ડેર શાળાના વિદ્યાર્થીનો 'ઓટોમેટિક જેક ઇન કાર' પ્રોજેક્ટ નેશનલ લેવલે પસંદ
પાટણની ડેર પ્રાથમિક કુમાર શાળાના વિદ્યાર્થી ઠાકોર જસ્મીન મેહુલજીનો 'ઓટોમેટિક જેક ઇન કાર' પ્રોજેક્ટ નેશનલ ઇન્સ્પાયર્ડ એવોર્ડ માટે પસંદ થયો છે. શિક્ષિકા શ્રેયાબેનના માર્ગદર્શન હેઠળ તૈયાર થયેલ આ પ્રોજેક્ટનું દિલ્હીમાં લાઈવ ડેમોસ્ટ્રેશન યોજાયું છે. આ ઇનોવેટિવ પ્રોજેક્ટ દ્વારા વાહનચાલકો, ખાસ કરીને મહિલાઓ, પંચર જેવી પરિસ્થિતિમાં સરળતાથી બટન દબાવીને કારને જેક વડે ઊંચી કરી શકશે. પાટણ જિલ્લા માટે આ પ્રથમ સિદ્ધિ છે અને વિદ્યાર્થી દેશભરમાં પાટણનું પ્રતિનિધિત્વ કરી રહ્યો છે.