મુખ્ય ચૂંટણી કમિશનર જ્ઞાનેશ કુમાર સામે વૉટ ચોરી સહિતના આક્ષેપોને પગલે કૉંગ્રેસે દેશભરમાં આંદોલન છેડ્યું છે. આ અંતર્ગત વડોદરામાં કૉંગ્રેસે ચકલી સર્કલથી પ્રદર્શન યાત્રા કાઢી કલેક્ટર કચેરી પાસે જ્ઞાનેશકુમારના પૂતળાનુ દહન કરીને વિરોધ પ્રદર્શન કર્યું. ચૂંટણી પ્રક્રિયાની પારદર્શિતા અને નિષ્પક્ષતા અંગે પ્રશ્નો ઉઠાવી, પૂર્વ કેન્દ્રીય મંત્રી ભરતસિંહ સોલંકીની આગેવાનીમાં નીકળેલા કાર્યકરોએ કાળા કપડાં અને કાળી પટ્ટી ધારણ કરી હતી. પૂતળુ સળગાવ્યા બાદ પોલીસ અને કાર્યકરો વચ્ચે ખેંચતાણ અને ધક્કામુક્કી સર્જાતા શહેર પ્રમુખ સહિત 47 કાર્યકરોની અટકાયત કરાઈ.