હિન્દુ ધર્મમાં ૧૬ સંસ્કારો પૈકી અંતિમ સંસ્કાર મહત્વપૂર્ણ છે. આ પંચતત્વોમાં શરીરને પુનઃવિલીન કરવાની અને આત્માને મુક્ત કરવાની પ્રક્રિયા છે. ગરુડ પુરાણમાં અંતિમ સંસ્કાર માટે કડક નિયમો છે. મુખ્ય નિયમ મુજબ, સૂર્યાસ્ત બાદ રાત્રિ દરમિયાન અગ્નિદાહ આપવો જોઈએ નહીં. જો મૃત્યુ રાત્રે થાય, તો સૂર્યોદય સુધી રાહ જોવી પડે છે. રાત્રે દાહ સંસ્કારથી આત્માને કષ્ટ અને આગામી જન્મમાં શારીરિક ખોડખાંપણ થઈ શકે છે. સૂર્યદેવ આત્મા, ઉર્જા અને ચેતનાના કારક છે. સૂર્યના પ્રભાવ હેઠળ દિવસ દરમિયાન અંતિમ સંસ્કાર આત્માની શાંતિ અને મોક્ષ માટે અનુકૂળ છે.