હવે ગરબામાં પણ AIની એન્ટ્રીનો ભય!
આર્ટિફિશિયલ ઇન્ટેલિજન્સ (AI) હવે ગરબાના સંગીત અને ગાયકીમાં પણ પ્રવેશ કરી રહ્યું છે. AI ટેક્નોલોજી દ્વારા ગરબાના શબ્દો, સંગીત, ઢોલ-નગારાના તાલ અને કલાકારોના અવાજનું ક્લોનિંગ કરીને એક જ ગીતને અનેક કલાકારોના અવાજમાં રિ-ક્રિએટ કરી શકાય છે. આ ટેક્નોલોજી નાના આયોજકો માટે સંગીત તૈયાર કરવાની પ્રક્રિયા સરળ અને આર્થિક બનાવી શકે છે, પરંતુ મોટા મહોત્સવોમાં લાઇવ રજૂઆતનું આકર્ષણ યથાવત રહેશે. જોકે, આનાથી નાના ગાયકો અને સંગીતકારોની રોજગારી પર અસર પડી શકે છે.