયો છે. પ્રથમ રાઉન્ડના અંતે 73 હજારથી વધુ બાળકોનો પ્રવેશ કન્ફર્મ થઇ ગયો છે. જ્યારે 4732 વાલીએ પોતાના બાળકોને પ્રવેશ મળવા છતાં પણ પ્રવેશ કન્ફર્મ કરાવ્યો નથી અને પ્રવેશ જતો કર્યો છે. જેથી આ ખાલી બેઠકો ઉપરાંત અગાઉ ન ફાળવાયેલી સહિતની હવે કુલ 10494 બેઠકો ખાલી છે. જે માટે બીજો રાઉન્ડ હાથ ધરાશે. RTE Act અંતર્ગત ધોરણ 1માં વિનામૂલ્યે પ્રવેશ માટેની સરકારની ઓનલાઇન કોમન પ્રક્રિયામાં આ વર્ષે રાજ્યની 9500થી વધુ ખાનગી સ્કૂલોની 25 ટકા બેઠકો મુજબ 83687 બેઠકો હતી.

CJI Suryakant એ બેરોજગાર યુવાનોની સરખામણી કોકરોચ સાથે કરવાના અહેવાલો પર સ્પષ્ટતા કરી. તેમણે જણાવ્યું કે, મીડિયાએ તેમની મૌખિક ટિપ્પણીને ખોટી રીતે રજૂ કરી છે. CJI એ માત્ર નકલી ડિગ્રી ધરાવતા અને વ્યવસ્થામાં ઘુસણખોરી કરતા લોકોની ટીકા કરી હતી, યુવાનોની નહીં. તેઓ યુવાનોને વિકસિત ભારતના સ્તંભ માને છે.

NEET-UG 2026 પેપર લીક કેસમાં CBIએ પુણેની વરિષ્ઠ વનસ્પતિશાસ્ત્ર શિક્ષિકા મનીષા ગુરુનાથ મંડહરેની દિલ્હીથી ધરપકડ કરી છે. તેઓ NTA પેનલની સભ્ય હતા અને પેપર લીકના માસ્ટરમાઇન્ડ હોવાનું સામે આવ્યું છે. મંડહરે અને પુણેની મનીષા વાઘમારેએ મળી વિદ્યાર્થીઓને વિશેષ કોચિંગ આપી પરીક્ષા અગાઉ જ સવાલ જણાવ્યાનો આરોપ છે. CBIએ દેશભરમાં 6 સ્થળોએ દરોડા પાડી અનેક સામાન જપ્ત કર્યો છે, અને અત્યાર સુધીમાં કુલ 9 આરોપીઓની ધરપકડ કરી છે, જેમાં મુખ્ય સૂત્રધાર પી.વી. કુલકર્ણીનો પણ સમાવેશ થાય છે. NEETની ફરી પરીક્ષા 21 જૂને યોજાશે.

હેમચંદ્રાચાર્ય ઉત્તર ગુજરાત યુનિવર્સિટી, પાટણ ખાતે રાષ્ટ્રીય શિક્ષણ નીતિ-2020 હેઠળ FY UGP માં શૈક્ષણિક વર્ષ 2026-27 થી 60 UG ઓનર્સ બેઠકો શરૂ કરવાની ભલામણ કરાઈ છે. PhD ગાઈડ દીઠ 1 ઓનર્સ વિથ રિસર્ચ બેઠક પણ શરૂ કરાશે. PG ટીચર અને PhD ગાઈડશીપ માન્યતા અંગે પણ ચર્ચા થઈ.

કરજણ કોંગ્રેસે NEET પેપર લીક અને વિદ્યાર્થીઓના નુકસાન અંગે તપાસની માગ કરી. આવનાર વરસાદને ધ્યાને રાખી, તંત્ર દ્વારા પ્રી-મોન્સૂન કામગીરી સમયસર થાય તેવી રજૂઆત પ્રાંત અધિકારીને કરી. રોડ, ગટર, વીજળી, અને પાણી જેવી સમસ્યાઓ ચોમાસા પહેલા ઉકેલવા તેમજ દવા છંટકાવ અને પાણીની ગુણવત્તા ચકાસવા પણ ભાર મૂકાયો.

વડોદરાના ડભોઇ તાલુકાના વડેલી ગામે રહેતા શિક્ષક સુનિલભાઇ રાઠોડની દીકરી યાત્રી રાઠોડે તાજેતરમાં ધો.12 સાયન્સ CBSE માં 94 ટકા ગુણ મેળવીન્ો જવાહર નવોદય વિદ્યાલય (સાધી, વડોદરા) ખાતે પોતાનું સમાજનું અને પરિવાર સહિત શાળાનું નામ ઉજ્વળ કર્યું છે. જેણીને શાળા પરિવાર દ્વારા શુભેચ્છા પાઠવાઇ છે.

પેપર લીક થતાં ૨૧ જુને ફરી NEET-UG પરીક્ષા. હવે કોમ્પ્યુટર બેઝ્ડ ટેસ્ટ (CBT) પર ભાર. રદ થયેલી પરીક્ષાની સંપૂર્ણ ફી પરત અપાશે. વિદ્યાર્થીઓને ફરી પરીક્ષા માટે કોઈ ખર્ચ નહીં. પરીક્ષામાં ૧૫ મિનિટ વધુ મળશે. એક સપ્તાહ અગાઉ કેન્દ્રની પસંદગીની છૂટ. એડમિટ કાર્ડ ૧૪ જૂન સુધીમાં ઉપલબ્ધ થશે.

સુપ્રીમ કોર્ટના મુખ્ય ન્યાયાધીશ સૂર્યકાંતે બેરોજગાર યુવાનોને "વંદા" સમાન ગણાવ્યા. તેમણે કહ્યું કે આવા લોકો મીડિયા, સોશિયલ મીડિયા કે RTI activist બની સિસ્ટમ પર હુમલો કરે છે. આ ટિપ્પણી દિલ્હી હાઇકોર્ટના એક વકીલની સીનિયર એડવોકેટનો દરજ્જો મેળવવા સંબંધિત મામલાની સુનાવણી દરમિયાન આવી હતી, જેણે ભારે ચર્ચા જગાવી.

ગજેરા કેમ્પસ વિદ્યાસભા સ્પોર્ટ્સ સ્કૂલના 14 વિદ્યાર્થીઓએ જૂનાગઢ ખાતે યોજાયેલી રાજ્ય કક્ષાની ઇન્ટર DLSS હેન્ડબોલ બોયઝ લીગમાં ઉત્કૃષ્ટ દેખાવ કરી સુવર્ણ પદક પ્રાપ્ત કર્યો. ખેલાડીઓની મહેનત, નિયમિત પ્રશિક્ષણ અને કોચિંગ સ્ટાફના માર્ગદર્શનને કારણે આ સિદ્ધિ મળી છે.

અમરેલી જિલ્લામાં વધુ નાગરિકોને નિઃશુલ્ક યોગ તાલીમ મળે તે માટે રાજ્ય યોગ બોર્ડ દ્વારા વિવિધ સંસ્થાઓ સાથે એમ.ઓ.યુ.નો પ્રારંભ. હાલ 55 નિ:શુલ્ક યોગ વર્ગ કાર્યરત, જેમાંથી 40 અમરેલી શહેરમાં. આ પહેલથી સ્વસ્થ અને મેદસ્વિતા મુક્ત ગુજરાત અભિયાનને વેગ મળશે.

NEET પેપર લીક બાદ 21 જૂને ફરી પરીક્ષા, પ્રવેશ પ્રક્રિયા સપ્ટેમ્બર સુધી લંબાશે. 2027 થી નીટ કમ્પ્યૂટર-બેઝ્ડ (CBT) હશે, પેપર સુરક્ષા માટે વધુ મજબૂત. વિદ્યાર્થીઓને 15 મિનિટ વધારાનો સમય, મનપસંદ સેન્ટર પસંદ કરવાનો વિકલ્પ. NSUI દ્વારા વિરોધ, પોલીસ દ્વારા અટકાયત. NTA દ્વારા નવી તારીખોની જાહેરાત.

જૂનાગઢમાં 7 દિવસીય એડવેન્ચર કોર્સ સંપન્ન થયો, જેમાં 13 જિલ્લાના 100 શિબિરાર્થીઓએ ભાગ લીધો. પ્રમાણપત્રો આપી પ્રોત્સાહિત કરાયા. DySP શિવરાજસિંહ ગોહિલે જણાવ્યું કે, આવી તાલીમથી બાળકોમાં માનસિક મક્કમતા, નીડરતા અને મુશ્કેલ પરિસ્થિતિઓનો સામનો કરવાની શક્તિ વિકસે છે. આ શિબિર રમત-ગમત વિભાગ અને યુવક સેવા કમિશનરના માર્ગદર્શન હેઠળ યોજાયો, જેમાં અનુભવી ઇન્સ્ટ્રક્ટરોએ પર્વતારોહણના ગુણો શીખવ્યા.

NEET-UG 2026 પેપર લીક કેસમાં CBIને મોટી સફળતા. મુખ્ય સૂત્રધાર, કેમિસ્ટ્રી લેક્ચરર પી. વી. કુલકર્ણી ઝડપાયો. તે NTA પ્રક્રિયા સાથે સંકળાયેલો હતો. તપાસ એજન્સી મુજબ, એપ્રિલ 2026ના છેલ્લા અઠવાડિયામાં કુલકર્ણીએ અન્ય એક આરોપી મનીષા વાઘમારેની મદદથી વિદ્યાર્થીઓને એકઠા કર્યા અને પૂણે સ્થિત પોતાના ઘરે સ્પેશિયલ કોચિંગ ક્લાસ ચલાવ્યા, જે NEET પરીક્ષાના પેપર સાથે મળતા આવતા હતા. CBI હાલ વધુ તપાસ કરી રહી છે.

NTAએ NEET-UG પરીક્ષાની નવી તારીખ 21 જૂન, 2026 જાહેર કરી છે. પેપર લીક થવાને કારણે પરીક્ષા રદ કરવામાં આવી હતી. 3 મેના રોજ આશરે 23 લાખ ઉમેદવારોએ પરીક્ષા આપી હતી. આ મુદ્દે ઉચ્ચ સ્તરીય બેઠક યોજાઈ હતી. NEET પેપર લીક ​​પર દેશભરમાં વિરોધ પ્રદર્શન વચ્ચે આ જાહેરાત કરવામાં આવી છે.

NEET paper leak મુદ્દે કેન્દ્ર સરકાર એક્શનમાં. શિક્ષણ મંત્રી ધર્મેન્દ્ર પ્રધાને NTA, CBSE, KVSના અધિકારીઓ સાથે મોડી રાત્રે બેઠક યોજી. પરીક્ષાની સુરક્ષા અને પારદર્શિતા પર ચર્ચા. આગામી 7-10 દિવસમાં ફરીથી NEET પરીક્ષા યોજાવાની શક્યતા. CBI એ 5 આરોપીઓને સાત દિવસના રિમાન્ડ પર લીધા. મોટા ષડયંત્રનો પર્દાફાશ કરવાની તૈયારી.

નેશનલ ટેસ્ટિંગ એજન્સી(NTA) દ્વારા મેડિકલ પ્રવેશ પરીક્ષા NEET (UG) 2026ને લઈને એક મહત્ત્વપૂર્ણ જાહેરાત કરવામાં આવી છે. ભારત સરકારની મંજૂરી બાદ, NTAએ પરીક્ષાની નવી તારીખ જાહેર કરી દીધી છે.પરીક્ષા ક્યારે યોજાશે? નવી જાહેરાત મુજબ, NEET (UG) 2026ની રી-એક્ઝામ હવે 21 જૂન, 2026, રવિવારના રોજ યોજવામાં આવશે. જે વિદ્યાર્થીઓ આ પરીક્ષામાં બેસવાના છે, તેઓએ આ નવી તારીખની ખાસ નોંધ લેવી.

પાટણના NGES કેમ્પસને ફર્મસી કોલેજની મંજૂરી મળી છે. હવે બી.ફર્મ અભ્યાસક્રમ માટે પ્રવેશ પ્રક્રિયા શરૂ થશે. ગીતાબેન વિનોદભાઈ ઝવેરી કોલેજ ઓફ્ ફર્મસીને MCI, ગુજરાત સરકાર અને GTU દ્વારા મંજૂરી મળી છે. આ કોલેજ NGES દ્વારા શરૂ કરાયેલી છે, જે શહેર અને આસપાસના વિસ્તારોના વિદ્યાર્થીઓ માટે એક મોટી તક છે. આધુનિક સુવિધાઓ, પ્રયોગશાળાઓ અને અનુભવી પ્રાધ્યાપકો સાથે ગુણવત્તાસભર શિક્ષણ આપવામાં આવશે.

શાળાઓ અને શિક્ષણ બોર્ડ જ્ઞાન અને સંસ્કાર કરતાં ટકા પર વધુ ધ્યાન આપે છે, જેના પરિણામે વિદ્યાર્થીઓ ઊંચા ટકાવાળા બને છે, પરંતુ ઊંચા મૂલ્યવાળા માણસ નથી બનતા. આજના શિક્ષણમાં ગોખણપટ્ટી અને 'પેપર લખવાની કળા' પર ભાર છે, 'જીવન જીવવાની કળા' પર નહીં. પરિણામે, વિદ્યાર્થીઓમાં માનસિક તણાવ અને આત્મહત્યાનું પ્રમાણ વધે છે. NEP 2020 જેવા પ્રયાસો શિક્ષણને વધુ જીવનમુખી બનાવી શકે છે.

National Education Policy-2020 ના સિદ્ધાંતો મુજબ, ગુજરાત વિદ્યાપીઠે UGC ની માર્ગદર્શિકા અનુસરીને 2026-31 માટે પંચવર્ષીય સંસ્થાકીય વિકાસ આયોજન કર્યું. આયોજનમાં 113 અધ્યાપકો, અધિકારીઓ અને નિષ્ણાતોની વ્યાપક ભાગીદારી, મેન્ટિમીટર જેવી ટેકનોલોજીનો ઉપયોગ, અને ગાંધી મૂલ્યોનો સમાવેશ, NEP-2020 સાથે સમન્વય કર્યો. આ પ્રક્રિયા સંસ્થાઓ માટે એક આદર્શ પ્રરૂપ છે.

અમદાવાદના વિદ્યાર્થીઓએ સ્વદેશી ફ્લાઇટ કન્ટ્રોલર અને e-VTOL ડ્રોન બનાવ્યું. લગભગ 30,000 રૂપિયાના ખર્ચે, દુશ્મન દેશ ટ્રેક નહીં કરી શકે તેવી અદ્યતન ટેકનોલોજી. 10 કિલોમીટરની રેન્જ અને 18 હજાર ફૂટની ઊંચાઈ સુધી સર્વેલન્સ માટે ઉપયોગી. સંરક્ષણ અને આપત્તિ વ્યવસ્થાપન ક્ષેત્રે ક્રાંતિ સર્જવાની ક્ષમતા. વિદ્યાર્થીઓ 'મેક ઇન ઇન્ડિયા' અને 'સ્ટાર્ટ અપ ઇન્ડિયા'ને પ્રોત્સાહન આપી રહ્યા છે.

વૈશ્વિક ધોરણે પાંચ ટકા કર્મચારીઓ અસરગ્રસ્ત - એઆઈ ડેટા સેન્ટર અને ઈન્ફ્રાસ્ટ્રક્ચર સેક્ટરમાં માંગ વધી : કંપનીને 1 અબજ ડોલરથી વધુના ઓર્ડર મળ્યા  ન્યૂ યોર્ક: અમેરિકાની ટેકનોલોજી કંપની સિસ્કોએ લગભગ ૪,૦૦૦ કર્મચારીઓની છટણી કરવાની જાહેરાત કરી છે. કંપની હવે એઆઈ, સાયબર સિક્યોરિટી અને સિલિકોન ટેકનોલોજી બિઝનેસ પર વધુ ધ્યાન કેન્દ્રિત કરી રહી છે.

અરિહંત સ્કૂલ ઓફ્ ફર્મસી અને BRI ખાતે વર્ષ 2026ના ફેરવેલ કાર્યક્રમનું ભવ્ય આયોજન કરવામાં આવ્યું હતું. વિદ્યાર્થીઓ માટે વિવિધ સાંસ્કૃતિક કાર્યક્રમોનું આયોજન કરવામાં આવ્યું હતું, જેમાં ડાન્સ અને સિંગિંગ પરફેર્મન્સે સૌનું મન મુકીને મનોરંજન કર્યું હતું. વિદ્યાર્થીઓએ પોતાની પ્રતિભા આત્મવિશ્વાસ સાથે રજૂ કરી હતી અને ઉપસ્થિત સૌએ તાળીઓના ગડગડાટ સાથે તેમનું ઉત્સાહવર્ધન કર્યું હતું.

પોરબંદર મહાનગરપાલિકાના ફાયર વિભાગ દ્વારા નવોદય વિદ્યાલયમાં 500 એનસીસી વિદ્યાર્થીઓને આગ સુરક્ષા, સ્વ બચાવ, પ્રાથમિક પગલાં અને સલામત રીતે બિલ્ડિંગ ખાલી કરવાની પ્રક્રિયા અંગે માર્ગદર્શન અપાયું. આધુનિક સાધનોનું જીવંત પ્રદર્શન પણ કરાયું.

મુખ્યમંત્રી શુભેન્દુ અધિકારીએ જાહેરાત કરી છે કે હવેથી રાજ્યની તમામ સરકારી અને ગ્રાન્ટેડ સ્કૂલોમાં સવારની પ્રાર્થના સભામાં ‘વંદે માતરમ’ ગાવાનું ફરજિયાત કરી દીધું છે. બંગાળ શિક્ષણ વિભાગે 13 મેના રોજ જાહેર કરેલા પરિપત્ર પ્રમાણે, આ નિયમ તાત્કાલિક અસરથી લાગુ કરાયો છે. મુખ્યમંત્રીએ સોશિયલ મીડિયા પ્લેટફોર્મ X પર આ માહિતી શેર કરતા જણાવ્યું હતું કે, આગામી સોમવારથી રાજ્યની તમામ સ્કૂલોમાં આ ફેરફાર જોવા મળશે. આ આદેશમાં સ્પષ્ટતા કરાઈ છે કે, બંગાળની તમામ સ્કૂલમાં સવારની પ્રાર્થનામાં આ નિયમનું પાલન થઈ રહ્યું છે કે નહીં, તેનું વીડિયો રેકોર્ડિંગ રાખવું પડશે.

તેલંગાણાના જગિત્યાલ જિલ્લામાં પરિવર્તનની એક પ્રેરણાદાયી ઘટના સામે આવી છે. 62 વર્ષીય પૂર્વ માઓવાદી કમાન્ડર થિપ્પીરી તિરુપતિ ઉર્ફે 'દેવજી'એ હિંસાનો માર્ગ છોડીને હવે શિક્ષણની રાહ પકડી છે. દાયકાઓ સુધી હાથમાં બંદૂક લઈને જંગલોમાં ફરનારા આ પૂર્વ નક્સલી નેતાએ બુધવારે ધોરણ-12 (ઇન્ટરમીડિયેટ)ની પૂરક પરીક્ષા આપી હતી. આશરે 44 વર્ષ સુધી અંડરગ્રાઉન્ડ રહ્યા બાદ અને હથિયાર હેઠા મૂક્યા પછી, તેમણે પોતાનો અધૂરો અભ્યાસ પૂર્ણ કરવાનો નિર્ણય લીધો છે, જે સમાજમાં મુખ્યધારામાં પરત ફરવા માંગતા લોકો માટે એક ઉત્તમ ઉદાહરણ પૂરું પાડે છે.