તાપીમાં ભારે વરસાદના કારણે ઓલણ નદી માં નવા નીર આવ્યા છે. ઉપરવાસમાં ભારે વરસાદથી નદી ગાંડીતૂર બની છે અને આસપાસના સ્થાનિકો આ નજારો જોવા ઉમટી પડ્યા હતા. Heavy Rain ના લીધે નદી બે કાંઠે વહેતી થઇ છે અને Low Level bridge પાણીમાં ગરકાવ થયું છે. વરસાદના આગમનથી નદીઓ છલકાવા લાગી છે અને ખેડૂતોમાં ખુશીનો માહોલ છે. જોકે, ભારે વરસાદના કારણે જનજીવન ખોરવાયું છે અને રહેણાંક વિસ્તારોમાં પાણી ભરાતા પૂર જેવી સ્થિતિ સર્જાઈ છે. ગુજરાતમાં ચોમાસાની શરૂઆતમાં જ સારો વરસાદ નોંધાયો છે.

SEOC-ગાંધીનગર ખાતે રાહત કમિશનરની અધ્યક્ષતામાં વેધર વોચ ગ્રુપની બેઠક યોજાઈ. જેમાં ચોમાસાની સ્થિતિ અને વિભાગોની તૈયારીની સમીક્ષા થઈ. આગામી સપ્તાહમાં રાજ્યના વિવિધ વિસ્તારોમાં ભારેથી અતિભારે વરસાદની સંભાવના છે. NDRF અને SDRFની ૩૨ ટીમો જિલ્લા કક્ષાએ deploy કરાઈ છે. સિંચાઈ વિભાગના જણાવ્યા મુજબ ૨૧ જળાશયો High Alert પર છે. માર્ગ અને મકાન વિભાગના જણાવ્યા મુજબ પાણી ભરાવાના કારણે ૯૪ રસ્તા બંધ છે, જે પાણી ઉતરતા પૂર્વવત કરાશે. બેઠકમાં CWC, વન વિભાગ, આરોગ્ય વિભાગ, GSRTC, ISRO સહિત વિવિધ વિભાગના અધિકારીઓ હાજર રહ્યા.

સમગ્ર દેશમાં ચોમાસું મનમુકીને વરસી રહ્યું છે. કુદરત ક્યાંક સોળે કળાએ ખીલી ઉઠી છે તો ક્યાંક વિફરી છે. ઉત્તર ભારતમાં પૂરની સ્થિતિ સર્જાઈ છે. નદીઓ બે કાંઠે વહેતી થતા જનજીવન અસ્ત વ્યસ્ત થઇ ગયુ છે. હવામાન વિભાગે (weather department) આ વિસ્તારોના નાગરિકોને સાવધ રહેવાની ચેતવણી આપી છે.

ડાંગ જિલ્લામાં ભારે વરસાદના કારણે સર્જાયેલી પરિસ્થિતિ ચિંતાજનક બની છે. ખાસ કરીને માછળી ખાતર ગામમાં વરસાદી પાણી ભરાવાથી હાલાકી થઈ રહી છે. નદીઓમાં નવા નીર આવ્યા છે અને ચેકડેમો છલકાઈ ગયા છે. ગ્રામજનો જીવના જોખમે રસ્તો ઓળંગવા મજબૂર બન્યા છે, ST બસ પણ જોખમી રીતે પાણીમાંથી પસાર થઈ રહી છે. વઘઇ તાલુકામાં ઘોડાપૂર જેવા દ્રશ્યો સર્જાયા છે. ભારે વરસાદના કારણે ગીરા ધોધ સહિત અનેક ધોધ સક્રિય થતા ડાંગનું સૌંદર્ય વધુ રમણીય બન્યું છે, જે પર્યટકોને આકર્ષી રહ્યું છે.

બુધવારે ભારતીય શેરબજારની શરૂઆત લીલા નિશાન સાથે થઈ, જેમાં સેન્સેક્સ (Sensex) +89.09 પોઇન્ટ અને નિફ્ટી (Nifty) +18.95 પોઇન્ટ સાથે ખુલ્યા. વૈશ્વિક સ્તરે, એશિયા પેસિફિક (Asia Pacific) શેરબજારમાં સુસ્તી જોવા મળી, કારણ કે રોકાણકારો અમેરિકી ફેડ (FED) ચેરમેન પૉવેલના નિવેદનોને લઈને સાવધ હતા. જાપાનના નિક્કેઇ (Nikkei) અને ટોપિક્સ (Topics) માં ઘટાડો નોંધાયો, જ્યારે ઓસ્ટ્રેલિયાનો ASX 200 ઇન્ડેક્સ (Index) અપટ્રેન્ડમાં રહ્યો. અમેરિકી સ્ટોક ફ્યૂચર્સ (Stock Futures) સ્થિર રહ્યા, જોકે વોલ સ્ટ્રીટ (Wall Street) માં ઓછો ઉત્સાહ હતો. મંગળવારે અમેરિકામાં S&P 500 ઇન્ડેક્સ (Index) ઘટ્યો, Nasdaq Composite માં પણ ઘટાડો થયો, પરંતુ Dow Jones માં વધારો જોવા મળ્યો.

બોલીવુડ સેલિબ્રિટીઝને ટકી રહેવા માટે cosmeticsનો સહારો લેવો પડે છે. ચહેરાની સુંદરતા અને સ્વાસ્થ્ય માટે ઘણા સેલિબ્રિટીઝ cosmetics અને supplementsનો ઉપયોગ કરે છે, જે મોતનું કારણ બની શકે છે. Shefali Jariwala 42 વર્ષની ઉંમરે પણ સુંદર દેખાતી હતી અને તે ગ્લુટાથિઓન નામની દવા લેતી હતી, જેનું ભારતમાં માર્કેટ ઝડપથી વધી રહ્યું છે. ભારતમાં ગ્લુટાથિઓનનું બજાર 114 કરોડ રૂપિયાથી વધુ છે, અને અન્ય supplementsનું માર્કેટ 1600 કરોડ રૂપિયાથી વધુ છે. સુંદરતા જાળવવા માટે ગ્લુટાથિઓન ગોળીઓની ખરીદી વધી છે અને 2024માં તેનું બજાર 114 કરોડ રૂપિયા હતું, જે આવનારા વર્ષોમાં બમણું થઈ શકે છે.

અભિનેત્રી શેફાલી જરીવાલાનું 42 વર્ષની ઉંમરે અચાનક નિધન થયું હતું, જેમાં કાર્ડિયાક અરેસ્ટ કારણ હોવાનું માનવામાં આવે છે. તેની મિત્ર પૂજા ઘાઈએ ખુલાસો કર્યો કે મૃત્યુની રાત્રે શેફાલીએ નિયમિત રીતે ભોજન કર્યું અને પતિ પરાગને ડોગ વૉક પર મોકલ્યો. તે દરમિયાન તબિયત લથડી ગઈ અને હોસ્પિટલ લઈ જતી વખતે તેનું અવસાન થયું. મૃત્યુના એક દિવસ પહેલાં ઘરમાં સત્યનારાયણની પૂજા પણ રાખવામાં આવી હતી. પોસ્ટમોર્ટમ રિપોર્ટમાં કશું શંકાસ્પદ ન મળતાં પરાગ વિરુદ્ધ કોઈ કાર્યવાહી કરવામાં આવી નથી. ડોક્ટરે પોસ્ટમોર્ટમ બે વાર કર્યો હતો અને રેકોર્ડિંગ પણ કરાયું હતું.

રેલ મુસાફરી મોંઘી છે: AC માં 1000 કિમીની મુસાફરી માટે તમારે ₹20 વધુ ચૂકવવા પડશે. તત્કાલ ટિકિટ બુકિંગ: આધાર IRCTC એકાઉન્ટ સાથે લિંક થયેલ હોવો જરૂરી. પાન કાર્ડના નિયમો: જો તમારી પાસે આધાર નથી, તો તમે પાન કાર્ડ મેળવી શકશો નહીં. MGની કાર મોંઘી: કંપનીએ કિંમતોમાં 1.5% સુધીનો વધારો કર્યો. UPI ટ્રાન્ઝેક્શન: હવે પેમેન્ટ કરતી સમયે અસલી રિસીવરનું નામ દેખાશે.ગેસ સિલિન્ડર સસ્તો: કોમર્શિયલ સિલિન્ડરના ભાવમાં ₹58.50નો ઘટાડો.

સાગર ફિલ્મ (Dimple Kapadia, Rishi Kapoor, Kamal Haasan) ના શૂટિંગ દરમિયાનની કેટલીક રસપ્રદ વાતો આ આર્ટિકલમાં છે. ડિમ્પલની કમબેક ફિલ્મ હોવા છતાં, બજેટના અભાવે રિલીઝ મોડી થઈ. રમેશ સિપ્પી એ સ્ક્રિપ્ટ અધૂરી હોવા છતાં શૂટિંગ શરૂ કરાવી દીધું. ઋષિ કપૂર પોતાના રોલથી નિરાશ થયા, કારણ કે કમલ હાસનનો રોલ વધુ મહત્વનો લાગતો હતો. શફી ઇનામદારએ પણ ફિલ્મને વાહિયાત ગણાવી હતી. જી.પી. સિપ્પી નાદાર થવાના આરે હતા અને ફિલ્મનું ભંડોળ મેળવવામાં મુશ્કેલીઓ આવી હતી. કમલ હાસનએ આ ફિલ્મ પછી લાંબા સમય સુધી બોલિવૂડથી દૂરી બનાવી રાખી, કારણ કે સાગરના કારણે તેણે ઘણી તમિલ ફિલ્મો છોડવી પડી હતી.

`મિસ્ટ્રી' વેબ સીરિઝ, જે `મોન્ક'નું રૂપાંતરણ છે, JioHotstar પર રિલીઝ થઈ છે. તેમાં રામ કપૂર OCD ધરાવતા ડિટેક્ટિવની ભૂમિકા ભજવે છે. `ધ સેન્ડમેન' સીઝન 2 Netflix પર આવી રહી છે, જેમાં મોર્ફિયસ નરકમાં પોતાનો પ્રેમ પાછો મેળવવાનો પ્રયાસ કરે છે. અભિષેક બચ્ચનની `કાલિધર લાપતા' Z5 પર પ્રીમિયર થશે, જે `કેડી'ની રિમેક છે. `ધ ઓલ્ડ ગાર્ડ 2' Netflix પર રિલીઝ થશે, જેમાં અમર યોદ્ધાઓ દુશ્મનોનો સામનો કરે છે.

સાબરકાંઠાના ખેડબ્રહ્મામાં છેલ્લા 24 કલાકમાં 14 ઇંચ કરતાં વધુ વરસાદ ખાબક્યો છે. હરણાવ નદી બે કાંઠે વહેતી થઈ રહી છે અને ઉપરવાસમાંથી પણ નદીમાં પાણીની આવક નોંધાઈ છે, જેના કારણે ધરોઈ ડેમમાં પાણીની સપ્લાય વધશે. ખેડૂતોના પાકને માટે જીવનદાયી વરસાદ મળી રહ્યો છે. ખાબકેલા વરસાદથી ઈડર-ભિલોડા સ્ટેટ હાઇવે બંધ થવાનું કારણ મહાકાય વૃક્ષ ધરાશાયી થવું છે, જેના કારણે ફાયર વિભાગ વૃક્ષ દૂર કરવાની કામગીરી કરી રહ્યું છે. વરસાદ અને પાણીની આવકને પગલે સ્થાનિકોમાં ખુશીનો માહોલ છે.

બનાવાસ્કાંઠામાં મોડી રાતથી સવાર સુધી ધોધમાર વરસાદ પડ્યો હતો જેના કારણે નીચાણવાળા વિસ્તારોમાં પાણી ભરાયા હતા. રોડ-રસ્તાઓ પર નદીઓ જેવા દ્રશ્યો ઉત્પન્ન થયા. ઈકબાલગઢ નાળિવાસમાં વરસાદી પાણી ઘરોમાં ભરાઈ અને ભારે નુકસાન થયું. તાલુકામાં રાત્રે પડેલા વરસાદથી પાણી ફરી વળ્યા હતા અને નીચાણવાળા વિસ્તારોમાં અસર જોવા મળી. દાંતીવાડની સીપુ નદીમાં નવા નીર આવ્યા છે. સ્થાનિકો અને વેપારીઓને પાણી ભરાવાથી તકલીફ પડી રહી છે.

લીંબડી શહેરમાં રેલવે સ્ટેશન રોડ પર વ્હોરા સોસાયટી, પાવર હાઉસ રોડ, ચુનારાવાડ જેવા વિસ્તારોમાં નગર પાલિકા દ્વારા પાણીની પાઈપ લાઈન નાખવાનું કામ પુરજોશમાં ચાલે છે. પરંતુ જ્યારથી વરસાદ આવ્યો છે ત્યારથી આ કામગીરી પર અસર પડી છે અને રોડ પર કાદવ કીચડ થઈ જવાથી લોકોને તકલીફ થઇ રહી છે. ખાસ કરીને બાળકો અને વૃદ્ધ લોકો વધુ મુશ્કેલીમાં છે. આ સમસ્યાનું નિરાકરણ કરવા માટે પાલીકા તાત્કાલિક પગલાં લે તેવી લોકમાંગ ઉઠી છે.

અમદાવાદમાં ભગવાન જગન્નાથની રથયાત્રાની તડામાર તૈયારી શરૂ થઇ છે. દરવર્ષે અષાઢી બીજના દિવસે આ ભવ્ય ઉજવણી થાય છે, જેમાં ભગવાન મંદિર છોડી નગરની નગરચર્યા કરવા નિકળી જાય છે. ભગવાનની રથયાત્રા પહેલા 15 દિવસ જળયાત્રાનું આયોજન થાય છે અને પછી તેઓ મોસાળમાં નિવાસ કરે છે. આ વર્ષે ત્રિવેદી પરિવાર સરસપુર મોસાળામાં મામેરું કરશે, જેમાં ભગવાન રથમાં બિરાજમાન થશે. 148મા રથયાત્રા માટે AI ટેક્નોલોજીનો ઉપયોગ થશે. સોમવારે સરસપુરમાં આ મામેરું ધામધૂમથી કરવામાં આવશે, જેમાં યજમાન પરિવારે વાદળી કલરની થીમના વસ્ત્રો તૈયાર કર્યા છે.

દાહોદ જિલ્લાના લીમખેડા તાલુકાના હાથિયાવન ગ્રામ પંચાયતના ચીભડિયા ફળિયામાં ગત મોડી સાંજે પવન સાથે ભારે વરસાદ વરસતા 30થી વધારે જેટલા મકાનોમાં વાંકડી નદીના પાણી ફરી વળ્યા છે. મકાનોમાં ભારે તારાજી સર્જાઈ છે, રહેણાંક મકાનોમાં 7-7 ફૂટ પાણી ભરાઈ જતા અનાજ, પાણી સહિત ઘરવખરીનો તમામ માલ સામાન પાણીમાં ડૂબી ગયો છે. જેને પગલે ચીભડીયા ફળિયાના રહીશોને આખી રાત ડુંગર ઉપર ભૂખ્યા તરસ્યા રહેવાનો વારો આવ્યો હતો. જ્યારે ઘટનાને કલાકો વીતી ગયા બાદ પણ વહીવટી તંત્ર દ્વારા પ્રાથમિક તપાસ પણ હાથ ધરવામાં ન આવતા રહીશોમાં ભારે આક્રોશ જોવા મળ્યો હતો.

વર્ષ 2024માં કંપનીએ 4 વખત ડિવિડન્ડ આપ્યુ હતુ, આ દરમિયાન કંપનીએ 20 રૂપિયાનું સૌથી મોટું ડિવિડન્ડ આપ્યું છે. જ્યારે, વર્ષ 2023માં કંપનીએ સૌથી વધારે 20.5 રૂપિયા પ્રતિ શેરનું ડિવિડન્ડ આપ્યું હતુ.

હવામાન વિભાગે એક બે દિવસ પહેલા ભયંકર ગરમીનો સામનો કરી રહેલા ઉત્તર-પશ્ચિમ ભારતમાં વાતાવરણ માં ફેરફાર થવાની સંભાવના વ્યક્ત કરી હતી. IMD ની આ ભવિષ્ય વાણી આજે સાચી પડી છે. દિલ્હી-એનસીઆર ના ઘણા વિસ્તારોમાં અચાનક વાતાવરણ માં પલટો આવ્યો હતો. વાવાઝોડા સાથે વરસાદ આવવાથી 46 ડિગ્રીમાં તપી રહેલા લોકોને રાહત મળી હતી. ભારે પવનને કારણે વિજળી પણ ગુલ થઈ ગઈ હતી.એક બીજી તરફ દક્ષિણ-પશ્ચિમ માં બંગાળની ખાડીમાં સતત નવી સિસ્ટમ ડેવલપ થવાને કારણે ચોમાસાએ ફરી એક વખત પોતાની ગતિ પકડી છે. વરસાદ ફરી શરૂ થઈ ગયો છે. મુંબઈમાં દોદમાર વરસાદ વરસી રહ્યો છે. દક્ષિણ ભારતમાં કેરળ, કરાણાટક, તમિલનાડુ જેવા પ્રદેશોમાં રેકોર્ડ બ્રેક વરસાદ નોંધાયો છે.દિલ્હીના સફદરગંજ એન્કલેવમાં વાવાઝોડાને કારણે મોબાઈલ ટાવર પણ તૂટી ગયો. એટલું જ નહીં ભારે વરસાદને કારણે ફિરોજશાહ રોડ પર એક ઝાડ પણ પડડી ગયું. ઘણા સ્થળોએ વરસાદને કારણે પાણીના ભરાવાની સ્થિતિ જોવા મળી હતી. વરસાદ બાદ દિલ્હીના લોકોને ગરમીમાં રાહત મળી છે. 18 અને 19 જૂન આ ત્રણ દિવસ સુધી દિલ્હીમાં ભારે વરસાદનું એલર્ટ છે. આ દરમિયાન તાપમાનમાં પણ ઘટાડો જોવા મળશે. આ દિવસોમાં દિલ્હીનું મહત્તમ તાપમાન 37 ડિગ્રી સેલ્સિયસ અને લઘુત્તમ તાપમાન 26 થી 27 ડિગ્રી રહેવાની સંભાવના છે.મુંબઈમાં વરસાદ યથાવત બીજી સિસ્ટમ બંગાળાની ખાડીમાં બની રહી છે, જે 14 જૂન બાદ મજબૂત બની જશે, તે ઓરિસ્સા અને છત્તીસગઢ તરફ વધવાથી મુંબઈમાં 16 થી 18 જૂનની વચ્ચે ભારે વરસાદ વરસવાની સંભાવના છે. 17 અને 18 જૂન સૌથી વધુ વરસાદ વાળા દિવસો હોઈ શકે છે.

ચારધામ યાત્રા 30 એપ્રિલે અક્ષય તૃતીયાના દિવસે શરૂ થઈ હતી. આ યાત્રા શરૂ થયાને લગભગ 45 દિવસ થઈ ગયા છે. અત્યાર સુધીમાં અહીં 4 હેલિકોપ્ટર અકસ્માત થયા છે. તાજેતરની ઘટના આજે સવારે 5.20 વાગ્યે બની હતી. હેલિકોપ્ટરમાં 6 મુસાફરો એક પાયલટ સાથે કેદારનાથથી ગુપ્તકાશી જવા રવાના થયા હતા. ગૌરીકુંડ નજીક ખરાબ હવામાનને કારણે હેલિકોપ્ટર અકસ્માતનો ભોગ બન્યું હતું. તેમાં સવાર તમામ લોકોના મોત થયા છે. ઉત્તરાખંડ સિવિલ એવિએશન ડેવલપમેન્ટ ઓથોરિટી (UCADA) અનુસાર હેલિકોપ્ટરમાં સવાર મુસાફર ઉત્તરાખંડ, મહારાષ્ટ્ર અને ગુજરાતના છે. હેલિકોપ્ટર આર્યન એવિએશન કંપનીનું હતુ. મૃતકોમાં એક બાળકીનો સમાવેશ થાય છે. અકસ્માતમાં પાયલોટ સહિત 7 લોકોના કરૂણ મોત થયા છે.

ચારધામ યાત્રા 30 એપ્રિલે અક્ષય તૃતીયાના દિવસે શરૂ થઈ હતી. આ યાત્રા શરૂ થયાને લગભગ 45 દિવસ થઈ ગયા છે. અત્યાર સુધીમાં અહીં 4 હેલિકોપ્ટર અકસ્માત થયા છે. તાજેતરની ઘટના આજે સવારે 5.20 વાગ્યે બની હતી. હેલિકોપ્ટરમાં 6 મુસાફરો એક પાયલટ સાથે કેદારનાથથી ગુપ્તકાશી જવા રવાના થયા હતા. ગૌરીકુંડ નજીક ખરાબ હવામાનને કારણે હેલિકોપ્ટર અકસ્માતનો ભોગ બન્યું હતું. ઉત્તરાખંડ સિવિલ એવિએશન ડેવલપમેન્ટ ઓથોરિટી (UCADA) અનુસાર હેલિકોપ્ટરમાં સવાર મુસાફર ઉત્તરાખંડ, મહારાષ્ટ્ર અને ગુજરાતના છે. હેલિકોપ્ટર આર્યન એવિએશન કંપનીનું હતુ. મૃતકોમાં એક બાળકીનો સમાવેશ થાય છે. અકસ્માતમાં પાયલોટ સહિત 7 લોકોના કરૂણ મોત થયા છે.

સુપ્રસિદ્ધ યાત્રાધામ સાળંગપુરધામમાં શ્રીકષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી તારીખ 15-06-2025ને રવિવારના રોજ સાળંગપુરમાં દાદાને પ્યોર સિલ્કના વાઘા એવં 100 કિલો ઓર્કિડના ફૂલોનો શણગાર કરાવવામાં આવ્યો છે. આજે અનેક હરિભક્તોએ દર્શન એવં મહાપ્રસાદનો લાભ લઈ ધન્યતાનો અનુભવ કર્યો હતો. સાથો સાથ મંદિર પરિસરમાં યજ્ઞશાળામાં મારુતિ યજ્ઞનું આયોજન કરવામાં આવ્યું હતું. આજના શણગાર વિશે પૂજારી સ્વામીએ જણાવ્યું કે, આજે શ્રીકષ્ટભંજનદેવ હનુમાનજીને વૃંદાવનમાં 15 દિવસની મહેનતે 7 કારીગરો દ્વારા બનાવવામાં આવેલા પ્યોર સિલ્કના વાઘા પહેરાવવામાં આવ્યા છે. આ વાઘામાં વિશેષ જરદોશી વર્ક કરવામાં આવ્યું છે. તો હનુમાનજીના સિંહાસને 100 કિલો ઓર્કિડના ફુલોનો શણગાર કરવામાં આવ્યો છે. આ ફૂલ વડોદરાથી મંગાવ્યા છે. આ શણગાર કરતાં 7 સંતો, ભક્તો અને પાર્ષદોને 4 કલાકનો સમય લાગ્યો હતો.

રાજકોટમાં ગઈકાલે છૂટો છવાયો વરસાદ વરસ્યો હતો જેના કારણે નીચાણ વાળા વિસ્તારમાં પાણી ભરાયા હતા, રાજકોટમાં 3 દિવસ વરસાદની આગાહી કરવામાં આવી છે, ગઇકાલના વરસાદમાં તંત્રની પોલ ખુલી ગઈ છે, પહેલા વરસાદમાં જ પોપટ પરા નાળું ભરાયું છે, મહિલા કોલેજ અંડર બ્રિજમાં પણ પાણી ભરાયા છે, એસ્ટ્રોન ચોકમાં પણ પાણી ભરાયા છે સાથે સાથે ચોમાસામાં વિકટ સ્થિતિ સર્જાઇ શકે તે નક્કી આવી સ્થિતિથી દેખાઈ આવે છે. રાજકોટમાં ગઈકાલે વરસેલા વરસાદને પગલે મહાનગરપાલિકા પ્રિ-મોનસૂન કામગીરીની પોલ ખુલી ગઈ છે, દિવસભર અસહ્ય ઉકળાટ-બફારા સાથે બપોર પછી અચાનક હવામાન પલટો થયો હતો. રાજકોટ જિલ્લાના ગોંડલમાં ધોધમાર ૪ ઈંચ, અમરેલી જિલ્લાના બાબરામા દોઢ ઈંચ, જેતપુર, નવાગામમા દોઢ ઈંચ, કોટડાસાંગાણીમા ૧ ઈંચ, જૂનાગઢ, કુંકાવાવ, વડીયા, અમરેલી, સાવરકુંડલા, ધારી,ધોરાજી, જામકંડોરણામા છૂટોછવાયો વરસાદ વરસ્યો હતો. ધારીના બોરડી ગામે વીજળી પડતા એક શખસનુ મોત થયુ છે. ગોંડલમાં ભારે વરસાદના કારણે ઠેર ઠેર પાણી ભરાયા હતા. સોસાયટી વિસ્તારમાં લોકોના ઘરમા પાણી ઘુસી ગયા હતા. બાબરામાં પાણી ભરાતા વાહનો ડૂબ્યા હતા.

SS વેલ્થસ્ટ્રીટના ફાઉન્ડર સુગંધા સચદેવાએ બિઝનેસ ટૂડે સાથે વાત કરતા જણાવ્યું કે, ઈઝરાયેલી હુમલા બાદ સોનાની માંગ ઝડપથી વધી રહી છે. જો તણાવ વધે છે, તો સોનું 3,500 ડોલર પ્રતિ ઓંસ સુધી પહોંચી શકે છે.

અમદાવાદ પ્લેન ક્રેસ દુર્ઘટનામાં પૂર્વ મુખ્યમંત્રી વિજય રૂપાણીનું નિધન થતા સમગ્ર રાજ્યમાં શોકનું મોજુ ફરી વળ્યું છે. જુનાગઢ જિલ્લાના ભેસાણ તાલુકાનું ચણાકા વિજય રૂપાણીનું પૈત્રુક ગામ છે, જ્યાં વિજય રૂપાણીના કુળદેવી અને સુરાપુરાનું સ્થાનક છે અને તેમના પરિવારનો અતૂટ સંબંધ છે તે ગામમાં આ સમાચાર સાંભળતા જ શોકની લાગણી ફેલાઈ હતી, પૂર્વ મુખ્યમંત્રી વિજય રૂપાણી ખૂબ જ સંવેદનશીલ અને ભગવાનમાં આસ્થા ધરાવતા હતા તેમજ તેમના કુળદેવી અને સુરાપુરાના મંદિર માટે ખૂબ જ ચિંતા કરતા હતા અને તેમણે આ બંને મંદિરોનો ખૂબ જ મોટો વિકાસ પણ કર્યો છે, પોતાના કુળદેવી અંબા માતાજીના મંદિર માટે અબુધાબી થી મજૂરોને બોલાવવામાં આવ્યા અને તેમને આરસની ઉપર મૂર્તિ કંડારીને અહીં સ્થાપના કરી હતી. પૂર્વ મુખ્યમંત્રી વિજય રૂપાણી પોતાના જીવનમાં પ્રથમવાર એક સાથે બે દિવસ સુધી 11-11 કલાક બેસીને પૂજા અર્ચના કરી હતી. આ મંદિર સાથે તેનો અતૂટ નાતો છે અને તેઓ ખૂબ જ આસ્થા અને શ્રદ્ધા ધરાવતા હતા તેમને આ મંદિરમાં આવતા દર્શનાર્થીઓ માટે જે સીડી ચડી ન શકે તો લિફ્ટ બનાવવાની પણ તૈયારી બતાવી હતી. પોતે લંડનથી પરત આવીને આ પ્રોજેક્ટ ઉપર કામ કરવાના હતા, તેમના ગુરુ અને મંદિરના મહંત સાથે અવારનવાર ટેલીફોનિક વાત કરી અને પ્રોજેક્ટ અંગે માહિતીઓ એકત્રિત કરવાનું પણ કહેતા હતા, તેમનું અકાળે અવસાન થતાની સાથે જ આ સપના તેમનો આખરી સપના બનીને રહી ગયા.

રાજ્યમાં આજે સાર્વત્રિક વરસાદની આગાહી હવામાન વિભાગ દ્વારા કરવામાં આવી છે, ક્યાંક ભારે તો ક્યાંક અતિભારે વરસાદની આગાહી કરવામાં આવી છે, હાલ અપર એર સાયક્લોનિક સર્ક્યુલેશન સિસ્ટમ સક્રિય હોવાની વાત સામે આવી છે, રાજસ્થાન અને મધ્યપ્રદેશ તરફ વરસાદી સિસ્ટમ સક્રિય છે. હવામાન વિભાગની આગાહી પ્રમાણે વાત કરીએ તો આજે નવસારી, વલસાડ, દમણ, દાદરાનગર હવેલી, અમરેલી, ભાવનગર, અરવલ્લી, મહીસાગર, દાહોદ, નર્મદા, ભરૂચ, સુરત, ડાંગ, તાપી, રાજકોટ, જૂનાગઢ, ગીર સોમનાથ, અમદાવાદ, ગાંધીનગર, બનાસકાંઠા, સાબરકાંઠા, પાટણ, મહેસાણા, ખેડા, આણંદમાં મધ્યમ વરસાદની આગાહી કરવામાં આવી છે. ઉત્તર રાજસ્થાનમાં અપર એર સાયક્લોનિક સર્ક્યુલેશન સર્જાયું છે. જ્યારે રાજસ્થાનથી વિદર્ભ સુધી ટ્રફ લાઈન સર્જાઈ છે. બીજી બાજુ, અરબ સાગરથી ઓડિશા સુધી ટ્રફ લાઈન સક્રિય છે. વરસાદની આગાહીની વાત કરીએ તો, 7 દિવસ રાજ્યમાં વરસાદી વાતાવરણની સંભાવના છે. હળવાથી લઈ અતિભારે વરસાદની સંભાવના છે.

ભરૂચ શહેર-જિલ્લામાં છેલ્લા કેટલાય સમયથી આકાશમાં વાદળોની ફોજ ઉતરી આવતી હતી જો કે કેટલાક સ્થળે સામાન્ય ઝરમર થયા બાદ વાદળો વિલિન થઈ જતા હતા. બીજી તરફ લોકો ગરમીથી વ્યાકુળ થઈ ગયા હતા. ત્યારે લોકો આકાશમાં ચાતકની નજરે વરસાદ માટે મીટ માંડી બેઠા હતા. આ દરમિયાનમાં શનિવારે સમીસાંજે વાતાવરણમાં અચાનક પલ્ટો આવ્યો હતો. આકાશમાં વાદળોની ફોજ ઉતરી આવવા સાથે વીજળીના કડાકા-ભડાકા સાથે વરસાદ વરસવાનો શરૂ થઈ ગયો હતો. છેલ્લા કેટલાક સમયથી અસહ્ય ગરમીથી અકળાયેલા લોકોએ વરસાદી માહોલ બાદ વાતાવરણમાં ઠંડક પ્રસરતા રાહત અનુભવી હતી. સામાન્યઃ ભરૂચ જિલ્લામાં 20 થી 22 જુન બાદ ચોમાસુ બેસતુ હોય છે ત્યારે આ વખતે ચોમાસુ વહેલુ શરૂ થાય તેવી શકયતાઓ હવામાન વિભાગે વ્યકત કરી હતી. મોસમનો એકદંરે પહેલો વરસાદ વરસતા બાળકો, યુવાનો પહેલા વરસાદમાં પલરવા માટે બહાર નીકળી આવ્યા હતા. આકાશમાંથી કાચુ સોનુ વરસતા ખેડૂતોએ પણ હાશકારો લીધો હતો.

વડોદરાના દાદા ભગવાન મંદિર, કેલનપુરના સભાગૃહમાં શાશ્વત હિંદુ પ્રતિષ્ઠાનના 6ઠ્ઠા રાષ્ટ્રીય અધિવેશનનું ઉદ્ઘાટન કરાયું હતું. જેમાં સનાતન સંત પૂ. ચેતન દાસજી મહારાજે કહ્યું કે, આજે હિંદુઓને પોતાના મંદિરોને શક્તિ કેન્દ્ર બનાવવાની જરૂર છે. સંવાદથી સહમતિ નામના આ અધિવેશનમાં આજે ગુજરાત પ્રાંતના અમદાવાદમાં થયેલી વિમાન દુર્ઘટનાના મૃતકો અને પૂર્વ મુખ્યમંત્રી દિવંગત વિજયભાઈ રૂપાણી પ્રત્યે શ્રદ્ધાંજલિ અને શોક વ્યક્ત કરાયો હતો. રાષ્ટ્રીય સ્વયંસેવક સંઘના પશ્ચિમ ક્ષેત્ર સહસંપર્ક પ્રમુખ વિજય દેવાંગનજીએ તેઓના તેજસ્વી ભાષણમાં કહ્યું કે, શાશ્વત સંસ્કાર અપનાવીને જ હિંદુ સમાજની આવનારી પેઢીને શક્તિશાળી બનાવી શકાય છે. તેમણે સમાજના અંતિમ છેડા સુધી પ્રકાશ લઈ જવાનો સંકલ્પ વ્યક્ત કર્યો હતો. કાર્યક્રમમાં ભારતના વિવિધ રાજ્યોમાંથી પ્રતિનિધિ પધાર્યા છે. સંવાદથી સહમતિ 14 અને 15 જૂન સુધી ચાલશે. શાશ્વત હિંદુ પ્રતિષ્ઠાનના રાષ્ટ્રીય ઉપાધ્યક્ષ મેજર રમેશ ઉપાધ્યાયે જણાવ્યું કે, અમારું લક્ષ્ય પાંચ વર્ષમાં એક લાખ મંદિરોને શક્તિ કેન્દ્ર બનાવવાની યોજના છે. શાશ્વત હિંદુના રાષ્ટ્રીય મહામંત્રી સંજય શર્માએ કહ્યું કે, મંદિરોને શક્તિ કેન્દ્ર બનાવવા માટે બે કલાક મંદિરના નામે, રાષ્ટ્ર નિર્માણના કામે અભિયાનને દરેક હિંદુ સુધી પહોંચાડવું પડશે.

બોડેલી નગરમાં જગન્નાથજીની ચોથી રથયાત્રાનું આયોજન અંગે બોડેલી નગરના અગ્રણી તેમજ કાર્યકરો વચ્ચે બેઠક યોજાઈ હતી. અમદાવાદથી લંડન જતી ફ્લાઇટમાં ટેક્નિકલ ખામી સર્જાતા ક્રેશ થતા 275 લોકો મોતને ભેટયાં હતા. જેમાં બોડેલી ગંગાનગર સોસાયટીમાં રહેતા નેન્સીબેન ચેત્રેશભાઈ પટેલનું પણ ફ્લાઇટ ક્રેશ થતાં દુર્ઘટનામાં મોત થયું હતું. તેના અનુંસંધાને રથયાત્રા આયોજક સમિતિ દ્વારા મિટિંગ દરમિયાન બે મિનટનું મૌન પાળી શ્રદ્ધાંજલિ પાઠવાઇ હતી. બોડેલીમાં તા.27 જૂનના રોજ બોડેલી, અલીખેરવા, ઢોકલીયા, ચાંચક વિસ્તારમાં નીકળનારી જગન્નાથજીની ચોથી રથયાત્રા અંગે બોડેલી વૈષ્ણવ વાડીમાં રથયાત્રા આયોજન સમિતિ દ્વારા બોડેલી નગરના અગ્રણી તેમજ આયોજકો, કાર્યકરો વચ્ચે બેઠક યોજાઈ હતી. જેમાં બોડેલી, ઢોકલીયા, અલીખેરવા, ચાચક વિસ્તારના અગ્રણી મોટી સંખ્યામાં હાજર રહ્યાં હતા. બેઠકમાં કાર્યકરોએ જગન્નાથજીની રથયાત્રા અંગેની વિસ્તુત ચર્ચા કરી હતી. ચોથી જગન્નાથજીની રથયાત્રાના રૂટ અને સમયમાં ફેરફાર કરાયો છે. રથયાત્રા ઢોકલીયા ગરબીચોકથી સાંજે 4:30 કલાકે નીકળશે. જે રામજી મંદિરથી નીકળી વિવિધ રાજમાર્ગથી, વૈષ્ણવ મંદિરથી અને શ્રીરામ ચોકથી પસાર થઈ સાંજે ખોડિયાર મંદિર પહોચી પુર્ણાહૂતિ થશે. ત્યારબાદ ખોડિયાર મંદિરે સાંજે મહાપ્રસાદીનું આયોજન કરાયું છે.

રાજકોટ વરસાદ: ગુજરાતના મોટાભાગના વિસ્તારના વાતાવરણમાં અચાનક જ ફેરફાર જોવા મળ્યો છે, ત્યારે સૌરાષ્ટ્રના અનેક શહેરોમાં વરસાદ વરસી રહ્યો છે. રાજકોટ, અમરેલી, ગોંડલ, સુરત, નવસારી, તાપી, ડાંગ સહિત અનેક શહેરોમાં મેઘરાજાએ પધરામણી કરી છે. ત્યારે રાજકોટ શહેરમાં વીજળીના કડાકા ભડાકા સાથે વરસાદ વરસ્યો હતો. દોઢ કલાકમાં 3 ઇંચ વરસાદથી જળબંબાકાર, અનેક વિસ્તારોમાં ભરાયાં પાણી.

રાજકોટ તથા શહેરના આસાપાસના વિસ્તારોમાં ધોધમાર વરસાદ પડતા ચારે બાજુ પાણી ભરાયા હતા. ગોંડલમાં 1 કલાકમાં 4 ઈંચ વરસાદ વરસતા નીચાણવાળા વિસ્તારોમાં વરસાદી પાણી ભરાયા હતા. ભારે વરસાદના પગલે પાલિકાની પ્રિ-મોન્સૂન કામગીરીની પોલ ખુલ્લી છે. ગોંડલ રાજકોટ હાઇવે પર વરસાદી પાણી ભરાતા લોકોને ભારે હાલાકીનો સામનો કરવો પડ્યો હતો. આશાપુરા, લાલપુલ, ઉમવાડા વિસ્તારમાં પાણી ભરાયા હતા. ખોડીયાર નગર અંડર બ્રિજમાં વરસાદી પાણી ભરાયા હતા. ગ્રામ્ય વિસ્તારમાં વાવણી લાયક વરસાદ થતા ખેતરોમાં પણ પાણી ભરાયા હતા.

ખેડા જિલ્લામાં વૃક્ષ પર વીજળી પડવાથી વૃક્ષ ભળભળ સળગ્યું હતું. તારાપુર રોડ પર આવેલા સાયલા ગામમાં વૃક્ષ પર વીજળી પડતા ગ્રામજનોમાં ભયનો માહોલ સર્જાયો હતો. આ ઘટનામાં સદનસીબે કોઈ જ જાનહાની થઈ નથી. ગુજરાતમાં હવામાન વિભાગ દ્વારા પાંચ દિવસ ભારે વરસાદની આગાહી કરવામાં આવી છે. રવિવારે રાજ્યના 15 જિલ્લાઓમાં ભારે વરસાદની આગાહી કરવામાં આવી છે. ઉત્તર ગુજરાત સૌરાષ્ટ્ર તેમજ દક્ષિણ ગુજરાતમાં ગાજવીજ સાથે ભારે વરસાદની આગાહી કરી છે. આજે રાજ્યાના 58 તાલુકામાં વરસાદ વરસ્યો છે.