સુરતની ભૂલકા વિહાર સ્કૂલે નર્સરીથી સિનિયર કે.જી. સુધીના વિદ્યાર્થીઓમાં સ્કૂલ પ્રત્યે રુચિ વધારવા માટે ખાસ વિચારો અપનાવ્યા છે. બાળકોને ઘોડાગાડી પર બેસાડીને શાળાના કેમ્પસમાં ફેરવવામાં આવતા બાળકોના ચહેરા પર ખુશી છવાઈ ગઈ. સ્કૂલ સંચાલક અમિતાભ વકીલે જણાવ્યું કે શાળાનો પહેલો દિવસ બાળકો માટે ભણતર સિવાય પ્રેરણાદાયક અને મનોરંજનથી ભરપૂર હોવો જોઈએ, જેથી તેઓ સ્કૂલના અનુભવને મજેદાર અને સરળ લઈ શકે. આ રીતે, બાળકોના ભાવનાત્મક અને શૈક્ષણિક સર્વાંગી વિકાસ માટે નવી પ્રવૃત્તિઓ તેમજ લગભગ બે કલાકની વિવિધ પ્રવૃત્તિઓનું આયોજન કરવામાં આવે છે.