10 વર્ષની બાળકી 30 ફૂટ ઉપરથી પડી:મનાલીમાં ઝિપલાઇનિંગ દરમિયાન હુક તુટી જતા અકસ્માત થયો, હોસ્પિટલમાં સારવાર હેઠળ; પરિવાર ફરવા ગયો હતો
Published on: 15th June, 2025
હિમાચલ પ્રદેશના મનાલીનો એક વીડિયો વાયરલ થયો છે. આમાં ઝિપલાઇનિંગ કરતી 10 વર્ષની બાળકી 30 ફૂટની ઊંચાઈ પરથી જમીન પર પડી હતી. આ ઘટનામાં ગંભીર રીતે ઘાયલ થયેલી છોકરીનું નામ ત્રિશા છે. પહેલા ત્રિશાને મનાલીની એક હોસ્પિટલમાં દાખલ કરવામાં આવી હતી. ત્યાંથી તેને ચંદીગઢ રિફર કરવામાં આવી હતી, હવે તેની સારવાર નાગપુરની એક ખાનગી હોસ્પિટલમાં ચાલી રહી છે. ત્રિશાનો પરિવાર મહારાષ્ટ્રના નાગપુરનો છે. ત્રિશા તેના પિતા પ્રફુલ બિજવે અને માતા સાથે રજાઓ મનાવવા માટે મનાલી ગઈ હતી. 8 જૂનના રોજ, જ્યારે તે ઝિપલાઇનિંગ કરી રહી હતી, ત્યારે આ અકસ્માત થયો હતો. આ વીડિયો સામેની ટેકરી પર રહેલા એક વ્યક્તિએ રેકોર્ડ કર્યો હતો. વીડિયોમાં, ત્રિશા વાયર પર લટકતી દેખાય છે, જ્યારે તે 30 ફૂટની ઊંચાઈ પર હોય છે, ત્યારે તે જેના પર લટકતી હતી તે હૂક તૂટી જાય છે. ત્રિશા ચીસો પાડે છે અને જમીન પર પટકાય છે. વીડિયો બનાવતા વ્યક્તિ કહેતા સાંભળાય છે - ઓહ... છોકરી પડી ગઈ. ઘટનાને લગતા 4 ફોટા...
ઉત્તરાખંડમાં રસ્તા પર હેલિકોપ્ટરનું ઇમરજન્સી લેન્ડિંગ: પાછળનો ભાગ કાર પર પડ્યો; પાઇલટ સહિત 6 મુસાફરો સવાર હતા ઉત્તરાખંડના રુદ્રપ્રયાગમાં ટેકનિકલ ખામીને કારણે એક હેલિકોપ્ટરનું રસ્તા પર ઇમરજન્સી લેન્ડિંગ કરવામાં આવ્યું. આ દરમિયાન હેલિકોપ્ટરનો પાછળનો ભાગ કાર પર પડતાની સાથે જ તૂટી ગયો. કારને પણ ભારે નુકસાન થયું. હાઇવે પર બનેલી દુકાનનો ટીન શેડ પણ હેલિકોપ્ટરના પંખાની ઝપેટમાં આવી ગયો હતો. આ દરમિયાન દુકાનમાં બેઠેલા લોકો ભાગીને પોતાનો જીવ બચાવ્યો હતો.
