મધ્ય પ્રદેશના ધારમાં આવેલી ઐતિહાસિક ભોજશાળાને ઈન્દોર હાઈકોર્ટે હિન્દુ મંદિર જાહેર કર્યું છે. ASI ના વૈજ્ઞાનિક સરવે રિપોર્ટને સ્વીકારી, કોર્ટે તેને સંસ્કૃત વિદ્યાલય અને રાજા ભોજનું સંકુલ ગણાવ્યું. લંડન મ્યુઝિયમમાં રહેલી વાગ્દેવીની પ્રતિમા પરત લાવવા સરકારને વિચારવા જણાવ્યું. મુસ્લિમ પક્ષને નમાજ માટે વૈકલ્પિક જમીન ફાળવવા સૂચન. ASI હવે પરિસરનું સંચાલન કરશે.

BRICS દેશોના વિદેશ મંત્રીઓની બેઠકમાં ભારતે દરિયાઈ સુરક્ષા, ઊર્જા પુરવઠા અંગે ચિંતા વ્યક્ત કરી. એસ. જયશંકરે જણાવ્યું હતું કે, હોર્મુઝ સ્ટ્રેટ અને રેડ સી જેવા આંતરરાષ્ટ્રીય જળમાર્ગો દ્વારા સુરક્ષિત અને અવરોધ વિનાનો દરિયાઈ પ્રવાહ વૈશ્વિક આર્થિક સુખાકારી માટે અત્યંત આવશ્યક છે. તેમણે ચેતવણી આપી હતી કે મધ્ય પૂર્વમાં ચાલી રહેલા સંઘર્ષને કારણે ઊર્જા પુરવઠામાં વિક્ષેપ પડી શકે છે. ભારતે બ્રિક્સના સભ્ય દેશો, ખાસ કરીને ઈરાન અને UAEને અપીલ કરી છે કે તેઓ આ અભૂતપૂર્વ ભૌગોલિક-રાજકીય અનિશ્ચિતતા અને 'એકતરફી પ્રતિબંધો'નો સામનો કરવા માટે કોઈ વ્યવહારુ રસ્તો શોધે.

PM મોદી UAE પહોંચ્યા, F-16 વિમાનો દ્વારા ભવ્ય સ્વાગત. UAE રાષ્ટ્રપતિ સાથે ગુજરાત માટે ખાસ ડીલ, ઈરાનના હુમલાની નિંદા કરી. રક્ષણ, ઊર્જા, અને ઇન્ફ્રાસ્ટ્રક્ચરમાં 5 અબજ USDના કરાર. ગુજરાતના વાડીનારમાં શિપ રિપેર ક્લસ્ટર બનશે. પીએમ મોદીએ યુએઈના રાષ્ટ્રપતિ સાથેની મુલાકાત દરમિયાન વિવિધ મુદ્દાઓ પર ચર્ચા કરી હતી. આ બેઠક દરમિયાન તેમણે તાજેતરમાં યુએઈ પર થયેલા હુમલાઓની સખત નિંદા કરી હતી અને ખાતરી આપી હતી કે ભારત હંમેશા યુએઈની સુરક્ષા માટે તેની પડખે ઉભું રહેશે. ખાસ કરીને વેપાર અને ઊર્જાના પુરવઠાને કોઈ નુકસાન ન થાય તે માટે તેમણે હોર્મુઝ સ્ટ્રેટને વહેલી તકે કાર્યરત કરવા પર ભાર મૂક્યો હતો.

ઉત્તરાખંડની 'દેવભૂમિ' ભક્તિના રંગે રંગાયેલી છે, 2026ની ચારધામ યાત્રામાં શ્રદ્ધાળુઓનો અભૂતપૂર્વ ઉત્સાહ. કુલ 12.60 લાખથી વધુ ભક્તોએ આસ્થા સાથે દર્શન કર્યા. કેદારનાથમાં 5.23 લાખથી વધુ ભક્તો, બદ્રીનાથમાં 3.24 લાખ, યમુનોત્રીમાં 2.07 લાખ અને ગંગોત્રીમાં 2.05 લાખ યાત્રાળુઓએ દર્શન કર્યા. વાહનોની અવરજવર પણ વધી, ટ્રાફિક અને સુરક્ષા વ્યવસ્થા જાળવવામાં આવી રહી છે. સ્વાસ્થ્યનું ધ્યાન રાખવાની જરૂર છે, 40 યાત્રાળુઓના સ્વાસ્થ્ય સંબંધિત કારણોસર મોત નોંધાયા છે.

યુપીમાં વાવાઝોડા-વરસાદે 111 લોકોનો ભોગ લીધો, પ્રયાગરાજ અને ભદોહીમાં સૌથી વધુ મોત. મહારાષ્ટ્રના અકોલા, જલગાંવ, વર્ધા, અમરાવતીમાં તાપમાન 45°C ને પાર. રાજસ્થાનના ફલોદી, જેસલમેર, બાડમેર અને યુપીના બાંદા પણ અત્યંત ગરમ રહ્યા. દેશના ઘણા ભાગોમાં હીટવેવની સ્થિતિ ચાલુ રહી.

ભારતીય બજારમાં સોના અને ચાંદીના ભાવમાં આજે ઐતિહાસિક કડાકો જોવા મળ્યો છે. રોકાણકારોમાં ભારે નફાખોરી અને વૈશ્વિક બજારની અસરોને કારણે કિંમતોમાં મોટો ઘટાડો નોંધાયો છે.

દિલ્હી મેટ્રો રેલ કોર્પોરેશન (DMRC) 15 મે 2026થી સેન્ટ્રલ વિસ્ટા વિસ્તારમાં હાઇડ્રોજનથી ચાલતી શટલ બસ સેવા શરૂ કરશે. આ સેવા સેન્ટ્રલ સેક્રેટરિયેટ અને સેવા તીર્થ મેટ્રો સ્ટેશન વચ્ચે ચાલશે, જેથી લાસ્ટ માઇલ કનેક્ટિવિટી સુધરશે અને જાહેર પરિવહનને પ્રોત્સાહન મળશે. IOCL દ્વારા આપવામાં આવેલી બે બસોમાં 35 મુસાફરો બેસી શકશે. બસોમાં GPS અને CCTV જેવી સુવિધાઓ હશે. સેવા સોમવારથી શુક્રવાર સુધી પીક કલાકોમાં દર 30 મિનિટે ઉપલબ્ધ રહેશે અને મુખ્ય સરકારી સ્થળોને જોડશે.

સુમુલ ડેરી સુરત અને તાપી જિલ્લાના પશુપાલકો માટે ખુશીના સમાચાર લાવ્યા છે. ગત નાણાકીય વર્ષના અંતે બોનસમાં વધારો કર્યો છે. અગાઉ ₹870 પ્રતિ કિલોફેટ ઉપરાંત ₹30 BCU ફેટફેર મળતા હતા. હવે ₹120 બોનસ સાથે કુલ ₹1020 મળશે, જે ગુજરાતમાં સૌથી વધુ છે. આ નિર્ણયથી અઢી લાખ પશુપાલકોને આર્થિક લાભ થશે.

ગુજરાત સહિત દેશમાં પેટ્રોલ-ડીઝલના ભાવમાં ₹2.99 થી ₹3.09 નો વધારો થતાં સામાન્ય જનતા પર મોંઘવારીનો બોજ વધ્યો છે. પ્રથમવાર રાત્રે 3 વાગ્યે ભાવ વધારાનો અમલ થતાં લોકોમાં આશ્ચર્ય અને આક્રોશ જોવા મળ્યો. 10,000ના પગારમાં આ ભાવ વધારા સામે લોકોની દયનીય સ્થિતિ જોવા મળી રહી છે, જેનાથી મધ્યમ વર્ગનું બજેટ ખોરવાઈ ગયું છે.

છેલ્લા 48 કલાકમાં સોનું, દૂધ, CNG, પેટ્રોલ અને ડીઝલના ભાવમાં મોટો વધારો થયો છે, જે નાગરિકો પર મોંઘવારીનો બોમ્બ બની ફૂટ્યો છે. પીએમ નરેન્દ્ર મોદીની અપીલ બાદ સોના-ચાંદી પર આયાત ડ્યુટી વધતાં ભાવ વધ્યા, ત્યારબાદ દૂધ અને CNG મોંઘા થયા. હવે પેટ્રોલ-ડીઝલમાં પ્રતિ લિટર ₹3 સુધીનો વધારો થયો છે.

ગુજરાતમાં 2 લાખથી વધુ બાળકો દુર્લભ બીમારીથી પીડિત છે. ભારતમાં 7 કરોડ લોકો આવી બીમારી ધરાવે છે. સ્પાઈનલ મસ્ક્યુલર એટ્રોફી જેવી બીમારીઓની દવા કરોડોમાં આવે છે. કેન્દ્ર સરકારના સેન્ટર ઓફ એક્સલન્સ હેઠળ આર્થિક સહાય મળે છે, પરંતુ રાજ્ય સરકાર દ્વારા હજુ સુધી કોઈ સહાય કેન્દ્રો શરૂ કરાયા નથી.

બનાસકાંઠા જિલ્લા કલેક્ટર મિહિર પટેલની અધ્યક્ષતામાં પાલનપુર ખાતે જિલ્લા જળ અને સ્વચ્છતા એકમ (વાસ્મો)ની સમીક્ષા બેઠક યોજાઈ. ગ્રામ્ય પાણી પુરવઠા અને સ્વચ્છ ભારત મિશનની કામગીરીની વિસ્તૃત સમીક્ષા, યોજનાઓ, ‘જળ સેવા’, ફરિયાદો અને નિવારણ પર ચર્ચા થઈ. ઉનાળામાં પીવાના પાણીની સુલભતા અને ગુણવત્તા જાળવવા પર ભાર મુકાયો.

મદાર-પાલનપુર રેલખંડ પર બ્રિજ કામગીરીને કારણે ટ્રાફિક બ્લોક લેવાયો છે. આના પગલે, ગુજરાત અને રાજસ્થાન વચ્ચેની અનેક મહત્વપૂર્ણ ટ્રેનોના રૂટમાં ફેરફાર કરાયો છે. 14 અને 15 મે દરમિયાન ટ્રેનોના સમયપત્રકમાં ફેરફાર રહેશે. કેટલીક ટ્રેનો પાલનપુર-આબુરોડને બદલે લૂણી-ભીલડી-મહેસાણા માર્ગે દોડશે. આ ડાયવર્ઝનથી અમદાવાદ અને પાલનપુરના મુસાફરોને અસર થશે, કારણ કે ટ્રેનો અમુક સ્ટેશનો પર નહીં રોકાય.

NTAએ NEET-UG પરીક્ષાની નવી તારીખ 21 જૂન, 2026 જાહેર કરી છે. પેપર લીક થવાને કારણે પરીક્ષા રદ કરવામાં આવી હતી. 3 મેના રોજ આશરે 23 લાખ ઉમેદવારોએ પરીક્ષા આપી હતી. આ મુદ્દે ઉચ્ચ સ્તરીય બેઠક યોજાઈ હતી. NEET પેપર લીક ​​પર દેશભરમાં વિરોધ પ્રદર્શન વચ્ચે આ જાહેરાત કરવામાં આવી છે.

નેશનલ ટેસ્ટિંગ એજન્સી(NTA) દ્વારા મેડિકલ પ્રવેશ પરીક્ષા NEET (UG) 2026ને લઈને એક મહત્ત્વપૂર્ણ જાહેરાત કરવામાં આવી છે. ભારત સરકારની મંજૂરી બાદ, NTAએ પરીક્ષાની નવી તારીખ જાહેર કરી દીધી છે.પરીક્ષા ક્યારે યોજાશે? નવી જાહેરાત મુજબ, NEET (UG) 2026ની રી-એક્ઝામ હવે 21 જૂન, 2026, રવિવારના રોજ યોજવામાં આવશે. જે વિદ્યાર્થીઓ આ પરીક્ષામાં બેસવાના છે, તેઓએ આ નવી તારીખની ખાસ નોંધ લેવી.

કેન્દ્ર સરકારના ખાંડ નિકાસ પ્રતિબંધથી દક્ષિણ ગુજરાતના ખેડૂતો અને સુગર મિલોની આર્થિક સ્થિતિ કથળવાનો ભય છે. ઉત્પાદન ખર્ચ વધ્યો છે અને શેરડીનું ઉત્પાદન ઘટ્યું છે. MSP વધારીને 40 રૂપિયા કરવાની અને ખેતી ખર્ચમાં રાહત આપવાની માંગણી છે.

અમદાવાદ મ્યુનિસિપલ કોર્પોરેશન (AMC)ના કર્મચારીઓ માટે હવે કાર પૂલિંગ, ટુ-વ્હીલર શેરિંગ અને પબ્લિક ટ્રાન્સપોર્ટનો ઉપયોગ ફરજિયાત છે. આ નિર્ણય ઈંધણ બચાવવા અને રાષ્ટ્રીય સંપત્તિના કરકસરભર્યા ઉપયોગ માટે લેવાયો છે. નજીક રહેતા કર્મચારીઓએ કાર પૂલ કરવી પડશે, જ્યારે ટુ-વ્હીલર વાપરતા કર્મચારીઓએ બાઈક કે સ્કૂટર શેર કરવા પડશે. AMTS, BRTS અને મેટ્રો જેવી જાહેર પરિવહન સેવાઓનો વધુ ઉપયોગ કરવા પર ભાર મૂકાયો છે.

21 મેના રોજ PM મોદીની અધ્યક્ષતામાં કેન્દ્રીય મંત્રીમંડળની બેઠક યોજાશે. આ બેઠકમાં સંભવિત કેબિનેટ ફેરબદલ, સરકારી યોજનાઓની સમીક્ષા, અને ખર્ચ ઘટાડવા પર ચર્ચા થઈ શકે છે. મોદી 3.0 સરકારના બે વર્ષ પૂરા થતાં પહેલાં આ બેઠક મહત્વની છે, અને ફેરબદલ જૂનના બીજા સપ્તાહમાં થઈ શકે છે. PM એ લોકોને ઇંધણ અને અન્ય ખર્ચ બચાવવા અપીલ કરી છે.

રાજકોટમાં 1 થી 30 જૂન દરમિયાન વસ્તી ગણતરી હાથ ધરાશે, જેમાં 7,375 કર્મચારીઓ ફરજ પર રહેશે. ગેરહાજર રહેનારાઓ સામે 3 વર્ષની જેલની સજા અને દંડની જોગવાઈ છે. સેલ્ફ-એન્યુમરેશન 17 થી 31 મે સુધી https://se.census.gov.in પર ઓનલાઈન કરી શકાશે. આવાસ, અસ્કયામતો અને વ્યક્તિગત વિગતો જેવી 33 મહત્વપૂર્ણ માહિતી પૂછવામાં આવશે. સરકારી ઇજનેરી કોલેજોના અધ્યાપકોની નિમણૂકથી વિદ્યાર્થીઓના અભ્યાસ પર અસરની ચિંતા વ્યક્ત કરાઈ છે.

અમેરિકામાં ગૌતમ અદાણી અને અદાણી ગ્રૂપ પરના લાંચ અને ફ્રોડના આરોપોમાં રાહત. Department of Justice ક્રિમિનલ કેસ પાછા ખેંચી શકે છે, SEC સિવિલ કેસ ઉકેલ તરફ. આંતરરાષ્ટ્રીય સ્તરે મોટી જીત ગણાશે, શેરોમાં તેજી આવી શકે છે.

પેટ્રોલ અને ડીઝલ બાદ CNGના ભાવમાં પણ 2 રૂપિયાનો વધારો થયો છે. દિલ્હીમાં CNG 79.09 રૂપિયા પ્રતિ કિલોગ્રામ થયું છે. મુંબઈમાં પણ ભાવ 82 થી વધી 84 રૂપિયા થયો છે. આ ભાવ વધારાએ સામાન્ય જનતાને મોટો આંચકો આપ્યો છે. વિપક્ષે સરકાર પર મોંઘવારી વધારવાનો આરોપ લગાવ્યો છે.

અમેરિકામાં 'પંજાબી ડેવિલ્સ' ગેંગનો સ્થાપક જશ્નનપ્રીત સિંહને મશીનગન અને હેન્ડ ગ્રેનેડના કાળા કારોબાર બદલ 5 વર્ષ અને 4 મહિનાની સખત જેલની સજા. આ ગેંગ 'હેલ્સ એન્જલ્સ' સાથે પણ જોડાયેલી. અંડરકવર ઓપરેશનમાં પકડાયો અને ભારત ભાગી જતાં પહેલાં એરપોર્ટ પર ધરપકડ.

PM મોદી 15થી 20 મે દરમિયાન પાંચ દેશોના પ્રવાસે જઈ રહ્યા છે. આ મુલાકાતનો મુખ્ય ઉદ્દેશ્ય વેપાર, રોકાણ અને ઊર્જા ક્ષેત્રે વૈશ્વિક ભાગીદારો સાથે સંબંધો મજબૂત કરવાનો છે. PM મોદી આજથી યુનાઈટેડ આરબ એમિરેટ્સથી પોતાના પ્રવાસની શરૂઆત કરશે. અબુ ધાબી ખાતે તેઓ યુએઈના રાષ્ટ્રપતિ શેખ મોહમ્મદ બિન જાયદ અલ નાહયાન સાથે મુલાકાત કરશે. ત્યારબાદ, 15થી 17 મે દરમિયાન તેઓ નેધરલેન્ડની મુલાકાતે જશે. ત્યાં તેઓ ડચ પ્રધાનમંત્રી રાબ જેટેન સાથે દ્વિપક્ષીય મંત્રણા કરશે અને કિંગ વિલેમ-એલેક્ઝાન્ડર તથા ક્વીન મેક્સિમા સાથે પણ મુલાકાત કરશે.

ગુજરાત સચિવાલય ફેડરેશન અને ગુજરાત રાજ્ય કર્મચારી મહામંડળ દ્વારા મુખ્યમંત્રીને રાજ્યની તમામ કચેરીઓમાં 5 દિવસનું અઠવાડિયું અને વર્ક ફ્રોમ હોમ લાગુ કરવા રજૂઆત કરાઈ છે. પેટ્રોલ-ડીઝલ બચાવવા, ટ્રાફિક ઘટાડવા અને સમયનો વ્યય અટકાવવા આ નિર્ણય ફાયદાકારક ગણાવાયો છે. કોરોનાકાળમાં અમલી વર્ચ્યુઅલ પદ્ધતિઓનો ઉપયોગ કરીને કાર્યક્ષમતા જાળવવાની માંગ છે.

કોંગ્રેસે પેટ્રોલ, ડીઝલ અને સીએનજીના ભાવ વધારા મુદ્દે વડાપ્રધાન નરેન્દ્ર મોદી પર આકરા પ્રહારો કર્યા છે. આ ભાવ વધારાને 'મોદીની વસૂલાત' ગણાવીને વિપક્ષે સોશિયલ મીડિયા પર મોરચો ખોલ્યો છે.પીએમ મોદી સામે તાક્યું નિશાન દેશમાં પેટ્રોલ અને ડીઝલના ભાવમાં પ્રતિ લિટર 3-3 રૂપિયાનો તોતિંગ વધારો ઝીંકવામાં આવ્યો છે.

દિલ્હી, યુ.પી., બિહાર, રાજસ્થાન, મધ્ય પ્રદેશ, કર્ણાટક, તેલંગાણા અને આંધ્ર પ્રદેશ સહિત અનેક રાજ્યોમાં ગરમી અને ગરમ પવનોનો પ્રકોપ છે. હવામાન વિભાગે 10 રાજ્યોમાં ભારે વરસાદ, આંધી અને તોફાનનું એલર્ટ જાહેર કર્યું છે, જેમાં 70 કિમી પ્રતિ કલાકની ઝડપે પવન ફૂંકાઈ શકે છે. દિલ્હીમાં 41 ડિગ્રી સુધી તાપમાન પહોંચવાની શક્યતા છે. તમિલનાડુમાં પણ ભારે વરસાદની સંભાવના છે. લોકોને સાવચેત રહેવાની અને સુરક્ષિત સ્થળોએ રહેવાની સલાહ અપાઈ છે.

ઈરાન અને અમેરિકા વચ્ચેના તણાવ અને હોર્મુઝ સ્ટ્રેટમાં સર્જાયેલી નાકાબંધીને કારણે ભારતમાં મોંઘવારીનો માર તેજ બન્યો છે. પેટ્રોલ અને ડીઝલના ભાવમાં વધારા બાદ હવે સીએનજી (CNG) ના ભાવમાં પણ પ્રતિ કિલોએ 2 રૂપિયાનો વધારો કરવામાં આવ્યો છે. દિલ્હીમાં સીએનજીની કિંમત 77.09 રૂપિયાથી વધીને હવે 79.09 રૂપિયા પ્રતિ કિલો થઈ ગઈ છે.

ગુજરાત સરકારની કેબિનેટ બેઠક આજે ગાંધીનગરના સ્વર્ણિમ સંકુલ-1 ખાતે મુખ્યમંત્રી અને નાયબ મુખ્યમંત્રીની અધ્યક્ષતામાં યોજાશે. બે અઠવાડિયા બાદ મળતી આ બેઠકમાં રાજ્યની વર્તમાન પરિસ્થિતિ, ખરીફ પાકની ટેકાના ભાવે ખરીદી, ડેમ અને જળાશયોમાં પાણીના સ્ટોક તેમજ ઈંધણ બચત અભિયાન અંગે ચર્ચા થશે. વડાપ્રધાન મોદીની સાત અપીલોના અમલ અને કેન્દ્રીય ગૃહમંત્રી અમિત શાહના ગુજરાત પ્રવાસ મુદ્દે પણ વિમર્શ કરાશે. ઉપરાંત રાજ્યમાં ઈંધણના ઉપલબ્ધ જથ્થા અને વર્ક ફ્રોમ હોમ જેવા મુદ્દાઓ પર સમીક્ષા થશે.

૩૦ સપ્ટેમ્બર અથવા નવો આદેશ જારી ન થાય ત્યાંસુધી કેન્દ્ર સરકારે ખાંડની નિકાસ પર તાત્કાલિક અસરથી પ્રતિબંધ મૂકી દીધો છે. ઘરઆંગણે ખાંડનો પૂરવઠો જાળવી રાખવા ભાવને નીચા રાખવાના હેતુ સાથે આ નિર્ણય આવી પડયો હોવાનું માનવામાં આવે છે. ડાયરેકટોરેટ જનરલ ઓફ ફોરેન ટ્રેડ દ્વારા જારી કરાયેલા નોટિફિકેશન પ્રમાણે,  સરકારે ખાંડની નિકાસને મર્યાદિતમાંથી પ્રતિબંધિત યાદીમાં આવરી લીધી છે. આદેશ પ્રમાણે દેશમાંથી કાચી, વ્હાઈટ તથા રિફાઈન્ડ ખાંડની નિકાસ પર પ્રતિબંધ મૂકી દેવાયો છે.

તમિલનાડુના ઉદયનિધિ સ્ટાલિને સનાતન ખતમ કરવાના નિવેદન પર સ્પષ્ટતા કરી. તેમણે કહ્યું કે લોકો મંદિરે જાય તેની સામે નથી, પરંતુ જાતિ આધારિત ભેદભાવપૂર્ણ વિચારનો અંત આવવો જોઈએ. સનાતનનો અંત એટલે ઉચ્ચ-નીચના ભેદભાવનો અંત. DMK હંમેશા અસમાનતા અને ઉત્પીડનનો વિરોધ કરતી આવી છે.