ન્યુઝીલેન્ડના પૂર્વ ઓલરાઉન્ડર ડગ બ્રેસવેલ (Doug Bracewell) ફરી એકવાર વિવાદમાં ફસાયો છે. સપ્ટેમ્બર 2025માં થયેલા રુટીન ડ્રગ ટેસ્ટમાં ફેલ થયા બાદ હવે તેના પર બે વર્ષનો બૅન લગાવી દેવામાં આવ્યો છે. આ સસ્પેન્શન 24 નવેમ્બર, 2025થી અમલમાં માનવામાં આવે છે અને 23 નવેમ્બર, 2027 સુધી ચાલુ રહેશે. બ્રેસવેલે ડિસેમ્બર 2025માં ઈન્ટરનેશનલ અને ડોમેસ્ટિક ક્રિકેટમાંથી નિવૃત્તિની જાહેરાત કરી હતી, પરંતુ તે પહેલા જ તેનો કેસ સામે આવી ચૂક્યો હતો. તેણે ચેમ્સફોર્ડમાં એસેક્સ અને સમરસેટ વચ્ચે રમાયેલી એસેક્સ માટે કાઉન્ટી ચેમ્પિયનશિપ મેચ દરમિયાન કોકેઈનનું સેવન કર્યું હોવાની કબૂલાત કરી હતી.

રશિયામાં ભારતના 10 દીકરાના મોત મામલે સુપ્રીમ કોર્ટમાં અરજીઓની સુનાવણી દરમિયાન કેન્દ્ર સરકારે એક મોટો ખુલાસો કર્યો છે. સરકારે જણાવ્યું કે રશિયા-યુક્રેન યુદ્ધમાં રશિયન સેના વતી લડતા 10 ભારતીય નાગરિકોના મોત થઈ ચૂક્યા છે. અરજીમાં આરોપ મૂકવામાં આવ્યો હતો કે આમાંના મોટાભાગના લોકોને નોકરીની લાલચ આપીને લલચાવીને રશિયા લઈ જઈને યુદ્ધમાં ધકેલી દેવામાં આવ્યા હતા, પરંતુ સરકારે કોર્ટને જણાવ્યું હતું કે તેમાંથી મોટાભાગના લોકો પોતાની મરજીથી ગયા હતા. મૃતકોમાં મોટાભાગના યુવાનો છે અને ભારતમાં તેમની 25-26 વર્ષીય પત્નીઓ વિધવા બની ગઈ છે.

દુનિયાભરના બજારોને હચમચાવી નાખનાર અને હજારો લોકોનો ભોગ લેનાર જંગને રોકવા માટે ફરી એકવાર રાજદ્વારી પ્રયાસો તેજ થયા છે. અમેરિકાના રાષ્ટ્રપ્રમુખ ડોનાલ્ડ ટ્રમ્પના ખાસ દૂતો આજે પાકિસ્તાન જવા રવાના થઈ રહ્યા છે. જોકે, બીજી તરફ ઈરાને સ્પષ્ટ કર્યું છે કે, તેઓ અમેરિકી અધિકારીઓ સાથે સીધી મુલાકાત નહી કરે. અમેરિકા તરફથી રાષ્ટ્રપ્રમુખના ખાસ દૂધ સ્ટીવ વિટકોફ અને જમાઈ જેરેડ કુશનર શનિવારે સવારે પાકિસ્તાન પહોંચશે. જરૂર પડ્યે ઉપરાષ્ટ્રપ્રમુખ જેડી વેન્સ પણ જોડાય તેવી શક્યતા છે. તો બીજી તરફ ઈરાન તરફથી વિદેશ મંત્રી અબ્બાસ અરાકચી શુક્રવારે જ ઇસ્લામાબાદ પહોંચી ગયા છે.

વિશ્વની બે મહાસત્તાઓ અમેરિકા અને ચીન વચ્ચે ટેક્નોલોજીની સ્પર્ધામાં હવે એક નવો અને રહસ્યમય વળાંક જોવા મળ્યો છે. બંને દેશોમાં પરમાણુ ટેક્નોલોજી, હાઈપરસોનિક હથિયારો, AI અને સ્પેસ રિસર્ચ જેવા સંવેદનશીલ ક્ષેત્રોમાં કામ કરતા ટોચના વૈજ્ઞાનિકો શંકાસ્પદ રીતે ગુમ થઈ રહ્યા છે અથવા તેમના મોત થઈ રહ્યા છે. અત્યાર સુધીમાં અમેરિકામાં 11 અને ચીનમાં 9થી વધુ દિગ્ગજ વૈજ્ઞાનિકો સાથે આવી ઘટનાઓ બની છે. જોકે, ઉપરછલ્લી રીતે આ ઘટનાઓ સામાન્ય અકસ્માત જેવી લાગે છે, પરંતુ જે રીતે આ વૈજ્ઞાનિકો ગાયબ થઈ રહ્યા છે તે જોતા તેની પાછળ કોઈ મોટું આંતરરાષ્ટ્રીય ષડયંત્ર હોવાની આશંકા સેવાઈ રહી છે.

વૈશ્વિક રાજનીતિમાં ચાલી રહેલી ઉથલપાથલ વચ્ચે એક મોટા સમાચાર સામે આવી રહ્યા છે. રશિયાના પ્રમુખ વ્લાદિમીર પુતિન આ વર્ષે ડિસેમ્બરમાં અમેરિકાના મિયામીમાં યોજાનારી G20 સમિટમાં ભાગ લેવા માટે અમેરિકાની મુલાકાત લઈ શકે છે. અમેરિકન પ્રમુખ ડોનાલ્ડ ટ્રમ્પના નિમંત્રણ બાદ ક્રેમલિન(રશિયન પ્રમુખ ભવન) દ્વારા એવા સંકેત આપવામાં આવ્યા છે કે પુતિન આ યાત્રા પર ગંભીરતાથી વિચાર કરી રહ્યા છે. અમેરિકા આ વર્ષે G20 બેઠકનું યજમાન છે અને તેણે રશિયાને સત્તાવાર આમંત્રણ મોકલ્યું છે, જેનો રશિયાએ હકારાત્મક પ્રતિસાદ આપ્યો છે.

ઈસ્લામાબાદમાં વાતચીતની શક્યતાઓ વચ્ચે અમેરિકા અને ઈરાન વચ્ચેનો તણાવ ફરી એકવાર ચરમસીમાએ પહોંચ્યો છે. યુએસ સેન્ટ્રલ કમાન્ડ દ્વારા મળેલી જાણકારી મુજબ, અમેરિકન નૌસેનાના ગાઈડેડ-મિસાડલ ડેસ્ટ્રોયર 'USS રાફેલ' દ્વારા 24 એપ્રિલના રોજ ઈરાની ઝંડા ધરાવતા એક જહાજને દરિયામાં વચ્ચે જ રોકી દેવામાં આવ્યું છે. અમેરિકાએ એપ્રિલની શરૂઆતથી જ ઈરાનના પોર્ટ્સ પર દરિયાઈ નાકાબંધી લાગુ કરી છે, જેનો મુખ્ય ઉદ્દેશ્ય ઈરાનના તેલ નિકાસ અને વ્યાપારને મર્યાદિત કરવાનો છે. આ વ્યૂહરચના હેઠળ અત્યાર સુધીમાં ડઝનબંધ જહાજોને અટકાવવામાં આવ્યા છે.

અમેરિકામાં H-1B વિઝા પ્રોગ્રામમાં ફેરફાર માટે 'એન્ડ H-1B વિઝા એબ્યુઝ એક્ટ ઓફ 2026' રજૂ, ત્રણ વર્ષ પ્રતિબંધની શક્યતા. વિઝા મર્યાદા 65,000થી ઘટાડી 25,000 કરાશે, $200,000 વેતન ફરજિયાત. OPT પ્રોગ્રામ બંધ અને આશ્રિતો પર પ્રતિબંધ.

ફોર્બ્સે અમીરોની યાદીમાં દાનને ધ્યાનમાં રાખીને 'ટ્રુ નેટ વર્થ' રેન્કિંગ જાહેર કરી. ઇલોન મસ્કે ઓછું દાન કર્યું હોવાથી તેઓ પ્રથમ સ્થાને રહ્યા. બિલ ગેટ્સ અને વોરેન બફેટે દાન ન કર્યું હોત તો તેઓ બીજા-ત્રીજા ક્રમે હોત. મેકેન્ઝી સ્કોટ 26મા સ્થાને હોત, જ્યારે જેફ બેઝોસ ટોપ 5માંથી બહાર થઈ જાત. રીડ હેસ્ટિંગ્સે પોતાની સંપત્તિનો એક-ચતુર્થાંશ ભાગ દાન કર્યો છે.

વિશ્વ ત્રીજા વિશ્વયુદ્ધના ઉંબરે છે. ડોનાલ્ડ ટ્રમ્પે Hormuz Straitમાં ઈરાની નૌકાઓને નિશાન બનાવવાનો આદેશ આપ્યો છે, જેનાથી અમેરિકા અને ઈરાન વચ્ચે તણાવ વધ્યો છે. Hormuz સ્ટ્રેટ તેલ પુરવઠા માટે મહત્વનો જળમાર્ગ છે. ટ્રમ્પે અમેરિકી નૌસેનાને ઈરાની બોટ દેખાય તો ઠાર કરવાનો આદેશ આપ્યો છે. અમેરિકા અને જાપાન 'માઈન્સ સ્વીપર' જહાજોથી માઈન્સ શોધી રહ્યા છે. ઈઝરાયેલ પણ હુમલાની તૈયારીમાં છે.

અમેરિકા, ઇઝરાયલ અને ઇરાન વચ્ચેના સંઘર્ષ વચ્ચે સમાધાનની આશા જાગી છે. ક્રૂડ ઓઇલના ભાવ ઘટતા જોવા મળ્યા છે. ઈરાન અને અમેરિકા વચ્ચે વાટાઘાટો ફરી શરૂ થવાની શક્યતા છે. ક્રૂડ ઓઇલનો ભાવ ઘટ્યો છે, WTI ક્રૂડ $94.40 પ્રતિ બેરલ અને બ્રેન્ટ ક્રૂડ $105 પર સ્થિર થયો છે. મ્યાનમાર, લાઓસ, ફિલિપાઇન્સ અને ન્યુઝીલેન્ડ જેવા દેશોમાં પેટ્રોલ અને ડીઝલના ભાવમાં વધારો થયો છે. ગુજરાતના શહેરોમાં પેટ્રોલ ₹94.12-₹96.10 અને ડીઝલ ₹89.79-₹91.78 પ્રતિ લિટર છે.

ઈરાન US સાથે સીધી વાતચીત નહીં કરે; પાકિસ્તાન મધ્યસ્થી કરશે. ઈરાનના વિદેશ મંત્રી અબ્બાસ અરાઘચી પાકિસ્તાનના વડાપ્રધાન અને સેના પ્રમુખ જનરલ સૈયદ આસીમ મુનીર સાથે મુલાકાત કરશે, જેમાં શાંતિ સ્થાપવા ચર્ચા થશે. USએ સ્ટીવ વિટકોફ અને જેરેડ કુશનરને ઈસ્લામાબાદ મોકલ્યા છે, જરૂર પડ્યે ઉપરાષ્ટ્રપતિ જેડી વેન્સ પણ મુલાકાત લેશે.

પશ્ચિમ એશિયામાં તણાવ વચ્ચે, ઈરાનના મંત્રી અબ્બાસ અરાઘચી પાકિસ્તાન પહોંચ્યા, જ્યાં પાકિસ્તાની મંત્રીઓએ તેમનું સ્વાગત કર્યું. જોકે, તેમણે સ્પષ્ટતા કરી કે તેઓ દ્વિપક્ષીય મંત્રણા માટે આવ્યા છે, US સાથે શાંતિ મંત્રણા માટે નહીં. Trumpના પ્રતિનિધિઓની ગેરહાજરીથી મંત્રણા અંગે સસ્પેન્સ છે.

ટ્રમ્પ સરકારે ઈરાનની આર્થિક કરોડરજ્જુ તોડવા 40 જેટલી SHIPPING કંપનીઓ, ટેન્કરો અને ચીનની એક OIL રિફાઈનરી પર પ્રતિબંધ લાદ્યો છે. આ નિર્ણય ઈરાનના મહેસૂલના મુખ્ય સ્ત્રોતને ખતમ કરવાના અભિયાનનો ભાગ છે. ચીનની HINGLI PETROCHEMICAL રિફાઈનરી પણ નિશાના પર છે.

અમેરિકાએ હથિયારો, ડોલર અને પ્રતિષ્ઠા ગુમાવ્યા, ખાડી દેશો યુઆનમાં વેપાર માટે પ્રેરાયા. વર્ષોથી અમેરિકાએ ટેક્નોલોજી અને સુરક્ષાના નામે ડોલરમાં ક્રૂડનો વેપાર કરાવ્યો, પણ ઈરાન યુદ્ધે પરિસ્થિતિ બદલી. ચીન વધુ વિશ્વાસપાત્ર લાગતા ખાડી દેશોને ફાયદો થયો. ચીનને સસ્તા ક્રૂડ અને યુદ્ધમાં પણ વેપારથી મોટો ફાયદો થયો.

ઈરાનની રાજકીય અને સૈન્ય સ્થિતિ ગંભીર છે. યુદ્ધના વાદળો અને નેતૃત્વની ખુવારી વચ્ચે સુપ્રીમ લીડર મોજતબા ખામેની વિશે સસ્પેન્સ છે. તેઓ 24 એપ્રિલ 2026 સુધી સાર્વજનિક રીતે દેખાયા નથી. ન્યુયોર્ક ટાઈમ્સ અને અમેરિકી ઇન્ટેલિજન્સના દાવા મુજબ, 28 ફેબ્રુઆરીના હુમલામાં તેઓ ગંભીર રીતે ઘાયલ થયા હતા. હાલ તેઓ કુમ (Qom) શહેરની કોઈ ગુપ્ત હોસ્પિટલમાં ICUમાં છે અથવા મોસ્કોમાં સારવાર લઈ રહ્યા છે. જો કે, ઇરાની મીડિયા આ વાતોને 'પશ્ચિમી પ્રોપેગેન્ડા' ગણાવે છે.

ઇરાનનું પ્રતિનિધિમંડળ પાકિસ્તાન પહોંચવાની શક્યતા છે. અમેરિકાએ ઘેરાબંધી કરીને 34 જહાજ અટકાવ્યાના દાવા વચ્ચે ઈરાનીયન સહિત 11 જહાજો ખાડીમાંથી નીકળ્યા. ઇરાન વિશ્વ માટે જોખમી હશે ત્યાં સુધી તેની ઘેરાબંધી ચાલુ રહેશે. ટ્રમ્પના દાવાને પ્રમુખ પેજેકિશ્યને નકારી કાઢ્યો. USS જ્યોર્જ એચડબલ્યુ બુશ મધ્યપૂર્વમાં પહોંચી ગયું છે.

ચીની સ્ટાર્ટઅપ DeepSeek Huaweiની ચીપ પર ચાલતું AI મોડેલ DeepSeek-V4 લોન્ચ કર્યું છે. કંપનીનો દાવો છે કે આ મોડેલ ગણિત અને કોડિંગમાં અન્ય ઓપન સોર્સ AI પ્રોગ્રામથી આગળ છે. આ લોન્ચિંગ ચીનની ઘરેલુ હાર્ડવેર ટેકનોલોજી તરફ વળવાનો સંકેત આપે છે, જે અમેરિકા સાથેની સ્પર્ધામાં મદદ કરશે. અગાઉના R-1 મોડેલે કાર્યક્ષમતા અને ઓછા ખર્ચને કારણે AI સેક્ટરમાં ધૂમ મચાવી હતી.

અમેરિકન પ્રમુખ ટ્રમ્પે ભારત અને ચીનને 'Gateways to Hell' ગણાવી વિવાદ સર્જ્યો, જેનું રૂઢીવાદી માઈકલ સેવેજે સમર્થન કર્યું. ટ્રમ્પે અમેરિકામાં જન્મના આધારે નાગરિક્તાના કાયદાનો વિરોધ કર્યો. જોકે, બાદમાં ટ્રમ્પે ભારતને એક મહાન દેશ ગણાવ્યો અને તેના નેતૃત્વની પ્રશંસા કરી, જેને વોશિંગ્ટને અણછાજતી ટિપ્પણી ગણાવી. ટ્રમ્પના નિવેદનોમાં અનિશ્ચિતતા જોવા મળી.

ભારતના રાષ્ટ્રીય સુરક્ષા સલાહકાર (NSA) અજીત ડોભાલ અને ભારતીય મુસ્લિમ સમુદાયના લોકો વચ્ચે વડાપ્રધાન કાર્યાલયમાં ગત 18 એપ્રિલે એક મહત્વની બેઠક થઈ હતી. આ મીટિંગમાં મુસ્લિમ સમુદાયના અલગ-અલગ ક્ષેત્રોના લોકો સામેલ હતા. આ બેઠક દરમિયાન NSAએ કહ્યું કે ભારતમાં રહેતા હિન્દુ અને મુસલમાન એક જ જહાજના મુસાફરો જેવા છે. તમને જણાવી દઈએ કે આ બેઠકનો ઉદ્દેશ્ય પરંપરાગત વોટ-બેંકના રાજકારણથી દૂર રહીને મુસ્લિમ સમુદાયના વિકાસ, શિક્ષણ અને ઉદ્યોગસાહસિકતાના ભવિષ્ય પર ચર્ચા કરવાનો હતો.

ભારત અને ઈરાન વચ્ચેના વ્યૂહાત્મક સંબંધોમાં એક મોટો વળાંક આવ્યો છે. સૂત્રોના જણાવ્યા અનુસાર, ભારત ઈરાનના ચાબહાર બંદરમાં પોતાની હિસ્સેદારી ઈરાનની જ એક સ્થાનિક કંપનીને વેચવાની તૈયારી કરી રહ્યું છે. આ નિર્ણય પાછળનું મુખ્ય કારણ અમેરિકા દ્વારા ઈરાન પર લાદવામાં આવેલા આકરા પ્રતિબંધો છે. ભારતની આ કામગીરીને મળેલી છૂટની મુદત 26 એપ્રિલ 2026ના રોજ પૂર્ણ થઈ રહી છે, જેને ધ્યાનમાં રાખીને ભારત સરકાર 'ઈન્ડિયા પોર્ટ્સ ગ્લોબલ ચાબહાર ફ્રી ઝોન'(IPGCFZ)માં પોતાની હિસ્સેદારી ઈરાની કંપનીને ટ્રાન્સફર કરવાનો પ્રસ્તાવ તૈયાર કરી રહી છે.

અમેરિકન પ્રમુખ ડોનાલ્ડ ટ્રમ્પ દ્વારા ભારતને 'નર્ક' કહેવા અંગે આપેલા નિવેદન પર વિવાદ વકર્યો છે. આ મુદ્દે મુંબઈ સ્થિત ઈરાની કોન્સ્યુલેટે ટ્રમ્પ પર વળતો પ્રહાર કર્યો છે અને તેમને ભારતની સુંદરતા જોવાની સલાહ આપી છે. ઈરાની કોન્સ્યુલેટે સોશિયલ મીડિયા પર 16 સેકન્ડનો એક વીડિયો પોસ્ટ કર્યો છે, જેમાં મહારાષ્ટ્રના બે વિરોધાભાસી અને સુંદર પાસાંઓ દર્શાવ્યા છે. એક તરફ મુંબઈની ગગનચુંબી ઇમારત અને હાઈવેની ચમક છે, તો બીજી તરફ પહાડો અને કુદરતી સૌંદર્યના દ્રશ્યો છે. આ પોસ્ટ સાથે ટ્રમ્પને 'કલ્ચરલ ડિટોક્સ' એટલે કે પોતાની વિચારધારા બદલવાની અને એકવાર ભારત આવીને જોવાની સલાહ આપવામાં આવી છે.

અમેરિકા અને ઈરાન વચ્ચે ચાલી રહેલા યુદ્ધમાં પરમાણુ હથિયારોના ઉપયોગને લઈને ચાલી રહેલી અટકળો પર વિરામ મુકતા અમેરિકાના પ્રમુખ ડોનાલ્ડ ટ્રમ્પે મહત્ત્વનું નિવેદન આપ્યું છે. વ્હાઇટ હાઉસ ખાતે પત્રકારો સાથેની વાતચીતમાં અમેરિકાના પ્રમુખ ડોનાલ્ડ ટ્રમ્પે વિશ્વાસપૂર્વક જણાવ્યું હતું કે, 'હું પરમાણુ હથિયારોનો ઉપયોગ શા માટે કરીશ? અમે પરંપરાગત શસ્ત્રો દ્વારા જ ઈરાનના સૈન્ય માળખાને સંપૂર્ણપણે તોડી પાડ્યું છે. કોઈએ પણ ક્યારેય પરમાણુ હથિયારોનો ઉપયોગ કરવો જોઈએ નહીં. અમેરિકાએ આ ઘાતક હથિયાર વિના જ ઈરાનની લશ્કરી કમર તોડી નાખી છે, તેની નૌકાદળ ડૂબી ગઈ છે અને વાયુસેના તેમજ રડાર સિસ્ટમનો નાશ કરવામાં આવ્યો છે.'

હોર્મુઝ સ્ટ્રેટ વિશ્વના લગભગ 20% જેટલા તેલનું પરિવહન કરે છે, જે તેને આંતરરાષ્ટ્રીય વેપાર માટે એક મહત્વપૂર્ણ જળમાર્ગ બનાવે છે. જો આ સ્ટ્રેટ કાયમ માટે બંધ થઈ જાય, તો વૈશ્વિક અર્થવ્યવસ્થા પર તેની ગંભીર અસર પડી શકે છે, જેમાં તેલના ભાવમાં વધારો અને સપ્લાય ચેઇનમાં વિક્ષેપનો સમાવેશ થાય છે.

Donald Trumpએ કહ્યું કે ઈરાન સાથે ચાલી રહેલા સંઘર્ષને ખતમ કરવાની ઉતાવળ નથી. વાતચીત લાંબી ચાલશે, અમેરિકા કોઈ સમયમર્યાદામાં બંધાવા માંગતું નથી. પરમાણુ હથિયારોનો ઉપયોગ નહીં થાય. સમજૂતી નહીં થાય તો હુમલા થશે. ઈરાની સેના પરાજિત થઈ ચૂકી છે. હોર્મુઝ સ્ટ્રેટ પર અમેરિકાનું નિયંત્રણ છે. આર્થિક નાકાબંધી 100% સફળ રહી છે.

પશ્ચિમ એશિયામાં યુદ્ધનો ભય વધ્યો છે. ડોનાલ્ડ ટ્રમ્પે Hormuz સ્ટ્રેટમાં તૈનાત નેવીને આદેશ આપ્યો છે કે, જો કોઈ ઈરાની નૌકા Sea Mines બિછાવતી દેખાય તો તેને નષ્ટ કરી દેવી. ટ્રમ્પે સોશિયલ મીડિયા પર પોસ્ટ કરી જણાવ્યું કે, હોર્મુઝના પાણીમાં સુરંગો બિછાવતી કોઈપણ નૌકાને ધ્વસ્ત કરવામાં આવશે. ઈરાનના રિવોલ્યુશનરી ગાર્ડ્સે જહાજો પર હુમલો કર્યો હતો. પાકિસ્તાન શાંતિ માટે કૂટનીતિક પ્રયાસો કરી રહ્યું છે.

પશ્ચિમ એશિયામાં યુદ્ધના વાદળો, Hormuz Strait પર વર્ચસ્વ માટે ટ્રમ્પ યુદ્ધવિરામ તોડી શકે છે. પેન્ટાગોને ઈરાની 'સી માઈન્સ' હટાવવા બ્લૂપ્રિન્ટ બનાવ્યું, જેમાં નાટો દેશો મદદ કરશે. USનું જોખમી ઓપરેશન, ઈરાનની GPS આધારિત માઈન્સ ગોઠવવાની વ્યૂહરચના. શહેરોમાં વિસ્ફોટો બાદ તણાવ વધ્યો, સાયબર હુમલાની આશંકા. Hormuz ની લડાઈ વિશ્વ માટે આર્થિક સંકટ બની શકે છે.

ભારતએ માલદીવ્સને ₹30 Billion Currency Swap ની મદદ કરી. આર્થિક સંકટ સામે ઝઝૂમી રહેલા માલદીવ્સને ભારતે આશરે 400 મિલિયન ડૉલરની સહાય કરી છે. માલદીવ્સની નાણાકીય સ્થિરતા માટે આ પગલું મહત્વપૂર્ણ છે. ભારત અને માલદીવ્સ વચ્ચે આર્થિક સમજૂતી મજબૂત બની છે.

અમેરિકા અને ઇઝરાયેલના હુમલા બાદ Mojtaba જાહેરમાં દેખાયા નથી. બે મહિના પછી પણ સારવાર ચાલુ છે. American અને ઇઝરાયલી સેનાએ અયાતુલ્લા અલી ખામેનેઈના કેમ્પસ પર બોમ્બમારો કર્યો હતો. જેનાથી તેઓ ગંભીર રીતે ઘાયલ થયા હતા અને ગુપ્ત જગ્યાએ સારવાર લઈ રહ્યા છે. તેમના ચહેરા અને હોઠ પણ દાઝી ગયા છે અને પ્લાસ્ટિક સર્જરીની જરૂર પડી શકે છે. હાલ ઈરાનની અસલી શક્તિ Islamic Revolutionary Guard Corpsના હાથમાં છે.

વૈશ્વિક શાંતિના પ્રયાસોમાં અમેરિકન પ્રમુખ ડોનાલ્ડ ટ્રમ્પે મહત્વની સફળતા મેળવતા ઈઝરાયલ અને લેબેનોન વચ્ચેના યુદ્ધવિરામને વધુ ૩ અઠવાડિયા માટે લંબાવવાની જાહેરાત કરી છે. વ્હાઇટ હાઉસ ખાતે ઉપરાષ્ટ્રપતિ જેડી વેન્સ અને ઉચ્ચ અધિકારીઓની ઉપસ્થિતિમાં યોજાયેલી બેઠક બાદ આ નિર્ણય લેવાયો છે. આ શાંતિ મંત્રણાનો મુખ્ય હેતુ પશ્ચિમ એશિયામાં સ્થિરતા સ્થાપિત કરવાનો અને લેબેનોનને હિઝબુલ્લાહના જોખમથી સુરક્ષિત રાખવાનો છે. ટ્રમ્પના આ મધ્યસ્થીભર્યા પગલાથી મિડલ ઈસ્ટમાં ચાલી રહેલા સંઘર્ષમાં મોટી રાહત મળવાની અપેક્ષા સેવાઈ રહી છે.

મધ્ય-પૂર્વ (મિડલ ઈસ્ટ) માં સ્થિતિ વધુ સ્ફોટક બની રહી છે. અમેરિકાએ ઈરાન સામે તેની સૈન્ય તાકાત વધારતા ખાડી વિસ્તારમાં પોતાનું ત્રીજું વિશાળ યુદ્ધપોત તૈનાત કર્યું છે. બીજી તરફ, ઈરાનની રાજધાની તેહરાનમાં મોડી રાત્રે થયેલા ધડાકાઓએ સમગ્ર વિશ્વમાં ચિંતા વધારી દીધી છે.અમેરિકાની 'ત્રિશક્તિ' તૈનાતઅમેરિકન સેન્ટ્રલ કમાન્ડે પુષ્ટિ કરી છે કે 'USS જ્યોર્જ એચડબલ્યુ બુશ' હિંદ મહાસાગર પાર કરીને ખાડી તરફ આગળ વધી રહ્યું છે.