ગુજરાત રાજ્યમાં RTEમાં પ્રવેશ માટેની 2026-27ની ઓનલાઇન કેન્દ્રિય પ્રક્રિયામાં પ્રથમ રાઉન્ડ પુરો થઇ ગયો છે. પ્રથમ રાઉન્ડના અંતે 73 હજારથી વધુ બાળકોનો પ્રવેશ કન્ફર્મ થઇ ગયો છે. જ્યારે 4732 વાલીએ પોતાના બાળકોને પ્રવેશ મળવા છતાં પણ પ્રવેશ કન્ફર્મ કરાવ્યો નથી અને પ્રવેશ જતો કર્યો છે. જેથી આ ખાલી બેઠકો ઉપરાંત અગાઉ ન ફાળવાયેલી સહિતની હવે કુલ 10494 બેઠકો ખાલી છે. જે માટે બીજો રાઉન્ડ હાથ ધરાશે. RTE Act અંતર્ગત ધોરણ 1માં વિનામૂલ્યે પ્રવેશ માટેની સરકારની ઓનલાઇન કોમન પ્રક્રિયામાં આ વર્ષે રાજ્યની 9500થી વધુ ખાનગી સ્કૂલોની 25 ટકા બેઠકો મુજબ 83687 બેઠકો હતી.